LALHMINGMAWII - Rawnafanai

A rilru a thlawk kual nasa teh e….a thiannu kawm ber Masangi te in atang zing karah a rawn chhuak a….an tir tih hriat takin inhnuailama tute emaw thil ti…thingpui pe turin a chhuk miau si a. Chuvang chuan inleng chu a ni theiloa, an mikhual a nih loh chuan an awmpui thar tal a niang. Mahse awmpui atan chuan a changkan hmel angreng bawk si…Vanlala tukhum chu thak ta thut mai. A rilru buaina ber nia lang chu, Masangi te inah hian vawi tam a lo chuangkai tawh a, a chhunga cheng zat te lek lek chu a kut trang a elh khum nghauh nghauh thei ang. Mahse kha nula kha ala hmu ngai lo. Inchhunga tlanluha, Masangi text a, han zawh chian mai tak chu a nap a, mahse a zak ve deuh bawk si. Reilote tak tak, chu pawh chunglam atanga a zu hmuh…chuta karah…a hmel tak pawh a la hmuh chianloh….chuti em ema a han buaipui thar thut chu amah leh amah pawh mak a inti a. A chang leh a rilru te te in,”A lo chhe rap mai angah” te a tia, a nui leh ang vun vun a. Engapawh chu ni se, a hmuiah chithlum tah sakin a awm a, tunah chuan “chatuan sweet” pawh ni se, hmuam pil hmawrh a, seh keh nghal bawih bawih a duh a ni ringawt. A hrechiang chak lutuk.Hemi ni, an hnatlan ni pawh hian he a tleitiri chhar thar hian thingpui te, tui te a rawn sem kual thin a..chuvang chu ania, Vanlala pawh a thawh soh soh reng mai ni. Tunah chuan tunge a nih a hre tawh a, a hmel pawh a hmuchiang tawh a…a hmuh tirh phei chuan tha a ti lutuk hi a trap lo choh smile emoticon Lalhmingmawii a nia, ‘Amawi’ tiin an ko mai thin a.

Masangi te chhung niin, Keifang lam atanga Aizawla lehkha zirtura rawn awm thla a lo ni a. Vanlala’n a hmuh hmasak ber ni atang khan a ni 4 na chauh ni mahse, Amawii chuan a hriat hauh lohin Vanlala thinlung chu a lo ruksak dimdiam tawh thung. Hemi hma chiah zanah hian kohhran zaipawlin hla an zir a, banah chuan Vanlala chuan chhuanlam fahrah te te siamin Masangi chu an inah a zui hawng a. Hetah hian alawm “Vantirhkoh accident tawk” ni hiala mawi chu a hmuh chian tak ni. Hemi zan hian inhmelhriatna tak tak pawh an nei ve choh a, Vanlala’n a ngaihbel nge vawi hnih thum vel an mit a intawn trum khan…Amawii khan mitmeng nelawm takin a lo en let ve ziah niin a hria a. Tlangval pumpa a ni ve tawha, hmeichhia in an ngainat lemloh te an melh dan te chu a lo hre chiang ve khat tawh a, tawn pawh a lo tawng tawh pawh a ni fahmiang….hemi zana Amawii’n a melh dan hi chu chutiang a ni tlatin a hrelo. Nge nianga a lo inngaihbel kawisawi kual vel zawk. A enga pawh chu ni se, he nau hian Vanlala duh tin mai chu a nei in, a kawl kim biai hi a ni ngawt a. Amawii lah chuan an thenawm tlangval chu a lo dawi a zo chhe der tawh tih lah a inhre der silo.

Ni a sa bawk nen, hnatlang chhuak an thra in an thawkchak bawk a…hruaitute chuan karlovah chawlh an rawt thuai a. Chutih lai chuan Amawii ngei mai chuan theitui vawt, hnatlang te tana in tura an lo siam chu a rawn chawi thla ta hnap hnap mai. Vanlala chuan amah chauhin Amawii rawn chhuk chu a lo thlir bik hauhlo tih a hre hnuhnawh a, amah choh chu sawiloh mipa awm zawng zawng te chuan an lo thlir thrup ni ber hian a hria a, a engamah hma chuan a han thik nghal em em ringawt ah…mahse maw, Amawii’n a thil rawn chawithlak a sem kual laia Vanlala pek paha zawitea a thil hrilh sep, an nuih dunpui ver ver kha chu…chulaia mipa dang lo awm ho chuan hriat ve an chak khawp ang le…….

Vanlala chu, Amawii nen chuan “eng tin an awm ta e” pawh ni hlei lo chuan a lungdumi ngai chuan a kur zuih zuih reng mai a. An kawmthlang lawka awm an ni…trum dangah pawh a duh a nih chuan a zu lut thawr zel….mahse e, tunah zawng a dang ta. A chhunga chengte zingah khuan, khu in luh ti chak em em tu, mahse luh tir ngam tlat silo tu a awm tawh a. An veranda-a han dah ringawt te pawh zu han hreh tawh a male. Thil ni ve thei deuh mai a nia. Mi fate zawng zawng hi zei leh a chawn-ngo ho hmaa che dak thlarh thiama khuanu din an lo ni vek tlat silo a. Han dem ngawt pawh thil tihchi em em a ni dawn a maw ni le. Sawi telloh tha ka tih em em, sawi hmaih atana ka ui deuh tlat bawk si chu…Vanlala hi an bathroom-a a inbual hian a zai luah luah zel a, a thiannu Masangi pawh hian an in atang a lo hriat phak fo avang hian “Bathroom Singer” tiin a lo fiam fo tawh thin a. Tunhma te kha chuan a theng-a-thawngah a thawk hlawl lo, a chang phei chuan a runluih a..a thiannu Masangi hla duh deuh deuh tih a hriat te hi aw trial ruai ruai hian a sa lui vak vak zel thin kha a nia. Masangi chauh nilo, an thenawm khawvengte pawh bengchhet ni ta biklo chu…Vanlala’n a kal pelh changa biak pawh be taloa nui dir tlauh tlauh thin lah an kat nuk bawk. Hahthlak thin teh e. Mahse hetiang a nuam tih zawng te hi ankaa khapna awm hauh silo hian ti thei ta miahloa siamin a awm ta tlat bawk a. Thil chin thran han sim thut har zia chu kan hre vek anga, amah Vanlala pawh inbual loh phah ngawt thu awm hek suh….hmmm hmmm ti chunga a han inbual tlingtla thin kha chu fai lo ta viaua inhriatna te kha a nei lian thin a sin aw.

A lungdum-i ala tuai bawk nen, ani tuai lo zawk lah chhawhchhi hem hminloh ang hlauh…chhungrila a duhna te pawh ti lang ngam lo chuan ni tam chu a hel hian a hel fia fia hi a ni ngawt mai a. Chhuanlam tha lutuk avanga Masangi te ina chuankai a ngaih chang te hian a room-a a insiam thawm te hi a ngaiha ngaihthlak tham a tling tak meuh meuh awm a sin…eng rim rim emaw a rawn nam chhuak anga, a khat tawkin “shooooo shoooooo” tih ri kan hre deuh sek ang ka ring. Tum khat chu chutiang ang “Chhuanlam ruahthramloh” chuan ruahthimpui iangin a rawn nang ching leh ta rup mai. A va han phur teh e aw (‘aw’ hi thluk vang vang tur ) smile emoticon A thlenthlak chuan dar 8 dawn a ni tawh a, mahse a thil tih tur/tum te hmanhmawh vaka tihchi a nih loh bakah…a kalchhan diktak Masangi…. thil a tihsak tur bera pawh chu a lo la haw lo bawk a. Tlangval zei tak tan chuan duhthala insawi luh na hun chu a awm dawn chiang a lawm. Amawii te in (ti tawh mai ang aw) kawtah chuan a han chawl khawmuang det a, a mei zuk lai te chu a tawi tawh tehreng nen, a nervous ve deuh a niang…a la fawp lui tlauh tlauh a, sorkar phal chin pawh a fawp pel raih tawh. Tu emaw in lo hmu ta se la chuan… a kut tin a seh nuap nuap a maw a rawn ti hial ta ve ang…mahse a rawn khu ve leh laih thin a. A han inbih thuak thuak a, langtheiah pawrchhia leh thil mawilo a awm lemlo tih a han verify hnu chuan kawng a kik ve ta charh charh a. In chhung atanga rawn chhawn tu mai an awm siloh avangin a han kik nawn leh dawn a, Amawii chuan kawng a rawn hawng ta phut mai. Lehlam hawiin lo kik vel sela chuan a threnthruais-i chal chu a kik lauh lauh pek ang chu. Mahse chutiang em zawng a thleng lo naa…feet 3 bial chhunga an vawikhat indin chilhna a nihna erawh chuan a tilai chem chem khawp mai. Ani Amawii lah chuan eng sawi lo chuan a nuih ang sen sen ringawt leh nghal a. Vanlala tan pawh han luh ngawt dan tur tactic a vang ve em bawk a ni. Mahse mipa akarah upa zawk te a lo bawk a, a tihtur chu a hai bik lo…

Amawii hi kum 20 em pawh ala kai lo nain, chaw a heh lutuk nge smile emoticon khuanu malsawmna a dawng chak bik pawh va hriat suh. A hleitling ru zuah mai a. A target smile emoticon smile emoticon pahnih te pawh nula senior uaithla lam ta tiat thruau (mahse a tha leh kawh lah chi) an ni tawh tih chu hai leh hmuh thelh luih a har thin khawp ang. Tunah hian Cl-X zir chhunzawm turin a pu te hi a rawn bel chawt a ni kan tih tawh kha. An school lamah pawh pawl hran din thei tur hial khawp ngaihven tu a nei tih pawh a inhre ve reng. Mahse tumah a uksak ngailoa, amah hi mi tawng tam leh ri bawrh bawrh chi a ni lemlo bawk a, “a ngur nun a iang e” han ti chiam pawh ni ila, a awm tho a sin. Hmelah leh miziaah a qualify miau sia lawm. Aizawla a rawn chhuk thlak dawn lai vel pawh hian an khaw lamah chuan ngaihzawng ve angreng deuh (tetlai ngaihzawng) chu a nei ve tho a. Mahse hetiang hunlaia kan ngaihzawng te nena kan awm dan te kha chu tun in hai bikin ka ring law…sawi hrep pawh ka tum loa, ka phur tehchiam heklo. Aizawla a rawn chhuk tirh hian zep loah chuan a lung te chu a leng ve thin em em a. An khaw lama a thiante bakah a “thiante” dang te pawh a ngai ru ve veng veng thin. Mahse khawpuia a han awm rei deuh hnu chuan nitin mai thil thar tawng reng ang a lo nih bakah, a beisei loh lutuk in a thinlung nghawrnghing dat thei khawpa a mit tlung a hmu fuh tlat mai bawk sia. A lunglenna hlui te chu kalsanin lunglen dan thar chu a zir chho ve mek zawk a lo ni ve reng a. He a “thinlairil” pa hian a rilru hi a luah hneh khawp mai a, naupang te ni mahse hmangaihnaah chuan kum bithliah chin va awm hek suh. A chanchin te pawh a theih ang tawk tawk chuan a ngaiven ru ve thin a…Hmangaihna kawng la zawh thuilo tih takah hma han lak dan tur erawh a baihvai ve chiang thin khawp mai.

Chawlhni ah hian tu khaw kha hriat lemloh hian hmuh hi a tum ru ngei ngei thin a. Biakin a kal dawn pawn, a hmuh beiseiin “an” in step chho, ulh deuh maiah chuan a kal deuh kher thin. A vei bera lah hian rual pawl nuam a ti ropui si a, an veng nula dangte nena an han awm hoa an nui ho dar dar lai a hmuh fuh te hian….a thin hi a lo rim ru ve hlar thin a, mahse eng a ti thei chuang silo. A rilruah chuan midang te pawhin an pahniha an rinhlelh theih nana engemaw tak tih hi a duh thin em em a, han hauh deuh dan a ngaihtuah a nih ber chu…hetiang lamah hi chuan a lanu zawk te hi a fing var zawk an ni chawk a nia. Chutiang hun a lo zawn ngar ngar chu ni khat chu a hmu fuh ta hlauh mai. Mahse a thil tih tum chu ti ta se..thenkhat chuan an ngei anga, thenkhatin an thik anga, thenkhatin zaktheilo an ti dawn tih pawh a hre reng. Amaherawhchu, chutiang rilru ho zawng zawng leh hepa a duhna hi a han buk chhin vel pawhin a inrih hleih thin si a…tih tlang a tum ta rawih ani. Apu te rawra thiara inhlawh KTP hnatlang ho hahchawlh laia a pi in theitui sem tura a tih chiah chuan rang takin a chhuk thla a…enge maw tak a tih a ngai tih hre ran mahse, han chet vak dan tur erawh a bangbo na ngang mai. Mahse a zawn a va thlen a, a theitui sem “alo” ban ve chiah chuan zawi te hian “a vawt teh mai a nia aw” a han ti ringawt a… a bak sawi tur hre hek lo-i….mahse chutia a sawi zo chu Vanlala chuan nui sung chungin a mitah a lo en reng a ni tih a hriat chuan a nui ve ta ver ver a. He mi ni tluka a hlim hi, a christmas lo hman ve tawh zawng zawng ah hian a lah neih ngai pawh a hre lo hial. A thil sem zo stepa a chhoh lai chuan a mit sirin a zu en leh relh a..a lo en reng tih a zu hmuh phei chuan a chhungril hi a nuam veng veng ni ber hian a hria a. A rilru te te in, a tum a hlen avang chuan a lawm em em a. Ti kha chuan miin rindan tawk an thiam tawh ngei ang a ti rilrua..hlawhtling a inti ve hle mai…..Pakhat tawng tlem leh mize zawi tak, pakhat lah tawng bawrh bawrh leh nui huau huau reng….han inkhak chho vel ta se, hringnun lamtluang puiah hian, an ke chheh rual ve thei tak ang maw!!!!!!

Vanlala chuan zah pawh dawn lo in,”Amawi, nangmah chauhin elaw i awm” a ti thei hram a, mahse Amawii’n a chhan hma chuan Masangi nu chu room lam atang a rawn chhuak a,”E Vanlal..ilo kal elaw…lo lut rawh lo lut rawh..Amawii khan i lo luh a phallo a mi…ngatinge ni? I chanchin sawi hleka a beng a chhit ruk nasat theih tehreng nen” a rawn ti ta piap piap mai a..a rawn nui sung leh nghal a…chumi a sawi zawh chuan Amawii chu a lai tih hai rual a nilo..nui suk pahin Vanlala chu a melh a, thutna lamah chuan a pheisan ta daih a. Vanlala pawh chu a lai tih mai a ni tawh lo…a hamhaih ti ila a rilru kan suakchhuak dik zawk mah in ka ring. Khatiang teh hluai kha a beisei lo lulai em bawk ani. Ama “boruak” bik te emaw a tih kha helam lamah pawh an lo “boruak” pui ve mauh mai chu a ni sia. A ngaih chu a ti tha…a rilru pawh ni 10 vel inbual tawh lo…khawlum laia tuivawta inbual zo hlimhlawl ang sara fresh in a awm. Mahse mihring reng reng chu thil tha pawh, thil thalo pawh..hnunglam atanga sa han inbarh thawr hi chuan kan lo hamhaihin kan phu zawk fo thin lah tak a. Hetia “lo lut rawh” an tih mawlh mawlh hnu pawha an kawngka repair sak tum niawm hrima kawngka bianga a tan tlat na chhan te pawh hi a awm ho hi chuan chhungril tak chuan an hai hauhlo ang

Amawii’n lo thlir bawk, a pi in lo thlir bawk…Vanlala… mi zak mawh ve tak hi helaia hmeichhe pahnih hmaah hian zu han khu ral trep a mawle. In chhung te chu a lut ve mai a, mahse a inngaihbel nge…a kal te chu a kal he tlun tlun in, a chakai kal vel ni ber te hian a inhria a. Mahse Amawii pi hi rual pawl thiam leh mi ning khawng man zung zung thei khawpa nu fing a lo ni hlauh a. “Amawi, Vanlala kha thingpui va lum teh… tun hnaiah hmuh tha leh lenna tha a chhar thar a niang, a rawn lan khat em mai hi. Thingpui kha han lum thawr mai la..mi pangai a nih chuan a thu rei ve mahna….a tia a nui suk suk a. Vanlala lam hawi chuan “nangpawh Vanlal engemaw i hriat ni..nidanga i rawn luh lema i rak nasat theih nen. I zak ve deuh a mawni le” tih pah chuan a nui ang huah huah lehnghal a. Mahse a hmaa an lo infiam dan te a nih avangin chu chuan Vanlala chu a ti tlangnel sawt thung a. Amawii pi (Pi Sapi kan ti tawh ang) chuan Vanlala chu a lo be lumlam luam a. Mahse hna te kha i thawk tawh em? tia a zawhna chu Vanlala chuan chhan hrehawm a tiin chu zawhna lungmawl te chuan a thinlung hi a fan ngaih mai a. Hreh taka a chhan zawh rual chuan Amawii pawh choka lam atang a rawn phei a. Ih e..a ni zawng, a la tleirawl bakah tawng tam chi a nilo kan tih tawh kha. Chuta karah a inleng vawikhat neihna a nia, a thingpui rawn chawiphei lai nge Vanlala rawn lut lai kha hmuhnawm zawk ang le tiin Pi Sapi hian duh ngat se chuan, a lo tehkhin kual thei chiang khawp ang.

Pi Sapi hi chu awm kher lo sela chuan Vanlala hian inla zei chawpin emaw..inla zaktheilo chawp chung chungin Amawii hi a biak ve ngei a rinawm. Mahse kan thianpa pakhat inla zei lutuk ang kha chu a ni em lo turah ngai ila. A ni zawng kan vawi khat lenpuinaah chance pein kan chhuahsan diak a (Khatiang han chhuahsan deuh nalh chin hunlai a awm ve kha, hre phalo in tam awm ) Mahse kawngka kan khar chiah chu, a kaw awm zawng zawng ah chuan kan spiderman nghal thrap thunga, kan chhuak fel ta tihah chuan kan thian pa chu (a hming hi ka sawi chak lutuuuukkk) a thiani thar lamah chuan an leng phei nghal deuh dawrh a…a dara kuah pahin,”Khawnge….kan fawp te’ng che” an ti thawr mai chuh….keini lam insum thei a ram kan awm tawh lo…kan zinga pakhat insum theilo fal chu a nuih nasat a leiah kawngka chu (a chhung lampang zawnga hawn) a nek hawnga, a’n lum lut tawl mai ah..inbihthla nasa ve a sin. Mahse maw, Vanlala ai chuan a hlawhtling tho tho..khatia kawngka a inhawn chiah khan “Hlup” tih ri kan hria a, a bak chu kan thianpa mengrum hmel kha ni tawh mai. Kan tlanhaw san tawp…vawi khat pawh kan lenpui leh tawh ngailo..mahse tunah chuan an innei daih tawh…luau mai a…. Vanlala te erawh chu, tun dinhmunah chuan thil a khawlhkham vel vek tlat mai a. Beram…a hmul mettu hmaa ngawi renga a ding an tih ang deuh khan a hmui chu a chip vei hman reng mai ani. Ani Amawii lah, nula dang ang te chu ni se, a inleng tih a hriat chian ve em em te chu a lo be ve seuh seuh tur a nia…mahse a inleng vawi 1 neih ve na tak tak alo nia…vawi hnih khat a nuih suk pawh kha titha a lo inti nasa mai hi a lo nia. Khua avar lo tlang dawn teh mange. Sawi tur hi a awm hlawl lo a ni, Amawii pawh chu Vanlala thutna thuthlengseiah chuan rawn thu ve ting tang mahse, Pi Sapi’n a khat mawi tawka Vanlala a rawn biak leh zeuh changa lo nuih ve vur vur bak tih thiam a nei loa…lo thiam pawh ni se, a ti lang ngam kher lovang. Chutia han awm ngawt zawng a dik a tilo ve deuh ngang a niang, chubakah Amawii biak na chance a awm thei dawn nia a hriat avangin, a hmaa Vanglaini phek lai lama crossword chu a bih vei ngur ngur a…chutah hemi zan bik atana an biahthudi inhlan theih sang ber chu hlan nghal hnapin,”Amawi, pen min lo lak teh a” a ti thawp sat a. hahahaiiii…….

A kal chhan ber Masangi te lah Bial Zaipawl in hla an lo zir rei nek bawk si…dar 10 dawnah a rawn haw ve chhek chhek a. A rawn haw meuh chuan May thla chhunga chhuak Vanglaini-a crossword zawng zawng chu an lo thai hman diam tawh. Mahse hetia crossword an thai kan han tih hian, kan dah hniam viau mai thei a, a fuh ve riau a sin. A khat tawkin Vanlala chuan chhanna a hriat reng, tlema awl deuh te chu Amawii chu an zawt zeuh zeuh a…a ni pawh zak teh mahse mi a nileng a ni bikloa, a zawhna rawn bih pah chuan, a rawn tawlh hnai ve hret hret zel a. Masangi lo thlen meuh kha chuan chal insi deuh thaw in crossword kha an lo bih dun in…taksa insirialin an lo thudun thei tlat. Hlawhchhamna hlawhtling a va ni teh lul em. Zan khatna atan chuan tawng sang an inti dun ve khawp mai. Crossword thai paha chhanna awmang lo deuh an han sawi chhuah changa…. nuih har har paha an han inmelh leh relh thin te khan, Pathlawi anka nem zanthum chham tluka tam chu thu a sawi ve hial awm a sin.Masangi pawh hian an boruak hi a man rukna a rei tawh a. Diktak chuan Vanlala hi a hriatchian leh a thianpa ve ngawih ngawih a nih avangin, hetia a nau nena an han inhmel duh te hi, a ruk tak chuan a lawm em em a. Mahse mi-a a ni bikloa…lo tih hawrh emaw, a nau zuar ang thawthanga tawngka lo cheh kha a tihloh tawp tur a ni tih a hre ve kar a. Hetia a hla zir bang a rawn haw pawh hian, Amawii chu an ko hrang nalh a, thil trul lo takah an tir zui a. Vanlala tan chuan chi rawt lung lak lawka, a chala vawm chawrh mai pawh a chakawm rum rum hial ta ve ang. Masangi rilru hre miau heklo le. Hetiang lamah hian ngatinge hmeichhiate hi an fin em em a, thil hi an man zung zung theih thin le…mak ve tak chu a ni. “Hmeichhe finin tuikhur ral a kailo” te an lo ti thla rawk a…keichuan hmeichhe fin hian van thengreng a zuankhum ka ti ve tlat..lo lawm hluai lo ula, in ni vek kherlo a nia

Masangi computer chu a siam sak mawlh mawlh a, a tum ber chu zawh thuai thuai a, Amawii kianga hun tlemte hman chu a ni. Mahse Masangi, ngaihzawng lo nei sil threm thrum tawh chuan an inkar boruak chu, a tawk tea lo chalai dan a lo thiam nasa chu niin…computer a siam zawh meuh chuan Amawii chu hmuh tur a awm tawh awzawng lo…a room pawh a thim riai tawh. Hemi trum ang em ema Masangi a ngei hi ala hre ngailo ang. Mahse anmahni tana tha zawk tur vek a ni tih hria se la chuan tum luau chungin Masangi te in chu a chhuahsan lo tawp ang le. An in stepah chuan zawimuangin a chhuk a, thil a ngaihtuah muk ngei mai. A thiannu Masangi hian a lo ngaizawng ru ve reng anga, “a thik avangin heti hian a ti ta a niang a” tih thleng thleng ten a hawlh kai hman male. Meizial leh kuhva an siam leh te te a. An in lam pana a chhoh dawn lai tak chuan, tukverh inhawng ri rak thawm hi a hria a. Cowboy hunlaia Suddena kha chu nepte….a inher zawr mai ani…a rinloh em em maiin Amawii chu a rawn dak heu mai a. A rawn hui lauh lauh lehnghal a. Helaia tukverh hi a hnuaia step atang hian a sang hran lo nain, hniam zawk zawk chu a ni hauhlo. Thawm dim em emin Vanlala chu a tlanlet a…a hnuai atang chuan aw zawi te hian,”Enge” a ti thawp sut a. Amawii lah chuan,”lo awm lawk” tih leh inchhunglama pilbo san chu a rual leh daih a. A mik a mak a manlo chiang ngei mai. Mahse BOSS in ‘Lo awm lawk” a ti miau a, tlaivar pawn a lo nghak mai ta lawng..mai mai salaa

Rin ai takin Amawii chu a rei reuh phian a, minute 5 tha zen zawn a liam chuan lehkha hi a rawn hum trat trat a, a rawn vawm thla nghal zauh a. Vanlala chuan love letter emaw tiin inla zei fahran chuan a’n vei nuih deuh sak a, a thinlung zawna nem pah chuan, “inah ka chhiar nghal ang” tih leh kal chu a rual leh ta nghal mai a. Amawii rilru leh remruat dan a lo ni awzawng lo a niang chu, “Vanlal…. ( a hming pumin ) smile emoticon in-a chhiar tura ka tih a nilo” a rawn tih meuh chuan kan tlangvala chu a ding chiang teh e. A hlim lutuk zuang lai pawh ni se, boruakah a tawp chat ang tih vel a ni….amah Amawii pawh en lem rihlo chuan lehkha chu an phelh a, “Thu hrilh tur che ka nei a, mahse ka tawng ring ngam siloa” tih ringawt hi a lo inziak a. Ummm hei zet zawng a hre thiam ve alawm…in la sipai deuh auh chuan a her vuta..Amawii lo dahna tukverh zawnah chuan a theih ang ang in a in ham chho a…karlovah hmaichhanin an inmelh ta ran mai. Thla lah chu a eng no vei phian lehnghal a, chhum in a rawn hliah zauh zauh tihlohah chuan a engin… Amawii hmel a han chhun paw vuk mai leh, a heh sen hler mai…thisen insiamna hmunpui emaw tih mai tur khawpa sen no chek chu a rawn cheimawi sak ni mai hian a hriat a. Vanlala chuan a position remloh zia leh, a inhamtanna beitham ziate chu tilang lo hram hram chung chuan,”Enge min hrilh duh chu” an ti nghal thawr a. Ele hriat chakawm ve deuh tur a sin. Amawii pawh a sual thiam ve reng reng, Vanlala inhamtan dan tur vel hi chu a hisap thiam vek dawn tih chu hai rual a ni lo a…a’n tawng lawk duhloa…”Thla khi a mawi tiro” te a han tikual vel a..A ni Vanlala chu thla chu en tumin han inher vaih teh se..A hnuai stepah chuan “AWK” a ni mai…a kut trang te chu a rukin a sai ngar ngar tawh. Mahse tlawm a tumlo

Tawng a han tum leh chu, pangai taka tawng a har ta tralh mai. A tha zawng zawng tehmeuh sawm khawmin vawnchhan awm lo ata vawnchhan siamchawpin a uaitang ve hram hram a ni a. A hah lutuk chu a sen trawn trawn chiang khawp ang. A tawng chuan a hahna te chu a puangzar dawn a ni lek si a…normal tak anga lan a tum ve tumhrang bawk si nen..a tawpa tawpah chuan, sehchilh deuh nawk leh thaw ip nasa tih hriat deuh…mahse nem vei hlawi chung si hian,”Amawi, enge min hrilh duh chu” a ti thei hram a…Amawii lah chu a lo nui dir kiah kiah tawh mai lehnghal a. Vanlala hrilh a hai teh e….Mahse a khawngaih ve ngang tawh a niang, “Vanlal, tuna i rawn lawnna leh i inhamtanna kha a hrehawm zia ka hriat loh i ring a mi. Tunah hian pawnah chhuakin hnuailam atang i mawng poh lah leh i mawngkaw tha han insang mar vel tur hi ka hmuh chak zia hi” a tia a nui leh ta ngat ngat a. Vanlala uaina fulo chuan rah a rawn chhuang tran takmeuh tawh a. A thil vawn lai te chu a pelh dawnin a hre tawh a ni…chhukthlak phawta lawn that leh tuma rilru a siam lai chuan Amawii chuan an purdah chu a rawn hlim kiang dawrh a…iron rod lo inkham thruau chu kawh hmuhin,”Helai hi lo vuan mai rawh, ka khawngaih ang che” a rawn ti thei hram a. Nuih za si, nui ri ngam tawh bawk silo chu ani pawh, khum chunga awm e tilo chuan a lo hah ve treuh tho mai. Chutia vawnchhan remchang a hmuh takah chuan rang takin a han chelh vat a. A hah lutuk thinrim nge…a duh lutuk insum zolo pawh va hriat suh…bar karah chuan a kut dinglam chu a rawlh lut a, zahna chu khawilam….bagha velah a awm ka ring rih….Amawii tukhumah chuan a vuan a, a kuai hnai dawrh a…rod inkarah ngei mai chuan duhthawh tawk hian an fawp thut mai ah…Amawii chuan a tirah chuan a chhang mai loa, a hamhaih nge a duhlo pawh a hriatloh. Mahse Vanlala chuan a fawh luih tlat avang chuan a chhang let ve ta a. In kiss a zeiloh em avang chuan atira a rawn chhang mailo pawh kha Vanlala chuan a hrethiam kuarh kuarh a.

Amawii hi zokhaw lam deuh atanga lo awm tih takah, a duh ang leh khawpuia mite neih ang zawng zawng te a neih ve theihlo na chin a awm a. Mobile phone te pawh nei ve thei tho mahse a awmna (Pu Lala te) chhung bakah a U Masangi’n, “lehkha zirlai te i nih bakah, tunah Cl-X exam tur i nia. A pawimawh ropui sia, mobile hi chu nei lo rih phawt mai la” alo ti ve lehzel bawk sia. Ani Amawii tan chuan han hnial theih a ni lo a, hnial ngam chi pawh a ni lova tin, mawi pawh a mawilo hial awm e. Chuvang chuan Vanlala nen pawh an in contact dan khawvel a zim em em mai a. Han inhmu zauh tura in text zeuh ang chi te theih ve hekloh le….an inhmuh khat phah reng a. Landline a in phone trut thu awm hek suh. Pu Lala te chhungkua in ngaihdan tawk an lo thiam ve tawh bawk si…landline in zu call ta vaih se, “In nau Amawii kha ka ngai lutuk a, be lovin ka awm thei thlawt siloa, ka lo be hram teh ang” tihna ang thawthang a ni mai dawn a. Chuvangin landline chu,”Out of the Picture” ah i dah phawt ang aw. Mahse a rawn “Out lo” leh thut ve thei bawk smile emoticon

Hetiang te a nih deuh nuaih avang hian Vanlala lungleng hian, Amawii lo chhuah fuh hlauh changin, an veranda hi a han ngaina thar em em mai a…spot duh bik lai hi a nei roh lehnghal a…a spot laia a railing ah chuan a kiu thla ang deuh hian a khuar hnum hlarh tawh mai mawle. Mahse hetia a tih hian, a lo-thlawn reng ngai biklo tih kha lo hriat pui ve hram hram ula, Amawii pawn Vanlala khawsazia chu hriaiin, a theihna apiangah hi chuan kawngka rawn pelh hi a tum ve em em ringawt mai a. Dawr kal te kha a phur thei asin. Dawr a kal dawn tawh hi chuan Vanlala hi an signal zauh a…a ni lah fiiiing!!!!! Mahse a dawrkal hi a rei theih thin em avang hian an tir tha duh ta lo hlauh mai pawh a. Pawi teh a sin. Chuti chung pawh chuan, Amawii pawh chu kawngkaah chuan a pawng hian a rawn pawng zawk zawk hi a ni ber mai ti ila, kan sawi sual tlem lutuk em em tehchiam hran lo turah i ngai chhin ila, a dikloh leh tu ma thiamloh a ni chuang lo smile emoticonAmawii Pu te hian len hi an phallo a ni miahloa, mahse zirlai a nih bakah a la naupan angreng avang hian, “ziak loh danah” len deuh reng kha a mawilo ve tlat mai bawk si a. Chuvang chuan engtik lai mai pawh hian a rawp hian an inrawp hiam hiam reng mai a ni. Ka ngaihtuah chhin mai mai hian, hun remchanga an inmuah te hian, an hnar te hi an inhmuam pil sak pawk pawk duh hial ta ve ang ka ti hahahaha.

Mahse maw, khuanu hian, he khawvel a hringmi te zinga vawrhlar a tum ber te zinga a mi…”HMANGAIHNA” …heti fakaua “Follower/liker” tha, silent reader mai niloa, comment deuh mawlh mawlh reng mai a han neih takah chuan, an tana thil engemaw tak tihsak a duh ve te pawh a ni mahna le. An branch KTP chuan Blanket suk hnatlang, Tlawng luiah a ko ta rep mai. Hetiang bak bak kan LOVEBIRDS te tana truan leh manga ta smile emoticon hun rangkachak a kara pheichham man hi a awm leh thei dawn a mi???? Mihring hi phur lutuk avang hian “Lungphurah” hian chan theih tak tak ta ang se lang chuan…. Vanlala chu “Phuntriha”. Mahse sawi leh sawi hnu, information exchange lampangah harsatna an tawh tlat avangin an duh angin thil han sawi dun emaw, rem han ruat vel a theih tlat silova. Awmhmunah hian an phur dun ve em em ringawt mai ani. Tlai khat chu Amawii chu dawr kal turin an tir ve leh mauh mai a. A tir tu lah Masangi alo ni lehzel nen, engang pawn lo rei ta se..Vanlala’n a sawi fel sak thei dawn tih a hriat vek avangin a thla a muang angreng a…. a inchei ru deuh mawlh mawlh a. Tlai lampang a nih avangin Vanlala pawh a spot ah a awm a han ring thla ngawt a. A room a chhuahsan dawn chuan ring herh dawn hian darthlalangah chuan a va inbih leh hram a…ummm… a lung a awi e. Mahse pawn a chhuah a, a thaibawihmama te in a han hawichhoh meuh chuan, a spot chu a lo ruak hiai mai a. An verandaah chuan an awmpuinu, hmel tuihnang lo ve fahran hian, a hmel tihchhiat belh tum ni awm fahrana tum deuh buau hian thawmhnaw a lo zar mual mual a. Amawii chu a sa ngei mai.

