Brazil Vô địch Copa America Bao Nhiêu Lần - Bong Da Truc Tuyen

Pinakaunang DavNor Planning Summit, gipahigayon

Details Published: Thursday, 21 November 2024 12:45 Written by DavNor PICKMO (Nestor H. Mata, Jr.) Views: 31

Malampusong gipahigayon ang pinakaunangDavao del Norte Planning Summitniadtong Nobyembre 18, 2024, sa DavNor Gym, DNSTC, Mankilam, Tagum City. Ang kalihokan, nga gitambongan sa mga local government units (LGUs) ug national government agencies (NGAs), adunay temang“Sustainable Planning for Tomorrow: Innovating Pathways to Resilient and Equitable Development”.

Sa iyang mensahe, gipasiugda ni Provincial Administrator Atty. Ralph Dela Cruz ang kahinungdanon sa maong summit, nga naghulma sa mas lig-on ug luwas nga kaugmaon alang sa probinsya.

“We are setting the foundation for a province that is resilient, sustainable, and prepared for whatever lies ahead,” matud niya.

Gipadayag sab ni Acting Provincial Planning and Development Coordinator Engr. Maria Hazel Zafra ang kinatibuk-ang tumong sa summit. Sumala niya, ang kalihokan mao ang tubag sa hagit karon nga maoy nagtukmod kanila aron subling susihon ang mga plano aron matubag ang epekto sa climate change, gakadakong populasyon, ug ekonomiya.

Nihatag usab og mensahe si Governor Edwin “Kuya Gov” Jubahib, pinaagi sa iyang Executive Assistant Architect Lemuel Puerto, diin gihulagway niya ang summit isip lakang alang sa mas tin-aw ug organisadong direksyon alang sa probinsya.

“This summit ensures that the voices of the people resonate in every plan and policy, rooted in the true needs and aspirations of our communities,” pagbasa ni Puerto sa mensahe sa gobernador.

Si NEDA-RDC XI Regional Director Priscilla Sonido, nga keynote speaker, nagbutyag nga ang inisyatiba sa Davao del Norte usa ka maayong modelo diin iyang gilaraw nga himoon sa uban pang mga probinsya sa Davao Region. Gidayeg niya ang probinsya sa pagpanguna sa tibuok rehiyon pinaagi sa maong kalihokan.

Ang summit gimugna ni Governor Jubahib, nga naghulma sa kasaysayan sa probinsya isip usa ka inisyatiba nga maghiusa sa mga lider ug ahensya alang sa kalamboan ug maghatag mas daghang oportunidad alang sa mga katawhang Dabaonon.

Writer: Nestor Mata, Jr.

One DavNor Network