Brazil Vô địch Copa America Bao Nhiêu Lần - Bong Da Truc Tuyen

ICT Policy, CERT Team manuals gilusad sa DavNor

Details Published: Tuesday, 03 February 2026 14:43 Written by DavNor PICKMO Views: 2

Gilusad sa Probinsiyal nga Panggamhanan sa Davao del Norte ang Information and Communications Technology (ICT) Policy Manual ug Computer Emergency Response Team (CERT) Manual niini aron sa mas paspas ug episyente nga serbisyo.

Ang maong mga manual, lakip ang Business Process Flow and Detailed Procedures of ICT Assets sa probinsiya, gipresentar ni Vice Governor Clarice “Clang-Clang” Jubahib, kauban ang mga miyembro sa Sangguniang Panlalawigan, mga department heads sa Kapitolyo ug mga miyembro sa Provincial E-Governance Team, atol sa February Convocation Program sa Kapitolyo, kagahapong adlawa, Pebrero 2, 2026.

Namugna ang maong mga dokumento pinasikad sa gimando ni Governor Edwin “Kuya Gob” Jubahib nga Executive Order No. 65, s. 2025, “institutionalizing the ICT Policy Manual of the Provincial Government of Davao del Norte,” ug sa tabang usab sa Department of Information and Communications Technology (DICT).

Ang ICT Policy Manual nagtinguha sa pag-establisar sa comprehensibong estraktura aron sa responsible, luwas, ug episyente nga paggamit sa mga kahinguhaan sa ICT sa probinsiya, diin magsilbi kining giya sa mga tiggamit, nagtino sa mga lagda alang sa saktong gawi, data management, ug pagpanalipud sa mga ICT assets.

Katimbang niini ang pagpahimutang sa CERT Manual nga nagtumong sa paglig-on sa cybersecurity readiness sa probinsiya ug nagpahiuyon kini sa mga lokal na praktis sa nasudnong sumbanan ug mga mando.

Target sab sa Business Process Flow and Detailed Procedures of ICT Assets sa probinsiya ang pagsiguro nga ang tanang teknolohiya ug IT assets sa probinsiyal nga panggamhanan, sama sa mga kompyuter, software, server, ug uban pang galamiton, apil ang 22 key computer systems, mahimong mapuslanon, luwas, episyente ug aron dili mausik ang kahinguhaan sa probinsiya.

Kini nga mga lakang nahasubay sa K.U.Y.A.G.O.B. N.G. M.A.S.A Development Agenda ni Kuya Gob, partikularmente ubos sa Knowledge Management, Education, and Sports component, diin nagtumong kini sa pagpahimutang sa labaw maayong polisiya aron sa interoperability ug integration sa ICT aron mapalambo ug mopaspas ang paghatud sa serbisyo sa katawhan.

Sulti ni Provincial Administrator Atty. Ralph Dela Cruz nga kini nga mga dokumento nagapakita sa dakong gugma sa administrasyon ni Kuya Gob sa katawhang Dabaonon.

“Kining tanan nahimo tungod sa gugma sa serbisyo publiko (sa probinsiyal nga panggamhanan sa Davao del Norte)”, ingon ni Atty. Dela Cruz

One DavNor Network