Enge a thinrim chhan ber pawh chu a hre chuanglo. Vanlala pawh han dem ngawt thei a ni bik silo. A ni dawr kal hun tur kha engtin mah lo hriatlawk theihna a neiloa, chubakah engtik lai pawha verandaa dak reng thei a ni bik lo a, a tan pawh a peih awmlo anga..a mawilo thei bawk ang tih te chu a ngaihtuah chhuak zung zung naa, a thin chu a rim tho. A ngaih vang leh inhmuhna chance tha lutuk an nei dawn tih a hriat a kara, a hmuh duh ber a lo remchan leh loh tlat vang te pawh chu a ni ber mahna le. Mahse hmana Vanlala’n a thil lo hrilh a hrechhuak zawk mai…chiang deuh zawkin an hawi chho a…an awmpuinu hmel phingphihrit zet chuan a lo melh let hru naa, a hmuh duh chu a pawimawh em avangin ( a tan chuan) engatan mah a ngailo lui ve tlat a…chutah a thil zawn chu a lo awmlo ngei tih chu a han hmu ta hlauh mai. Tunah chuan Vanlala awmna diktak chu a hreta. A thil han zawn pawh engdang nilo in..Vanlala inkhelh BAG, an verandaa a khai thin chu a ni. Vanlala’n.. hman deuhah fiamthuin, “Ka inkhelh bag ah hian ka inkhelh mawza hi ka dah tel thin a, a rim hi a strong deuh thin a niang..ka nu in pawnah a knock out a” a tih paha a nuih huah huah lai chu a hrechhuak a…a nui suk a. Hmanhmawh takin kawngpui lam a pan a…mahse dawr lamah a kal ta hauhlo.

A inkhel zo chu Indoor stepah chuan amahin a thu a, mei a zu khu tulh tulh a…(Fit chu har awm) mahse a suangtuahna chuan a taksa hah chu damdawi tha mi a pe ta emaw tih mai tur hian…a hah thikul thlan tui far pawh ni lo…a haw-a haw zawih zawih karah chuan a rawn nui chhuak leh suk thin a…a rilru a kal ding em avang chuan a hmaa mi lo ding reng pawh chu hmu lo chuan a kun a, a nui vei tut tut ringawt a. Chiang fek fawk a,”Mi nghah i nei a mi a, i va han hlim hmel teh sawng ve” chang deuh faka hmeichhe pakhatin a rawn tih thut takah chuan a phu deuh zawk a. A dakchhuak chu a thinlai ril chhungril bera a-khru-to-the threnthruais-i smile emoticon lo ding a han hmu thut chu a beisei lo lutuk nge, a rawn biak dan khan a rilru a lapeng tih pawh hriatloh chuan ngawi reng chuan a melh reng ringawt a. Amawii chuan,”Helaia mi hmu chu i lawm tehchiam lo a niang maw, helai thleng thleng ka lo thlen theih i rin loh avangin..lo inti zalenin, midang ilo nghak vel a ni maw…ka kal phawt ange..lo innghak ru” a han tih meuh chuan, “Ui riltram saruh hmu” ang mai chuan a zui hian a zui nghal ruak ruak hi a ni ber a. “Chutiang lam a nilo…tumah ka ngaihtuah lo…helai thleng thleng ilo kal ka ringlo lutuk a, ka mak ti lutuk…. ka kha a chih vek alawm…nichin pawh khan nangmah a lawm ka lo ngaihtuah…Pathian hming pawn ka sawi ngam ang” tih mawlh mawlh pah chuan a um thla rawk rawk a….Amawii’n a rawn chhan dawn chiah chuan Vanlala chuan nichina a thutna laia a phone kalsan chu a hrechhuak a, a han let leh thut mai bawk si…a rawn chhukleh chu a beisei phak bak bak aia rumin Amawii chuan a lo melh tro mai tih a zu hmuh chuan, thil a in kheng kawkalh zo nuaih dawn tlat niin a hria a…Amawii han tihlawm mai na turin a thluak, a thinlung, a dangmawn leh a lei ten anka ruahthramloh han chhah chhuah mai tur an hre mawlh silo a…a tihngaihna hrelo chuan Amawii chu a hnung lam atang chuan a zu pawm vei ngawt a…

Diktaka sawi chuan Amawii pawh hian a thinrim chhan tak hi….a tin zawng zawng seh ral raih pawn han ngaihtuah mahse a hre bik miahlo ang. Mahse a thinlung chhungah hian thinrim chakna hian a kam vei ul roh bawk si a. Khatia hmanhmawh leh hah lutuk a, Indoor stadium (An in a tang hian a hla vaklo) ava pan lai pawh khan a kam ul tu chu la awm tho mahse, Vanlala a hmu dawn a…a bulah a awm thei dawn a ni tih hriatna chuan tlemin a rilru thim chhah lutuk zualpui chu a han vai eng deuh tak naa….Indoor step-a Vanlala lo thu ahan hmuh chiah khan, a thin a han rim leh phut ta tlat mai kha ania. A lunglen lutuk vang nge, a tira a duh ang leh beisei anga thil a kalloh vang nge…a pangchan ve chak hrim hrim…tu falu bawk hian nge va hre tawh bik ang…mahse a thin a rim miau mai si a. Amaherawh chu, kan hriat a tana tha ka tih em em chu….a thinrimna hi sazu thang, uluk theihpatawpa kam ang chauh a ni a….engtin emaw tak….tawh hlek chuan per nghal pawp thei a ni…a per tawh erawh chuan, a ha rual mawi tak te chu zing ni chhuak iangin a rawn inlar leh siar siar anga…a mitmeng tur deuh ngun te pawh chu, rose par…a vanglai hun hmang mek…ruahsurin a len fai sar…ni sa rawn chhuakin rosepar-a tui la chambang te a rawn en tlen set set ruala a mawina rawn parchhuak ang mai hian, hlimna avangin an rawn meng de leh ser ser dawn tih a hriat reng mai bawk a. Mahse kan Vanlala hian a cheng chu hmet per fu thei tak ang mawle. Tunah rih chuan, a inkhelh kawr haklai…a thlanin a tih huh zawr hnup ha chungin a rawn pawm vei chut chu a ni rih sia. A “CHENG” chu a hlat hmel rih ngei mai.

Amawii chu an in lam pan chuan a kal vei nghang nghang tawh a…Vanlala pawh chuan, khawlaia mi mitmei veng deuh si…a duhtaki bula hun rei zawk hman a, remchang an hmuh khat em em, duhthawh leh am taka inkawmna hun awm thei tur chu chan hlau em em chung si chuan a umzui ve hlawk hlawk a. A auh pawh chuan pakhat-i chuan hawilet tange tih zai reng a rel duh chuang silo. Diktak chuan engmah awmze awmloa hetia a rawn thinrim vak ringawt hi a hrethiamlo a, a thinte pawh a rim ve ut ut hial a…mahse a hmaa rawn thinrim hi….tudang ni lovin..a thinlung chahbi kawltu a ni miau mai si a. A thinrim ve phal thlawt lo a ni. Chutia Amawii a koh din theih tak lohah chuan a bag (Badminton Bag te chu a len thin em hi) chu rem leh rem loin, kal deuh sawk sawk pah chuan a ak tha mawlh mawlh a…chutia a bag a han sawi vel chu City Bus rawn tlan chuan a bag tak chu a rawn tai fua mai a…a bag rit bawk nen, a rawn su tu Bus rawn sutna force nen…tum vang ni hauhlo chuan a vir thal thawp mai a. A vanneih a siamin bus in a rawn taina hi, a hnung lampang kawngkaa vawnchhan an siam rawn pawngchhuak deuh chu a lo ni hlauh a. Inchilzui hlauhawmloh chiin a rawn tai hlauh anih ber chu. Mahse chutia bus in a tai avanga a han vir let tawp ta chu….a lo hmutu hmeichhia leh nuho chuan eng thil nge thleng tak tih pawh hre chiang lo chuan an lo tre tuarh tuarh a…bus pawh chu a ding nghal tuarh a. Chutiang thawm a han awm thut takah chuan Amawii chu rilru thrawng lutuk mai hian a rawn hawilet nghal zawk a. A hlauh leh rin ruk ang ngei mai chuan Vanlala chu kawnglaiah chuan a lo let bam a. Han pan mai pawh a theilo..a rilruah chuan,”engtin nge a sut, a su na em..a thi a mi.. hliam a tuar em?” tih te chu projector slide ang mai hian a hmaah chuan a rawn inlan chhawk zut zut mai a. A khup te zawi vekin a hria a…a hlauthawng lutuk chu a ding tawp ringawt mai a ni.

Vanlala pawh chu a tirah tak chuan a lu chu hai deuh miai miai mahse, a tluk laia a kiu a sawh tih mai loh chu na a neilo tih a hriat chian avang chuan hlauhthawnna em em pawh a nei hran loa. Mahse din mai a han tum chu a lu a lo la hai nasa chu niin….a tlu leh deuh rap rap a. Chutah zet zawng Amawii chuan engmah dang a ngaihtuah thei tawh lo…a rang a rangin a rawn tlanlet a. Vanlala rawn thawh chhuah leh tum chu trah aw truau hian,” Vanlal, Vanlal” tih pah chuan a han pawm tho chung chung a. Midang lo awm ve te chu huan vela thlai/hnim hnah lo tro ve ang lek choh an ni tawh. Enga tan mah a ngai thei tawh lo..zah chu khawilamah. Thu dang sawi a han tum a, mahse a hrawk chu hnawhtu awm ang mai hian a tawt tlat a…eng mah a sawi thei lo…Vanlala an kaithawh a…a bula footpath a an thuttir hnu pawh chuan, mi a ang mai hian “Vanlal…Vanlal..” a ti reng ringawt mai a. Vanlala’n,”Amawi, Amawi” tih paha a rawn sawi deuh dawt dawt hnuah chuan muhil tui deuh harh hlawl ang mai hian, khawvel tak takah chuan a rawn kir thla leh thei chauh a. A hma kha chuan “ta se…ta se” tih ringawt ngaihtuah kualin a rilru khan khawvel dang a lo chuang kai hman chu niin. Mahse amah Vanlala zawkin a rawn sawi harh leh tak hnuah chuan midang lo awm ve pawh zah zo tawh lo chuan Vanlala thu lai malah chuan a lu a nghat a…a trap ta ringawt mai a. Vanlala tak pawh chu a zak angreng viau naa, mahse a hmangaihi…amah vanga chhingmittui far zawih zawiha, a mal chunga a kun sai hlawk hlawk a hmuh chuan, a rilru te te in,”Engpawh a chhan ni rawh se, ka duati a mualpho a nih chuan ka phatsan bik hauhlo ang” tih rilru chu a pu lui ang sauh sauh a. Dimte hian Amawii chu a han chul a,”Amawi, engtin mah ka awm hlei nem…hei min en ta che” tiin a zu hrilh ru a..Mahse Amawii chu tu hriat phak lohin a lo phun sep sep tih chu a zu hre thut a. Chiang leh zual chuan a zu ngaithla a, Amawii chuan..”Ka thinrim lo ania o” a lo ti sep sep hi a lo nia. Chutah zet chuan Vanlala chuan, heti khawpa a mualphona pawh hlan phala ngaihsak tu leh hmangaihtu a nei tih a in hre thar uaih uaih a. Amawii a hmangaihna chu a pung hian a pung nghal thur thur ni ber hian a hria a…a hmain a lo hmangaih lo tihna niloin…kan hriat a tana tha chu,” Hmangaihna hi a pung/nasa zual theih ang bawkin a bo/ dai ve thei tih hi kan hriat a thain ka hria a. Entirnan, Ani chuan min hmangaih em mai tih vang ngawta, an duhloh zawng tihluih reng te pawh hi a ni ber ngailo a nia.

Mipui rawn pung deuh laih ho chuan eng tin a awm lo tih an hriat hnu chuan kiansan zai an rel ta a. Vanlala chuan Amawii chu dim tea kawih dak pahin…”Amawi engtin mah ka awm lo a nia” a zu ti leh ram a..mahse a mita mittui hnam pam chunga rawn dak chho Amawii’n,”Vanlal, ka thinrim lo a nia aw” a la rawn tih leh hram takah chuan amah Vanlala ngei ngei pawh chu a hnuk a ti ulh ve trep nghe nghe a. Mahse chulai khawlaia awm reng chu dika a hriat loh avangin Amawii chu a kai tho a…an in lam pan chuan a phei pui ta zawk a. Theih pa tawkin kawm hlim a han tum sateh naa…Amawii chu a kun ngala..a inhnit leh hlep hlep thin a…Vanlala pawh chuan tihngaihna a hrelo takzet naa, amah vanga heti em em hlauthawng leh lungchhia a awm, amah hmangaihna avanga khatiang mai mai pawha tikhawpa hlauthawnga a chhingmittui nen hiala, mi hmuhsit leh entleu pawh dawnloa a tana mualpho ngam…hmangaihtu a nei tih a inhriat hian a lawm thar em em a. Amawii chu han pawm lawk a..han fawh vawng vawng chu a chak thut a, theih ni se..in connect deuh sak pawh a duh hial mai tur a sin (In duh lutuk leh mahni kawppui tea lungawi lutuk hi chuan, infawh mai hian lawmna a phuhruk loh chin hi a awm ve chawk a nia) smile emoticon mahse a hmun leh hun a ni mawlh silo..Chutiang ngaihtuaha an kaldun bek bek lai chuan, Amawii chuan a mit chu a tifai thuak thuak a…rawn hawi chhuak lem ta lo chuan…aw tham chhel hian,”Vanlal, nichin khan thi ta la..min kalsan ta la, engtin nge ka awm ang. Min ngaidam rawh aw…ka thinrim miahlo tak tak a nia…” a rawn ti chhuak phawng mai a. Chu thu chuan Vanlala chu a dek in a thrawng na ngang ni tur a ni. A ding chawt a.

Vawi tam ngaihzawng alo nei ve tawh a….vawi tam hmangaihna khurah a tlulutin…thehchhuah nawlha a awm chang lah a awm. Mahse tuna a hun tawn mek leh…he hun tawng tura siamtu, Amawii hi chuan a khawih dan leh a thinlairil a den dan hi a dang zar mai tih hi a haider thei tawh thlawt lo. Vawiin tlaia a nunzia a lanchhuahtir te khan a rilru a va han hminin, a lakah hian a luan hian ava han luan liam tir nasa tehlul em. A ngaihtuah thui a, a chik chet chet phei chuan…thla tam la inngaizawng hauhlo mahse nupuiah pawh nei dawn se. “EH” pawh a tih a inring tawhlo. An ina a thlah thlen a, an kawngka a luh dawna..duhthawh leh ngai tih hriat ngawih ngawiha a rawn bye bye paha a rawn nui seih te kha…theih nghilh har a va han ti dawn tehlul em…..

“Ber” thla a rawn inher chhuak a, khua pawh a mawiin…tlaini tla engmawi leh thlasik boruak thiang kak mai zuna lo uai laklawh tawh ho tan chuan, awm hle hle a har tran viau tawh awm e. Vanlala pawh tlai ni tla tur, sen phut mai thlir ni awm fahranin a spotah chuan a dak leh vauh vauh tawh a. Tlaini tla tur chu a mawiin, a duh phawt chuan lung hlui pawh a len tir veng veng thei chiang alawm. Mahse tunah zawng…lungthar a leng miau si a…dem ngawt theih pawh a nilo e. Hmana a hmangaih ve deuh maiin a thren tirha,”Khawvel hi a tawp ta emaw” a tih hial lai te….a thinlung tawt lutuk leh lungleng lutuk awm ngaihna hre hlawl lova a awm thin laite…eng tih mah nuam tiloa, tumah kawm peih loa…mahnia awm pawh ning tho sia hun a hman thin laia a rilru chhe put zawk zawk thin te kha a ngaihtuah chhuak a…a rilru te te in “Hmeichhia leh City Bus hi zawng umzui umzui loh tur…a hnung ah a aia thawl leh fai mawi zawk a rawn tlan leh mai dawn a lawm” tia a thianpain a lo sawi zuk zuk thin te kha a ngaihtuah chhuak a. A hriatloh lai chuan a lo thren thru chu lo niin…a han inhriatchhuah meuh chuan a lo thren mualpho lo choh a ni. A dik lah tak a…kha nu khan tikhawpa rilru na khan a siam a…Pathian khawngaihna azarah liau liau tun dinhmun hi a thleng thei trawk trawk tih a inhre chiang em em a. KOHHRAN KHA LO BEL LUI TRANG TRANG LO SE LA CHUAN,”Hruizen a hmuh taih fo khan a nghawngah hmun lailum tak a chang ngei ngei ang”. Mahse hei tunah chuan,’hnah hlui te an lo tril a, hnar thar a lo chawrno leha’ an tih ang zawng zawng neitupa a lo ni der tawh mai si a. Thil kalhmang a han ngaihtuah let chuan ho a ti angreng viau naa, a hun lai zet kha chuan a ho lo chu a nih kha maw!!!! Inkhawm a peihloh nasat rapthlak thin zia leh, a tihluih nasat thin zia te kha….

Amawii nena an hunpui ve tur bera an lo ngaih “KTP Blanket Suk” lah chu Aizawl khawchhunga Branch pakhat Blanket su ten vanduaina an tawh palh hlauh avangin an pamtrul der mai bawk si a. Hun rei tak chu an style ngai te te in nunkhua an han chhiar leh rih tlauh tlauh a. Chutia a chan chhuah tum ber changlo niawm fahrana lem a chan lai chuan…a phone chu a rawn vibrate mer mer a…a zu en nak chuan “Masangi” tih alo inziak kalh mai a. Mak a ti ang reng hle mai. A chhan chu Masangi nen hian an in call ngailo han ti ila…kan uar lu deuh anga..mahse lo in call ve ta pawh ni se… a khat ve ngar ngar khawp ang. Chutiang te a nih avang chuan mak a ti angreng viau a…a rilru te lam lam chu a nuam lo a. Amawii chungah hian engemaw a thleng anga..hetia mi rawn call ta hial chu…awka ngeia min rawn hrilh a tum emawni le te a ti hman zawk zawk a. Tri da chung chuan a han accept a…mahse a beisei loh lutukin Amawii aw ngei mai chuan, zauthau tih hriat zet hian,”Vanlal…i kal dawn em” a rawn ti phawng mai a. A aw awmdan leh a rawn zawhdan ki atang chuan Vanlala rilru chu a nuamlo angreng viau nain..Amawii thil sawi tum chu a bo hian a bo ping map bawk si a…han chhan dan tur pawh a hre thiam mai lo. “Khawiah” a ti thawr a….”Ila hre lo ami..nge mi i bawl vel zawk” a rawn la tih tralh takah chuan thil pawimawh engemaw tak chu a awm a nih a ring ta mai a.”Ka hrelo tak tak…khawiah maw” a ti hu a…Amawii chuan,”I thian pa Sangluaia a inawh hlum kha”….a bak chu enge a sawi a hre chhunzawm tawh lo. A awih lo lutuk chu a ka ho ringawt…”awihawm loh vawiin chhun lawkah pawh kan inhmu reng alawm..a bialnu thar chanchin te a sawi nasat kha..ka awihlo” a han ti ngawt a. “Awihlo mahla, a ni miau sia lawm..i duh leh i thiante zawt la…i kal dawn chuan min rawn sawm ve ang che” tih leh phone dah chu a rual ta daih a.

Amawii’n phone a dah hnu pawh chuan a handset chu a beng bulah a la lek kang vu a…diktak chuan rin harsa a ti em a ni. Nichin lawk tak tak…darkar hnih thum em pawh la liam lovah tikhawp khan hlim takin an inkawm bawrh bawrh a ni a. Tuna a inawhhlum thu a han hre leh thut hi, rin har a ti em a ni. A harh zawk a…whatsapp group vel an en a….a thianpa FB Wall te an check zung zung a. Tunah chuan ringlo sateh mahse, a ni rinlohna khan a thianpa nunna chu a kolet dawn lo nasa mai si a, chuvang chuan Amawii pawh chu hre chang ta lo chuan Sangluaia te in lamah chuan a kawh in a kawh chho ta fua fua mai a. A han thlen tirh a, Sangluai nuin a lo tahkhum meuh chuan a ni pawh a insum thei tawh lo. A lo awmve…KTP lama a rawngbawlpuite bakah, a thian leh hmelhriat fahrah te ho zawng zawng hmaah chuan loh theih loh leh dan rual lohin a mittui chu a sur hian a sur zung zung mai a. A thianpa khuma hmel dang bam leh, hmui duk veka mu chu a han en thin…nichin lawka hlim taka nui bawk bawk kha a ni ang tih hi rin harsa a va ti tehlul em. An mut tirna khum bulah chuan a thu hnawk a. A kut chu a khawih saka, chhun lama kuah thuak thuak tu..lum vung vung thin te kha…thlasik vanglaia kawlawbela tui dah iangin a vawh hian a vawt hnim ruih mai si. A rilruah thil tam tak a ngaih tuah a, chung zinga mak a tih em em chu…a thih thu a hriat hma lawka a thil lo ngaihtuah, hmana a bialnuin a ban laia inawh hlum a rilrua lo lang ve uai uai te kha a ni. Khami ka ngaihtuah lai khan, a nunna latu a hruihrual hi a suih vel mek angem…nge a lo inawkhlum fel der tawh zawk ang….vawiin chhunte khan a harsatna neih ruk te hi min hrilh ta se, a tan hian ka va han inhuam tak em…nge nianga, ho teah sualin a rawn bei thut anga..he kawng hi a thlang ta zawk. Sangluaia mu dang bem chu thlir pah chuan a in sut ve hlap hlap reng a. A insum thei ngang lo a ni. Engtia rei nge chulaia chuan a thut a, engtia rei nge a suangtuahna khawvelah chuan Sangluaia nen an lo inkawm pawh a hrelo…a thianpa pakhat hian a darah a rawn khawih zauh a..”Amawii’n pawnah a nghak che a” a rawn tih chuan..tlaia an inbiakna te kha a hrechhuak leh chauh a. Mahse a theng a thawngah a thawk thei ngang lo. A mit te chu a han tuai mawlh mawlh a…Sangluaia chu kalsan hreh hle mahse…pawnlam chu a pan ve ta a.

Amawii chuan Vanlala rawn sawm hun nghak chuan darkar dawn tehmeuh a lo nghak chu lo niin. A tawpa tawpah chuan a rinthu chu zawmin, Sangluaia te inah chuan a chho ve ta tawp a. A han thlenchhoh chuan an lo ri sung sung mai a, a thren in inchhung bungrua te an lo thiarchhuak mawlh mawlh a, a thren lah thutthleng pu turin an liam sung sung bawk a. Chutiang karah chuan Sangluaia te in panna stepah chuan a inhnawh chho lui ve talh talh a. Kawngka atang chuan a va bih dek dek a. Ruang thutpuitu la tam lo tak zinga Vanlala indawm kun ngal chu a va hmu a. Chiang tak khan rawn sawm thla tur khan a chah kha a ni si a. A telloa alo han kal daih chu a lungawi lo angreng hle mai. Va luh a, a hmuh tura va thut mai nge tha ang pawna lo nghah tiin a inngaihtuah neuh neuh a, pawna lo nghah chu a fuh zawka a hriat avangin, Sangluaia te stepah chuan a ding ve ta chawt mai a. Mahse Vanlala chuan lo chhuah tih reng reng a neih tak silohah chuan, Vanlala thianpa pakhat…thuthleng rawn pu vu vu chu..thutthleng a dah paha pawna a nghah thu hrilh tur chuan a chah ta tawp a. A hmel han en chuan Vanlala tan chuan chhuahloh mai pawh a him zawk ang a tih vel a ni. A thianpa a luh atanga reiloteah chuan Vanlala chu a rawn chhuak ta ngei a. Amawii chu Sangluaia te in chhohna step railing chu nghengin alo ding khawng auh a, han tih deuh hlak chu a tum hmel khawp mai. Mahse Vanlala rawn chhuk thla a hmuh meuh chuan a rilru chu a inthlak nasa teh e…A hmangaih ber mai chu mit sen rum leh a hmela lungaihna nasa tak pua a lo chhuk a han hmuh meuh chuan a thinrimna te chu…tho min bawm tu kan han vai kiang a, rang mangkhenga an thlawk bo nghal fua ang hi a ni ber awm e. Pathian khawngaihna azarah, a lamhnai tak tak ang chi…chatuan ram pan anla awmlova..a lo hrethiamlo nasa a ni tih chu a inhre chhuak a. A rilru te te chuan khatia sawm lova a lo han kal ngawt te pawh kha hriat thiamna thui tak a neih phah a. Lo thinrim khum tum em em tu khan tunah chuan a theih patawpa thlamuana, a hmangaih leh a duhber chuti taka hrehawm leh lu a han sun ta chu, theih patawpa lo hnem a…a rilru pik zualpui lutuk tur nia a rin te chu thiam ang tawka lo tihzangkhai sak tum chuan a pan chho ta sauh sauh zawk a.

A TRIBUTE TO MY FRIEND WAL WAL-A…..MAY YOUR SOUL REST IN PEACE

P.S- Zanin zawng rilruah thildang a leng thlawt lo a ni e. Hetiang hawi zawnga thu ziah hi rilruah a rawn lang thut a….tlaivar ta loin ka zu ziak ta nih hi…..Chhiartute hriat thiamna ka ngen mawlh mawlh a…ka thianpa tana ka tih ve theih tawk ho te a ni si a….min lo ngaithiam hram a niang chu.

Thla tam la inngaizawng miahlo mahse, an inngaihzawn hmaa a lo “ARSI” ve thin lai ten a mizia te a lo chik nasa in…a lo ngaihven ru ve nasa bawk a. Vanlala mize tlanglawn pangai te hi chu hre ve khat hian a inhria a. Mahse Sangluaia te in atanga a rawn chhuak a han hmuh meuh kha chuan a mak a ti thlawt. Vanlala..mi hlim thei tak, inla pa ve thin em em mai kha, a thrianpa a sunna avanga a mittui ten tual an chaina ngei mai..a mit sen rum mai leh a hmel ngui lap a han hmuh meuh kha chuan rilru put dan tur pawh hi a hre thiam meuh lo tak meuh meuh a ni. Vanlala hian a duat thin em avang hian, a chang hi chuan a mah ngei pawh hian awm chintawk hrelo deuh hleka inhriatna te pawh hi a nei ve thin a. Mahse sawi nuam ni hauhlo mahse…broken family atanga lo seilian, nu hmangaihna pawh dawnglo…a pa in a theih patawpa an unau zaa a trul pui te an nih avangin…..hetianga ngaihsaka, duata, hmangaihtu ala tawn ve ngailoh avang hian, awm dan han thiamloh chang pawh a ngah a. Mahse Vanlala hian…enganga kawia a awm chang pawh hian a tihlim thei zel si a…tun truma thilthlengah hian a thil hmuhchhuah chian em em chu…a lo zawngchhang over hman trep a ni tih leh, ama duhdan leh hlimna chauh a lo ngaihtuah thin tih chu a ni.

Mi mitmei veng tak chuan Vanlala chu a pan chho a. Ani lah chu biak mai pawh huphurh awm khawpin a hmelah chuan trah na rau hi a inbingbilet tup tup mai tih hai rual a ni silo. Han be ta se…lo trahkhum ta chiam mai se tih te a ngaihtuah a, a ring em emlo naa…a thlen tak tak chuan a zahthlak dawn em mai a ti rilru a. Han pan thleng lovin a dinna chhak deuh thleng chu a chho det a, Vanlala’n a rawn hmuh chuan hmel nelawm thei ang berin a lo nuih sak ta zawk a….mahse hemi truma Vanlala rawn nuih let ve hian Amawii thinlungah thu lian tak a sawi mauh mai a. Hemi nia a thil hmuh hian an hun kal zel tur thlenga a nun a nghawng dan tur pawh a hre phalo hial awm e. A rawn nuih luih na phenah khan thil tam tak a inthup a ni…Heti em em-a a thianpa thi a tawrhdan hian Amawii thinlungah chuan….”A hmangaihte tan chuan engmah a pawisa lova, mualpho a dawn ngailoa…thinlung tak takin a hmangaih thin a ni’ tih zawngin a thawk tlat mai a. Vanlala chuan heng te hi hre hauhlo mahse…a hriat loh akarah a awmdan chuan “MARK A LO SCORE” thra bawn tawp a ni tih te chu hria se…a trap thla vei hawm hawm duh mai angem le..hahaha..chutiang em zawng a ni lo turah ngai ila. A dinna a rawn thlen thlak chuan Amawii chuan a banah a lo kai nghal var a,”Ka rawh…tlang ah thlifim dawn pahin va thu hahdam mai mai ang” tih pah chuan a kai phei ta zawk a.

(Tlem han sawi zau leh ila, Amawii leh Vanlala te in awmna atanga Sangluai te in panchhohna lai velah hian tlang zawl nuam deuh mai a awm a…chumi hmunah chuan PWD Office a ding luah bawk a. Chumi kawt zau deuhah chuan khawthlirna tur thutthleng te YMA in an siam a..chulaia va thut thawven pui chu a tum a ni.)

An va thlen phei chuan a lo reh hiai mai a…khua a thim tran tawh bawk nen, an pahnih chauh chuan an thu a…an ti ti melh melh a. Vanlala chuan,”Ava han mak tak em” a rawn ti chhuak leh hawk thin a….Amawii pawh chuan hriatthiampui takin a thiam ang ang in a lo hnem ve a. Vanlala inthiamlohna ber leh nuam lo a tih ber mai chu..khati khawpa rilru buaina a thianpain a tawh laia, engmah hriat a nei ve lo leh..a thianpa dinhmun pawh ngaihsak eih loa…ama hawina zawn zawna a lo buai ve vak vak te kha a ni ber a. Hetiang te hi chu lusun khawhar tawh chang hi chuan a awm duh viau naa, mahse engti kawng zawng mahin a thianpa khan khatiang lam rilru a pu tih kha a hrilh ngai lova…a tan pawh hriat ngaihna a awmlo ve bawk na in…sawi tawh ang khan hetiang nikhuaah hi chuan inthiamloh hi a awl ve thin em a ni. Chutia Vanlala ngawi reng leh rilru kalding lutuk a hmuh chuan Amawii chuan a han nghawk zeuh ringawt a…Vanlala chuan “Enge” a rawn ti hluk a….Amawii lah chuan a chhan dan ki pawisa lo tih hriat fahran chuan an nghawk lui leh sak a. Vanlala pawh chu a rawn hawi chhuak a, “Khatia awm kha i inhmeh lo…fiamthu thawh la nui leh huah huah rawh” a lo ti ringawt a…chutia a lo tih thut vang chu nge, Amawii hmel leh a sawi dan ki ten an zir zawk ta pawh va hriat suh..Vanlala chu a rawn nui put put a…”nang tak hi chu aw” tih leh a bianga rawn biai sak chu a tum a…Amawii lah chu a fiamthu thawh a kal laklawh a ni mahni…kungfuuu tih pah chuan a lo in block vel a…ho teah chuan a ngai tein an nui dun leh tlawrh tlawrh a. Khawvel chu sawiloh, Mizoram pawh nilo..Aizawl pawh la ni lo..an vengchhung mai pawh la nilo..chulaia mitthi sun tur ho takngial pawh an tam tehlul nen. Tu dang an va han ngai lo chiang teh lul em.

Vanlala pawh chuan Amawii intention chu a hrethiam ve vat a…a kum phulovin a puitling a tiru in, a ngaihsan phah reuh em em a. Tin a bialpa tawrhna te hrethiam a, a thiam ang tawka tih hlim a tum dan te chu a hmuh hmaih hauhloa…”Aw i van duhawm reuh tak em” a ti rilru vawng vawng a. An bul hnai vel chu an thlek ru zauh zauh a…a him tih a hriat hnu chuan Amawii chu zawitein a kuai hera..fawh a tum ta a. Mahse Amawii chuan,”Miin min hmu ang” tih pah chuan a han hawi kual ve vat vat a. Vanlala chuan a lo kuai her leh lawp a…ka “Scan” vek tawh a lo tisup a. A tawngkam hmandan vel chu nuihzatthlak a tih em avang chuan nui vur vur chung chuan Vanlala fawhna chu lungthlu tak chuan a chhang ve ta a. Chutia vawi khat pawh chhuanso loh…cooker ah lek phei chuan a phita phit chhinloh hrim hrim “sahel” an keih dun tiam tiam lai chuan Amawii chu a thu ngil ta phut a, Vanlala chuan “ngatinge” a lo ti hu a…mahse Amawii chu a ngawi ta reng mai a..pakhat-a pawh chu a hrilh hai ru ngei mai. “Ngatinge tikhan i awm thut a, hriat miahlohin i pawi ka lo sawi leh tawh a mi” ….fiamthu deuh chuan an ti leh salh a. Mahse Amawii chhanna chu a beisei lo ngei mai. “vanlal, Sangluaia chu a boral hma lawk darkar hnih thum velah pawh hlim takin kan inkawm kha i tia…hei tunah chuan a lei taksa hmuh leh theih tawh miahloh turin a awm ta der chu a ni a. Hmannia bus in a tai ni che kha ka rilruah hian a rawn lang lo thei lova. Kha ai khan lo vanduai thui ta la, tuna Sangluaia chan ang te hi lo chang ta la” a sawi zawm thei tawh lo…a kun ta tlat a…Vanlala chuan han tih ngaihna vak a hrelo ngei mai, mahse zawitea a insut feih ri a han hriat chuan a ranga rangin a awm ah a kuai bei a,” Amawi, ka van duh reuh tak che em…i mi hmangaihna hlu ka tih zia ka hrilh tawh che em. I awih leh awihloh chu i thu ni se…tunah hian innei dawn pawh ni ila, i lakah hian kei chu ka hmin thlap tawh…hrim hrimah min duhloa min kalsan a nih ngawt loh chuan, kalsan che hi ka tum chhin zeuh hleinem..i sawi angin hmanni khan lo vanduai ta pawh ni ila…ka rawn hran khum ngar ngar tho che anga… Mipa dang i biak emaw i kawm phei chuan ka rawn hrang na thei viau ang” a tia a nui deuh thru a. Amawii pawh chu mittui tling pam chuan,”Nang lah hi a..thutak sawipui theih reng reng loh mai..tuna i thusawi te pawh kha ka awih seng sung love..nang hian nupuiah mi hi i duh ka ring teh chai love” an ti let ve deuh sak a. Mahse Vanlala nui vur vur hmelah chuan tihtakna, nidangah pawh a lo hmuh fo tawh thin chu a han hmu thei tlat hian a inhria a.

Chaw te an la ei silova..tlaivar te a ngai awm si a..in lama haw thlaka chaw te zu ei phawta, muang mara kal leh zawk tur chuan insi rialin an in lam pan chuan an chhuk dun ta a. An kalkawngah chuan an mahni rilru ve ve an kawm tih hriat tak hian an ngawi dun ran mai a. Mahse Amawii te in an thlen dawn trepah chuan Amawii chuan Vanlala chu a kuta a rawn vuan a..a chelh ding det a,”Vanlal, nichina min duh thu vel i sawi kha i ti tak tak em?” a rawn ti khauh a. Vanlala lah chuan a awm zawn chu a kutzungtrang thai kawkalhin “Cross my heart and hopes to die” a lo ti vei sung a…”Nang tak hi chu aw..thutak hi i sawi nge fiamthu hian i thutak der tih pawh ka hrethiam nek tawh lo e” titau der deuh bar bar chung chuan a han ti hlak a. Vanlala chuan Amawii kut a vawn lai chu a hmer nghet sauh a,”Amawi ka ti tak tak alawm…ka thinlung zawng zawngin ka ti tak tak” a rawn tih takah chuan Amawii chu a nui suk a, “Chhuk tawh ang” a ti ta daih a. Vanlala chu a lungni lo ngei mai, enge maw tak a sawi te a beisei ve tehlul nen…”mi chhan i tum ve lo a mi..ka thinlung zawng zawng ka hrilh fai kelh che a..ka chhanna dawn chhun chu ‘chhuk ang’ tih zawng maw” a ti vei hu a…Amawii lah chu a hlim tih hriat em em hian a kal te chu a zang haih mai a…an in kawngka a luh dawn chuan,”Chhanna dawn i phu ve lo, khita i kal dawnah minlo sawm rawh ka tia…mi sawm duhlo vel a…nakina i phu nia ka hriat hunah ka la hrilh ve duh mai thei che a ni” a ti duh lek a. In chhungah chuan a lut ta daih a. (Hetiang nikhuaah hi chuan hmeichhia te hi an mak ania, zeilo leh zakzum deuh nia kan hriat te hian mipa han tihkawi zeuh hun hi chu an hre tlat lawi thin..an pian pui aniang smile emoticon ), Vanlala tan lah va luh ve a..min chhang rawh va tih trung trung na chi ni tawh heklo in…tuilo leh rilru khing bai zet chuan an inlam chu a pan ve ta hnu hnu a. Thui a kal hma chuan Amawii chuan a rawn au leh zauh a…”Zanah min lo sawm ngei ngei tawh ang che” a rawn ti sa sa a. Vanlala chuan lungawilo tih hriat tak hian a lu chu a lo bu nghauh ringawt a. Amawii chuan Vanlala rilru tur chu a hrechiang lutuk…”Zanah ka hrilh ve vek ang che” a rawn tizui sap a. Chutah zet zawng Vanlala hmui inchip hmun te pawh chu an rawn che ve leh trual trual a…..(A len hmel e hahahaha)

A inbual rei lutuk chu a pa a mangang a, tunlai…lo inkhai ngawt an tam thin sia a ti nge..a ek a rawn tichhuak der deuh chhen a…a insiam rei lutuk lah a nu a lo mangang ve thung…a ri deuh rek rek reng sia..tunlai ruihtheih thil lar thar METH an tih te hi a lo ti ve reng a niang e tiin… a room te a rawn phiat ang sawk sawk a. Chuti fakaua uluk chuan a sin Vanlala hi zanin khawhar in kal tur hian a inpuahchah. Thlanglam pang engtin tak che ve ang maw.

Dar 7 ah tan a ni tlangpui thin a, a veng a zir te pawh a ni mahna le. Dar 6 ah chuan an TV room ah bawp pawh khawkherh ngamloin a thru ngil vei auh tawh. A sweat pant lei thar Original amaw a tih hi a lo “GINAL” vaklo a niang..han thut bet deuh ila a chuar ang vei nung zel a, thut fuhloh tak tak phei chuan, han beng mar engang sateh mahsela…mawngtam thla hi a kalpui lawp lawp zel male. Mahse a thawmhnaw thar ber te a ni ve bawk sia, han hak ve ngei a duh bakah..a rawng hi a duhtaka a thlan ve a nia….a rilru tete in “Enge maw…hmeichhe ho pawh nalh duh vangin an dingdihlip nileng thrak peih a lawm” a tia, zu han inhnem ve thei mai a mawle. Sawmna tha mi a dawng miau a, dar 6:30 a rik chuan a changtupa chu a sapel tur veh chuan a che chhuak ta thram thram a. Amawii te in chu a zu kik kauh kauh a…a rilru te te in “Ka kawngka kik dan kha thring e” an ti leh hnuhnawh a (Awihawm em em loh em mai delete delete smile emoticon smile emoticon ) Amawii trawng ri lang lang pawh a hre thei…aman a rawn hawn mai a beisei laiin Pu Lala’n a rawn hawng vei luau a, nidang pawha a nuihbawm zaitret fotu, a chalkawlh tle hlarh mai chu, an inchhunga light eng chuan a rawn chhuk-chhun tliang tle ang vei hlarh bawk sia. Inrinna hman awm ta hek lo…a mark score ngaih berna pa chu a han nuih khum huk mai a….Pu Lala lah chu sabengtung chaw khamkhawp hmulo ang maiin a meng fawk fawk lehnghal a. Vanneih thlak lutuk tak maiin Masangi ni-te an lo leng hlauh chu niin, an fanu chhuatlaia lo tal vel chu, a hmaa hmu sa ni ang hrim chuan, an lawm lut nghal hmiah hmiah mai a….(Presence of thluak kan ti tiang hi) smile emoticon Tlema tlemah Amawii te in len theihna licence a kawl, a roh em em..Bible kara a zeh trat reng…a mut dawn apianga hum chunga a tawngtai pui ziah chu CANCELL sakin a awm trep a lawm le.

Amawii pawh a lo awm mai mailo tih a chiang ngei mai. Thla tam la inzui loin, mi fate ang in inhmu ‘regu’ over ve lo mahse, an tlai tawk chiah chiah te hi chu an in awmtualmawi ve hram hram thei tho a. Hetiang nikhuaah te hian Amawii hian a hmai a la plaster ngailo hrim hrim a..a hmui lah a ti vampire ngai heklo. Mahse zanin meuh zawng, a kawtawpa tran hun a ni tih a hai biklo a niange. A duhtawka a han in make up ve mai chuh chuh chuh….Helen of Troy te, Lianchhiari etc etc (an tam lutuk, sawikual peihlo) te ho zawng zawng hi a khum mai pawh ka ring lo…a hmelthatna sawn a beng thal thruai thruai hlawm anga, a raphrual nawk nawk thei ang…amah inchuh avang hian ram 2 chauh indo lovin World War 3 te hi a chhuah phah hial a hlau rum rum a… Ka uar in ti maw. A tha em a tin ni…..Vanlala tan chuan. An han kal dun te chu Vanlala chuan chhas thar nei ang thawthangin asin a inngaih. Khawhar in an thlen chuan an hma vak loh avangin, luh ti zahthlak tawk vel chu an lo thu mawi hmar tawh a. Mahse Vanlala chuan zei takin Amawii chu a han escort lut hnap hnap a, a mit sir chuan a chhunga mipa lo thu ve ho chu a han “Scan” zar zar a…a mood a off rawih thei trep nain…mi mit fukna ber hi “A TA” a ni tih a hre chiang a…a ekchhe confi phah hleuh thung a. A thikthu a chhe over te pawh inlo ti thei..mahse mawm…lunghlu…lu tiat lenglawng hi nei ta ula…midangin an chhuhsak loh nan che u engang fakaua nasain nge hma in lak ang le..Amawii hi Vanlala tan hian eng ang fakaua hlu nge a nih kan hrelo mah mah smile emoticonBanah chuan an ni pawh haw tlang mai chu an peih biklo ve ve tih chu sawibuai ngailoin an in hre chiang dun thawkhat awm e. Vanlala chuan Amawii kut chu a zu ban de de a, anin a lo hum lum them them nghal a…aw khawvel hi a va han mawi tak em. An inhmangaihna hi a thianghlim a sin..kut inhum sak te pawn awmzia ava la han nei thui tehreng em. Threnkhat te hi chu birthday suit nen ngata an inkilh beh va va hnu pawn an lung a la awilova…an la inlerh san thin te a nia leh. Rapthlak zawk hian. Sawi pawh ngailovin, an haw kawng a lo ni bawk nen, Pwd Officew kawt, tlang zawla thutthleng hlui ve lampang tawh, mi mawng engzah nge a lo hnim tawh tih pawh hriat loh…ding sawi deuh bam tawhah chuan an thu dun a. Mahse he thrutthleng hi an tan chuan maw, BZ Furniture House emaw….eng eng furniture House a thutthleng manto, thut nawm theih na tur ber niawma an design te ho ai chuan an tan chuan a hlu a, a mawi a, a to zawk fe bawk ngei ang le.

“Amawi, i tan hian ka thiante zawng zawng pawh ka thlah vek a, i tan hun ka neihloh hlau hian ka hman em em lai pawhin nangmah vang hian ka buai phili fo thin a…chutiang chuan ti ve rawh ka ti hauh lo nain….ka hmeichhe thiante pawh, i rilru a nawmloh ka hlauh thin avangin ka be tha ngam tawhloa..tunah chuan an ni pawn mi an melh peih tawhlo hial ta vel ang. Chuti khawp chuan i tan hian ka inserh ve in ka hria a. Mahse zanin kha chu nuamlo ka ti ve khawp mai. I tana ka inserhna ka han sawi kherna chhan pawh…hetianga ka awm avang hian ka sawisel ngam ve tlat che a. Diktak chuan vawi khat aia tam ka mitmengah pawh ka lungawilo a ni tih hmuh theih turin ka rawn signal che a. Mahse i tan chuan kan hnunga thute kha kei ai chuan an lo pawi mawh zawk aniang e tiro? a rawn ti phut mai a. Amawii chu a rawn hawi deuh hru a. Chutiang zawnga rilru alo pu chu mak a ti letling hleuh a…ani ngaihdan chuan khatia an rawn biakna lo chhan ve satliah ringawt te kha chu thil holam lutuk mai a ni miau a. Nula tan chuan, tlangval tupawh rual pawl tawka biak lumlam thiam vek kha thil mawi leh hawihhawmnaah a ngai nghet ve tlat thin a. mahse a hriat loh em em chu, kan tunlai Aizawl thalaite inngaihzawn dan hi a ni. Close relationship mai pawh nilo in…”in si deuh tawlh tawlh reng relationship” ani tawh miau thin si a. Nupa ang thawthanga incheibawlna khawvel ah a cheng tawh a, an khua ang a ni tawh lova…chu tak chu a ni a hlah ve em em chu. Mahse a ngaihdan chu anin dik a ti ve miau bawk si a…chutiang a nih tak avang chuan Vanlala chu over a ti rilru ta tlat mai a, ” Enge, khatiang mai mai te chu, min rawn bia a..ka lo chhang satliah mai a nih kha…thil pawi enge awm a” a lo ti vei fak a. Chutia a han tih takah chuan Vanlala beisei dan a nilo ngei mai. Thinrim chu a duh miahlo naa, amah Amawii nena inhauh phei chu a duhlo mai nilovin a phallo. Mahse a rilru kalhmang te, an inngaihzawn dana a duhzawng te sawi chhuak ngamlo khawpa mi dawihzep zawng a ni bik hauhlo thung a, tunah pawh hian a duh chuan Amawii sawi ang chuan awm se..buaina a awm hauhlo ang. Mahse, mipa zawk a ni a..engemaw chenah “a duh zawng te chu, dahlala a awm hun a awm ve tur a ni” tiin a rilru a siam ve hmiah thung a.

“I pawi sawi hi ka tum miahlo a, mahse khatianga ka lungawilo tih i hriat te chuan, i tih tawhloh ve mai ka lo ring a” a ti chhum ve ta hmak a. Mahse sawi tawh angin Amawii chuan ngaihdan hran hrai alo nei ve tumhrang bawk si a. Hmeichhe luhlul tak alo ni vei bawk nen,” Vanlal, i ho em mai. Khatianga midang biak naran em em inkhap te chu a” ala ti ta deuh deuh a. Vanlala’n a lo hisap ve thin leh a duh thusam anga an inngaihzawnna kal tura a beiseina khawvelah chuan… triau chhum a rawn zing tran miai miai tih a hai lo chiang hle mai. Hmangaihna phenah hian inlungrualna a awm siloh chuan…artui kawr var sar..a chhung uih chhe vut vut ang si chauh a nih theihna chance hi a sang ropui mai si a. Vanlala lah hmangaihna lamthruampuuia ke hniak lo hnuchhiah kur ve dup tawh..a kopang vel pawha Vanlala & ….. 4ever tih vel te lo ziak kual ve ngiai nguai tawh alo ni si a. Hetiang mai mai pawha an rilru a inhmu dawnlo a nih ngat chuan buaina zangkhua chuan a ban a rawn phar thui dawn khawp mai tih a hai der silo. “Amawi, ka lo ngaihdan chuan ka lawmloh zawng a nih chuan i ngaihdan pawh nilo deuh mahse, i tihloh ve mai ka ring a…keipawn chutiang chiah chuan tih ka inhuam reng bawk renga” zawite chuan a rawn ti leh sap a. Mahse Amawii chu a ngawi ta tlat mai a. Chutia a ngawih reng takah chuan Vanlala pawh chuan eng sawi zawm a tum chuanglo nain, a rilru chu a insual nasa bap bap teh e. Chuta karah rilru chhe pui pui te a pu a,”A hmain hetiang mai maiah kan buai ngailoh kha male, ka hriatloh hian Amawii hian rilru hran te hi a lo pu tawh emawni le….an inbiak dan lah kha, an innel tih hairual a ni bawk silo” a ti rilru nep nep a. A chang leh Ruatdika chu a hua a…mahse ani han haw ngawt thei a ni silo. Amawii hi hmeltha a tiin a rawn biak danah pawh khan awmze nei tak tak a awm treuh tih a hre vek a. Amawii pawh hian khatiang te kha a hriatthiam ve kar a ring a…mahse a signal hnu pawha a biak chhunzawm zel avanga thik/lungawilo chu a ni reng bawk a. Tunah zet zawng ahmaa Amawii a ngaihtuah chhuah apianga hlim veng veng na…famkimnaa khat lawmna ang kha a nei leh thei ngai dawn tawhlo tih a inhre chiang a. Nichina a zawh tirh te khan Amawii khan, “Ni e, ka thiamloh a ni” emaw…”Chutin i huat ka ringloa, ka ti leh tawhlo ang” te han ti mai se..Vanlala lungawina tawk a tlin vei dawn tehlul nen.

Ngawi renga minute 10 dawn an thut hnuah chuan Amawii chuan,”Chhuk ang, ka chhungten min lo hau palh ang” a la rawn ti ta deuh deuh a. Vanlala rilru chu a hmin famkimlo ta ngei mai. Mahse engmah sawi zui a tum tawh bikloa…”Ti khawp hian ka ngaihsak a, ka thiam ang tawkin ka duat a…vawi khat te pawh a pawi ka sawi ka la hre ngailo…Heti chunga rilru dang ala pu duh a nih ngai chuan keia dan theih pawh a ni nek tawh lo ange” a ti rilru a…Amawii hriat hauhloh chuan a lo indah hla dawrh tawh mai chu a lo nia. In an thlen pawn kawngka zawnah Amawii chu thil sawi tum niawm takin a rawn inher a…mahse Vanlala chu a lo inher hmak a, akal ta daih mai si a. A ni pawh rilru pangkhing dam lo pang sa vur chuan, muangchang leh rilru hnim takin an in chu a lut ve hna hna a. A chhungte chuan TV an lo en thrap naa, tumah pawh be lo chuan a room ah ve te chuan a lut tlang nghal daih a. Darthlalangah uluk fahranin a inen ngawr ngawr a, a hmui a hnawih te chu an tuai fai pawrh pawrh a..a lung chu a awi bik zan loin, zanina Vanlala chetdan vel khan a barakhaih ve ngang a ni. A ni ngaihdanah te chuan, miin an rawn bia a, alo chhang a ni ve mai a…enge khatah khan huat em em tur awm a ti rilru ve tlat a. Mahse Ruatdika’n a rawn biak dan ki kha… Vanlala tan hriat a nuamlo thei a ni tih lam reng reng a lo ngaihtuah thleng pha ve eihlo chu niin. A awm ve viau e…Ngaihzawng tihtham pawh la nei ve lo a nia, tlangval zei tak tena an kara hem thlak tum niawm hrima khatia an han tih kual vel pawh kha, a boruak a man pha ve thlawt lo a ni. Chuvang tak chuan Vanlala pawh a dem phah ta hleuh kha a nia. Mahse ngun taka a han ngaihtuah chuan, khati em ema a hmangaih…rilru nuamloa awm….hnem pawh tum loa..ama ngaihdan leh dik a intihna ringawt hmachhuana a lo chhang ta kha chu nuam chu a tilo thar angreng viau mai. Mobile te chu nei se la chuan…a han insawi fiah ve chuan ka ring. Mahse kan sawi tawh angin an inbiakpawhna khawvel a zim bik si a. Inhmuh leh remchangah ka sawi mai ang ti chung chuan rilru hmin lo deuh chuan a mu a. Mut hmunah chuan a rilru a kawm mai mai a. Vanlala khan “i lungawiloh ka hlauh avangin ka hmeichhe thiante pawh ka be ngam tawhlo” tih a sawi vel te kha a hre chhuak a, a thil hmuh leh hriat atang pawn a dik tih a hailo…ama chanah a han dah chhin vel a…a ngaihtuah thui poh leh Vanlala lungawilohna chu dik a tihpui telh telh a…han biak a chakna pawh a nasa telh telh. A tawpah zawng a insum zo ta lova, a u Masangi phone chu hman a dil ta tawp a.

Vanlala pawh a in lut chu Amawii nen danglamna a awm lemlo hle mai. Mahse a ni chu a tih thran dan a nih avangin, a inthlak zawh chuan a computer a on a, mahse eng tih zai a rel theilo. Computer hmaah chuan suangtuahna khawvel a pharh hi a ni ngawt mai. Amawii’n ngaihzawng a la neih tlem dan te, a rilru tur ang te dawn pui chu a har tralh a ni ta ve ang. Tunah chuan Ruatdika nen khan lo innel ruk viauna an nei tawh ni tlatin a ring nghet bur tawh a. A hnua a lungawiloh a sawi dek dek laia, Amawii chhan dan te khan a nemnghet hmiah ni hian a hria a. A rilru chu na ve hle turah ngai ang. Kum 5 chhung alo ngaihzawn tawh nen an inthen a..a tuar na em em a…a nunkhua pawh a buai phah nak a nia..tunah nunphung ngaiah a let leh chauh tihin..Amawii a tawng leh a…hmangaihna lo piang hi kan thu a nih thin miau loh avangin; a ni pawh loh theih lohin hnuhluhin a awm leh a. Mahse tunah chuan a hmaa a tawrh ang em em tawrh kha a tum tawhlo bur. Zanin hma zawng kha chuan, sub-consciously-in…(Telh ve zauh ang) Amawii hi a nupui turah a lo dah hmin hmiah tih te a inhre chhuak a. Inthen tura a inngaihtuaha, midang nena han awmdun tura Amawii a han dah chhin ringawt pawh chuan a trim hian a trim sung sung thei. Mahse a rilru a zu control sak theiloa, a duhzawng leh a hmangaihna lakah thu chhete pawh a neilo tih pawh a inhre chiang viau. Tunah pawh inthen tura a indah chhin ringawt pawn heti khawp hian a hreh leh tawh a ni a, zanina an inbiakna te a ngaihtuah chianin…kha pa nen khan an inkarah thil awm awmin a hre tlat bawk si. A zah theihlohna zawng zawng sawm khawmin tikhan a rilru a han phawrh ve hlawl a nia, mahse a chhanna hmuh ten amahah lungawina aiin lunghnurna an thlen zawk miau mai si a…”Engang pawn duh mahila, nakina ka natna tur a ni dawn tlatin ka hre bawk si a…a kalthui hma hian ka titawp zawk mai dawn em mawni aw” tia a inngaihtuah lai chuan a phone chu a rawn vibrate a..a zu en chuan “Masangi” tih a lo nia…amah masangi a nilo tih chu a chiang nasa mai. Pickup a han tum zuai a, mahse a thil lo ngaihtuah vel mek te chuan a kutzungpui chu an thram bet tlat mai a. A tawpa tawpah chuan, “a ni nganglo e” a ti ve te pawh a ni mahna…a pickup ta nge nge a. Amawii chuan ,”Chang rat leh bung deuh hmuk hian, Vanlal” a rawn ti fak reng a.

An kal dawna an hlim dun tehreng nen. Khawvel parmawina zawng zawng an chhawm chho ta emaw tih mai tur kha a nia. Mahse hlimna leh lungaihna te, tahna leh nuihna te…thihna leh damna thleng hian, a inkar hi a inhlat lovin…mitkhap kar lekah hian thil hi ava inthlakthleng chak thei thin si em. Hringnun a ni miau a, keinin eng kan va sawi ve thei pawh a ni law….Amawii chuan phone ah chuan tawng chhunzawm nghal mai a tum a, mahse Vanlala chuan a lo pawtchat vat a,”Amawi, ka duh zia che leh ka hmangaih zia che thlengin ka thiam ang tawk chuan ka tilang ve tawhin ka hria a. Nang pawhin i hre thiam ve ngei thin turah ka ngai. Engkim ka hrilh che a, a hmaa ka na lo tawrh tawh dan te pawh, mahni insit chung chungin….i lakah chuan engmah zep neih ka duhloh avang chauhin ka hrilh che a. Mahse hei tunah chuan ka dinhmun hi ka ngaihtuah neuh neuh in, a hmaa ka khawvel hrehawm tak ah khan hnuhluh lehin ka awm mek ni berin ka inhria a. Diktak chuan, ngaihzawng neih pawh hi tum tawh rihlo ka nia, mahse nang ka hmuh che khan ka rilru leh ka mihring ruahman ve na te chu paih bo in a awm nghal vek a. Thinlung lama la inpeihlo em em chungin ka rawn pan che a ni kha. Chuvang te chu a ni mahna zanin pawh ka thikthu a chhiat em em” a tih lai chuan Amawii chuan,” Vanlal, lo ngaithla phawt teh. Zanin khan i thin tih rim ka tum loa, i lawmloh zawnga awm pawh ka tum heklo. Mahse hmeichhia kan nia, midangin min biak te chuan tha takin kan chhang ve tur a ni dawn lawm ni” a la ti ta tralh a. Vanlala’n awka nem taka thu a rawn sawi avang khan a hmaa alo inngaihtuahna te kha a theihnghilh leh daih ta emawni?

Vanlala chuan a rilru te te in,”I va han hre lo tak em aw…Ruatdika rawn biak dan che kha, inbiakdan pangai a nih loh kha..i hrelo tak tak nge i haider le” a ti rilrua, a thin te chu a rim ve lek lek tawh a…Mahse a awka ah chuan lantir a tum eihlo thung. “Chutianga ngaihdan i pu a nih chuan keipawn a diklohna ka hrelo. Mahse ngaihdan i neih ang bawk khan keipawn ngaihdan ka nei ve a, inngaizawng kan nih te chuan mahni ngaihdan ringawta kal theihloh chang a awm ve thin a. I aiin ka upa a, mipa zawk pawh ka ni..mahse hetiang avang hian mi chhoh en la, ka thu awih reng ang che ka ti hran miahlo. Mahse inzahtawnna leh inhriatthiam tawnna kan neih loh chuan khawi mah kan thleng dawn lo tih hi ka chiang tho tho. Chuvangin ka lo ngaihtuah a…ti khawp khan ka rilru a nuamlo tih i hre chung pawn i ngaihdan te in mi i chhang fek fek reng a…Ruatdika chungchangah pawh kei aiin i tran mah zawk a, in inkarah hian ka hriatloh thil te hi a lo awm fe tawh te a niange…chiang deuhin ka hrilh ang che…engang pawn na tiin ui che mahila, ahmaa hrehawmna ang kha ka tawn leh loh nan…kan kal thui hmaa tawp pawh hi pawi ka ti lo a nia. Ruatdika bulah i hlim zawk dawn a nih chuan sawi hreh miah suh, ka hre chiang duh tih hria la” a ti ve ta duah mai a…a tawngkam tawplam phei chu a dawngsawng tu tan pawh a lungawilo a ni tih hairual a ni lo ang. Lehlampang chu a reh vang vang mai a…Vanlala phei chuan phone chu a dah ta daih emaw a ti hman hial a..vawi hnih thum an Hello chuan “Vanlal, thil pakhat chu maw, nichina ka ngawih daihna chhan leh haw ka rawt phutna chhan kha i hrelo ngei anga. Nang hi ka ngaihzawng vawi hnih neihna chauh tak tak i ni a, hmeichhe dang angin bialpa te han thluaithlum dan te hi ka thiam ve thin lo a, nichin pawn ka rilru ka sawi chhuak pawp pawp a. Mahse khangte khan a deng na em em che tih ka hmuh khan tawng tawhloh law law kha tha in ka hria a. Kan ngawih dun reng lai pawh khan, i lawmna tur han sawi ka chak lutuk…ka ngaihtuah reng. Mahse i thinrim chhan kha a ho ka ti angreng si a…ka tlawmngai ta tlat a, thil pakhat sawi ka tum zuau a, mahse pawi thui zawk a khawih ka hlauh avangin haw ka rawt ta phut a nih kha. Ina min thlah thlen khan,”Lehkhaah ka rawn ziak mai ang, ka tawngkam thiamin a daih ve lo” tih mai ka tum a. Mahse biak hmanin i awm ta siloa..hei zaninah pawh zah pawh sawilovin U Masangi phone ka rawn dil ringawt a nih hi” a rawn ti ve sep sep a. Mahse Vanlala rilru nuamlo…pumpuar nuamlo ianga thram troh tu chu a bo phah zeuh silo

Diktak leh zep hauhlo chuan Amawii hi a la naupangin, zokhaw lam atanga lo kal te a nih bakah khawpui nun a la tem tlem si. A hmelin a zir avangin khawpui nun hian a duh ai aia chakin a hnuk kal lawi si a, ala insiam rem thiam thlawt lo a nih hi. Thil awm leh awmlo te…thil kalphung te hi a la man lo huih a nih ber hi tih hialin Vanlala chuan rilru a pu hman tawh a. Hetiang ang…a mizia hi a la hmuh ngailoh avangin a thrawn pawh a thrawng teh e. Mahse mizia inhre kilhkelh tur chuan an la inkawm tamlo ve lulai em mai bawk a. A awm ve leh luau tho a sin. Mahse khuanu ruat nge ni…an conversation a kalsual viau tawh emaw tih lai chuan Amawii chuan, “Zanin ka rawn phone rawihna chhan che pawh…i thusawi te ka ngaihtuah let a, a dik ka ti angreng viau a” a rawn tih meuh chuan Vanlala chu a insum zo tawhlo. A hmaa a lo sawi chak lutuk, a sawi rawih ngam siloh kha..Amawii hian kawng a rawn hawng hi a ni ngawt mai a. “Ni e, ka dik vek chu ka tilo..mahse Ruatdika’n a rawn biak dan vel che kha i ngaihtuah chiang eihlo a mi” a ti ta phawng a. Amawii chuan,”Engti vak chuan nge min biak a?” a la ti hu a. “Ummm sawi tam ka peihlo..hei chiah hi ka zawt ang che…’Anih Ruatdika’n a rawn biak ang che khan kan veng hmeichhe pakhat hian kan awmdun lai ngei hian mi rawn be ve ta sek se…a thusawi te kha chiang takin ngaihtuah let la….i lawm angem? a han ti bauh a. A cheng a per ta…a rilru chhungrila a sawi chak lutuk chu sawiin, hre tura a duh ber beng kawrawngah a awka ngeiin a thun ta sak mai. Amawii chu a reh deuh vang vang a, Vanlala beisei loh lutukin a rawn nui ta vak vak mai….”A engatia” alo tih mek lai chuan,”Uiii Vanlal…a ni awm tak e tiraw..aw…ka van mawl tak. I tan chuan a nuam awmlo viau tak ang tiro? Ka thiamloh a ni e. Ka mawl em mai tih leh nuih chu a rual leh bawk bawk a. Vanlala chuan lo nuih pui ve chi nge, lo ngaihthlak tawp tur nge…engtia lo dawnsawn tur nge a haihchham chiang nangang mai.

“Engpawh ni rawh se…a thu rawn sawi te pawh engpawh ni se….chuan ka lo chhan dan pawh engtin pawh lo ni teh se…ka sawi tawh ang khan tawngkam ka thiamlo a, han insawi mam emaw, i lawmna tura tawngka han chheh pawh ka thiam hranlo nangin, ka sawi thiam dan ber leh a chiang thei ang ber tur nia ka hriatin ka han hrilh ang che.”Ruatdika min rawn biakna ka chhanna kha tehkhin theih ni se, ka U Masangi’n min bia a, rilru dang engmah pu lova, a nihna ang rawih rawiha ka chhan thin dan nen hmun khat an ni ang. Aw….fiah deuhin ka va han sawi thiam chak tak” a tih lai chuan a tawngkam hman dan velah chuan lehlam pang-a chu a lo nui ruh ruh tawh a. “Ih maw Vanlal, Ruatdika khan ka hriatthiam ngei turin khawvela thumawi ber leh thlum hnianghnar ban thlar pawh lo chhakchhuak tehreng se, ka thinlung chu nangma tan chauh ka hlan reng a, eng ang pawn lo chhang mahila ka hmangaihna chuan nangmah bak a awn ngai chuang lo ang” a tih meuh chuan phone ah chuan ri deuh bur thawm a hria a…”Hello hello Vanlal….ka thusawi chu i ngaithla lo ami…a han tih pawh chuan a la reh vung vung mai si. Chuta karah line a rawn in cut vei hmak lehnghal. Vanlala chuan ka sawi ngaithla miahloin phone mi dah khum vel a ni maw…tiin a lo insehruh treuh hman a. Mahse a lehlama thil thleng chu a hrelo chhiava a ni.

Khatia an inbiak lai khan Vanlala khan a phone charge pah a duh si a, earphone alo vuah a..a earphone hrui a sei vakloh avangin tlema kun deuh du a ngai nghe nghe a. Amawii’n khawvela a thu hriat tawh a zawnga hriat nuam a la tih ber mai a rawn chhahchhuah thut takah khan, engtin nge thil a awm tih reng reng ngaihtuah loin…a lawm lutuk chu a han thru mar vei zawt alawm male. A earphone a lo invuahnghet phian sia, a han thutmar khan a hruiin tlin heklo…a phone chu a phih leng dawrh a, leiah a tla darh nuaih a…a charger invuahna lam lah, a multi-plug a rawn lim phei dawrh bawka…a tuichhawp a rawn nekbaw chuai a. Chutiang tehnuai karah chuan hmanhmawh baklengin a phone chu a chhar a, a remkhawm a, a on leh nghal a lo ni a. Minute 2-3 hnuah chuan Masangi phone chu a rawn ring leh lauh lauh a, mahse Amawii chuan tum deuh barin a u Masangi chu a lo va pe hman chu niin. Chutiang engmah va hre ve heklo..Vanlala hlim lutuk chuan phone an rawn pick up chiah chuan, engdang sawi set set lovin,”Ka lawm hle mai…tuna ka hlimna chanve chanve leh chauh pawh hi sem ta che ila, tumlo chung chungin i lam tlaivar zak ang mawle..ka rawn chhuk anga ka rawn fawp chawk dawn che an ti fiamthu zui hlut a.

Chutah beisei loh lutukin,” I lawm a nih chuan a tha lutuk alawm, i hlimna chu khawngaihin min sem ve lo mai la…chuan a fawha infawh phei chu i ti lo hram zawk teh ang” Masangi’n fiamthu tih hriat tak, mahse inla tawng thutak deuha a rawn tih takah chuan…awi awi awi…Masangi nen hian an tette ti mai ila, nikhua hre pangai rual an nih atanga inhre tawh leh inkawm tawh an nia. A lakah hian han zahna tur chhete khat pawh a nei ngailo…a mu lai a zu nan fuh te hian a hmai zawnah te a vawihkhum vel pang pang thin kha a nia..zanin zet zawng…a zahna tur tawk aia liam a tawng ve ta. A tih ngaihna hre lo chuan,”Amawii nen kan inbia tih i hre reng a, pek ve leh mai tur che alawm” te a han ti vei ngawt a..Masangi lah chuan a lo nuih dir tliah tliah tawh mai sia. “Aman mi a rawn pe let tawh miau a, ka phone a nia ka lo chhang a ni ve mai alawm” tih pawh chu a sawi zo hleitheilo. Mahse an thawm vel chu Amawii’n a lo hria ni ngei tur a ni…a room atang a rawn lawr zawk zawk te pawh a ni mahna…”Kha Vanlala’n a be duh che” ring leng lawngin an ti leh kher a…Vanlala chuan “Lalthuamsang..i chak lo ang” an ti vak tak naa..awm zia a nei thui lem lo…Amawii’n a tawng tawplam ahriat phak avang chuan,”enge a, enge thil awmzia…u masangi lah a nui sai ngar ngar bawk sia” a rawn tia…a awki ah chuan a ni pawh a thren deuh thru niin a ngaihbel theih.

“I u Lalthuamsangi kha lo hrilh rawh, ka shock dawn..sual thiam hre hru lutuk mai” a han ti ngawt a..a hnuah phei chuan amah lam lam chu a nuih a zaa..a nui ve leh kiah kiah a…boruak man phalo chiah chiah a awm Amawii tan chuan a hrilhhai thlak duh ngei ang le. “Vanlal enge awmzia” a tih pawh chuan a chhang hleithei silo…mahse reitawk fang hnuah chuan,”Nakinah ka hrilh ang che, nichin khan ka phone ka thlauh palh a, a tla darh vek a…i thusawi tawplam pawh kha ka hre chiang hmanloa..” aw pangai trep chuan a ti thei hram a. Amawii chuan “Ka sawi nawn dawn tawhlo” mi nuih khum vak vak ringawt mai..i thinrima phone min dah khum vel emaw tia..thin a lo ur ve tehreng nen” a ti ram vei hmak a. Vanlala chuan a dik alawm..ka thiamloh vek a ni e. Amawi ka zak em mai…an ti leh ngawt thin a, pakhati lah a bo nasa mai. “Engpawh ni se, nichina U Masangi’n min rawn koh leh pawh khan apu kha a lawm vak hmel tawhlo riau a. Remchanga sawi dunah ti tawh mai ang aw. Khawngaih takin rilru nuam deuhin lo awm rawh aw” a rawn ti leh tak hramah chuan a hmaa alo hloh tawh nia a ngaih…”Amawii a ngaihtuah chhuah apianga hlim veng veng na…famkimnaa khat lawmna ang kha a nei leh ta veng veng ni mai hian a inhria a…zan te pawh chu an mawi thar leh ta. A tira ka sawi reng kha maw….hlimna leh lawmna inkar te hi a zim teh a sin..inngaihzawnna ah ngat phei hi chuan tawngkam khat te tak tak hian inneih thleng thu a sawi theih laiin, induh em em lai pawh a pawt thren bawih thei tlat.

Vanlala chuan a arpa chanlai chu a la vawng duh ta tlat mai a,”Naktukah school banah ka rawn hruai dawn che a nia” an ti pang reng a, a beisei ruk ang ngeiin Amawii chuan,”Aaaa… ngailo a zahthlak, miin min chhaih luai luai mai ang..inchhaih an hrat si” a lo ti niah niah a, mahse Vanlala dinhmun hi a fuh rih tlat. Amawii chu “var uarhna khawvelah” a hlangkai hlimhlawt chauh a ni a, a hlawhtlin chian leh chianloh a test pah duh te pawh a ni fahmiang.”Eee…awle awle..ka thiamloh a ni, thil ka lo ngaihtuah kimlo lutuk thin a” an ti zauh a. A thangkamah chuan a beisei ang ngeiin Amawii chu a rawn inbarh lut nghal chat reng a,”Eng maw i sawi awmzia…enge i thiamloh chu…engmaw ilo ngaihtuah kimloh” a rawn ti hu a. Vanlal vek chuan,”School a ka rawn hruai che chuan, ngaihzawng i nei a ni tih hrelo tura i duhte khan an hre vek dawn a, ka hrethiam lutuk a lawm..ka ti mai mai a nih kha”. Chimawm a ti ngei mai..a bulah awm se, a chum chawrh chawrh duh ang,”Vanlal chimawm lo teh aw..chutiang a awm lo” a tih pawh chuan pakhata chuan,”Anih a hnu, enge i zah em em a. Mi i zahpui a mi?” a la rawn ti tak deuh deuh a. A tawpah chuan Amawii tihngaihna hrelo lutuk chuan, huphurh deuhin, “Nihleh motor in aw” a ti thawp sat a. Vanlala phawk a la reh awzawng lo,”Motor in ka rawn hruai che anga maw…chuan mi bulah ‘kan driverin’ min rawn hruai a” i ti thei anga tiro? Ilo fing thiam hle mai….Amawii chu a thin a rim deuh trun tawh naa, a hmaa thil a lo tih dikloh avang chuan a inthlahrung ve bawk si a..a tihngaihna hrelo chuan,”A nih leh i duh duh chuan min lo hruai mai teh..i duh leh Road roller pawh lo keng la, i duh leh vai thirsakawr sang chi pawn lo kal la…i duh duh in rawn tal vel teh” a ti vei hmak tawh a. Vanlala lah chuan a thinrim tak tak lo tih a hrechiang ropui mai si,”School in ban rual in, in school gate ah bike in ka lo nghak che anga…mi hmuh tam lai berin ka phur haw ang che” an ti leh salh a…Amawii chuan,”I tih tihin rawn ti mai teh ka tih kha ka dah dawn a nia, mangtha phawt” tih leh phone off chu a rual a. Lehlam pangah zet chuan hlimna kutpui a triak hi a ni ngawt mai. A hlim lutuk chu tawngtai ngawt mai te a chak a, mahse em ema ati ve leh deuh sia. A hmaa kan lo sawi fiam thin angin, Vanlala hian tunah tak hian a FB Pro name thlak dawn sela chuan…”Vanlala Mihlim Nui Ver ver” tia a thlak loh a takah….

Nizanah khan i school bang ka lo nghak ang che kha an ti thla vei rawk kha a nia. A bike pawh zing dar 8 vel khan servicing naah a to ber chiin a service tir vek tawh. A zahzel nge, a nervous tih pawh hriat ta lo chuan, petrol te chu an thun full ang vei pup ringawt a. Mahse a lo sawi tawh a, a tih ngei a ngai si a. Chubakah chhungril tak leh internally chuan a phur lutuk ringawt. Externally hian a hreh mai mai chauh a ni. smile emoticon

Dar 2:00PM chu a ri ta, a sneakers han fai that hlarh hlarh dan chu aw. Rs 3800 a alei kha a nia. Kum chanve vel a bun tawh nain, a tun conditionah hi chuan a man ngai pawn a hralh leh thei ngei ngei ang. Engle khawle, khaw-khaw-lele…..mipa a nia, thil a lo ti tawh a..a sawi laiin a ngaihtuah chiang emaw chiang lo emaw. A hunah a ngam dawn nge ngam dawn lo tih hrelawkin alo intiam emaw tiamlo emaw. Tumah school kal in hruai avanga thi ka hre ngai lo a ti rilru a. Darthlalang hmaah a duhtawk fang hun a hman hnu chuan, phur fahran mai, mahse huphurh ru ul chung chuan Amawii te school lam chu a pan chho ta a. A tlan chak lem loa. In atanga a chhuah hian dar 2:45PM chiah chiah a ni. Mak deuh mai chu, kan thil tih tura kan phur lutuk emaw, kan huphurh lutuk emaw hian kan hun hman dan hi in lo chik ve ngai em. Kan ni vek em chu ka hrelo na in. A tam zawk hi chuan dar zat hi a chiah chiaha chhuah hi kan ching a nia. Hemi ni pawh hian Vanlala pawh hi an banga an sana pui tar chuan a nun a control hneh pep pep khawp mai. Dar 2:55PM ah chuan an school bulah chuan a awm vang tawh. Mahse a gate zawnah chuan a ding ngam nganglo a ni.A bike chu a hung fela, a gate zawna lo innghah chu sawiloh….an school bang rawn chhuak hmuhtheihna tur si, an school gate ep chiaha hawkers..hmelchhe fahran chu a thutpui ran mai a. Ban dar a rawn ri ta riai riai a. Indona muala lut tur ang mai hian a inchan roh a. Nizana a thil sawi te kha a hua a, a sawitu a lei leh a ngaihtuah chhuah tirtu a thluak te chu han hnek deuh charh charh tak hi a nap a. Enge mi huphurh thar ve leh te. An rawn chhuak dam dam a, Amawii te class room a hriat mai loh avangin a ring chu elastic fan da lampang ang hlauh.

Vanlala chuan school naupang lo chhuak zinga hmeichhia tawh phawt chu alo thlir kim dap ti ila, kan uar sual mai thei. A hnunglampanga hmeichhe pali insi riala lo kal a hmuh pawh chuan eng teh ualah a ngai lo, a chhan chu a mit chuan hmeichhe pakhat chiah a zawng tlat. Mahse chung hmeichhe pali te chuan a thutna chu an rawn pan phei tih a hria a, a ngaihbel nge mawni….a mah chu an rawn melh leh hrek hrek thin ni te hian a hria a, mahse engti kawng zawng mahin a ni tehlul an hriat a ring silo. Nge nianga a inchei dak vei thlarh sia…anni tleitir lungmawli te mit chu a lo la phian. Enga pawh chu ni se, chulam a ngaihtuah chang tawh lo. Mahse chung hmeichhe pali lo kal te chu a hma deuh hret an rawn thlen chuan an kal kawi ta thut a, a hmuh tum chu a hmu ta. Mahse a hmuh tum dan a va ni silo em. An school gate ah chuan Amawii chu mipa pakhat nen hian anlo inbia a, Amawii lah chu a nui ver ver reng mai sia. A lung chu a awilo ngei mai. A hma zanin an inhrilh vek tawh a, Amawii pawn a lo kal dawn tih a hre vek awm sia. Nge nianga a lo kal tak tak a ringlo anga, thlamuang takin a “School thianpa” nen chuan inthlahna thu hnuhnung an sawi kawi vel. Tunah hian Vanlala hi…ni sa tha pangai tak chuan rawn em ta se, a alh piat thei hialin ka ring.

Sawi leh sawi hnu…intiam lawk tawh an ni a, tunah Amawii’n mipa dang a be vei zarh zarh lai a hmu leh si a…a rilruah ngaihtuahna hrang hrang a rawn lut nghal a. Chung zinga hrisel lo ber pawl erawh chu,”Amawii hian min then tawp hi a hreh si anga, ti sawn ka hmuh turin mipa dang kawmlai a nei tih min hriattir a tum a niang” tih chu a ni. Mahse ani pawh….Amawii ngeiin lo kal turin ati a ni lovem ni tiin a inseh ruh a. Pi Siami dawr te atanga a tho chhuak phei chu a trang thra at at a sin aw. Meiling kan han thut palh a, kan tho leh zawk ang vel hi a ni awm e. Amawii chu a va pan phei a, a kalna zawn a enin Amawii chuan a lo hmuh chu a ring lutuk tawh…mahse hmulo ang hlauh chuan an la titi bawrh bawrh a….an bul hnai a thlen chiah chuan chu pa chuan…Vanlala’n mipa tawng a hriat tawh a zawnga la nem ber mai hian, “Awi Amawi naktuk chu ilo ken loh naaa chuan” a ti hlai hlai an hre mai chuh. Hnung lam atanga hmeichhe hmelthat hmel tawk..chilthli tla lo chauha an lo thlir…chhiat na zawng zawng neitu emaw tih tur khawpa hmel hmuh nuamlo rawn hawi heu…a va hmu phut ang hrim hi a ni awm e. Chutah zet zawng Amawii pawh chu a insum thei tawh lo…a nuihbawm chu perh keh sak pawp ang vel hi a ni…a nui dir chiah chiah tawh mai a. Ralkhata a thiante lo enru reng tu te lah chu an dang chuang hek law…Vanlala zak lutuk chu an thinrim der vel a..Amawii chu va piai deuh nawk nawk hi a tum a, ani a lo tlanchhia..vai film chu nise, music nalh deuh a rawn ri anga..an zai hrim hrim.

Hemi ni hian Amawii pawh nilengin a rilruah engdang a lang theilo a. Diktak a sawi chuan khatia han inhruai vel kha chu a zak tawpin, trul a tilo ngei mai. Mahse Vanlala tih lunghnur leh ai chuan tiin, mualpho pawh ngai se a lo ti alo nia. Mahse a duhlo chung a tihluih tlat avang chuan eng tin emawni taka han tih let ve deuh hrim hrim chu a chak tlat a. Tihdan tur a ngaihtuah na lamah, period tin deuh tho an zirtirtu ten an hau…tukverha dakin a suangtuahna khawvelah hmanrua a lo dapkhawm nasa ve ngang a ni. Ban dar a rik chuan a thil tih tum chu a chiang khat tawh. Mahse a ruka a va thlek dek dek pawn an gate zawnah chuan Vanlala reng reng a hmu siloa..kawng lehlamah chuan a thaw deuh huai na in, a ni pui roh hi a thusawi hi a ti tak tak zel thin sia. Alo kal hrim hrim chu a ringhlel therte lo thung. Chuvang chuan a thiante chu a ko khawm a, an remruatna rothap rapthlak leh ti ril ti mur sung sung thei pawh ni lemlo chu an tran ta a ni. A hmasa berin a thiannu Sangtei chuan Vanlala chu a va en thlithlai ru a, ngawi teh u…. sawi hmaih a mawilo kan lo sawi hmaih palh hlauh mai. Amawii hian a box chhin chhunglamah hian Vanlala thlalak hi a tar kelh reuh a. Romantic ru reuh riau. A thiante ho pawh chuan Vanlala hmel chu khawiah pawh kal se an hai hlawl lovang. A chhan chu a box chu a hawng ngun thin em bawk a ni. Sangtei chu a let leh vang vang a, Vanlala chu Nu Siama dawr ah a thu tih a va report nghal zat a. Chutah le, Plan no 2. an execute dawn. An thian za ho zingah hian tuai pakhat hi a tel ve a, a hmel a mawk dum tliang deuh hlurh sia, en mai leh a tawng hrelo tu tan chuan pherh a ni ang tih hriat ngaihna reng reng a awmlo. Amawii thiante pali chu an hmaah chuan kalin, Vanlala awmna an hre chiang tawh bawk a…Amawii leh a kalpuipa te chu an hliah thiam zauh zauh khawp mai. Vanlala hawi uak uak an hmuh chuan a then chu an insum theiloa…an inhrilh ru der a, an nui tlawrh tlawrh a. Hmuhnawm dawn em asin, engkim hrelawk tu tan chuan. Chutah le, Amawii leh Pherh pa chu school gate ah tak chuan an han inbe der vel a..an ni ho pawh chu an han kal darh ta hak mai a. An mitsirin Vanlala reaction an ngaihven ruk vek avangin an hlawhtling tih an hre chiang ngei mai.

Amawii thiante’n nui tlawrh tlawrh a an rawn fin thuai avangin, vai film an chang rei thei vaklo zawk mai pawh a. Nilo se, Vanlala zak lutuk zahzel khan a um nileng thrak peih roh tak tak a nia ka rin ni. Amawii nui bawk, a thiante lah ‘a thunawn rawn sakpui ni awm hrimin’ an rawn dir phei ngat ngat bawk a. “Khawnge kan school gate kawta i bike chu” an ti chang falh a…Vanlala chu a zak si..thinrim si..nuam ti bawk si in mix kual vel awmngaihna hrelo chuan a lu chu a chul leh vei thuak thin a. Bah nak hian, “A din chu ka rawn ding alawm, mahse nilo deuhin ka hre leh sia” a ti niap niap a. Hmeichhe panga in an han finchhuah meuh chuan a lo tlawm theih ngaih ngaih ngei mai. A tlawm zia chu leia phum pil veka a mit chin choh rawn dak dek dek ang vel a ni hial ang smile emoticon Amawii lah chuan…”hei kan pali hian ka thu ho a, kan school gate lan theihna zawnah kan thu, tuman i bike a i rawn ding lai an hmu lo…sawlai ami saw a mi ka bike i tih ve sek chu” tih pah chuan an Maths teacher…hmel chul ve fahranin, nitin a rawn khalh beuh beuh thin…RX 100 hlui mangkheng chu a kawk va a. A thiante lah chu hrilh lawk ang mai hian an lo nui rual vei hak hak zel a. Vanlala hmel chu man chawi pawn a en tham hial ta ve ang. Amawii lah chuan nuam a ti tih hai rual a nilo. Vanlala chuan nizana a han inti arpa chanlai neitu kual vel lai te kha a ngaihtuah chuak a…awi …awi…vanlal-zangkhua-a a bungbu hi a ni ringawt. Vanlala tihngaihna hre lo leh tlawm thal chiang lutuk chuan,”Karawh, kal tawh mai ang” an ti ngawt a. Amawii chuan a duh ala ngah lo a ni fahmiang….”Sawtiang bike a chuan ai chuan, kelawnga haw pawh ka thlang zawk” an ti vei sak a. Mahse Vanlala chu a zak lutuk tawh tih a hmu thiam hlauh a, a khawngaih ve ta aniang…”ni e haw ila” a tia a thiante chu a bye bye liam liam a….an ni lah chu an nui phei ang tlawrh tlawrh lehnghal a.

“Nang hi chu aw” an ti ngawt a…Amawii lah chuan “keimah chauh hi zak thei awmchhun ka ni bik hleinem, enge ka hreh chung chung min tihluih tralh teh ei” a lo tia…a lo nuih ang vawr vawr lehnghal a…”Tunah dar 3 leh tlem chauh ania, i haw dan pangaia i haw in dar 5 dawnah te in i thleng thin tho a. Leng khawthawng mai mai ang” Vanlala’n a han tih chuan Amawii chu a lo phur ngei mai. Hetiang hun hi an tan chuan kum 100 dana thleng ang vel hial a ni awm e. Kum 100 an dam thleng ka tihna ni hauhloin smile emoticon Tichuan an inphur chhuak ta a, Amawii chu school skirt a fen avangin a hmeichhe thrut trat a, Vanlala hnenah chuan,”Ka thutdan hi ka thiamlo e, ka rawn vuan mai ang che aw” inthlahrung deuh tak chuan a ti ta tawp a. Inthlahrung kan tihna chhan pawh hi, an inkarah kher kher hi chuan physical contact hi a thleng khat ve khawp a…an tan chuan kut insuih riala kal te kha thil ropui lutuk a ni kan tih tawh kha. Tichuan Vanlala kawng chu va kuah a tum uk a…mahse a zak leh deuh nge ni…a t-shirt chu a thram sak ta ngawt a. Vanlala lah lo inla zei, Amawii kut chu rang takin a la a, a kawngah chuan an zem tir hnap a..chumai duhtawk lovin…a kut trang karah chuan a kut chu a rawlh a…khingkhata khalh chung chuan Chaltlang thlaah chuan an tlan thla ta delh delh a. Motor tam tak an tlanpel ngei mai..mahse khang ho zawng zawng khan an bike tlanpelha inphurte rilru hlim dun zia leh…an in thlakhlelh zia kha tuman zu hriatpui hauhloa mawle.

In ni ve em ka hrelo..ka broadband hi nimin atang khan a muang em em mai a. Post upload dawn pawn a pics takngial pawh a load theilo. Phone ah ka type a, phone vekin ka rawn upload….a thui leh tawi pawh ka hrethiam mai lo -RF

Muangchangin bike chuan an tlan mai mai a. Traffic a thawl emaw, kawng a that/ngil apiang chuan…a kawnga rawn kuah lum veng veng tu Amawii kut chu Vanlala chuan a zu vuan ve leh var thin a.Mahse rilru nawmloh deuhna a nei ta tlat mai. Amawii kut chu ala sa deuh vur mai chu niin. An inphurhchhuah hlima a khawihsak pawh khan sat chu a sa deuh vur a, mahse khatih lai te kha chuan an classroom…a chung rangva, ceiling pawh a neilo ang tih hriat reng reng atang a rawn chhuak hlim kha a nia..a awm hliah hliah zawk a. Mahse hei tunah chuan, darkar khat dawn an tlankual vel mai mai tawh a…thlifim te dawngin an tlanthawt na ngawtah pawh khatiang taksa lum naran te kha chu a reh chu a hun tawh. Mahse a zu hum apiang chuan a lum mai niloin a sa deuh vur tawh ni hian a hria a, Amawii chu an thlek ru zeuh a, a hmelah han damloh emaw nuamlo ti hmel hmuh tur a awm bawk silo…a pangti lum a chhuak laklawh a niang tiin rilru hminlo takleh ngaihven ru deuh chung chuan a ngaihsak duhlo lui ta ngawt a. Antiti nasain an nui nasa bawk a…kawngsira mite pawh rawn hawi deuh hu chang an nei thin. Chutiang nikhuaah pawh chuan thawm dim tange ti lo chuan an insik ru a..a ngai te bawkin..Chutia an nuih vel vak vak lai chuan Amawii chuan,”Vanlal kan veng thlanmual lamah kal mai mai ang hmiang. I thianpa thlan pawh ka la hmu ve silo a” a rawn ti teh phut a. Vanlala rilruah chutiang zawnga thu a lo awmloh em avang chuan a phu deuh zawk hialin a inhre nghe nghe a. Mahse rawtna tha taknia a hriat avang chuan a aw nghal thuai a. Diktak chuan a ngaihan tak chu a ni lemloa…khawilai hmun fianrial deuhah emaw duhthawh takin an inkawm ve ang chu tih zawngin rilru a lo pu naa, Amawii kam chhuak a ni miau si a..khawi atang mah hian hnial turin chakna a sawrkhawm thei longe.

Tichuan thlanmual lam pan chuan muangchang chuan Falkland lam chu an pan ta zawk a. A hmun an thlen chuan Amawii chuan thlan lo awmho chu afang kual vel par par a,” Eee..hei chu chumi thlan chu a lo nih reng hi” te a ti chul a. Vanlala chuan hmun remchang laia lo thu chung chuan Amawii che vel chu a lo thlir mai mai a. A tehkhin ber chu..naupang te..MC a vawikhat an kalna ang vel hi ni ber hian a hria a. A nuihzat lam lamah te a kal a. Reitawk fang a virkual zak zak hnu chuan Vanlala bulah chuan a lo kala,” Khawnge Valpuia thlan chu” a rawn tia. Diktak chuan Vanlala chuan a tlawh phurlo ngei mai. A lunghlui ten nasa mangkhengin an rawn zem vel dawn tih a hrechiang si a….Amawii bulah hian a mualpho thut ang tih a hlauh ruangreng viau mai a…mahse a thianpa thlan han hmuh chu a chak ve deuh bawk sia. Tichuan Amawii kut chu vawnsakin muangchangin Valpuia thlan awmna lamah chuan a phei pui ta a.

An va thlen chuan a kross ngheng chuan Valpuia thlalak liantak mai chu an lohung luau a…chu ngawt pawh chuan Vanlla lung hlui chu a len nghal der mai a. Tuna thlalak an tar a hmuh saw…an lak ho lai ni vel te a rilruah a rawn lang nghal uaih uaih a…hemi nia Valpuia thusawipakhat chiang em em mai hian a hre chhuak bawk a. Ama roomah kan awm ho thrap kha a ni a…a computer thar leh phone thar neih vel enpui pahin inkhawm banah, thiandang te ho nen kan chawl chho kha a ni a. Tuna a thlalak ngei pawh hi amah..Vanlala’n Valpuia phone thara a laksak ngei kha a ni tih a chiang em em a. Hemi tum hian Valpuia hian,”Vanlal, kan naupang chhe zawk zawk tawh miahlo ania, nupui neih te hi tum ve tawh ang u” a tih bui bui lai te kha a hre chhuak a. Tunah zawng hlimthla dangte ngaihtuah nen a mitah chuan mittui a rawn hnam triam triam a. A inthiamlohna ngai bawk,” Ngatinge hetiang khawpa rilru lama hrehawmna i tawrh te hi hre ve tur khawpa ka lo hnaih loh che” tihpawh chuan a rawn vaw leh nghal zat a. Amawii ber pawh a lo ngaihsak tawh lo…mahs,”Vanlal, ka lu hi a na fek fek mai..khiti lai hlimah khian ka lo han thu chawl ange aw” a rawn tih thut takah chuan Vanlala rilru chu a “About turn” chiang ngei mai.

A hmaa a kut sa deuh vur reng mai te kha a hre chhuak awn awn a…Amawii chu a han pan chho nghal ruak ruak ,”Amawi ngatinge? I lu chu a na viau em…kan haw phawt mai dawn a mi?” a han ti zung zung a. Mahse Amawii chuan nuih luih tum hram hram chung chuan,”Chutianga na a ni hleinem, a na fek fek ka ti mai alawm. Chubakah eng anga na pawh ni mahse, hetianga ka hmangaih ber nena hun kan hman ve theih lai min ti buai tu atan chuan ka phal teuh lo” a ti ta reuh a. Vanlala thinlung chu chu thu ho te nia lang chuan a khawih na ngei mai…chu thu chuan a thinlung chhung chu a vilh thla ngawih ngawih a, a thinlung hmun lailum berah chuan awmhmun a zu khuar nghal kak ni ber hian a hria a. Amawii chu a thlir vawng vawng a…a inrin loh lai chuan Amawii khabe ah chuan a rawn dawm kang de de a..Amawii lah thil dang lo tiin Vanlala he vel a lo hmu meuh silo a, a lo phu deuh zuk a. Mahse Vanlala hmel a hmuh chuan nui sen sen chung chuan amah zawk chuan a han fawp ta hleuh a. Tumah mitmei venthawn tur an awm lemlo bawk a, an duhthawh duninan kut pawh a hlei ru phian mai. Vanlala chuan zawi sep hian,” Tilai chu mi an lo kal thut thei sia, khulaia hnimbuk thlang deuhah khuan zawl nuam deuh a awm asin..tahchuan chhuk ila” a tih chuan Amawii pawh chuan a lo hnial hranlo bawk nen..an in kai thla dat dat a. An awmna a pilril tha in an tawm rei angreng sia..eng tak chu ti ang maw?

Mahse Vanlala chuan chutia hun an hman chhung reng pawh chuan Amawii thaw leh a taksa vel sa deuh huam huam chu a ngaihthah thei nganglo a…rei mawi tawk an pilbo hnua hawn zai rela bike an dahna lam an pan lai chuan…awm leh mawi leh thil tihchi a ni ber em tih pawh ngaihtuah lo chuan Amawii chu a pawt hnaia..a fawp zeuh a…a chal chu lut chuan a deh sak ta ngawt a. A rin leh beiseiai fe chuan a lo sa ling vur mai a. “Amawi i khuasik a nilo maw…ka lu a na fek fek i tih ringawt te kha ka awih mang tlat tawhlo. Ilo nuamlo ru zek hi a ni lo maw”? a ti ta ngawt a. Amawii pawh chuan zep zep trulin a hre vak ta lo a niang…”Chuti em ema na chu ni lo mahse, vawiin chawhnu lam atang kha ka khua hi chu a sik er er in ka hria a. Mahse ka sawi tawh ang khan, i bula hun hmanna chance ka neih ve hi engti kawng zawng maha pumpelh ka duh lo a…ka sawi buai peihlo a lawm. Vanlal, i ngaihdan chu i ngihdan lo ni ta se..mahse kei chuan ka thinlung zawng zawngin ka hmangaih hin thlap che a. Ngaihzawng i la neih tlem vang pawh ilo ti rilru thei a..mahse hetiang bak bak hi chian keimahah..ka damchhung hian a chian leh ka ring tawh chuangloa…chuvangin I nupui tur anga min duh ve a nih pawn, nang tluka ka duhthusam ti kim tu hi ka tawn leh pawh ka ring tawhlo, an tizet mai chuh…Vanlala lawm lutuk chu awmngaihna a hre der lo…a pawm nawk a…a fawp leh vawng vawng a..an bike dahna an thleng trep tawh a..lo hmu thut thei pawh an awm nual mahna. Mahse pawi tibna hi a nei zeuhlo hrim hrim tawh tawp mai a ni. “Amawi keichuan a hma pawn ka sawi tawh tho naa…Ka thinlung zawng zawng leh ka taksa pengtin te hian an hmangaih che a. Kan dam ve trek trek chhunga ka kianga awma, nuih huna nuih pui tur emaw..inhauh pui tur emaw…a chhia a tha pawh tawng dun tura ka duh ber chu i ni” an ti ve tawl mai a. Tawl mai a kan tih avang hian a thusawi hi a diklo emaw a la lap emaw nilovin..a sawi tawl a nih ber chu.

Amawii chuan ngun fahran hian Vanlala mitah tak chuan a en a, dawt a sawi leh sawiloh hriat a tum a ni ber awm e. An chhoh paha kawngsira pangpar a lawh chu khal niap niap pahin ” A nih leh ka lo damlo anga…zun leh ek pawh thiar theiloin..thiarsak ngai hial khawp te hian awm ta il..min kalsan duh mai lawng maw” an ti leh hram a. Vanlala chuan a chhang miahlo tih a hriat chuan a rilru a nuamlo thar deuh thut nge a hmel chu a han en leh vat a. Vanlala chuan chiang mangkeng hian a lo en a, a thinrim deuh hlek ni te hian a hriat theih rum rum a…” Amawi ngatinge vawiin hi hetiang lam hlir i sawi a..i nuamsamlo nen ka rilru i tinuamlo vek a nia aw…a hrim hrimah eng ang mihring nge nia min ngaih le..damlo la..nitin i taksa hi thiahsawma rem khawm leh parh ngai ziah pawh ni se…pen khat te pawh hian ka hnungtawlh san lo ang che” an tih meuh chuan Amawii pawh chu a insum zo tawh biklo aniange…Vanlala awmah chuan a rawn bei thlawp a. Eng sawi zui ta lo chuan muangchang chuan an inphur haw ta a.

An duh aia an thlen tlai deuh avangin Amawii chuan,” lo langlo law law la, school ah kan awm tlai deuha ka ti mai an” a tih avang chuan an in thlen hma deuh fe ah chuan an ding a…inthlahlel tak si engmah tihrem tawh silo chuan an invai liam ta nge nge a. Vanlala chuan Amawii kal liam tur chu a thlir renga, a kaldan seih seihah chuan a malpui emaw a chung deuh vel emawniah na tih lai a nei tih chu a hrethiam mai a…Mahse chuzawng a ngaih ti thalo tu a ni vak hran lo. Amah pawh chu haw ve nghal a..a inbual fai nghal var a. Thisen hi a hmuhtheihloh thin tehreng nen…hmangaih ber te thisen erawh chuan lawmna famkim a thlen mauh zawk mai si a. Amah pawh chuan a ngaihtuah neuh neuh a….an thianghlimna an hawn sak tawh hi chuan hmeichhia te hian an theihnghilh tawh ngailo tia an sawia lo hre ve fo tawh si a…a thla chu a muang tharin..Amawii chu a inti neitu hliah hliah tawh mai a ni.

Zanriah an kil lai chuan Vanlala phone, a rooma a charge chu a rawn ri bal bal a. Chawei lai te a nih avang leh a chhungte a hmaizah deuh avang chuan a la duh lemlo a. Chaw ei khamah ka call back mai ang a ti riru a, eng vak a nih a rinloh avang te pawh a niange. An chhungkua chu an titi luam a, a pa ber pui chuan Amawii nen an inkar vel chu a sawi chhuak luam a. Khawtlang in inngaizawng te an en bik thin thu te, mi zingah chuan, mi mit tikhamlo thei ang bera awm a ngaih thu te, mipat hmeichhiatna ah ngat phei chuan insum hram hram hi Pathian duhzawng a nih zia te chu a sawi hluam hluam a. Vawiina thli thleng vel hretu chu amah chauh a nih avangin nawm chu a nuam duh vak hranlo ang. Mahse han puar ta thut se..buichhe laihloh inpuang an sawi ang hlauh a ni dawn si. Tichuan a pa thusawi pawh chu mur deuh sung sung khawpa nuam tilo chung chuan a ngaithla kar a.

Chaw an eikham chuan a phone rawn ri kha a lo hre chang leh tawhlo nge ni, en tange tilo chuan a inthiar san daih a. A inthiar lai tak chuan a rawn ri leh bal bal a…mi san laklawh lai laia. Chutia a rawn rik leh takah chuan an chawei laia an rawn call te kha a hrechhuak a. Lung dam zan lo chuan a insil a, a chhuak ta a. Lung dam zanlo kan tihna chhan pawh, a lut aiin a chhuak a tlem tlat..hahahah thring eee…..A phone chu a va en vat a. Masangi missed call vawi 2 lo awm a hmuh chuan a hmanhmawh thar ta ngei mai. A hmanhmawh chhan ber pawh engdang ni loin, Amawii chuan Masangi hnenah phone a lo pe let hman ang tih a hlau a ni. Masangi phone atanga call a awm chuan Amawii a ni ziah si a, tun trumah pawh hian Amawii a nihloh reng reng a ring lo. Tichuan a call back nghal vat a, mahse a vawi khatna chu a ring ral raih mai. Rilru nawmlohna pawh a nei hranlo…Masangi’n lo kawl tawh pawh ni se, a zah teh chiam chuangloa..a call nawn leh nghal a. Tun trum chu an rawn pick up ta…mahse “A THU HRIAT CHUAN A BENG A VA HAN VERH TEHLUL EM”. Masangi chuan phone chu a pick up na in, a rawn chhawn mai lo a…phone ah chuan Amawii pi leh pute bakah amah Masangi ngeiin mangan hmel deuha “Amawi, Amawi” an ti vak vak thawm a han hria a nih chu. A ni deuh nghulh hian a hria a, a rilruah ngaihtuahna crore za chuang a rawn lut ang….sawi vek lo mai ang. A tihngaihna hrelo chuan “Masang…Masang” a ti tuar tuar a….a au ring deuh ni tur a ni…a nu leh pa te hial pawh chu a room kawngkaah chuan an rawn dak hu a.

Masangi chuan a la rawn chhang lawk mai si lo. Khawnge an awm a, eng thil nge thleng a…enge Amawii dinhmun tih pawh engmah ala hre silo…tuna a hriat chhun erawh chu Amawii chu engtin emaw tak a awm a…biak pawh a chhang theilo tih zawng chu a ni. A ding hluai a..phone chu a beng zawna vawn reng pah chuan a kal kual sek a. A nu leh pate lo biakna pawh chu engmah a hrelo nilo in..chhan tumna a neilo. Rei tawk fang a reh hnuah chuan ring mangkheng hian,”Masang” a han ti leh vaka…Masangi chuan a lo hre pha ni tur a ni…”Vanlal Amawii hi nichin mai khan a roomah nikhaw hrelo in a lo awm a…hei civil kan panpui mek” tih leh dah a rual nghal daih a. A hriat duh tawk a hre tawh a niang chu…Boxer ha chung chuan a chahbi leh helmet a la lawk a..a thlawh takmeuh meuhin a thlawk chhuak a ni ber mai. Civil a va thlen chuan a kawtah Masangi chu phone alo hmanga, a aw te chu a lawi deuh rut avang chuan a trap titih tih chu hai rual a nilo. Chutiang te a han hriat leh tak zelah chuan Vanlala chuan rilru mumal hi a pu tawh lo reng reng. Masangi phone hmang lai chu a kuai her lawp a…”Khawnge…khawnge Amawii” a ti thei trawk a ni. Mahse Masangi chuan,”Tunah tak chuan Doctorin investigation a ti mek a…a bulhnaia awm an phal rih lo a….Vanlal..in inbiakin enge a rawn sawi” a ti ta daih a. Vanlala chu a bo ngei mai. Masangi vek chuan, “Vawiin a rawn haw hlim atang khan ka lu hi a na fek fek reng mai a ti a tia. Chaw ei kham hlim khan ka phone hman min rawn dil a, nangmah biak duhna che a nei tih ka hre mai a…a roomah a lut a, mahse a rawn chhuah har em avang leh thawm engmah a neih zui takloh avangin ka va en a…a khumah chuan bawk deuh titih..leia thingthi deuh titih hian alo tlu a…biak ngial kan tum pawn min chhang thei silo a. Damdawiin kan tlanpui tawp. In inbe lo tak tak a mi?” a ti leh hram a. Chutah zet zawng Vanlala chu inthiamlohna kan ti dawn nge inchhirna chhumpui dum lian fahran hian a tuam hian a rawn tuam ta mup mup mai a. Chaw a ei laia a phone rawn ri kha Amawii a ni ngei dawn tih a hriat phei chuan nuam lo a ti lutuk chu a awmdan pawh sawithiam a har. A pum te chu a fawn dulh dulh hian a hria a, a awm bawrah te chuan hnawhtu awm tlat hian a hria a…a thaw tha thei lo chu casualty kawt atang chuan kawngah chuan a tlanchhuak a..thaw a va la kawk kawk a….

Tlaia ina a haw pawh khan a lu chu a na takmeuh tawh a. Mahse a hmaa sawi tawh ang khan Amawii hi a luhlul ve reuh em avang hian intih pachan pawh a lo thei phian a lo ni mahna. A chhungte bulah pawh a luna chu a sawi tha duh lem lo a. Masangi phone a dil chhan ber pawh kha, a luna vel chu Vanlala hrilh paha, vawiin an awmdan vel…a rilru a inthiam theihloh thu te hrilh a tum a lo nia. Mahse khatia Vanlala a call laklawh lai khan..a khawhmuh a rawn tawi tial tial a, a tha te chu zawi deuh hnuang hian a hria a…a khumah thut a tum tih chu a thil hriat hnuhnun ber a ni. Amawii hi chhungkaw nuamsa tak atanga lo piang a nilo tih takah, an tet lai phei chuan enkawlna tha an dawnglo nasa em em a. Kum 3 mi lek a nih hian TB a vei tawh a. Chupawh enkawl mumal awm mang loin…pawisa an neih changa a damdawi lei…an neih loh chuan lei loh…chutiang vel karah chuan Pathian khawngaihna zarah a rawn tha chho ve mai a lo nia. Mahse natna hi zawng, huat thlala tak taka chet hi a chin em avangin..a tet laia a lo pai tawh te pawn a rawn thring te pawh a ni fahmiang le. Tu’n va hriatpui si se suh. Vanlala chu kawngpuiah chuan a thu run mai a…motor pawh rawn tlanchho se, kenna chang pawh a hrelo ang tih vel a ni. Chutih lai chuan Pu Lala te nupa damdawi lei rawn chho chuan Vanlala chu an rawn hmu a. Thinlung tak chuan “An va han lainat ru tehlul em”. Mahse han tih lan huam huam kha a mawilohna chen te a awm tlat si a. Pu Lala chuan,”E khai Vanlal, i va fel ve…” a rawn ti vat a..mahse Vanlala chuan a chhan miahloh bakah an rawn chho pawh hmu anga a lanloh avang chuan an nupa chuan an rawn pan a. Casualty kawta chair ah chuan an thut tir a, a bulah chuan Masangi chu a rawn thu thuai a… “Amawi..vawiinah khan ngatinge ka zawh che khan min hrilh that ve mai loh…” Masangi chuan Vanlala chu a va thlek vat a, a mittui a lo hnam triam triam tih a hmuh chuan a lainat ngei mai. A tette atanga a thian kawm ngeih ber mai leh..tunah a nau Amawii nena inhmangaih em em…chuti taka a han awm chu a lainat lutuk a..a kun vat a, a mittui chu a dangzo bik nganglo a ni.

Darkar chanve vel a liam ang tihah chuan Vanlala nu leh pate pawh an rawn thleng ve a. Enge thil awmzia an hrelo a. An fapa khati fakaua hmanhmawha tlanchhuak kha an rilru a nuamlo a, Masangi nen an inbiak laia “Casualty ah maw” tih a sawi an hriat ve vuai avanga rawn phei ve chawt hi an lo ni a. Mahse an fapa lo thu ngul mai. Biak pawh chhanna chang hrelo khawpa rilru na leh rilru kalding an han hmuh chuan, Vanlala nu phei chuan a lainat leh zual a. A bula Masangi lo inhnit faih faih a hmuh phei chuan thil thalo tak a thleng tih chu an hrethiam mai a. Amawii chungchang a ni ang tih pawh hrilh buai ngai lovin an man nghal thuai reng a. Chutih lai vel tak chuan nurse pakhat hi casualty atang a rawn dak a, “Lalhmingmawii chhungte kha in awm em” a rawn ti lang lang a. Pu Lala chuan a lo chhawn vat a…an nu chu a hrilh ru su su a…Vanlala pa hnenah chuan,”Vanlala hi lo lut ve se kan ti deuh a” a rawn ti ban chat a. Phalloh chi a ni lemlo bawka, an hruai lut ve ta a. Vanlala hi diktak chuan chutianga buai chhuih chu a ni hranlo a, mahse a rilruah thil a rawn lut hnem lutuk a. Midang boruak emaw, an biakna vel te pawh chhan ngaihna a lo hre lo mai zawk a ni.

Casualty chu purdah lianpui mai a inzar avangin a chhung chu a hmuh theih mai lova, chu purdah takngial pawh chu a kal pel hreh ngawih ngawih mai a. A chhan chu a hmaah hian eng news in nge hmuak a hrelova…A hmangaih-i chu hmanni lawka a thianpa hmel a hmuh ang khan…dang bem leh hmui duk chura va hmuh ve chu a hlauh in a hlau hluah hluah a, a tiril te chu a sai der der thei hial a ni. Mahse Pu Lala’n a chhawm luh takah chuan a kal ve rawih a. Casualty chhungah chuan mutna pathum a lo awm a, a lai chu an lo zarhliah vek a. Chutah ngei chuan he khawvela a hmangaih ber leh a hlimna tawpkhawk siam thin tu chu a awm tih a hria a, mahse mihring pangai angin nge a va hmuh dawn a, ruang ang chauhin tih erawh a hre hauhlo…a ke te chuan pen na turin chakna an nei tawh lova, a mittui te chuan a chhehvela thil awmte hmu fiah turin a mit chu an hliah bo lo chauh bawk a. Vanlala rilru chhungrilah chuan beiseina tlemte, mihringin a chhe ber kan tawn pawha la chambang ve thin ang hi chu a nei ve rauh rauh naa…a thil ngaihtuah te leh…a hlauhthawnna te erawh chuan amah chu an hneh zawk tih erawh hai rual a nilo. Mahse pumpelh theiloh thil hmachhawn a ni miau a, Lu tanbunna khawl pan mek angah te zu inchan hial a mawle. Mahse vanneih thlak takin kan ti dawn nge, an zar hliahna an hawn hma chuan Doctor… la naupan hmel tak hian a rawn pan vat a,”Nangmahni em ni (A lehkha kenlai chu an thlek zauh a) Lalhmingmawii te chhung?” a rawn ti a, Pu Lala chuan a lo chhawn var a. “Hei a dinhmun hi a tha lutuk lo nain, hlauhthawn awm lutuk ang kha chu a awm lem tawh lo a. Meningitis a nih ka ring a…a tih lai chuan “Chu chu enge”? an lo ti rual thrawih a…”Thluak lam natna a nia..tunah hian hlauhthawn deuh chi hnih thum ka nei a…mahse CT-Scan kan tih phawt loh chuan engmah ka hre chiang thei rih biklo” a tih chuan Masangi chuan,”Chu a harh tawh tihna a mi” a lo ti thawt thawt a. “Harh chu harh love, mahse ka sawi ang khan, hlauhawm vut vut ang chi chu a awm rihlo” a tia a kalsawn ta daih a.

Chutia chanchin tha…chhe chi ni bawk si an han dawn takah chuan, Vanlala pawh chu tlemin a thaw ve deuh huai a. Rang takin an zar hliahna puan chu a keu a…Amawii lo mu bam a va hmu zet chu…Mipa pawh a mipa thei ta lo. Mitthi sun ang hrim hi a ni ta ngawt mai a, mahse Pu Lala te an rawn luh ve takah chuan a inti pachang a….Amawii kut erawh hmer tliah a tum emaw tih mai tur chuan a hmer vawng vawng thung. Tawngkam khat pawh a chhuahlo nain, a mitmeng chuan Amawii…nikhaw hreloa mu reng chu a be mawlh mawlh ani tih hairual a nilo. Sawi tawh ang khan a hmain a thianpa ve tak tak a chan hlim chauh a ni a, tunah a hmangaih ber a chan leh chuan a tan dam man a awm tawh lo anga. A khawvel hriat ve thin te pawh, a ngai angin a hmu thei tawh lo ang. Amawii chu a thlir tlawk tlawk a, a rilru te te in “Min kalsan ve thei lo ania aw…ka thih i duhloh chuan lo harh chhuak leh ang che. Min rawn biak i tum lai chuan enge min hrilh i tum….i awka hnuhnung ni mai thei tur hre tur te chuan hremhmun takngial pawh paltlang ka inhuam a sin….Ka duatte, lo harh leh hram hram rawh aw” a mittui chu a hru leh zauh thin a.

Civil ah chuan CT Scan khawl chu awm ve tho mahse, awihawm loh lutukin a chhiat lai a lo ni mauh mai a, smile emoticon Doctor chuan Emergency in Trinity Diagnostic Centre chu a’n phone a, anni lam an lo fel hlauh a. Inkhar tawh hnu hnuah an lo inhawng leh hram hram a. Chutia tihtur trul zual te an han tih hnu chuan Doctor lo duty chu result te chu an han entir a. Chutia result a en lai chuan a awm ve zawng zawng chuan khawdang an hawi lo. Doctor pa a han men nur deuh leh an lo ip rual dial a, a hmel a han dam deuh leh an lo thaw leh huai a. Eleee, engmah va hrethiam ve ta nghal lo chuan. A tawpah chuan Doctor chu a thutnaah a han thu te te a, an din hual deuh laih mai a. Nurse pakhatin “lo va chhuak then rawh u” a tih pawh chu tuman an ngai pawimawh zo tawh lo. Doctor pa chu “box office a no 1 hit Movie” thlir ang hrim chuan, mittla lo lekin an en thrap tawh mai a. Chutah muangchangin kan Doctor-a chuan,”Awle, a tira ka hlauh ber te kha chu an nilo phawt a” a han tih chuan an thaw rual deuh dual a ni mahna…Doctor pa chu rim chi hrang hrang; uih deuh te, tiranga rim nam te, kuhva leh meizial inpawlh rim te chuan a hnar bawr vela Oxygen awm te chu an rawn khuainuai buai zo vek a. Tawng leh mai a tum pawh chu thrulh lailawkin…hawisawn meuhin thaw a han la leh te te a. “Ka sawi ang khan, ka hlauhthawn ber te kha chu an ni lo a, mahse a thluak hi a TB ve a, tun hma in TB hi a lo vei ve tawh reng em?” a rawn ti zui zat a. Pu Lala chuan, “naupangte a nih laiin a TB a, mahse dam enin kan lo en hmiah tawh a” ahan tih chuan. Doctor chuan,”Chu chu a nih ngei dawn chu, mahse damdawi te tha taka a ei chuan a pangai leh turah chuan ngai ila. Amaherawhchu, thluak lampang khawih natna reng reng hi chu 100% in an dam chhuak leh ang tih hi kan tiam thei ngailo a nia” a han tih chuan an lawm tih chu hai rual a nilo. A natna hi hlauhawm loh lutuk chu a ni miahlo, mahse beiseina nei theia an han awm pawh kha an tan chuan alo tawk em em zawk hi a lo ni.

Vanlala rilruah erawh chuan thil dang daih a rawn lang thung a. A theih patawpin KTP ah a active a, rawngbawlna pawimawh tak takte a chelh mek a ni a. Chuti chunga Pathian duhloh ber pawl tih hlawhtlin tum chu sawiloh, a rilrua a rawn lang leh a chetchhuahpui na hrim hrim avanga hetiang hi thleng niah a ngai tlat thung a. Mahse chu aia pawi a tih lehzual chu, amah zawk a thlemtu a nia, amah zawk Pathian timualpho nasa zawk tu ania…enga tinge Amawii chungah kher a thlen. Amah chu hrem tlak zawk chu a ni lawm ni tiin a inngaihtuah nasa mai a. Mahse a tawpah chuan,”Keimaha natna thlentir ai chuan ka hmangaih ber chunga a thlentir hian ka tuar na zawkin, ka inhmuchhuak chiang zawk dawn tih a hriat vang a nih hi” a ti rilru a. A ngaihtuah chian poh leh dik a ti telh telh a, a awm mai mai thei ta der lo mai. Chutiang zawng hlira a ngaihtuah avang chuan a hlauthawng thar leh ut ut mai a. Pathian hian min kohna leh min hremna nia ka ngaih hi ka ngaih pawimawh loh chuan Amawii nunna hial hian a tawrh ka hlau tlat” ti zawngin a rilruah a thawk tlat mai a. Tuma hriat loh leh hmuh lohin a put ru a, Opd Card lamna inhnuaiah chuan a chhuk a, thingthi hnawkin Pathian hnenah ngaihdam a dil ta mawlh mawlh mai a. Pathianin hremna lekkawh dan chu a lo thiam na ngang te pawh a ni mahna, a piantirh ata chutiang reng renga tawngtai ala nei ngai lo. A tawngtai zawh chuan rang takin Casualty ah chuan a chho leh nghal a. Amawii lo mu bam bulah chuan a han thu a…a kut chu a hum sak vawng vawng a, “Aw….a lo hmangaih zia hi a va han hrechhuak chiang tak em”. A chhak lama awm te chuan zu en ngat se chuan…Amawii…nikhaw hreloa awm mek pawh chu pawisa lova, a be mawlh mawlh lai chu an zu hmu thei ngei ang. Civil ah chuan khum ruak a lo awm mai loh avangin Mizorama Private damdawiin tha bera an sawi thin,”New Life Hospital” ah chuan an in refer phei ta a. An vanneih asiam tak meuh meuhin chumi tlai chuan, cabin ami pakhat an lo discharge chiah hi a lo nia. Midang dah tur an lo ngaihtuah lai vel takin an va bia chu niin. Vanlala tawngtaina kha Pathianin a chhang te pawh a ni mahna, damdawiin lun lutuk maiah chuan…direct in cabinah an han lut pawp mai chu a nia…vannei an inti hle mai an ni ho pawh.

Damdawiin a luh atang kar 1 a tling trep tawh tihah pawh chuan Amawii chu harh chhuah tih reng reng a nei ta si loa, a tira beiseina an neih ve ang ang te pawh…a ni telin sih khem hlek hlekin a awm a, tunah phei chuan an mangang ru leh tawh khawp mai. Mahse a enkawltu pa Doctorin, “Anni ang case hi chu, hetianga an awm tawh hi chuan an hma hun sawi lawk hi a har duh viau na in, harh chhuak leh hi an tam mah zawk a nia…a thluak ah hian pressure a insiam nasa deuh a, hei hi a zia awm chuan a rawn harh ve mai chu ka ring” a tih avangin beiseina tinther aia lian hret chu an la zakzeh ve hlawm ran tho a. Mahse hetiang ang dinhmunah hi chuan rilru dam dapa han awm hi chu tu fa lubawk mah hian an theiin ka ring biklo e. Vanlala pawh…mitthi meidila han tla zuai rawn tho leh ang hrim in..biakin ah a kal zut reng mai a. Christmas hi a lo hmang ve nual tawh a, mahse, he lei… a sakhming khawvel an tiha a lo chen ve tawh china a tawngtai zawng zawng belh khawm record dinglai chu…tun kar hnih khat chhung hian a break chiang ve viau chuan a lang..Break mai pawh nilovi a double break vel hial tawh ang chu. Amah pawh thlarau lamah a chak that phah vek vawk bawk a…thawmhnaw pawh “Kawrvual var ngat lo” chu a ha peih tawh lo hahahah awiawm loh leh ta…..Amaherawhchu tawngtai erawh a tawngtai tam phah na ngaing awm e. A hun zawng zawng chu a ni lo anga, zaa sawmriat vel erawh chu Amawii Cabinah ah chuan hun a hmang thung a. Pu Lala te chhungkua pawn fel an tiin, an tunu heti em ema a lo hmangaih tih an hriat hian an rilru put dan leh an inkar an lo hmuh dan pawh a thutak sawt phah hial ta ve ang.

Nilengin a awmpui tawh a…Amawii hmui ro lutuk rep var tiarh te chu a thiam ang tawk tawkin, lapua a tihuh a…a hruk sak lep lep a. Chutia dim tea a hruk lai chuan a ngaihbel nge mawni…Amawii chuan a hmuia tui hnawm chep chu a rawn liak det hian a hre tlat mai a. A han au thin…chhana erawh a dawng lem chuanglo. Mahse a hmui rawn che kha chu a hmu chiang khan a hre si a…a au a au a, engtin mah a chhang chuang siloa…a mitvai mai maiah a ngai ta ngawt a. Tih tur dang a awm lemlo bawk a, Cabin verandaah chuan meizial a va zu zuai a. Chutia veranda railing nghenga, meizial a pak hlat hlat lai chuan inchhung lam atang chuan tawngri a hre thut mai a…nurse rawn lut a nih a ring nghal mai a, rang mangkhengin a meizial chu a paih a. Eng pawi mah khawihlo ang hrim chuan cabin chhungah chuan a lut zal zal a. Mahse tumah reng reng an lo awm hauhlo. Amawii a va en a, a ni lah a awm ngai ngaiin a la awm bawk si. Thlahrang te a ngaihtuah thleng hman rum rum a, mahse tlangvala pumpa, chhun pachangah lehnghal thlahrang hlaua awm thu va awm suh. Chuta karah a hmangaihi awmpui lai lai a. Mahse aw nge tawng ri emawni kha chu a hre chiang em a ni. Thawm a han ngaichang vang vang a, engmah hriat tur a awm zui taklohah chuan thutthleng seiah chuan a thu a, chanchinbu chu a chhiar melh melh a.

Chutah le, thawk leh khatah Amawii chu boruakah a rawn kang ta delh delh mai !!!!! hahahah hei pawh awihawm loh….”Vanlal” zawitea rawn ti ri a hre thut a, Amawii lam a va hawi nak chuan a lu chu a rawn thle phei a…mitmeng dava riai chuan alo en reng chu niin. Engtia awm tur nge pawh a hrethiam lo…a hlim nge, a tah a chhuak nge..va pawm chung chung tur nge..zuan tawr tawr tur tih pawh a hre mawlh tawh lo. Ramhuai hmu ta ang mai hian a melh ngur ringawt mai a. “Vanlal, ka tui a hal e” a rawn tih leh meuh chuan…a thutna atanga chuan a inperh thleng phei at hi a ni ringawt. “Amawi…Amawi” tih bak a sawi theilo…”Tui chu min lo pe teh” a rawn tih leh hma kha chuan vawi engzah nge Amawi tih ringawta a tawng pawh kha a hre nek lovang. Han tulh nghal mai chi a nilo tih chu a hre ve lutuk, lapua chu tuiah chuan a zu chiaha, a hnek tir ta tawp a…chutia a kam ro leh char zualpui a reh chuan tlem tlemin a tulh ve thei ta a. Amawii’n thei leh theilova,”Ka damloh dawna ka rilrua ka ngaihtuah hnuhnun ber i ni a, ka rawn harh hnuah pawh ka hmuh hmasak ber i han ni leh hi a mak e…ka va lawm tak em” a rawn tih sep chuan Vanlala thinlung chu a chhu kehsawm hi a ni ringawt…sawi tur pawh a hrelo…a mitah chuan mittui a rawn hnam triam triam a, mahse hei zawng lawm avang a ni ta. A tawng chuan a trah aw truau dawn tih a inhre ve tho sia..dim te in Amawii sam phelh niaih te chu a siam tha a, a biang chuan dimte bawkin a han chul heuh heuh a. A hmangaih-i…thihna kotlang atanga lo let leh chu dim te si, duhthawh em em chung si chuan a fawp ta vawng vawng a.

Amawii a harh tih an hriat chuan Pu Lala te chhungkuamai nilo, an thenawm khawveng a remchang zawngzawng te nen chuan an rawn ri phei rup mai a. An tamlutuk chu nurse duty ten an chhuah thentir hial a.Vanlala pawh diktaka sawi chuan mutmu tuah that tihawm ngai reng reng lovin, hunawl chhete takngial pawhnei hman zeuh lovin Amawii bulah a tap chawt a ni bera. Hetia a rawn harh chhuah takah chuan a rilruinsangmar te pawh a lo inthlahdul ve deuh nge ni…achauh zia te chu a hre chhuak ve ta hnuhnawh a.Mihring te hi kan lo mak na em em mai leh, kan taksa loinrel felzia hi in ngaihtuah chiang ve ngai emaw. Thih-tha te hi chu a ni em lo anga, mahse hah thikul hnapathil kan han tih te hian..entirnan…inkhelh te emaw, fehte emaw..ramkal te thlengin a niang chu..chau zawrhnepin kan han awm a…mahse rilru ah hahchawlh theiha la nilo tih hria a, haw kawng hla tak zawh tur alaawm a ni tih kan hriat hi chuan, hah manglo ang maihian kan la in sangmar thei a. Mahse kan in emaw, kanthlenna hmun tur kan han thleng hian, han thu hahdamemaw…mu hahdam chiah ila, kan chauh zia hi kan hrechauh thin. A chang phei chuan kan lo chau lutuk hi hanhahchawlh chiah hian ban leh ke te hi a mur hian zuhan mur chiah chiah thei a mawle. Chutiang deuh chuVanlala pawh hi a ni ni tur a ni. Hetia chanchin thalamin a rawn bawhzui takah leh, nitin thinthi dep depa alo enkawl thinin tha pangai taka nikhua a han hriattakah chuan, a rilru han inthlahdul vel chuan a vaw chauchhe lo chauh hi a ni ngawt a. Mahse Amawii hmuh laichuan tihlan hi a tumin a tum therte lo thung. Mi nungtha pangai ang vahin..a trulna apiangah a vir kualzak zak a. Tihtur em em a awm takloh hnuah erawhchuan Amawii khum sirah chuan a thu a, a hmai rei taka phih mang tawhloh te chu a hruk fai sak a. Diktakchuan Pu Lala te chhung pawh hian awmlo emawmawilo han tihna pawh an nei hran tawhlo…nikhawhreloa a awm chhungin a buaipui tu ber a ni bawk a. Ansezawl thlah tawp ti ta ila, tawngkam a mawilo lutuk loang chu.

Doctor ten an en fel hnu leh, damdawi ang a trul zual tebakah..drip te thlenga an khai a…a dinhmun a “Stable”tawh e an tih hnu chuan Vanlala chuan Amawii hnenahchuan,”Ka va haw phei ve lawk ange aw..intihfai te kaduh a. Chubakah (nui sak pah chuan) in ka awm tlemlutuk a…va intihthu chawp te pawh a hun ve leh tawhalawm. Hei nanglah i tha viah tawh tluk a nia” tih pahchuan Amawii lu chu a chul sak heuh heuh a. Midang hopawh chuan mit ti kham ang zawngin an thlir lemlo,Vanlala’n a hmangaih zia an hrechiang mah mah tawhti ila, a dik reng a. Chuvangin hetia a han ti vel tehi..damlo naran chu nise, mi mit tikham tur chu a nialawm, mahse Vanlala hian hetianga ti ngam tur hian athawhin a thawk chhuak chiang em mai bawk a. Tumandek pawh an tilo. Amawii chuan Vanlala kut…khumkotlanga-a a dah chu muang te leh dam dep hian arawn hum a, thil sawi tum chu a nei tih a hria..mahse asawileh duhlo tih pawh a hmelah chuan alang vek,”Kabulah hian engtik lai pawh hian awm thei la aw” a rawnti sep a. Amawii hian Vanlala hi haw turin a duhin aduhlo bau ringawt a, mahse Masangi’n, nikhua ahriatloh rei zia leh, chumi chhunga Vanlala’n a awmpuichar char thu vel alo sawi zeuh tawh avangin ainthlahrung bawk si a..”Va haw la, i inbual zawh velehlo phei leh la” a ti tham triak a. Vanlala pawh chuan atheih mai a ring ni tur a ni, a tumdan sa a ni reng bawka. Nuih var var pah chuan….”thlasik laia inbual danstyle in ka inbual anga ka rawn lang leh nghal heu maiang. Mi te kha ilo mutthilh san vei riau riau ange” a tiaMasangi chhungte ho leh midang lo awm ho hnenahchuan, a phei zawk tur thu a hrilh zawr zawr a. Pu Lalaphei chuan,”E khai Vanlal, va mu bawrh bawrh rawh..itawngkhawng ve em em tawh ang” a lo ti luamnaa…Amawii bula a awm duhna chuan a pawt na emmai a,”Chau lah love..ka intifai anga ka rawn phei lehang chu ka ti” a tih chuan a ni pawh chuan chhan vakngaihna a hrelo nge ni..”I thu thu le” a ti ve ta ngawt a.

In a thlen phei hian tlailam dar 3 vel a ni tawh awm ea….a inbual sawk sawk a. A inbual zawh chuan a nuin,”Phei leh nghal i tum a nih chuan, thingpui ka hanlum lawk ang che..lo nghak rawh”a lo tia. Thutthlengahchuan thumu deuh titih hian a lo nghak ve mai a. Mahsesawi tawh ang khan taksa insangmar nasa lutukinthlahdul thut hi chuan chawlh te hi a lo mamawh nasabik emaw tih mai tur a nia…chuta karah rilru lam hahreng bawk nen. Chutia an thu chu minute hnih khatpawh a ni lovang…a lo muthlu der mai a. A nu chuthingpui rawn pek tumin, a rawn titi phei mawlh mawlha…mahse thuthlenga rem leh remloa a fapa lo muthlubam mai a han hmuh chuan a va han lainat tehlul em.A rilru in Amawii damloh tirh zana a awm dan te, adamloh chhung zawnga a awm dan zawng zawng te angaihtuah chhuak a…a hrechiang tu ber te zinga mi a loni bawk nen…heti em em a a fapain a hmangaih….Amawii thleng thleng chuan hmangaih ve ta vek te hian ainhria a. Amawii’n nikhua a hriat loh chhung zawngaPathian a auh nasat zia te thleng chuan a ngaihtuahchhuak a, a mittui chu a rawn hnam triam triam a.

A thingpui kenlai chu dawhkanah chuan dim tein a nghata. Vanlala chu tih harh hlau tak chuan thutthlengahchuan a mut rem tir a. Chutih lai tak chuan a kekawra aah, a phone chu a rawn vibrate vat vat a…dimtein a laksak a..Vanlala chu a lo chau thlu ngang a niange..vuakthluk ang hlauh a ni. A nu chuan a han chhansak chuan Amawii a lo nia…Vanlala chu thingpui alumsak laia thutthlenga a lo mutthilh thu te chu a hrilhbakah, a chanchin te leh a na vel te chu a sawi pui luama, “a rawn harh veleh ka lo hrilh dawn nia” tiin aninbiakna chu a titawp a.

Amawii chuan Vanlala chu a ngai kher mai. Tawngmawilo ni suh se, tuna a ngaih dan hi tehkhin thiam danber chuan…mitthi tawhte..kan hmu tawh ngai dawn loani tih kan hriat, kan ngaihna ang vel hi a nih hial lohpawhin, a hlat chhe lo tawp ang. Vanlala nuin a mut thua sawi te chuan a thin chu a rim ru treuh a, mahse anhan inbiak zawha chiang zawka ahan ngaihtuah chuana awm a tiin a khawngaih ta em em zawk a. Ahmangaihna leh a duhna te chu a zual ang tih te chusawi buai ngai niin ka hreloa…Vanlala laka alo innghahnasat zia leh, a bula a lo thlamuan zia te chu ahrechhuak vawng vawng a. “A awmloh chhung reilotepawh hrehawm ka tihzia te hi” tiin a inngaihtuah a. A nidamkawr taksa chaklo leh ta nghal chu…a inngaihtuahlungpuam treuh mai a. A bula awm tura a duh rual rualin “A HMANGAIH” chu chawl hahdam ve turin a duhsakbawk si a. A rilru in balance kual vel chu a mah pawh ani deuh huih ni ber hian a inhria. Che changlova a awmrei tawh em avang chuan a kut leh ke te pawh chu achet that theiloa, tui han lam ngawt te pawh chu a hrehru angreng em em a. A chhan chu an inah chuan an tirhber a ni thin si a..a u te leh a pi leh pute han tirh velchu a zak in a inthlahrung deuh tlat mai a ni. A ngaitein”Vanlala chu awm se aw…” a ti rilru leh vawng vawnga. Mahse a hal thlu ngang a niang e, a u Masangi chu adil ta tawp a…chutia a han tih takah erawh chuan an nichhungkua pawh chu harh chhuak ta thut ang hrim hianAmawii chu an rawn buaipui ta deuh ngar ngar hi a niber a. Inthlahrung sateh mahse, enge a tih theih takchuang ang le.

Vanlala chu a rawn harh meuh chuan a rilru a chavaikan ti dawn nge, a hamhaih ngei mai. Engtik laiin nge alo mutthluk, engtia rei nge a mut…dar engzah nge tihvel pawh chu a hre mai thei lo…A chala a mumang labei thlar leh, a bianga chilthli kai nuaih chung chuan ahawi vei vual vual in ania ka rin Rangtakin a phonea han dap a, a lo ak hauhlo mai, mahse a buldawhkanah a lo awm hlauh a. A ban a, “Zan dar 9 alo rihem tawh mai!!!” chhei chhei chhei..”Amawii”…Amawiihnenah khan ka rawn phei leh nghal ang kha a ti sia.Che thing chu a inti ve nasa khawp ang le. Mahse amaduhthua thleng a ni bik miau lo a. Han dem vak ngawtchi pawh a niin ka hrelo. A nu leh pa te chu a han auvat vat a…a nu chu an room atang chuan a rawnchhuak a,”Ngatinge mi kaihthawh loh” a han ti ringawta. A taksa hah ve zia leh chumi avanga insum theiloamuthlu a ni tih a inhre reng a, hahchawlh a mamawh ziahre chiang tu ber pawh a ni na in…Amawii a rilrua a lenem avang chuan inthiam chawp a tum te pawh a nimahna. A nu chuan,”i chauh tur zia ka ngaihtuah a,chubakah i pa in a rawn haw hnu khan…a theih chuanmu tlang rawh se kha a ti bawk sia ka tiharh duh tinglo che a nih kha. Amawii’n pawn a rawn call a, ka sawia..a hriatthiam khawp kha” a ti zung zung naa…A nuthusawi chu a ngaithla hman meuh tawh lo a ni. A tholawk a, a inphihfai sawr sawr a, a bike chuan damdawiinlam panin a tlan phei ta vang vang a.

Damdawiin ava thlen chuan gate an lo kalh thrap tawhmai si. A thin te chu a rim ut ut mai a. Gate veng tupaputar lah chu a in la strict reuh phian lehnghal. A tawpatawpah chuan Masangi chu a call ta ngawt a, a ni lah inlamah a lo haw ve tumhrang bawk si. Kawng a va hanping double triple thruai thruai tak em. Masangichuan,”Ka nuin riahpui a tum a, duhleh a number karawn thawn che anga..call mai la” a la rawn ti zui..Nahinahi Nahi hi a ni ringawt…tun hma atang pawha angainat theih miahloh, tun ataka han call vel chusertrawk..kheh hauhloha a puma hmawm tum ai pawnVanlala tan chuan a har ang. “Masang, khawngaihinnangman min lo call sak mai la, hei ka phei ve ting tangtawh sia..duhleh i nu leh pate’n rem an tih chuan kariahpui leh nghal mai ang a” a han ti leh ngawt a.Masangi lah chu, Amawii ber a tha angreng tawh bawknen a phawk a han chhuak tlat pek a. “Vawiin tlaiah kanu nen kan inhau a, ka be peih teuhlo..a number chu karawn thawn ang che” an tilui vei leh kher a..”Aw…i nulaka ka tlangnel loh zia te chu i hriat ve vek kha,khawngaihin mawh Masang…i fel si hmeltha si” te ahan ti vei ngawt a. Naupang thlemin an inthlem tran hia ni ber tawh. A tawpah chuan Masangi chu a nuichhuak ta uarh uarh a. “Gate ah khan lo awm la, ka nuchu thil awmzia kan hrilh ange” a rawn ti ta hlauh a.Vanlala chuan a ngei ru ang reng khawp mai a, (Thinrimngei nilovin ngei lema ngei ang type hian hahah) mahsea sawi ang chuan gate ah chuan a va ding ran a. Gatevengtu Putar pa lah chuan Vanlala hmel chu a hanngaihzawn loh hmel mai mai khawpa a, an in awmhnaih ngang bawk a. Amah Vanlala pawh a sual ve rere..a hmaa a lo inlak strict em avang khan a han runluihve kher a…gate/kawngka inkalh chu… si deuh rat hian,engmah sawi si lo chuan a va ding vei kher bawka..Putarte-a tan lah chulaia din ringawt chu han hauhngawtna chhan tur a awm si lo bawk nen. An inmelh lehkhal khal thin

Minute 15 vel an han indin chilh meuh chuan Vanlalapawn a ti lutuk mah mah emawni aw a inti rum rumhman tawh a…putarte-a hmel pawh a bel kak kak tawhkhawp mai. A haa a sahdah hmuam them bet te chuhrilh mai tak hi a nap tawh a, mahse an inrunluihlaklawh kha a nia. Trawng dawn biklo rengs Chu aizawng chuan Masangi nu muang treh truah lutuk chu ani a rilru ti buai ber tu chu. Eng em em nge maw a tihni? A mawng hmul te a ziat fai leh vel phawt emawni leti zawng te chuan rilru a pu a, amah leh amah chu a nuileh ang put put a. Mahse Putarte-a chu a nui ve lo Atawpa tawpah chuan eng eng emawni rawn khai bawrtrun hian Masangi nu chu stepah chuan a rawn chhukfawn thla hluau hluau a. A maha inbawl hran tuma titauchhuak te pawh a ang thei dawn a lawm le..engtin ngedarkar reilote chhunga khiti em em mutbu/thuamhnawhawn tur a neih hman le…a ngaih na a hrelo chhiava ani. Mahse putarte-a bula thil awmdan a han sawisak velzung zung danah chuan, ani chuan chutiangin a lakahrilru a pu ve lo nasa tih a hriat chuan a inthiamlo rumrum hnuhnawh a. Kawngka a han intheh hawng rualchuan Vanlala chu step paruk vel a thleng chho hmantawh hial ta vel ang…damdawi in ania, thawm dim kha”nungchang mawi” a ni tih lam ngaihtuahna chuKAHA!!!! Amawii cabin kawt a han thlen chuan a haninzut mam vei thuak thuak a…zawitein kawngka chu ahawng a…Amawii chu a lo saisir bam a, a pi bawk arawn lut leh turah a ngai te pawh a ni mahna..en pawha lo en lemlo. Mahse Vanlala’n kawngka pawh la kharthathrumloa,”Amawi” a han tih chiah chuan a rawnhawi zawk a…a rawn nuih ver ver a….ngawi renginVanlala chu a en reng a..enge a chhan tih pawh hriatlohchuan a mittui chu a rawn hnam leh triam triam a.

Vanlala hian ngaihzawng a nei ve teuh tawh…mahse hetiang em ema thlahlel tu leh, thinlung taka ngaitu tih chiang em em ang hi ala tawng lo a. Kawngka pawh chu a pel hlei thei lo…Amawii mittui lo hnam triam triam pawh chu a hmulo pawh a nilo, an tun dinhmun hian a rilru a kal ding tir em a tin mi. “Kawngka bawk chu i zahzel leh dawn a mi” a rawn tih tham triak takah chuan, Amawii nuih ver ver pah chuan kawngkhar chu an thlithlai der vel a (A part tir lam chhiar lo tan an inrim tirh vela thilthleng a ni e) “Lo lut mai mai teh, ngatinge ilo va kal har ve” pangchang tih hriat tak hian a rawn ti leh a. Theih ni se, a damlo tih theihnghilh thraka pawm then nawlh nawlh mai pawh a duhtawk lo ang…a taksaa pawm pil vek mai te hi a duh hial a nia ka rin hahaha…A ni lah taka, mihring hi hmangaihna siamtu Hormones a chhuah tam tak tak lai hi chuan,”keichu Virgin in” tia rilru insiam ruh ve trang trang te pawh hian an dai pelh phah fo reng a. Vanlala pawh tun trum chu, hetiang lam hormones (Oxytocin anih chu thanx to Dr #‎Veronica ) 🙂 hi a chhuak hnem deuh a niang..Amawii chu a en ringawt pawh chuan a hmangaih veng veng tih hi a hrechiang hliah hliah mai a ni. Mahse a damloh chhung zawngin Pathian hnenah tikhawp khan a dilsakin amah pawh a inhlan a. Enganga hun thawl pawh nei se, kawng rah pelh erawh a tum tawh lo bur a….kan “Hmangaihna Hormones-a” chu eng anga nasa pawn lo chhuakin lo hnam trem truam mahse, amah leh amaha intiam a ni tawh lova, Pathian hnena intiam a nih tawh avangin a thil thlir dan a dangin, Pathian pawn chakna a pe te pawh a ni mai tur a sin. ni lose, inngaizawng lai..cabina zan han hmang dun tur tan chuan damlo sih seh pawh ni se…connection lam a buai phah ka ring vak lo (Hui lo chiah chiah 🙂 ). Dar 12 a rik pawh chuan an la nui dun ker ker a, rilru thianghlim taka inkawm an ni bawk a…mu dun rialin, Amawii’n Vanlala awma bei chunga a kuah chial chung pawh hian rilru hmul an pu eihlo.

An ti ti melh melh lai chuan Amawii chu a ngawi ta veng veng a, Vanlala chuan a zu en de de a..a awm ngheng chuan thlamuang tih hriat em em mai hian a muhil sek sek tih a zu hre thei a. Han thawh chuan a harh a hlau si a, hetia a mut ve reng chuan a lo muhil tlang ve palh anga..zing lama Amawii chhungte lo kal emaw, Nurse ho lo kal thut ten an rawn hmuh chuan a nalh lo riau dawnin a hre bawk si nen…tihngaihna a van ru ngei mai. Mahse loh theihloh nia a hriat avang chuan…Amawii chu dim tein lukham ah chuan a lu chu a sawn thla riai riai a, tui deuhin a muhil zui ni maiin a hria a. Cabin verandaa mei han zuk kha, Amawii tan a thatloh a hlau deuh tawh bawk si nen (TB nen chuan inhmeh lo viau mai tur asin) pawnah a ruka va zuk a tum a..Kawngka a hawng tur chiah chu….a chauh awm tehreng nen..Amawii chu a rawn indawm kanga “Hawn i tum a mi” a rawn ti phut mai a. A muhil emaw a tih avang nge ni, a phu deuh zawk hial a. Mahse a rilruah thil dang a rawn lut nghal vat thung a. “A thlahlelh zia leh a ngaih zia” tilang tu chiang tak a ni ti zawngin a ngaihtuah a, rang takin a let a, khumah chuan a thu a..dim tein a hmuiah chuan a zu fawh sak det a. “Khawiah kal dawn lo e, pawnah mei ka va zu ang chu ka ti deuh a” a ti ve sep a. Amawii pawh chuan,”E…lo mu leh rawh aw” tih pah chuan muangchangin a mu thla leh riai riai a. A rilru tih buai emaw, han inhnial vel kha a trullo a tih baka Amawii rilru hrehawmna a siam palh thut takin a ti te pawh a ni mahna, tum lemlo mahse, “awle” a ti liam ve mai a. A va luh leh chuan Amawii chu a lo muhil bem tawh a, Vanlala chuan ngun em em mai hian a thlir vawng vawng a. An hun kaltawh te..an intawn dan te…Aizawla a rawn awm chu a tan vanneihna ball lian chi a nih ngawt zia te a ngaihtuah a. Keifangah awm reng se, an in hmelhriat teuh nang. A rilru chu a kalding ngei mai. Heti hian a chhungrilah ngaihtuah bing mi a rawn thleng a…..

Theih ni se, i tan hian chungthangvana arsi te khi kohthlak mai ka duh aZanin hun hi ral theilo se, i kianga awm reng mai hi ka va chak tak emZep nakah chuan, thil tih theihloh pui pui te hi i tan chuan tih theih tlat hi ka chak thinRuahsur hnuaiah te hian khawiah emaw huh zawr hnep hian tang dun ilaChutiang hunah chung am ten duh khawp awm hauhlo turaPawm vawng vawng che hi ka chak ngawih ngawih asin.A chhan chu maw, i hmel ka en chian apiang hianHmelthatna leh mawina awmzia hi ka hre thar leh thin si aChuan maw Bawihte….khawi hmunah pawh awm la eEng na mah i tawrh a phal ngai dawn lovaI duhzawng engkim i sawi ve melh melh thin te hi Bang nawi awm hauhlova pek vek theih che hi ka va han chak tak emA chhan chu maw ka duat…Ka hmangaih che min tih reng reng hianKa tan chhuan thim chhah mupin min tuam laia Khawnvar eng mawi tak rawn eng sar sar ang hi i ni miau si aI hmangaihna hian kawng engkima min ti chak thin tu a ni tih hi hre ve teh la aw…hlimin i nuih ve ver ver ka ring thin hial a sin……a ti ve vawng vawng a. Hla phuah mi chu a ni hauhloa, mahse heti em ema a duh ve lakah hi chuan a dawn te pawh a dawng ve a ni mahna smile emoticon Mahse chutia zankhuaa inthlir tlawk tlawk thu awm suh. A sira mutna an siamah chuan a mutna tur a siam a, kar lovah a lo muhil ve leh ta mai a.

A tukzingah chuan an cabin kawngka rawn inhawng rak ri chuan a tiharh a. A hawichhuah chuan pa pakhat, sang lampang..tlema ria deuh hi a rawn lut a. Tunge a nih a hre lemloa, a rin dan chuan Masangi te chhung hnaivai, zing kar leng velin a rawn tlawh vel mai mai niin a ngai a, a mut a la chhuak bawk nen…a lo uksak lo nasa ngei mai. Chupa chuan,”Nizan lamte a mu tha em” a rawn ti dut a. Vanlala chuan thawh pawh tho lemlo chuan “Aw” tih ngawtin a chhang a. A ni zing leng (rui phur pawh a ni mai tur asin) ina rawn inlak ngaihsak kual vel kha a ngai lo em mai a ti rilru a. Mut san leh mai a tum lai chuan chupa vek chuan,”Engtin nge Doctor ten an tih” a rawn ti leh dut a. Vanlala chu phak chual leh hmel nelawmloh fahran hian a rawn thu chhuak a, mahse rual u zawk te a nih avang chuan pangai tak chuan thil awmdan te chu a hrilh naa…a aw ah chuan ngaihno beina tia hmanlai pipu te leh tunlai thlenga an lo sawi thin hian hmun a chang lo chiang rah rah ngei mai. Chupa chuan a biak mawlh mawlh lai chuan zunin chu a pansan a, Vanlala awmdan vel chu inleng pa tan chuan a ngei awm ru ve duh khawp ang le. Chutia a zun lai chuan Amawii chu alo harh ni ngei tur a ni…”Eheee ka pa, engtik nge i rawn chhuk a” a tih ri an hre mai chuh chuh chuh….An awmna floor hi a kawngpui an chu ni ngat sela chuan, toilet kawngka phen chuan pawn lamah a zuang chhuak anga a haw ru daih duh ngei ang..mahse top floorah an awm mauh mai si a..han zuang thla teh se…A dam khawchhuak a nih pawn Amawii ai aia serious in a mu thren bui a ni mai dawn sia. Thingbula zawng danbeh an tia mi kha…khatiang ang tak tak kha ni ber hian a inhria a, kalna tur dang nei tawh silo…lohtheihloha a hmachhawn tur hmachhawn ngai bawk si…Amawii lah chuan a rawn au sek tawh mai si a. Ani chuan a hmaa alo dawnsawn dan vel hre lovin, a pa chu duhsak taka inhmelhriat tir a chak vang a ni tih chu a hai lo leu luau. Mahse duhsak taka introduce tlak pawh niin a inhre tawh lo a ni ber e.

Vanneih thlak kan ti dawn nge vanduathlak kan ti dawn zawk…chhuah rawih a tum lai chuan, zing chaw rawn kengin Masangi a rawn lut hlauh mai ah…a tek hian a tek chhuak nghal nawlh a. A hmanhmawh luatah kawngka atanga lo pawng chhuak deuh, ahma zana a mutna khumte tlangah chuan a ngar char chu an khawn ngheng mai ah…A na ti lutuk chu a khaw hmuh te hi a tawi mup mup mai hian a hria a…a intauh ri an hre vek si, an rawn hawi thrup laia a insum vel chuan cabin chung te an melh vei ngawt a. Cabin chung te chu pit dawr tia ngawr ngawr hian zu hmu thei trawk trawk a mawle. Khaw hmuh chu zim phah ve viau ni tur a ni. hahahah. CHutiang thim thuah 2-3 karah chuan smile emoticon a lo rin lawk ang ngeiin Amawii pawh chuan a pa chu a lo introduce nghal var reng a. Mahse Pa Zuia (Amawii pa) hmelah chuan ngaihnatawmna reng hi chhete khat mah hmuh tur a awm lo. Vanlala chuan beisei sang takin, chutiang them te lek pawh chu a lo awm mahna tiin, a lam a hawi loh lai chuan an thlek deuh thin a..mahse e……A HMU CHUANG LO. Inchhirin ban a chen in tia law..a ni chu a beng thleng thleng male… hahthlak hian. Han haw ngawt dawn se, a bawihtei chuan a ngaithiamlo dawn si a..ngaithiam deuh pawh ni ta se..heti em em a thlahlel tu leh ngai der ve tu te chu ani pawn han kalsan a hreh ve bakah…Amawii rilru leh a rilru chu a inpersan lo ropui bawk si nen. Mawng zang deuh haih chuan a thu ve ta ngawt a. Amawii lah chuan eng mah va hre ve suh..a pa bulah chuan a titi pah chuan Vanlala tana mark score tum tih hriat em em hian a chanchin leh a buaipui dan vel chu an telh leh zauh zauh thin a. Mahse chutiang nikhuaa Pa Zuia hmel a va melh ruk zauh pawh chuan..nichina zawnhmuh a tum ang kha…ala awm chuang lo. Huiham.

Dam chiang vek vawk chu la ni hauhlo mahse, Doctor ten in lamah in enkawl a theih tawh ang an tih takah chuan Amawii pawh chu la chaklo tak chung chuan in lamah chuan an haw pui ta a. Mahse in lama a haw hi an pahnih tan chuan harsatna buluih hi a ni ngawt pek a. A chhan pawh Cabin-a an awm lai kha chuan mitmei veng hauhloa, inhmangaihna duhthawh taka an chen dun theih lai te kha a awm thin a. Mahse inah chuan khatiang zalenna te kha lak boin a awm dawn tawh mai bakah…Amawii pa lakah khan a mark hmuh a sang tehchiam silo a. Simple Pass trawng trawng tan chuan zu dah ve sek kha, a khawlhkhamtu a tam ve viau tawh ngei ang le. Mahse e…mahse hi i ti mawlh mawlh mai teh ang un. Hetiang mai mai te chuan Vanlala lunglenna leh Amawii kianga awm tura turtu thinlung hi a dang zo kher dawn em ni le. Ilo thlir ang

Damdawiin atanga an chhuah ni tihloh chu Vanlala hian Amawii hi a tlawh ta mang tak tak hauhlo mai a. Amawii lahin ngaih tak tein a ngai bawk si. Thil thleng te hria ni sela chuan, eng tin tin emaw kawng te pawh a sut kuak sak ve thei mai tur hi a nia. Mahse Vanlala lahin thil thleng te kha,”Hrilh tange” a ti chuang silo. Masangi lah Bial Zaipawl programme in Shillong lamah a zin daih bawk si a, Vanlala a biak pawh ve na ber chu Shillongah a awm daih a nih chu. Kawng a va ping chiang e….kawng a pin em avang ngawt hian a lunglenna leh Vanlala a ngaihna te chuan kiansan tange an ti chuang silo. Ni thum a rawn lanloh meuh tawh chuan Amawii lunglenna chu thinrim lamah te a kal deuh trun tawh a, a chang leh rilru mak tak tak puin….ka chhuak thei dawn lo tih hriain midang kawmna hun atan hian a lo hmang kual vel emawni le te a han ti leh ngawt thin a. A ma tawkin a rilru a hah in, a natna te thleng thleng chuan a huatin a haw tuk tawh mai a ni.

Mahse Amawii hian thil hriat hauhloh a neih chu..Vanlala hian a ngailo emaw, a ngaihsak lo emaw..a duhtawhlo emaw a ni hran hauhloa. Hmana Pu Lala’n,”Hna te i thawk ve tawh em” a tih zauh kha a rilruah hian a thi thei lo reng reng mai a. Tun tuma Amawii a han damloh laia tihtheih a neihloh zia leh, mahnia duhthala han enkawl ve te pawh a theih loh zia a hriat chhuah lehzel atang phei kha chuan, a hun neih hmasak berah hna hi a zawn mai pawh nilo…a laiha laih chhuah hial pawh ngai se, hmuh a tum bur mai a. Chutiang buaipui chuan nitin a lo chhuak thin zawk chu a lo ni a. A pa te kha chu hmuh hreh ve deuh mahse, khatiang te kha chu a tawnluih ve theih na chen a awm a, chubakah Pu Lala te chhung nen an inngam viau tawh bawk nen. Khatiang vang kha chu a ni lo ti ila kan sawi sual awm love. Mahse maw, “HRIATLOHNA” hian a tha lamin mihring te hi thui tak a hruai thei a, chu ai mahin a chhe lamin minhring nunah hian nghawng a nei lian zawk e tiin tlangau ta ila..ka nngaihdan min trawmpui fe fe chu an tam khawp ang. Chutiang chiah chu tun kan kawpchawi te dinhmuna thil thleng chu a ni. Vanlala hian hetiang tia a chhuah tran dawn hian Amawii chu hrilh chu a duh ang reng viau a. A rilru in,”Lo tlinglo zel palhin, eng hna mah hmu ta lo ila…a zahthlak dawn em mai” a tih vang chauhin engmah a lo hrilh lo chu niin. Kawng lehlamah chuan a awm viau e.

Mahse a ni li zawnnaah chuan a beiseiloh lutukin a thawh chak zawng tak mai hnaah chuan a tling tih a hria a, a rang a rangin a va in report nghal a. Private te a lo nih avangin, a thawk nghal deuh mai bawk a. Inah pawh haw lova Amawii te ina kal a, a chanchintha neih ve relh relh chu hrilh hlan nghakhlelin ni leng chu a hmang ti ila. A dik smile emoticon Tlai dar 5 a rik chuan an bang ve thei hram hram a..hmanhmawh mangkhengin inah a tlan haw ta nghal a, mahse in lamah enge thil thleng a hre mawlh silo. A tum ang takin, Amawii te inah chuan a lut kawi nghal a. Mahse a rinloh tawp leh Amawii chhungte mak tih pawh tling hial khawpin…Amawii chu inah a lo awm lo reng reng chu niin. An han ri deuh haka, Vanlala chu an thenawm velah chuan a tlan kual zuai zuai a. Mahse khawiah mah a hmulo. A beidawng chu in lamah te han haw a, han inthlak phawta…chhuk leh nghal chu a tum a. Amawii te in atanga an in step a pan chhoh laia a thil hmuh chuan a thinlung hi a denin a deng sawm buaih ti ila…ka dawn lo nasa tehreng ang chu. A thil hmuh avang chuan a ding chawih a, ka ho-a thil thlir hi a awm tak tak a nih ngai chuan tuna Vanlala awmdan hi a ni ang. An in lam chu a hawi ngur mai a, a chhan chu maw. An in atanga Amawii rawn chhuak thla, lungaih hmel em em leh chau tih hriat ngawih ngawih…thui pawh kal theilova..chawl leh det det thin a hmuh vang chu a ni. A thinlung chhungril chu a thur deuh suk thei hian a hria a, tu nge lo awm a,a thawm te hrepha an awm angem tih lamin hmun a chang lo nasa rapthlak hi a ni ringawt. “Amawi” tiin a au vak a, a aw atang chuan a hriatloh laiin a hnuk a lo ulh tih pawh a hrechhuak nghal var na, pawi tihna a nei therte lo…”Amawi” tih leh stepa tlan leh bawhvah chhoh chu a rual a. Amawii bul a han thlen chuan Amawii chu a chau lutuk tawng pawh a lo tawng mumal theilo va. Aw,,,,,hrehawmna zawng zawng hian an rawn luh chilh mup mup mai ni hian a inhria a. Amawii a khawngaih dan chu sawi thiam rual pawh a ni lo.

Amawii chu a tawng peihlo tih hre mah se, “Amawii ngatinge, enge i rawn tih..ngatinge heti lai thleng thleng ilo han kal” a ti mawlh mawlh a. Mi mitmei a veng lo…a pawm vawng vawng ringawt mai a ni.

A chhungte dang an rawn lang ve rih siloa, lo nghah a., an ni nena chhukpui nge tha anga, pawm thlak thawr mai chu tih te chu a ngaihtuah nasa a. Amawii lah chu a hmel a han en a, ani pawn alo en ve reng tih a hmuh chuan, a chau tawng peih rihlo mai tih lo chu..a rilru chu a harh tha tih a hria a. A han be leh mawlh mawlh tak naa, chhanna chu a dawng lemlo nasa. Mahse pawmthlak mai nge tha tih vel a ngaihtuah lai chuan beisei loh deuhin Amawii chuan,”I lo kal duh ngai tawh silova, ka rawn kal tawp. I tellovin ka awm theilo tih te chu i hre ve em em tawh lo a mi” a rawn ti thut mai a. Ngawi teh ka uar lutuk angem aw…..trek den ang sawk in chu trawng kam chuan Vanlala chu a deng zi awrh mai awm e a…”Amawi, min ngaidam rawh aw…kan pahnih tana tha tur nia ngaiin thil buaipui ka nei a” a han ti vei ngawt tak naa, amah leh amah pawh chu a in hnem zolo a chha chu a ni. A duatte-i chu a han en thin a…a hmel ah chuan mawina emaw, a dam thatlaia a thatna te kha zawng zawng mahse hmuh tur a awm rih hauhlo..a dang bem a, a hmui sen hlar thin te chu a duk cher reuh naa..Vanlala mitah chuan Amawii a lo hmuh tawh zawng zawng thina a la that ber trum a ni hial ang. Sawi angin a hmel chu a chhiat lai ber a ni hial ang, mahse “Hmangaihna mit” nen chuan a lo tha vek tawh zawk hi a lo nia. Chubakah Amawii thusawi te khan a thinlungah thu a sawi na em bawk a ni. A rilru chu a kual a kual a, chulaia a thil ngaihtuah chhuah pakhat leh amaha chiang ta em em nia a hriat chu,”Amawii chu nupuiah nei ta bawh ni se…miin puitling film kan han en a, inah kan han haw a..nupuite chilthli bengzeh truta lo hnar suk suk han hmuh hi chuan khum atanga tlawh thlak awrh hi an chakawm thin” tia an fiamthu thin te kha…a hrethiam thei ta hauhlo mai. A chhan chu tunah hian Amawii hi a chhiatlai ber a tawng ve tak meuh meuh a ni a, a damdawi ei te a chakin…chaw a lo ei mumal lo nen…a cher chhe bawk si. Mahse tun hun, a chhiat lai ber pawh hi….Vanlala mitah chuan mawina danglam leh hmangaihna thuk tak siam sak tu a ni mauh mai si a. Nichina a ngaihtuahna te kha, a tan chuan ngaihtuahnawn leh chhin zeuh lo pawn ti ta pawp se, a damchhung hian a inchhir a ringlo.

A chhungte an rawn lan mai tak lohah chuan, chutia khawlaia awm reng ringawt chu a fuh berin a ring bawk si lo. Awm leh mawi pawh ngaihtuahlo chuan..dimtein Amawii chu a pawm kang riai riai a…stepah chuan kehthei dawm an tih ai pawha dim chuan a pawm thla ta a. An in a zu thlenpui chuan Pu Lala a lo awm a, Amawii pa a lo awm bawk a. Midang ho erawh Amawii an zawnna atang an lo la kirlo ni tur a ni. Pu Lala chuan Vanlala chu lo be mawlh mawlh pahin a rawn pui a, mahse a ngai tein Amawii pa erawh awmlo ang hlauh. Thuthlengah dimdawi taka a nghah fel hnu chuan a han ding mar zi kual vel a. Tum loh deuhin Amawii pa nen chuan an mit a intawng ta sak mai. Enge maw a ni pawh chu a lo melh ve reng..reng reng ni. Chutia patling pahnih an han inmelh tak ranah chuan Vanlala chuan damdawiin a thil zawn kha an zawng leh zuai a…a fanu ti hian a rawn pawm haw sak a ni a, a lawm ve deuh a rin teh lul nen…a thil zawn chu..A LA HMU CHUANG LO.

Amawii damdawiin chhuah atang thla 2 dawn a lo ni ta. Tunah chuan ani pawn hma a sawn ve viau tawh niin a hriat a. Ei leh in lam la harsat mahse, a damdawi ei vang a ni tih hairual a nih tak silohah chuan,,,,,hma han lak dan te pawh a lo awm ve ta zawk a. Tunah chuan inchhung dunga han vei vel te pawh a thei ve tawhin…a nawm zual ni te phei chuan hmun han phiah ve soh soh chang te pawh a nei ve ta. Vanlala pawh chuan a hna thar hmuh chu taima takin a thawk a. Vawi tam a ngaihtuah ve thin, a hnathawh te a hahthlakin a thawhna te an strict tehlul nen..tikhawpa mark thaa awm thei tur khawpa thahnem a ngai leh a taimak chhan te hi Amawii vang a ni tih a chiang em em a. Lo inngaizawng lovin, ama duhthu maia thawk lo ni ta se, a banna chu a rei tawh fia fia khawp ang. Mahse hlawh te a lo tha angreng bawk nen. A nu leh pate hnena a chhunluh bakah Bank lamah a inkhawl ve am tawh mai a.

Ni khat chu customer an awm lemlo bawk a, an awl zaw phian mai a. Tihtur dang awm heklo..daydream kha a hna lian ber a ni mauh mai a. Mahse thil pakhat a hrechhuak ta zawk mai. Sunday velah, Amawii’n pheikhawk ngai hlir a bun thin tih a hrechhuak thut mai a, a rilruah bank lama a pawisa khawl te a rawn inlar nghal zung zung a. Tuma lawm loh chuan a nui ang vei vur vur a. Vawi khatmah a la dil ngailo bawk a, an pu bulah chuan chhuanlam fahrah te siamin haw hma a dil a. Mahse a haw tlang lo chiang. MC ah a’n pawngpaw luh thawr mai a…hmeichhe pheikhawk zawng a lo tam na ngiang mai. Amaherawhchu, a rilru chu rawn deng zawk tu a nei ta tlat. Ani tehlul hian engtin nge hmeichhe pheikhawk nalh a hriat tehlul ang. A zuartute han zawt ngawt se, a khawih apiang chu “a mawi lutuk” an tihsak vek dawn tih a hailo nasa mai si. Han zawh tur a hre hlawl bawk silo. A tawpa tawpah chuan risk sang lutuk la in, Masangi chu a call ta ngawt mai a. Risk sang kan han tihna chhan chu…anni pahnih innel lutuk tawh tan chuan inkahna tur chhuanlam thami leh feiki bar iang a nih dawn bakah…Amawii bulah a lo sawi na chuan, “Element of surprise” kha a ti chiri zo vek dawn tihna a nia. Mahse ani lo zawh mai tur a hre silo..A nu han zawh ngawt thu awm hek suh. Masangi chu a han zawt ta thawr a nih kha…a ni lah chuan “a bun tawk pawh i hre hawt a mi”? a la rawn ti ta deuh deuh. Awi…awi….a hmaa alo ngaih ang ngawt zawng a ni dawn hauh lo. Va haw in Amawii ke chu hmawlh ulhbung meuhin va teh ta se…a mawng a hlim….Masangi han zawh tir vel thut ta se, Amawii rilruah rinthiamna thlipui a thawk thut thei bawk si…”SURPRISE” kha a ‘Primary Motto’ a ni bawk si…a tukhum a va thak teh lul em!!!!

A vanneih a siamin hetia Masangi a va call lai hian…Masangi te chu Doordarshan-ah Bial Zaipawlin hla an lo record dawn lai vel zu han ni hlauh pek a…thil sawi tam hman a nih loh avangin, Vanlala’n a bun tawk a hriat loh thu a han sawi chuan…”Kha…ka pheikhawk buang, a hmalam tlema pum deuh leh a ke artui zawn tlema pum leh deuh..a kaihna nei kha a ngaina lutuk a..a buntawk chiah bawk a…a size chu, chumi khami zah chu a ni e” a rawn ti ta mawlh mawlh mai a. Masangi hmanhmawhna chu Vanlala tan malsawmna a lo ni. A han ngaihtuah thin a…kha phei khawk meuh kha zawng a chiang ve ngang mai si a. A chhan ber pawh Masangi’n a bun hian, a hmawrah hian a kezungtrang tlem leh a kezungpui hi a rawn lawr deuh thin avang hian, a bun a piang hian….”I kezungpui chuh..Laiking lu liantawk rawn dak trawk trawk a ang” tiin Vanlala hian a fiam ve ziah a. Chutiang te a nih avang chuan a pian leh a awmdan vel chu a chiang em em a, tunah chuan kha pheikhawk kha…Amawii’n a ngaina a nih ngat chuan…khatiang ang chi, mahse inang hauh silo zawn chu a tihtur chu a ni ta mai. A han suangtuah thin a, Amawii’n…. ke no fai var sar maiin an bun anga…a hmawrah leh a ke artui zawna inkhuhna awm tihlohah kha chuan a ke var no sar mai kha a rawn lang anga..nail polish an hnawih anga tih mai mai chuan a ngaihtuah a. A inhmeh loh reng hi a ringhlel chhin zeuh lo. MC ah a duhzawng a hmuhloh avang chuan pheikhawk zawrhna hmundang a awm leh awmloh, dawr nghaktu pakhat chu a zawt thawr a. Bazarpui lamah a tam thu a lo hrilh avang chuan, khua a hma over tawhlo nen..a phit in a phit thla ta a. A man turah chuan a rilru han kuai tu chhete them zeuh pawh hi a awmlo. A pawisa khawl zawng zawng man pawh ni se, a lei dawn tho tho. Chu chu thudah chu a ni bur mai a ni.

A duh ang tak chu a lei ve ngei alawm. A man pawh a rin ai daihin a to naa, a na hi a han tilo mai mai khawp a. Amawii vawi khat nui hmel hmuh ai pawn a hlu lo zawk a ti te pawh a ni mahna le..hahahaha. In a thlen meuh chuan khua a thim titih tawh a. Nidangah in a haw hmain Amawii leh a pa mitmeng nalh lo fahran te hmu turin Pu Lala te inah a lut kawi phawt thin kha a nia. Hetia a han kalloh thut takah chuan, Amawii chuan rilru nawmlohna a lo nei ang tih a hlau em em a. Mahse a thil ken tur a dawn hunah chuan a lawm ve chu a ringhlel hauhlo thung. A inbual zawr zawr a, chaw te a eia, a intihfel hnu chuan dar 7 p.m a lo pel vuk tawh a. A rang a rangin Amawii te in lamah chuan a thil ken nen chuan phur tak chuan a chhuk ta sawk sawk a. Kawngka a han kik a, lo chhawn tu mipa aw chu tunge a nih a hailo nasa…a mood pawh a su vei hluau hian a hre hial naa…mahse tunah hi chuan hetiang mai maiin a mood a tichhe phalo hrim hrim. Inchhung a luh chuan a lo chhawn tu chu, chanchinbu pharh deuh hluai chuan common roomah a lo thu a, mahse Amawii a awm ve hauhlo. An boruak te sawi belh tehchiam a ngailo bawk a,”Pa Zui, khawnge midang hi an awm a” tiin pehhel takin a’n zawt a. Pakhata lah chuan, a dam chhung atan tawngkam chhahchhuah tur sawm vel lek a nei tawh emaw tih mai tur hian,”Inkhawm” tih lawngin a lo chhang a. Amawii zawng a inkhawm dawnlo tih a chiang a, hetia a han trawng vel takah chuan alo lan ve mai a rin tehlul nen. Thehmeh an sawi ang vang vang.

Vawiin chu enge a hriat pawh a hrelo, Vanlala chu a ngai em em ringawt mai a. A chang phei chuan, zu han in ngaihtuah lungpuam vel thei hial a mawle. A damloh laia Vanlala mangan zia an sawi te, a buaipui nasat zia leh a tana inpe ral raih a nih zia an sawi te chu a ngaihtuah let neuh neuh a. A awm bawr vel chu engtin emawni hian a ni deuh chem chem a….a lung hi a leng veng veng a. A mitthlaah Vanlala lai hmel te, a hlim nui bawk bawk ri te leh…an intih tauh changa a thiam ang tawk leh tawngkam thiamlo lutuka a han thlem vel thin laite chu a rilruah a lo lang a. Engtik lai mai pawha abula awm hi a chak a ni ringawt tawh mai. A rilru te te chuan, vawiin alo kal kawi hun chu a laka ka lawm zia hi “engtin emaw tak ka lantir ve ang mawle” tiin a lo inngaihtuah ruh ve treuh mai a. Mahse a lo haw hun dar 5 a pelh pawh chuan lan tih reng reng a rawn nei ta silo. Khua a thim dawn..dar 6 ah pawh trik e pawh a la rawn tilo cheu. Ani Amawii…a rilru ala naupan ve deuh bakah, alo lungleng nasa fakau bawk nen…a lunglenna te chu tihtauhna leh thil thalo pui pui ngaihtuah phahnan a hman phah ta hleuh a. “Vanlala hian a thawhnaah hmeichhia an tam thu a sawi fo sia..khatiang te kha enge maw min hrilh ngam chiah siloh..pehhel taka min hriathiam tir a tumna te hi a lo ni reng mai angah…tunah pawh hian “a bike in an inthlah anga..khawiah emaw an kal anga..an nui vel hawr hawr te hi a lo ni reng a nge” ti zawng ten a ngaihtuah a. (He thil kher kher hi chu inngaizawng induh tak te hian…inrinhlelh ni a lo herchhuah chang hi chuan kan tawng ve theuh ngei ang tih hi ka sawi huai ngam angreng) Chutiang reng reng chuan “mai angah” tih le “ta se” tih vel mai mai hmanga a rilru chhe put chuan a hruai kual a. Chaw an eikham meuh chuan tuma biak tawng theih pawh a ni tawh lo. A room ah a lut a, chhan awm miahlo chuan han ti ila, a awm ve tho mai..Vanlala’n a tih thin danin tlaiah a rawn tlawh lo miau a…

Zana Vanlala lo kal thawm pawh a hre chiang lutuk. A room atang stepa a rawn pen chho thawm zawng zawng a lo hre thiam vek tawh. Mahse thinrimna chhan bulfuk tha tak nei hauh silo mahse….chhan awmang ve viau si changchawi chuan, a roomah chuan a tawm lui tlat mai a. A pa in Vanlala a lo welcome loh zia leh ngawi reng leh hrilh hai taka Vanlala thu tur vel te chu a mitthla a. A pa chu a ngei ngei mai. Diktak chuan engang pawn lo ngai se, a rawn auh chhuah ve mai a lo inbei sei ru ve em em a lo nia. Mahse Pa Zuia lah chu tawnglo tura silaia vaubeh ang hlauh. Darkar chanve vel chu Vanlala chu a thu ran tawh a ni tih pawh a hria. Va chhuah ringawt kha a lai tingtang tawh ropui si. Thinrim engang pawh ni se, a tirah te khan “lo va chhuah hle hle tur a nia” tiin a inchhir rum rum tawh a. Chutia a ngaihtuah lai chuan, zawi sapa Vanlala’n,”ka han chho phawt ange” a tih ri chu a hre ta mai. A aw ah lah chuan lungawilohna bakah nasa taka nuamlo emaw hrehawm tihna a inphum tih chu a hrethiam chiang ropui mai si nen. A thinrim na te a han ngaihtuah let a..a hmaah chuan kawlphe ang zuai zuai chuan a rawn inlar zut zut a. Engmah proof na tur awmlo, ama ngaihdan leh a ngaih bel chawp mai mai a ni tih te a han hriatchhuah nawn hnu phei chuan a awm hle hle thei ta hauhlo (Rooma a awm lai pawh khan hetiang hian ngaihtuahna a lo pu fe tawh..a pa in a biak duh miahloh atang phei kha chuan a mah leh amah pawh a inthiamlo hial tawh a) Mahse a dinhmun a laih laklawh em avang chauha chhuak hreh mai mai kha a ni tawh reng sia. Vanlala’n haw tura an kawngka a hawng ri a hriat meuh chuan a insum zo tawh lo…a room atang chuan a kawh chhuak pawp mai a…a hmangaih leh amah duat a, a pawi sawi chu sawiloh..a hlimna ngaihtuah char char thin tu leh..a harsat lai ber pawha a bula awm reng thin…chutia a han haw ngawt tur chu a ngai ngam ngang lo a niang e.

Vanlala pawna a chhuah a, kawngka a khar dawn chiah chuan Amawii chu a rawn lang hlawl a,”Vanlal” a rawn ti vak a…Vanlala pawh chu ngawi rengin kawngka pawh khar ta lo chuan lai angreng tak chuan a ding chawt bawk nangin..a hmelah chuan a lungawilo nasa tih chu hai rual a ni lo. Amawii chuan,”Lo lut rawh..khalai dinreng te chu” aw pangai takin han ti mahse…lungtum biak ang hlauh a ni tawh. Mahse a beisei loh takin Vanlala chuan,”Amawi hei vawiin chu hlawh kan la ve a, i duhzawng a nih beiseiin…nalh i tih tura ka rin pheikhawk ka rawn lei ve ngawt che a” tih pah chuan a rawn lut zawk a..a thil lei chu dawhkanah chuan a dah a. Engmah sawi zuilo chuan a chhuak ta nal nal a. Amawii chuan apa lo awm ve trawt avang chuan kawngka pui em atanga han umzui chu a hreh ve deuh si a…a hmaa an lo inbiak ruk fo na thin…step epa tukverh chu panin a hawng rawk rawk a..Vanlala chu an in step a lo thleng chho hman dawn tawh ani tih chu a va hre thei a..a han au zui lui hram hram a…mahse a hma ang bawk..”Lungtum biak ang hlauh a la ni” Amawii chuan rilru hnim zet chuan Vanlala…zawimuanga, an in stepa chho chu a thlir liam a, a khawngaih teh a sin. Amah leh amah a in ngeina chuan hmun a rawn luah thuai a…”Ngatinge engmah hre chiang hawtloa khatia ka lo tih ngawt mai le” tih ten a ngaihtuah a. Thinrim pawh ni se, a chhan te a zawt ve tur a ni lo em ni…khatia nuam tilo lutuka a awm tir reng na chhan kha enge ti ten amah leh a mah chu a in zawt mawlh mawlh a. Vanlala thil rawn hawn sak te chu a hrechhuak a, vawiin tlaia alo kalloh chhan lah a chiang ropui tawh mai si. Tlanchhuah rawk a, han umzui tak hi a nap a. Mahse a pa chu sitting roomah a lo thu ve luau bawk si. Amah leh amah a inngeina chu a pa huatnaah chuan a inthlak a. Tha takin lo bia se, amah ngei pawh a awm tih a hre renga, rawn au chhuak se..hlimtakin an awm ni mai tur. “A thiam ang tawkin ka hlimna tur nia ngaiin pheikhawk hial min rawn lei sak a…heti hian maw keiin ka lo dawnsawn” tiin a in ngaihtuah thinrim treuh mai a.

Sitting room lamah chuan zawimuangin ava chhuak a, apa in Vanlala thil rawn ken sak a lo hawng mual mual chu a va hmu a…nidanga vawi khat pawh a tih chhin ngailoh..a ti ang tih ngaihna pawh a hriat ngailoh chuan, a pa chu thinrim trah aw treuh hian,”Kha kha khawih pawh khawih suh.Vanlala hian i pawi enge a sawi, nang hian engvanga lo mil lo ve em em ringawt nge i nih” a ti ta pawng pawng mai a. Pu Zuia pawh chuan chutia Amawii’n an ti ta mai chu mak tiin a thlir do ringawt a, chhan ngaihna pawh a hrelo…a beiseiloh lutuk a nih avang chuan tawng ngaihna pawh a hrelo a ni mahna. Mahse chutia Amawii a tawng buan buan lai chuan Pu Lala te inkhawm bang chu an rawn lut hlawl a,”Ngati ta bawrh bawrh nge” a rawn tih luh takah chuan Amawii chuan engtia chhang loin..a ma pa ngeiin Vanlala thil lei a lo ken du lai chu zu thram nghek chungin a room ah alut ta daih a. Khatiang em ema Amawii thinrim kha Pu Lala te chhungkua chu sawiloh, ama pa ngei… Pu Zuia pawh hian a pian tirh a ta ala hmu ngailo.

Tun trum zet zawng Vanlala tihloh chin a thleng ve ta tak tak emawni aw a tih theih ta rum rum mai. Amah Amawii chu a ngei em em pawh a nilo, mahse a pa in a lo dawn sawn thin dan leh, hmanzan ngei pawha Amawii awm reng laia koh chhuah sak a han tum miahlo te khan, “An inngaihzawn hi a remti lo” ni tlata hriatna liantak a neih phah nghe nghe tawh a. Khami hnu pawh khan Amawii chuan Chawlhniah, Vanlala inkhawm bang chu a lo nghak a, a pheikhawk leisak chu a lo bun ve vang a. Vanlala inkhawm bang hmanhmawh taka chho hlawk hlawk chuan a lo hmu lo trep leh ta nghal a. Mahse Amawii chuan thinrim hauhloin a rawn pawh rawih zawk nghe nghe a. A pheikhawk lei chu a lo suangtuah leh hisap ang aia nasa mah chuan Amawii chuan a lo inhmeh na ngiang tih chu a zu hmu thei a. Vanlala pawh a hlim vei surh hman, mahse Amawii hmuh chuan a phena awm a pa kha rilruah a lo lang lo theilo a. Nausen…a hmaa chithlum mum lek kual sak lauh lauh a, an lawm lai taka vawmbo leh daih te hi ka chan rum rum e a. A hlimna chu rilru chhungril taka helhkamtu a neih chuan a rawn hnawt triau hneh chiang nasa ngei mai. Mahse Amawii hmuhah chuan a thup hram hram naa. Hei leh chen lo inzui tawh, thil tam tak paltlang dun ve tawh bakah, khum khat hial tea lo mu tlang tawh an nih avang hian Amawii hian Vanlala nui tak tak leh hlim tak tak te hi chu a hre chiang rapthlak tih piahlam a lo ni si. “Ngati Vanlal, tun hnai hi i zia a va han dang em em ve…biak che lahin a rul tawk lek lekin min chhang a. Hmannia min lo hruai rawh ka tih ni pawh khan haw kawng tluanin ka biakloh che chuan mi biak pawh i tum lova”….a ni lah tak a, Amawii hian a pa thil lo tihdan vel te chu a thiam ang tawkin siamthat a tum ve nasa a. A hma khan an hlimpui em em a ni tih a hriatin, hreh lehpek hle mahse, an school bang lo hruai turin a ti tawp kha a ni a. Mahse a beisei ang leh a tum angin thil a kallo a, Vanlala zia leh a awmdan hi a hrethiam lo takmeuh tawh a ni. A ni ngaihdan chuan “a pa te chuan engang pawn lo ti ni se, amah berin a duh chuan a tawk alawm” tih kha a rilru putdan a ni miau a. Amaherawhchu Vanlala rilru a lo dawn phalo nasa em em mai zawk a lo ni a. Ala naupan deuh vang te pawh a la ni mahna le.

Vawi tam kan sawi tawh a, Vanlala hian Amawii hi a thinlung hnem thlaptu leh a duh kim vekna ni ber hian a hria a. A tan chuan “GOOGLE Search engine” ang hial hi a ni smile emoticon …a duh a zawn apiang chu “henu” ah hian a awm zel si a. Chuvangin ani chuan a pa in a duh ve thei tlatlo nia a inhriatna khan engkim a ti khawbaw vek thei tih a hre tlat a ni. Chubakah Amawii’n hetiang em em te pawh a ngaihtuah thleng ve eihlo nia a hriatna hian a rilru a ti na a ni. Ngaihzawng naran ang lekin a en nia a hriatna te a len phah em em a. A rilru hi nasa taka hnuhhniamin a awm ti ta ila, uangpui kan chang em lo ang chu. Tun trum pawh hi diktak chuan a lawm ru angreng em em a. Amawii hian hetiang hian a inkhawm bang hi a lo la nghak ngailo a, inkhawm bang chu sawiloh hetiang lam hrim hrim ang chi hi a la ti ngai mangloa… an awmdun theihna tur hian hmannia schoola hruai tura a tih bak kha chu vawiin hi a ni leh mai a, chupawh chu Amawii remruat ve ve a la ni zui. Diktak chuan a lawm alawm. Mahse a lawmna rawn par chhuak tur lo dang tlat tu hi chhungrilah a nei ruang mai si a. Hei tak hi a buaithlak na chu a ni. A theihpatawp chuan hlim luih a tum a, Amawii pawh chu nidang ai thlawt chuan a be nasa ve tehmeuh…mahse e…thinlung taka inkawm thin te hi chuan an in biak pawh dan ngawtah pawh…thinlung taka an kawm leh kawmloh te hi chu chala rawn inziak ang thawthang hian an hre nalh nalh thei thin a sin. Vanlala pawh hi hlim hmel ang takin lang mahse, Amawii rilru zawng a dam kim ta hauhlo mai. Vanlala te stepah chuan an chhuk thla a…Vanlala te in hi a laklawh angreng deuha awm a nia, chunglam leh hnuailam atang a pan theih ve ve roh a. Chutia Vanlala te in an thlen hma hret chuan Amawii chu a ding ta tlat mai a. Vanlala’n ngatinge a han tih lah chuan chhan a tum tawh bik der lo. Minute 5 dawn an din ngawih reng hnu chuan, muk taka thil a ngaihtuah mek rawn sawi chhuak tih chiang tak hian,”Vanlal, tun hnaiah i pawi ka sawi ka hre miahloa. Hmanzan kha chu hmanzan ni ta se, i hlimloh phah tih pawh ka hria. Chuvangin ka thiam ang tawk leh zak chung chungin tih hlim che ka tum ve thin a, mahse awmzia a neih loh zia chu hei…vawiinah pawh a chiang reng a. I thinrim tranna pawh ka hria, a awm pawh ka ti..mahse a rei tawh bakah khatia ka lo tihtauh san mai mai che avanga heti em em a min huat rei hi ka ring lo takmeuh a. Min ngaidam tura phut che pawh awmzia awm in ka hre tawh lo. Ka rin dan chuan rilru dang i pu niin ka hria a, ka ngaihtuah ringawt pawh hian ka lung a chhiat mai ka hlau sia, ka sawi zuui lo mai anga. Rilru dang i pu a, kei aia duhzawk ilo nei a nih tak leh min rawn hriattir ve hram dawn nia” tih leh tlanthlak chu a rual ta daih a. Vanlala’n an auh pawh chuan a rawn hawilet duh ta bik miahlo a.

Diktaka sawi chuan Amawii pawh hi thiamloh theihna chin a awm rual rualin, thiamloh theih ngawt a ni bikloa. A kum a la naupang em a, a thil ngaihdan te pawh a famkim tawklo nasa a. Zep thu a cheng lo, heti khawp hian Vanlala ah hian lungawiin thlamuang mahse, inneih lam lam te hi chu alo ngaihtuah thleng ngai lo hrim hrim a. Chuti ni se, Vanlala lungawilohna chhan te hi a hrethiam var var ngei ang. Chutih laiin Vanlala pawh hi a diklohna ka tih ve chu, Amawii naupan zia a hre renga, engmah sawi lova “a titau zawng hian ka hriat tir dawn” ti ni awm hrima, vuihmuipu master-a tran reng ringawt te kha a dik bik dawn em ni. A duh a nih tak tak te chuan, “a hrilh mai tur a ni dawn lawm ni” kan lo ti pawh a ni thei. Mahse maw….hetiang kan sawi te pawh hi ani pawn a hrethiam vek..mahse sawichhuah hi thih tha tehin a hreh a. A duhthusamah tak chuan hetiang lam hawi sawichhuahna hun awm thei tur hian Amawii hian tawngkam te hi han hmang zeuh in, han sik hawng zeuh te chu ni se..a kua enganga te pawh ni se, a hnawh lui tawlh tawlh duh ngei ang. Pakhatin hrethiam hauhlo, pakhatin a hrethiamlo tih hre thiam duh hauhlo ang mai an ni ta tlat a. A ruk tein an buaina hian thui tak a thleng thei tlat tih hi an hisap thiam lo ve ve ngei ang.

Khatia Amawii tlanthla pawh kha umzui a, han hrilh tlang pawp mai chakna leh duhna thinlung te chu a pu ve zuau zuau naa,,,hetiang nikhua apiang hian Amawii pa hi a hrechhuak thin a. A bula a awm apianga a lo melh thin dan te, tha taka a biak pawha a chhan mumal ngailoh bakah chhan duh miahloh chang a neih thin te kha a hre chhuak hnuhnawh a. A umzui ta lo mai zawk a ni. Diktak chuan mihring hi kan lo mak ve khawp mai a. Hmangaihna zunah kan han uai a, chhungten min duhlo a ni tih hriat emaw, anni nena trum a fuh theih ngangloh emaw, an chhungte kan eiloh em em te hi chuan an mahni “Kan duh ber” te thleng thleng hian zu han kang kang duai duai thei zu nia le. Chutiang deuh chiah chu a ni tuna kan Vanlala dinhmun leu luau pawh hi. Muangchangin inah a lut a, a inthlak a…a inbual zawr zawr a, chawhnu inkhawm pawh a phur tawh loh em avang chuan khumah chuan a tlu zal vel mai mai a. Amawii pawh khatia a tlan haw kha a room ah a lut tlang nghal a, a pa chuan a khum a lo siam nge, a lo hai/check vel tih pawh hriatloh chuan a lo chingpharh vel a…chumi a zu hmuh chuan a sa nasa teh e. Sawi leh sawi hnu khami zan, Vanlala tihtauhna ber zan atang kha chuan a pa hi a la be leh lo hrim hrim ti ila, Pu Lala te a zahna avang chuan bia ang chuan a awm (ti mai ang) ve thin a. mahse a duhthu leh thinlung taka..a pa a nihna ang chuan vawi them te pawh hi a la be lo. “Engvanga Vanlala chunga lo pawng ve em em ringawt reng nge a nih hi” a hrethiam mawlh silo. A ngaihtuah kual vel a, a rin tak ber chu damdawiina a lo kal zinga, Vanlala nen an riakdun a ni tih a hriat atang khan Vanlala chungah hian ngaihdan a lo siam ve ngawt a nih a ring ta ber a. Mahse han hrilh fiah emaw, han sawifiah vel chu a tum lo nasa…a pa lah chuan zawt tange a ti chuanglo nen.

“Engvangin nge ka khum kha i lo hai vak ringawt a” a han ti tuarh a…apa lo hawichhuak pawh chu a mitmeng a nelawm hranlo hle mai. Pa tawngtam a ni lemlo naa…”Nang te reuh hi Aizawl i awm hnu hian i nungchang i thlak lutuk, mi te hi i vin vel ta fo mai a, ka duh duh ka ti ang chu. I pa ka nia i sawi tur a awmlo” tih pah chuan engatan mah ngailo tih hriat tak hian a hai chhunzawm mawlh mawlh a. An inngaihzawn tirhlaia, zahzel atana crossword an hman thin laia, Vanlala’n chanchinbu sira thu a ziah…Amawii’n alo dah that ve khiau a han phawrh meuh chuan Amawii pawh chu a insum zo ta lo ani mahna, nidanga a zah leh a hlauh em em thin “a pa” pawh chu zah zo lovin…lehkha chu a va pawtthla hrawk a,”Mi private thil te hi zahna chang hre ve ta che” a ti pang pang a. A pa chu muang changin a rawn dingchhuak a,”mi zahna i va han nei ta lo ve, i pa ka ni tih i theihnghilh a mi..hriatnawn tir i ngai a mi” tih pah chuan a han beng pawp mai a. Amawii chu a tlu tawp a, chutia an thawm a that tak em ah chuan Pu Lala te nupa pawh chu an rawn lut ve hlawl a…Chutia an rawn luh takah chuan Amawii pa pawh chu a chhuak zul zul a. Amawii chu chhuatah chuan a thu sawp niaih a, a han thu rem deuh a, a khupah chuan a hmai a phum a, a tap keuh keuh a. Pu Lala te pawh chuan han tih vak ngaihna an hrelo nge an chhuahsan ve leh mai a. “Vanlal, nangin mi i ngaihsak tha peih tawh lova, mahse keichu hei..nangmah vangin ka pa kutthlak ngei ka tuar phah chu a ni ta si a, i pawi hi enge ka sawi le….tunah hian awm ve ta la, tun hmaa min duat leh min ngaihsak ang khan min la duat tho angem”? tiin a inngaihtuah a, a rilru chu a nat hian a na ve vawng vawng takmeuh meuh a ni. A chhan chu Vanlala hian a duh tawh tlat lo hian a hre bawk si a. A ma tawkah chuan a va han pik ve tehlul em.

“Inthen tih awm silo, in kawm lah rem lo treuh bawk si huiham” tiin Vanlala pawh a muthmunah chuan a inngaihtuah ve nasa. Dar 10 ah khan a in thawlh fel than tawh naa, hei tunah dar 3 a ri trep tawh, a mut tirh ai khan a mut hi a la chhuah belh eihlo. Mutchhuah chu sawi loh a in delh kham threm thrum tawh zawk ta ve ang. Amawii chungchang a ngaihtuah a, a ngaituah leh a, chuna a ngaihtuah zel a…. sawi chian tum mah mah smile emoticonTak tak ana, an inkar boruak hi a buaithlak a tiru ve tak meuh meuh mai zawng a ni. Amawii pa pawh a tira a lo dawnsawn fuhloh avang ringawt te ni se chuan tun thleng thlenga hmai rang inhmuh na tham a tling mawlhin a hre tawh silo. Chuvang tak chuan a nia a rilru pawh a hah zual ve deuh. A duhlo ve hrim hrim niin a ngai tlat tawh a. Chutiang ni lo se, mi pangai tan te chuan an fanu te ngaihzawng ve te chu tawngkam hnih khat lek tal pawha lo biak ve zeuh zeuh te kha chu mi pangai mai pawh nilo, mi naran takmeuh te pawn “Thil awmang” a ni tih an hre vek ang chu. Mahse Pa Zuia erawh zawng, Vanlala tan hian “Chil per khat pawh hi ka seng dawn lo” ti ni awm hrim hian….Vanlala a lo lan tawh hrim hrim hi chuan a in hmuam up vei hman zel hi a ni ngawt a. Pa trawng tlem tawh sa inhmuam up chu hahahaha…..a tawng tam lo nasa viau ang hahahaha. Chutiang vel ngaihtuah chuan a let a let a. A chang leh thil ho deuh deuh a ngaihtuah a…a mu khi ang vun vun a, a chang leh a ner leh ang suk suk a. Camera lo dahru ila chuan nuihpuithma fe fe chu a awm ve khawp ang male. Chutiang vela a leh a leh hnu chuan khuantevik (A hma vel deng deng) ah chuan a muhil ve thei ta hram a.

Thlang lampang pawh an dang chuan lo e. Ani Amawii phei chu, ahmaa a natna a lo serious bawk si nen….dam ang chuan awm tawh mahse, hetia rilru hah leh taksa thlenga tawrhna a han tawnzui takah hian…a na te kha a rawn chhuak leh ta emawni aw a ti rum rum a. A chhan pawh a lu a nat ngut ngut thin vang a ni. In entir leh lawk a duh tak meuh meuh a, mahse dik e dak e pawh a ti ngam silo. A ma pa ber ve lah chu a tithinrim hlur a ni rih si a. A ngai te bawkin,”Vanlala chu awm se aw” tih lam zawng bawkin a rilru chu a kal kawi leh a. A inngaihtuah lungpuam treuh nghe nghe a. A rilruah thil a rawn lang zawk mai. Damaska khaw daia Paula eng hmuh ang em em te zawng ni le lu lo mahse, a ngaihtuah chhuah rualin a inhuam nghal thlap mai ti ta ila, kan sawi fuh ber a ngem aw ???? “Vanlala hi naktukah a hna ban hun awm velah a bike dahna bulah lo nghak tawp ila titi pui a ngai a ni” tih chu a rilrua rawn lang zawk…vawm bur ang maia tang ta ngur mai chu a ni. Thil a sawipui tum pawh a “loh-theihloh” thukhawchang na ngiang mai. A rilru te te in, hetiang te chu mipa tihtur awm zawk tak a sin le…an ti ren rawh tak naa, tunlai chhanah chuan hmeichhia te hi a sawi chhuak tu leh a kar kaltu an ni fo tih te a han ngaihtuah chhuah hnuhnawh chuan..a hreh rukna te pawh chu a kiang deuh huai thei a, a phur deuh hial zawk emawni??? A tuk tlailam dar 4 a rik meuh chuan Amawii chuan awm hle hle har a ti tawh ngei mai. Sana ah chuan Isua hmel a rawn lang zuai anga..a hmuh threlh palh ang tih hlau ni awm hrim hian, tih mai tur hian, banga an sana khai chu a melh sek tawh mai a.

Vanlala pawh zan lama a mumang in a zui hi a ni ngawt mai. Office ah pawh eng a ti theiloa, hna thawh pawh a har a tiin rilru pek mawlh mai hi har a ti a ni. Dar lah chu a kal muang hi a han ti nasa khawp a, a hma zana a thil ngaihtuah ringawt chu a rilruah a awm a. Mahse han tih hlawhtlin mai dan tur a hre ngang lo a ni. Amawii hian mobile phone te lo nei ve ni se chuan, inthlahrung tak pawn a va be rawih mai tur hi a nia. Masangi bula han sawi chi a niin a hre silo a, a duh chuan Masangi phone atang a be thei tehmeuh mai. Mahse a chapona kan ti dawn nge a hlauhthawnna kan ti dawn zawk. Masangi phone ah va biak tum se, Masangi’n “Vanlala’n a be duh che a han tih khan Amawii khan lo be peih leh ta silo se, a tlawmngaihthlak dawn bakah a zahthlak dawn hian a hre deuh bawk si a. Lo be duh ta pawh ni se, Amawii pa lel lul khan an inbia tih a hriat chuan a thil tih tum te hi a ti sawng-saw-hlawt thei vek tlat bawk a. Tin a tawp berah, a remruatna te chu Amawii va hrilh ta rawih se, a nin a lo lungrual pui loha, engatan mah a lo ti tawh lo te alo nih phei chuan a hrehawm dawn mai bakah, a rilru na a zual nasa hleuh dawn a ni ngawt a nga….chutiang vel te chu a khap kual nasa teh a sin. Diktak chuan hei…kar 2-3 chu an in chu-e-kha-e tawh lo chu a nia. Amawii hian eng rilru nge a la put pawh a hrethiam tawh loa, alo duh tawh eihlo thei a…midang nen pawh an lo inkawm daih thei tawh bawk a. Chutiang akara a rilrua thil awm han sawichhuah ngawt mai kha chu a risky a ti ve hliah hliah em a tin ni. Chawlh tih awm lova kal ta reng chu, dar pawh a lo her ve bawih tawh a. An ban hun a lo ni dawn der tawh. A insiam fel sawk sawk a, file hawn ngai a neih ho…;chhuna a khawih tur a khawih peih tak siloh ho te chu in lama tihah tiin a hawn bawk a. Muang changin a in khalh haw ve ta a. A rilru hi leak thei ta se chuan a tlanna hnuah chuan Amawii tih hi a inzam kual ngei nguai hian a nia ka rin ni.

Vanlala bike dahna hi mi inchungah a ni a…a hmain misualin an lo khawih sak tawh avangin, inchungah pawh a kil thei ang berah a dah thin a. Chutia garage a han lut chiah chu Amawii a lo ding a han hmu thut mai ah….a hma a chawi trep hial ang chu…a lai tih pawh hian a sawifiah zo lo ang…a lai nawn awn awn ringawt mai a ni. Han biak phawt tur nge, a bike a hung fel phawt dawn tih takngial pawh a hrethiam lo. A ding dawta, Amawii lahin rawn pan tange a ti silo..a ni pawh a bike off nachang pawh hrelo chuan a ding ri vung vung ringawt. “Amawi, i dam thin maw” an ti ngawt a. Pakhati lah a sual ve reng reng, a ngawih hmiah mai si. Vanlala tan chuan anka han sihchhuah leh tur a vang tawh teh a sin. Tihngaihna dang awm hawt heklo…a tlanpel phei a, a kalsawn hlau tak chung si chuan a bike chu an hung rem te te a….Amawii chu a han pan ta ngawt a, alai ani tih chu an kiang deuha zawhte lo bawk ve takngial pawh khan a hrethiam aniang chu..a lo miau ve chhen tak kha maw. “Amawi” an ti leh ngawt a, chhanna a nghak nge, sawi tur a hrelo hrim hrim…a han ngawi leh vang vang a…mahse Amawii zawk chu a rawn trawng chhuak ta hlauh a.”Ngatinge thil engkim mai, kan intih thiamloh emaw, kan inkara thil engemaw a thlen deuh te hian keimah vek hian hma lak hmasak hi a ngaih ziah a, nep ze zu lutuk” a rawn ti thawr mai a. Mahse Vanlala chuan thinrim zawngin a la lo reng reng..a chhan ber pawh Amawii tawngkamah chuan a lamah rilru ala pe ve ani tih a hriat theih miau avangin…a hlim vei surh zawk a.

Diktak chuan, “nep ze zu” tia mipa an tih tawh thin te zinga hlimpui ta hleuh awmchhun te pawh a la ni mai tur a sin. “Ka hria alawm. Mahse ka dinhmun min ngaihtuah ve la..rawn len a nuam silo, han biak na tur che pawh” a tihlai chuan…”Chu chu chu…chhuanlam chhuanlam” Amawii chuan a lo ti leh hluk a. Vanlala chu a nui vei huk a, Amawii pawh a inring hman lo a ni ber awm e…a then ve suk a. Chumi a han hmuh chiah phei chuan Vanlala hmel chu a det hiana de sawt sawt ngei ang…theih ni ngat se chuan smile emoticon “Ka ngai thei lutuk che a” Amawii’n an tih leh meuh chuan tute nge lo kal, tute nge lo en tih lam chu a ngaihtuah tawh lo…a pan hnai a, a pawm thut a..a kuah vawng vawng ringawt mai a. Amawii pawh chuan hnar chi niin a ngailoa, hnar phal pawh hian a mawi ka ring bik lo. Tun trum an han inpawm kher kher hi chu, a tun hriatpui ve hauhlo se…a participants te chuan nuam an tiin..a hmaa an lo lungaihna leh an rilru hnawh tut tut thin te kha khen thlak hlawk hlawk in an awm mek ni ber mai hian an hria a, tawngka khat pawh an len pawh a ni siloa..sawi tur an ngah awm mange. A hma zan mai pawh nilo..a hma fe i han ti teh ang……a hma fe atanga rem ruat ruk an lo neih ve ve te chu an sawi chhuak ngam angem…hetia an han inhmuha an han awm dun tak meuh hi chuan an pahnih rilrua rawn lang chiang ta em em chu,”Ngaihtuah ang ngawt chu a ni dawnlo tawp mai” tih chu a ni.

Rei pawh an la awmdun love. Inpawm reng thu awm suh, Vanlala bike bulah chuan an thudun khar mai a. Ral atanga lo hmutu pawh awm ta se, thu naran mai zawng an sawilo tih chu hai a har ve pangai ang. “A dik alawm, ka pa awmdan hi chu duh chuan chhuanlamah chuan a hman theih tehmeuh mai, mahse min ngai ve thin te a nih chuan hetiang mai mai te zawng engatana ngaih thamah pawh ka ruat love” ……”Ni ve tho e, mahse hmanzana kan boruak khan min ti lai hamhaih nikhualo zo vek alawm. Nanga reng reng pawh lo thinrim pawh ni la, i pa nen kan inkar i hai bik siloa…lo thut chhuah ve mai tur a nia, khati em ema hremhmun tenaua mi chiah chiam kher kha a trul a mi” a tih lai chuan Amawii chu a va en paha; A chal chu a lo dawm ngawt ngawt mai a,”Ngatinge” tih leh a pang va dek sak chu a rual nghal a. A pang lah a sa hran silo. Mahse Amawii chuan “Engmah male, ka lu a na deuh mai mai” a ti mai a. Mahse Vanlala….a hmaa khati khawpa Amawii a buailai vela hlau thi kula hun lo hmang hrep tawh tan chuan ngaih han tih ngamna chi ziazang a ni hauh tawh love…luna naran pawh lo ni se, a tang hru tawh hrim hrim mai a ni. ” Damdawiinah phei mai ang” a ti tawl a”, Amawii lah chuan engah vak alo ngailo nge, Vanlala aw-a hlauhthawnna awm te chu a hriat thiam avangin a hnem zawk..”A ho lutuk, hetiang te chu a rawn awm leh zauh zauh thin a lawm” a tih pawh chuan Vanlala chuan,”Damdawiinah kal ang a ti nghut mai si a. Amawii tan pawh han hnial ngawr ngawr reng kha a nawmloh thlengin a sawi sawi bakah, a rilru chhungril tak chuan a hlauhthawn ruk ve deuh avangin, a hnial duh ta loa. Vanlala chuan an thim deuh rak a rin avangin, a chhungte chu a call a, Masangi pawh a text bawk a. Tichuan damdawiin lam pan chuan an inphur phei ta a.

Amawii chu Vanlala hnung ngeng chiai chuan a bawk a..a duh chuan “Pangrem iangin” pawh an lo tive mahna, mahse Vanlala hi a ngai em a ni. A rilru lah a kal ding narawh. Inah tikhawp khan a luna a chhuah chang pawn sawi ngamlovin a tuar ru tlawk tlawk zel kha a nia. Mahse a rilrua a thlamuan rukna leh, a beiseina innghahna ve berin, a beisei aia nasa in alo la ngaihtuah tih a hriatna ringawt te chuan a ti hlim sarh mai a. A lu na chu, a mar phut ruala a bek pahniha tuboha chhut dawt dawt angin rawn na thin mahse, a ngaih bel nge ni, hetia Vanlala’n damdawiin pana a han phurh tak vang vang ah chuan na lo ta huaia han hriat deuh thut chang te pawh a nei awl lo. Damdawiin an thlen phei chuan rang takin Vanlala chu a vir zung zung a. An Doctor thiam ber leh an chhuanvawr ber lo awm remchang lo mahse, Doctor lo duty chuan tha tak leh polite em em in a lo dawnsawng a. Amawii pawh chu sawi duah awm lovin a han bel nghal chat a. Mahse a thutlukna chuan Amawii rilru chu a tihah ta ngei mai. “A natna ang hi chu dam fak tur hian hun a duh rei a, hetia a lu a na  ana anih chuan, a lu chhungah pressure a insiam leh a nih ka ring deuh a. CTScan tih leh a ngai ang” tih chu an thu dawn chu a ni tawl mai. Amawii mangang lutuk chuan, “tun angah chuan a tlai tawh sia, tih pawh a tih theih dawn tawh a mi..an inkhar tawh mai lo maw” tih pah chuan Vanlala chu a va melh zawk a. Vanlala chu a lo nui ang vur vur leh ta nghala…mangan lai laia lo khik vur vur zel mai a ti rilru hmuk a. A mangan chhan pawh hi eng dang a nilo…a natna avang pawh a ni hran lo…nih chu ni tho mahse Doctorin CT Scan tih leh a ngai a tih lai tak kha a ni ani chuan a mangan pui ber chu. Vanlala takngial pawh chu a zah thrum mai hian a inhria a, a chhan ber pawh Doctor thusawi kha a hre vek sia…a tihna man tur sang chuang fe te kha khawiah a neih a ring siloa, a rilru a lo hah lutuk anga..a chhungte thleng thleng hian a va dil buai vel ang tih a hlau ru em a tin ni.

New Life Hospital Emergency Roomah chuan Amawii chu a melh ngai melh chuan a thu ngar mai a. Vanlala lam a han hawi apiang lahin a lo khi vei suk zel bawk nen, a thin hi a rim tro mai a. Chutia ER kawngka nghenga lo ding Vanlala chu Amawii chuan a han pan hnai a, zawi tein..”Haw phawt mai ang. Hei nachhawkna te min chawh tho a, ka pa te pawh ka dil anga…kan inlei ve thei mai ang”…fimkhur tak leh Vanlala beisei ang nilo thei tur bera a ngaih chuan a han ti sep a. Vanlala lah chuan,”CT Scan tih phawt a ngaih chu” a lo ti suk a. Amawii rawn meng chhuak chu a rum ngen ngawn ngei mai. Mahse Vanlala hmela thlamuanna leh engtin emawni taka hlimrukna a hmuh tlat avang chuan a zawt lo thei ta lo a ni ber a. “Engatinge i nuih suk suk reng a, khawia pawisa nge nei se min tih a…tunah chuan haw tawpa, nachhawkna te hian min chhawk theih nana tawngtai a ni mai tihtheih awmchhun chu” a ti bak hlur tawh a. Vanlala chuan dam deuh hian Amawii darah chuan a kut khing hnihin a dawm a, muang chang leh dim em em chuan Amawii chu thutna anlo siamah chuan a nawr thu a. Amawii pawh chuan,”Eng chu nge maw tih a tum ni” ti niawm hrim hian, a mita en kal chuan a thu ve mai bawk a. “Amawi, nang lo hi ka tan hian khawvelah thil pawimawh dang an awm lo a, an awm leh theih pawh ka ringlo. Hei a hmingin hlawh te ka nei ve tawh a, mahse ka pawisa hi a trul tawp lovah chuan ka hmang ngailo tih erawh i hrelo maithei. Chuvang chuan tunah hian bank ah hian phangloh na tham chu ka dah ve tawh a..hrilh che hi ka tum ngailova, a chhan chu” a tih lai chuan a ngawi deuh thut a.

Amawii lah chuan thil awmzia hre chiang chak hek le,”Enge a chhan chu…engtin maw i tih..i sawi awmzia ka manlo” a lo ti sek sek tawh bawk si. Vanlala pawh a tumloh deuh thleng a sawi tawh a, sawi tlang lo theilo dinhmunah a indah ve tawh bawk nen a hrilh tlang ta rawih a. “Englo a nia, pawisa hi a rukin ka khawl ve trang trang a, mahse hetiang vang ni lovin ka tum dan tak chuan”   ahan ngawi leh deuh hmaka, Amawii chu a han en zeuh a…a hmelah chuan a tawng chhuah kher a ngailo..a sawi tum leh zawhtum chu a hmuh theih vek. Ramhuai thawnthu ngaihnawm ti lutuka ngaithla..enge rawn thleng dawn..engtin nge an awm zel dawn tih vel rilrua dawn zui paha ka ho-a an ngaithla ang hlauh tak tak hi a ni. “Ka tum dan tak chuan kan inneih huna kan pahnih tana ka lo remruat ruk ve a nia. Mahse tun hnai kan boruak khan min tih phan em avang erawh chuan ka lo hmang hman trep trep a..ka lo hmang lo chu ka lawm ngei mai. Chuvangin tunah pawh CT Scan chu kan ti anga, i tana ka khawl a nih avangin i pawisa a ni tih hailo la. Na tuara i awm hi ka phallo a, ka hmu thei bawk heklo. Na tawrh chu sawiloh, rualawta i awm hlek pawh hi ka duhloa, i awm pawh ka phal tawh ngai bawk dawn lo tih hi min hriatpui la. A nilo zawngin la lo hram la, keima duhthua lo ti ve ngawt ka nih avangin i ngaihdan te pawh a lo ni lo daih thei tih chu ka hria a, mahse khawngaiha min pawm sak hram turin ka ngen tak meuh meuh che a ni” a ti ta duah a.

Amawii chu din tum deuh hluai ang hian a awm a, mahse a inbeng dai nge a ding ta em lo a, Vanlala chu a en ngawt ngawt a…amah Vanlala pawh a hrilh hai lek lek tawh hial mai. Engmah a sawi bawk silo,”Ka thusawi khan i lung a ti awilo a mi” a han ti leh dek dek a. Chutah Amawii chu tawng tum ni awm tak hian a ka chu a nga deuh zuau a, mahse a insum leh ta daih a…Vanlala kut chu a hum vawng vawng a, a mitah chuan mittui a rawn hnam leh triam triam a, nui sek pah leh enge mawni tak insum trewuh tih hriat em em hian,”Ka hmangaih che Vanlal…Ka hma” a rawn ti thawp set a..a sawi zawm thei tawh lo a, sawi zawm pawh a ngailoa…a trul tawh heklo. Vanlala chuan a rilru leh a sawitum chu a hrechiang na ngang mai a…a lawm lutuk leh chuti em ema a thusawi leh a thil lo tih ve ten Amawii rilru a han khawih chu a ni lam lam pawh a hnuk a ulh lek lek a. Tunah hian tawng chhuak ngam chi a ni bik miahlo. Damdawiin lun takah mi an awm luih luih a, an vei suau suau a, an bul velah pawh an thu tlim hmer hmur. Mahse anni pahnih tan chuan chulai hmun bik te bak chu khawvel a awm hrilh lova..midang lo awm ve te chu a phe vuai vuai hi a ni ringawt. Vanlala pawh a thu hniam tawh a, Amawii nen chuan kut invuan rialin an inen vawng vawng a. An rilru chuan thu an sawi mawlh mawlh dun mawlh mawlh ang tih hi ka ring hlel hauhlo. Amawii chu lehlam hawizawk pah chuan a mittui parawl truh chu a hru ru zauh a, hlim tih hai thei map lo leh..aw la trial lawi deuh truau chuan…”CT Scan chu” a rawn tih meuh chuan….tumlokna chu an neilo tih chu a chiang. Mahse an nui dun sak a…an then rual sak kan ti kher teh ang.

Khua a thim chhulh chhulh tawh a, Masangi chuan a rawn call a…Vanlala chuan an thil tihtum leh pawisa hman ngaihna vel te kha a sawi chuan alo ngaithiam lo deuh ang tih a hlau sia…”Hei mi an tam lutuk a, kan nghak a…kan thleng ve trep tawh e” ti chuan dawt var chu a han fah zauh a. Tunah chuan Vanlala thiltih engkim mai chu Amawii tan chuan hlimna hi a chang vek tak meuh meuh tawh a. An inkawm loh chhung vela a lu a nat changa a ngaih thin zia te a ngaihtuah chhuak a, amah leh amaha zawhna alo insiam thin te chu a duh ai aia chianga chhan sakin a awm a. Khawvela a hmangaih ber leh, a innghahna ni tura a duh em em chu innghahna tlak a lo ni em em tih leh, aman a hmangaih ai maha hmangaih tu a lo nei reng nia a inhriatna chuan hlimna vawrtawp hi a siam ve tak meuh meuh a. Damdawiina atanga CT Scan tih na tur pan tura an chhuah dawn pawh chuan Vanlala ban chu ahan chelh chawt a, Vanlala a rawn hawilet chuan a thinlung chhunga lawmna awm zawng zawng nen chuan a lo nui seih a. Chu tiang bak bak beisei eihlo Vanlala tan chuan a va tawk dawn tehlul em. Mahse an kal lai zawng chuan Amawii rilruah chuan ngaihtuah kal fawr bik tak mi a awm tlat mai a..chu chu, Vanlala’n..”Kan inneih hun tur atana ka tih a nia” a tih zeuh mai te kha a ni nain. A thinlungah chuan a riak nghet nghal ngei mai. A sawina a la rei loh tehreng nen chu thu chuan a thinlungah chuan hmun thuk ber chang turin a lo zu inhreuh thleng hman pek a nih chu 🙂

An thil tih an zawh a, in an thlen fel meuh chuan Dar 8 pm a lo ni der tawh mai a. Vanlala chuan a huphurh thlu ngei mai. Amawii te in an luh dawn pawh chuan a tawi leh dat thin a, Amawii pawn a hre thiam lutuk…mahse he thil kher kher (an ina len) hi chu pehhel reng tur hian a duh silo a. Tunah pawh hian a theih ang angin a hnem ve a, an thil test result ah te hlauhthawnawm a lo awm loh bakah tuna a lu nat chhan an hriat chhuah phah hleuh te chu a han sawi lang a. A lawm zia te bakah, amah Vanlala chu awm lose na tuara a awm reng tur thu te chu sawi siam siamin, a rilru lakpen sak te chu a tum ve em em a. Mahse a har a niang e, han nui ve vun vun thin tak mahse, a tawpah chuan a ngawi leh ngul thin. A saseh an thleng dawn ta…Amawii te in stepah an chho mek a, an in luhnan pen 10 pawh a ngai tawh nang. Amawii chuan Vanlala rilru lak pen a la tum reng nge nia, a sawi tum chu sawi trul a ti ve hrim hrim tu va hriat ni suh..”Vanlal, awmlo la chuan aw……ka tana i hlutzia hi hrilh che ka duh thin a. Mahse min intihtheih khum ang tih ka hlau thin sia” a tih lai chuan Vanlala chuan a tukhumah chuan a rawn nawr det a. Nui sun sun chung chuan,”Ka uanglo a nia, i laka ka lawm zia hi” a ti mek lai chuan Vanlala chuan,”Chutiang sawiduah a ngailo” tih pah chuan fiamthu tih hriat tak hian a hmui chu fawh tur a tan a ti ni fahmiang, a lo ti kawh vei put a. Amawii nuihza lutuk chuan a’n piai sak ngheng mai ah. Thawm dim tum hle e tilo chuan an ri ta chel chul mai a…In lama lo awm, Amawii pa chu kawngkaah chuan a rawn lawr zawk mai a. Zawhte hur hram lai vawm ang hlauh an ni. “Enge khatah khan in tih, rawn chho ta che u” a ti bung nghut a, a lut leh ta daih a. Vanlala rilru a thawl ve hman tawh tehreng nen, khapa leu luau khan huphurhna mum lian chi a rawn hnawh leh tut hi a ni ber mai.

A rilru te te chuan,”min hmu tawh tho a, ti hian haw san mai ila” han tih ut ut chang te pawh a nei. Mahse a dik theiin a hre ngang silo a…anih nih ni teh se tiin “Mei leh dosi karah” an ti ta mi kha smile emoticon eng boruak pawh tawng tur chuan an chho dawn ta rawih a. In a luh dawn lai vel kha a hnua Vanlala’n a ngaihtuah let pawh hian, zu han recollect thei thrai lo a mawle…a zak lutuk kha a vai zo vek ni berin a inhria. An thutthlengah chuan a thu ran a…Pu Lala chuan,”Vanlal i ti tha thin teh mange aw, a hrim hrim ah hetiang te chu mi rawn hrilh tur che u a nia.” a rawn ti dap dap a. Mahse Vanlala chuan a hma fea a lo inpuahchah ruk sa a ni tawh avangin han chhan dan tur chu a bangbo lo nasa khawp mai. ” Ni e, zep theih pawh a ni tawh chuanglo a, vawiin tlaiah Amawii nen kan inhmu fuh hlauh a. Kan titi mai mai lai khan a lu a nat thu kha a sawi fahrah a, kei lah ka lo hlauthawng hma tawh sia…hmana kan thil tawn tawh te nen. A duh lo chung damdawiin lamah ka phur phei ta ngawt a nih kha” tiin Amawii pa han en zeuh pah chuan a chhang a. Mahse kan hmel-dang-lova chuan a hmel chu chhete eih pawn a ti dang duh leh ta chuanglo. A rilru te te in “A ho em mai, saw pa leu luau saw ka nei dawn hleinem, Amawii lawm ka neih dawn” a ti lui ve sak sak tawh hial a. Han tihlawm emaw, han tlawn ang type a awm kha chu a tlawmngai ve bur tawh hi a ni ringawt. Mahse Pu Lala chuan,”I titha tak tak hle mai, engzah te nge in va sen…kha CT Scan te in va ti tih a hriat reng a..ka lo rul ang che” a rawn tih takah chuan Vanlala rilru chu nuamlo tihna angreng deuh hian a rawn luah ta phut a. A lo ngaihtuah lawk lo reng reng.

Hetiang hian Pu Lala te chhung chuan an lo ti ang tih kha a hma fea inngaihtuah lawk tur hi a nia, tunah lah engmah thup theih a awm tawh silo….A tih ngaihna hrelo chuan,”Aaaaa…Pu Lal, a ho lutuk. Ka duhlo tak tak a nia. Tawng mawi lo ah min lo ngaih sak lo hram ula, hetiang te hi chu ka tih ve tur a nihna chen hi awm ve tlatin ka hria a, in pawi sawi hlau tak chungin ka rawn hrilh buai ta lo mai che u nih kha…min hrethiam hram hram a niang chu” a ti ta ngawt a. Pu Lala te chhung chu lehkhathiam chhungkua te an lo nia, duh chuan la kawi thei dinhmunah chuan ding tehmeuh mahse, an inkar te an hriatpui ve vek avang leh…Vanlala, a tet te atanga an lo hriat te a ni vei bawk nen…”Nia, enga pawh nise a lawmawm hle mai. Amawi thingpui kha han lumsak rawh Vanlala hi…makpa te pawh a nilo tih pawh kan sawi ngam tawh loh hi” ti pah chuan Amawii chu an nuih suk a. Amawii chu a lai tih hai theih rual a nilo…a thu naa..a awmdan sawifiah theihdan ber nia ka hriat chu..”a thru zawk zawk” ti ila a fiah ber ang hahaha. Mahse Vanlala chuan,”Aaaa Pu Lal, chaw pawh ka la ei siloa, ka han chho phawt ange” a tih takah chuan Pu Lala pawh chuan a aw e liam ve mai a. A sawi zawh rual chuan a tho hluai a, a chhuak ta nghal titih a…Amawii pawh chuan a “Spot” tukverhah chuan a lo tlankhalh thuai a, rem leh remloh chuan Vanlala chu a han “Spiderman” leh zuai a. Lungdam tak chuan a haw chho ta a.

Chipchiara sawi pawh a buaithlak na chen a awm e. Hma hunte hriat theih rual ni heklo…Amawii chuan tlai khat Vanlala office bang chu, sawi lawk hauhlovin a lo chang leh thut a. A rilru tak chuan Vanlala mak ti leh lawm si hmel te kha hmuh a in beisei a, hmuh a chak bawk a ni. Vanlala pawh an buai lemlo bawka, haw hun pangai takah chuan a rawn thleng ve mai a. Amawii a han hmu thut chu, Amawii chuan a intention te chu a lo thlawn lo chiang tih chu a hre chiang ngei mai. Hetiang vela Vanlala beiseih loh deuha han tih phut phut hi nuam hi a ti ve hrim hrim niin a lang. Hlim tak chuan an titi chho a, Amawii chu a tihdan ngaitein a thlah phawt a, an in an thleng trep tih chuan Vanlala phone chu a rawn ri a. Silent ah alo dah lem siloa, a chhang tur chu Amawii chuan a lo phih thlak sak a, fiamthu deuh hian a aw a ti thum chawp a..a han hello vel a. Mahse lehlama a aw hriat chuan a nui hmel chu a titawp ta chawih mai. Vanlala chuan “Enge, ngatinge” alo ti hu a. “Kha” tih leh Vanlala awma phone nem bei thlawp chu a rual a, a melh zui khal mai a. Vanlala tan chuan phone chu han biak zui a nuamlo ve pangbal ang. Mahse pakhat-i lah chuan “I biak hma chu” ti ni awm hrim chuan a melh kal tawh mai si a. muangchangin phone chu a han la kang a…an office-a an thawhpui, an tetlaia a school lo kalpui tawh thin Seni a ni tih chu a hailo chiang. A ni hi pasal neitawh a ni nghe nghe a, mahse Vanlala nen hian inngaizawng ni hauh silovin an inngaina phian a…lunch te pawh an ei dun ziah. Mahse sawi leh sawi hnu, Seni rilruah chuan enge maw lo awm ta pawh ni se,,,Vanlala chuan a thian hlui a nihna leh a thawhpui a nihna ang bak chuan a kawm ngai hauhlo thung. Chutiang si se chu Amawii chuan a hre si lo..chubakah a va biak khan Seni khan engtin tehreng nge thu a lo chhahchhuah pawh a hre silo. Han insawi fiah dan tur a van ngei mai.

“MIpa tak hi chu an sawi hi a lo dik zel a nih hi” a rawn tih hlak takah chuan Vanlala chu a phawk deuh hru a. “Seni a nih kha, kan thawhpui…pasal pawh a nei tawh” a han ngial naa. Amawii chuan,” Pasal pawh lo nei ni se, a rawn biak dan atang che khan enge maw tak chu a awm a va ang ve” a ti chang leh fak a. Vanlala han bo-a han bo zia chu Lalbo-a. “Enge a rawn sawi a, engtin nge a rawn tih a..a ni nen khan inkungkaihna kan neih chhun chu hmanah St Pauls ah kan kal ho thin a, tunah kan thawk ho leh a…chubak engmah a awmlo” a han ngial naa, Amawii chuan,”Tawngkam hi a lo mak tiraw..? Tawngkam hnih khat lek te hian thil thui tak hi a sawi fiah ruak ruak thei mai si leh” tih pah chuan inchhungah chuan a tlanluh san daih a. Vanlala chu a hrilh a hai ngei mai. Seni chu a va call nghal a,”Nichin khan enge i rawn sawi a…lo pick up tu kha ‘kan nu’ a nih kha” tawng kam ngaihno bei tehchiam lo hian a va ti vat a. Seni lah chu a lo bo ve nasa,”Nupui i nei tih engmah i sawi ngai silo a” a lo ti hu a. “Nupui ka nei ka tih lai reng reng i hria ami”? “Kan nu” a han tih leh lai tak chuan a chhak ah chuan ,”Hmmmpp” tih ri a hria chu a han hawi chho nghal zawk a. Amawii chu an kawngka thlen hma chuan a lo ding khawmuang niin, khatia Vanlala’n an va phone leh nghal chung chung kha, enge an sawi tih hriat a tum te pawh a ni mahna. Mahse a thil hriat ber kher chu a ngaihkawih theih nasa mai si a. Engkim mai hi a khawlhkham ta vek mai. Vanlala chuan ,”Kan nu ka tih vang khan ka nupui tihna a ni kher ami…ka bialnu ka tihna nih kha” tih a tum kha a nia. Mahse Amawii chuan a hriat duh chin a hria ni hmiang, Vanlala lah khan sawi zawm nghal tih a nei ta si lo nen….huiham a buai nuaih nuaih…Hetiang tak hi inngaihzawnnaah hi chuan a pawi thui thin reng a ni. Thil hrechiang silo, zeldin theih tawk leka thil han hriat a, a ni ta emaw tia top speed ang vela vunga ngaihdan kan han siam ngawt thin a hi. Tunah pawh hian Amawii khan Vanlala sawi tum kha ngaithla zovin, lo inrawlh lui lo se chuan tuna a thinrim lutuk leh a rilru na hi chu 90% a thlenglo ang tih ka sawi ngam sak.

Vanlala tan chuan hma han lak dan a vang ngei mai. An inah zu lenchilh dawn ta se, hmana a zah hlum loh choh trum ang kha a tawng leh ang tih hi thih tha takmeuh meuhin a hlau tawh si. Masangi phone atang chuan call a tum leh…Amawii pawh hi a sual thiam ve reng reng..phone a Vanlala hriat phak tur ngei hian,”A awm lo ti rawh” hi an ti lang lang kher zel a. Hope chu nei chhe ve chai chai tawh khawp mai. A diklohna a awmloh chian em avang chuan engti kawng zawng pawn Amawii chu thil nih phung hrilh chu a tum bur ringawt mai a. Mahse a duh angin hunthra a inher thei si lo. Ni lah a liam zung zung a, a lung lah chu a leng ang vei tulh tulh mai si. Tum khat phei chu a lungleng rilru hah lutuk…thil a ngaihtuah nasat luatah a rilru chu a nilo loin a kal ve ta mauh mai a. “Amawii awmdan te hi midang duh a neih vang a niang” ti zawng tea thil a ngaihtuah takah chuan..tawrh a har ta tralh te pawh a ni fahmiang. A office bang chu Zu a lei haw a. Inah pawh tlang lo chuan hmun rem lai a pan a, a in ta kiah kiah mai a. A in kiah kiah kan han ti ve hluai tak naa, a in hnem hmel treng treng…smile emoticon Mahse ani…zu in ngailo ta fam chu, no 3 ah chuan “Bro..Bro” level a kai der tawh. Chhia leh tha hriatna erawh a hlauh vek bik lemloa, a in zel chuan a rui over dawn tih chu a in hre ve rei ruai ni tur a ni…a zu bur chu khamah chuan a vawm thla ta daih a. Tichuan ama tawka rui ve ngat ngat tak mai chuan an in pan chuan a inkhalh haw ta a. Mahse thil a beisei angin a kal hauhlo. Miin an sawi dan te kha chuan, zu in te chuan “reilote te chu lunglen a hnem ve thei alawm” an ti thin khan a hre sia…a ni chungah erawh zawng a letling hleuh.

A hmaa a lunglenna te pawh kha a phurha phurh tham fe a ni tawh vei tehlul nen, zu a han ruih tak chianah phei chuan, a thil tawrh chu (I ti mai ang) a let 10 vel dawn in a rawn pung ta thur thur ni ber hian a hria a. A rit lutuk chu 407 vel hire a, phurhtir mai a nap a…han theih mai se hahaha. A lunglenna bera pawh chu reh chu khawilamah…a zualzawpuia vailenhlo an tih ang hlauh. A ngaihtuahna lah a kalding tulh tulh mai si. Amawii nen an kaldun tawhna hmun a thlen te chuan, a rilruah an hlimlai te leh a bikin Amawii nui ker ker ri te a rawn lang uarh uarh a. Mi te zawng, an piangthara trap purin Pathian hnenah ngaihdam te an dil a ni ngai a. Ani ve erawh chu….a bike ah engine oil a lo leak nen…. mittui nen hnaptui nen smile emoticon a tlan leak zawih zawih hi a ni ber a… hahahaha. In a thlen dawn chuan engtin emaw tak Amawii chu hmuh a duh ta tlat a. A chhungrila enge mawni rilru fim themte la awm ve te reuh chuan,”Thil tih chi a nilo, i inti mualpho mai mai” tiin rawn hrilh ru zerh zerh mahse, ti tura turtu rau chu a chak zawk a niang e. A rin ai daihin a lo rui lehnghal chu niin. A bike a han hung fel a han pen tur chu…. a ke chu a ta ni tawhlo ang mai leh rilru hran nei ang hlauh hian a khawsa ta tlat mai a. A hmaa vawi tam lo pui thin tu, a thluak te pawh chuan amah aiin a ke lam chu an support zawk tih a hailo. Khua lah a la thim silo, ani Kohhran lama active ve tak… miin chutia ahan kal pai ta truang truang chu hmu ta se mak an tih dan tur pawh a hre vek. Mahse a thluak bawma m… pawi tihna siamtu chu, a chatthla daih aniang …pawi tihna hi a nei eihlo..a ngaih hi kawmchhakpa tukkhum ang deuh khian a sam liam puat tawh mai a ni. A mawii te in chu a zu kal ta ngei alawm.

A vannei nge a vanduai..ka hre bik zeuh lo smile emoticon Amawii te in chu a lo inkalh mauh mai a. Khawiah tak chhuak bo hlawm ang maw? Nge nianga, Pathian hian a chungah zah a ngai ve hlauh anga, a mualpho lutuk tur khuhbo nan, a lo len chhuah tir te pawh a ni mai tur a sin…#‎FakaHnamte emaw #‎Duhawma Kawlni te pawn an hre bik hauh nang smile emoticon Amawii te in step ringawt pawh chuan zu han vel thei a mawle. A rilruah chuan a hla duh thin em em mai chu, rawn velh belh tum ni awm hrim hian a rawn inlar zut zut a…Keimaha khawharna te leh, ka tinlunga hmun ruak awm thin te khaLungchim taka i kut ka han chelh vawng vawng kha chuanTuiin bal a silfai a, meialhin thil thalo te a kang fai duai duai ang hian Tihbo in a awm nawn fo thin kha a ni si aDiktaka sawi chuan mawKeimaha thil thar thleng reng reng te hiHlimna emaw, tahna emaw….lawmna emaw lungaihna pawh ni seNangmah atanga chhuak zel an ni

Harh fim ta se, a awm dan hi kim threp thrawpin hre leh ta se, a zak ve angem le. hihihihhi. Mahse a kai chhe ve em mai, hriatchhuah zawhloh a mual mual chu a nei ta ve ang…….ka ring. Sawi tum neia kal, engmah titheiloa tirh hawna a han awm leh tak siah chuan lunghnur fahran hian an in lam chu a pan chho hnu hnu a. A tuk zing a thawh meuh chuan a haw lai vel te chu zu han recall thei hauhloa mawle. Eng chin tak hrechhuak thei ang maw. A trul leh amah kan zawt leh mai dawn nia. smile emoticon A lu lah chu puak keh tur ang mai hian a su ang vei hluau hluau a. A pian tirh ata zing a thawh tawh a zawnga hrehawm a la tihber a nih loh chuan, a aia hrehawm a tih chu zawn rei a ngai ve khawp ang. Nawmlohna chitin…rilru leh taksaa phur chung chuan Office kal tur chuan a chhuak ve thei hram a. Mahse kalkawngah chuan eng rau rau hian nge rawn pawl tehreng ni. Amawii hmuh chu a tum lui leh ta bur mai a. Tihdan tur chiang tak a hriat chu an school bang han nghah chu a ni. Mahse tunah dar 10 vel chauh ala nia, tlai dar 3 thleng han nghah tawp mai chuh..Zu te kha ka in leh mai dawn a mi a han ti rawk a…a kawchhung a rim (a hriat theih a nih ngai chuan) ringawt pawh chuan a luak a pawt thlu awn awn chu a ni si a…tum a tum chi ni hian a hre tawh bawk silo.

Engtin tin emaw darkar tam zawk chu a tlingtla ve mai a. Amawii te school awmna a thlen chho hma em avangin, a bul vela dawr nghak tu pakhat phei chu a kawm ngeih hman hle in kuhva hring han thel pawh a thiam hman viau a ni awm e. School chu an rawn bang ta ngei alawm, mahse a rilruah chuan…hmana a hruai hmasak ber truma a huphurh aia na mah khan he “Huphurh leh nervous-na sual” hian a rawn buan ta pek a nih kha. Eng ti lo leh daihlima thu mai mai-e ti lo chuan a chalah chuan a thlan te chu a rawn bawl ang vei truk truk a. Chu sual phuar tlat tu phenah chuan hlauhthawnna sual pawh chu themtleng te zawk iangin a rawn inlan ve sek bawk nen. A hlauhthawn ber pakhat chu….a tam lutuk a pakhat chiah sawi tum ang…mipa dang nen te hian rawn chhuak se, a hmelah min ngai eihlo tih hriat fahran hian rawn nui phei bawk bawk ta vel se ti mai mai te chu an ni. Mahse pu-te hauh ba ranin, nilengin…nin chu dahtha teh ang…khawlum hnuaiah a nghak tawh a, tun ataka pamtrul chu a tum hauhlo . Hetiang lama rilru a siam tawh hi chuan hreh thlu thal bingbilit invawrhvir thin mahse, a ti hlawhtling ngei ngei thin. Ve dah mai a…. Hei hi Vanlala zia ah chuan a ropui ve na tak pakhat pawh a ni awm e. Awle, Amawii chu an classroom kawngka atang a rawn chhuak chiah mai..tuin nge rawn zui ang aw tia a thlir lai chuan, hmana a thiante ngai bawk kha an rawn nui chhuak bawk bawk a hmuh chuan ka lo sawi fo tawh thin angin…balloon puar peng pawnga hampuar..hriau a chhun zeuha thep ta suai suai ang hi a ni ber awm e. mahse a kawlpui erawh zawng a la hem thla lo nasa…eng tubohin nge a hem dawn tih takngial pawh a hrelo. A va approach thruai mai dawn a mi??????.

Chutia an school gate epa Vanlala, zah hmel em ema a lo ding a han hmuh chuan a khawngaih ngei mai. Mahse a thinrimna te kha a hre chhuak a..a thin pawh a rim tawhlo naa..a han inti thinrim chawp leh ngial zawk a. Diktak chuan, Vanlala hi a ringhlel chhin zeuhlo reng reng. Hmanni Seni nen an inbiakna te pawh kha engmah a nilo. Mahse a lakah hian pangchan hi nuam a ti ve em mai a. Kan sawi fo tawh ang zelin, Vanlala’n a duat tih a hriat chian avang hian chintawk a neilo thin tih pawh a inhre ve tehmeuh mai. Mahse tun trum chu, entia rei pawh ni rawh se…”amah (Vanlala) hian hma a rawn la hmasa ve tawh tur a ni” tih chu a motto a ni bur mai a. A dik lahtaka, an in tihthiamloh apiang hian Amawii hi a pan hmasa tu a ni ziah a, tun trum zawng a tum tawh biklo na in, a beisei ai daihin Vanlala hian dikin-dak a rawn ti har sia. A ruk te chuan a rilru chu a nuam tawh bik hauhlo. Mahse hetia a han hmuh takah chuan mihring ze pangai dik tak chu rawn langin, a paukhauh thar ta em em mai a ni. A chhan chu a dinhmun a tha zawk tih a hre tlat. Hei hi chu hringnun pianken a ni e. A thiante pawh chuan Vanlala chu an hmu vek tawh a, Amawii’n an chungthu vel engkim a lo hrilh ve vek tawh bawk nen…han titi pui tur chuan an nawr sek hlawm a. Amawii pawh chuan tha chu a ti ve deuh a niang. Tum deuh bar chung chuan Vanlala chu a pan chho a. Vanlala hian mihring rilru bik hmuhtlang theihna power chu nei se la chuan, chhungril taka Amawii hlimruk zia chu a hmu thei ngei ang. Mahse Amawii chuan hlim anga lan a tum lo bur a, heti hian hma rawn la hmasa tur angin awm mahse, a nin vawi tam a lo lak hmasak thin te kha…harsa a tih ve thin zia leh, a tha nat ve thin zia han hriat tir chu a duh tlat thung a. A bul hnai a thlen chuan, Vanlala chuan a lo nuih sak a. Mahse Amawii hmelah chuan “Welcoming Speech” a in ziak lo reng reng. Han chhawn let ve chu sawiloh….engemaw tak chuan a mawlh a ni chek anga. Vanlala bul a thleng trep tih chuan…Vanlala pawh a thutna atang a rawn dik chhuak uk uk hman…a inher thut a. Bus stand lam chu a pan ta daih mai a…Vanlala’n a auh lawm lawm pawh chuan a kezungpui kawhna zawnah chuan a kal at at tawh mai a ni.

Amawii chuan hun tha a siam sak dawn emawni a tih lai laia chutia a han kalsan leh daih mai chu mak a ti ngei mai. A mak tihna aiin, a hamhaihna leh zahna chu a nasa zawk angem aw? Mahse hei leh chen a thleng tawh a, a thil tih hi a lo thlawnin a liam tir dawn lo a ti rilru ve bur a. Thutawp pawh sawi ngai ta pawh ni se…hreh eng ang mahse, hetia awm ngawt ai chuan eng ti kawng zawng emaw tal chuan kan inkar hi chinfel tur a ni a ti ve bur tawh bawk si. Amawii chu hmanhmawh deuh tak chuan a pan phei hlawk hlawk a. Bus stand a hla angreng a, a umphak mai a ring rilru naa, Amawii chu a lo kal thui hman reuh phian mai a, chubakah a kal chak reuh riau. Chhun pachanga tlangval…nula uma han tlan duai duai em kha chu a “SHOLAY” a ti ve deuh ngang bawk si a, a theih patawpa chak chuan a kal ve ta ngat ngat a. Mahse e, Pathian pawh hian rem ruat danah hian chimawm deuha thil kaltir hi a ching ve ta emawni tih mai turin, Amawii’n bus stand a thleng trep tihah chuan bus pakhat tawt lampang hi a rawn ding chaih mai a nih kha. Amawii chu a rawn lehhawi zawk a, Vanlala a hmuh chuan rang zetin bus ah chuan a lawn ta daih a. Vanlala hrilhhai hmel tur kha aw….A bike va la dawn ta se, a muang lutuk tawh dawn si…a tih ngaihna hrelo lutuk, Amawii’n in a thlen hmaa nan fuh tralh tum si chuan, bus chu a um ta ngawt a nih chu…kamis a hma kilh loh te chu ha se, a tlan parh duai duai ngei ang. Bus chu zah pawh sawi lovin a’n au thin naa..an hre phalo nge din tih a nei duh der lo lehnghal… a tawpah chuan a hnunga a chunga lawn chhohna step ang deuh awm thin ah khan a bet ta ngawt a. Amawii chu midang pahnih thum nen chuan an lo ding tih ava hmu thei a, a hnung ta bera a din avang chuan…bus hnung darthlalang chu a han kik kerh kerh a, chuta Amawii rawn hawi mak ti, zak si, hamhaih bawk si hmel chu hmuhnawm a tling ve khawp ang.

Chutia Vanlala’n a rawn umzui chu sawiloh, thring mangkenga a chuanna bus hnunga a rawn bet tih a hriat takah chuan a thin hi a han rim na laileng nasa khawp ah. Melh pawh a melh duhlo. Mahse threnthruai te an lo ni ve a, engang pawn intihtauh san mah ila…han inhmuh nikhuaa melh deuh zeuh zeuh loh hi chu thil har a ni tih chu kan hre tlang vek turah ngai ila. Amawii pawh chuan a mit sir chuan a va melh zauh a, Vanlala..bus hnuailama a pil thla zuk chu a va hmu ta phut mai. Hmana bus in a tai thluka a chil trep trum te kha a hrechhuak uaih uaih a, bus hnung darthlalang lam pan chuan a tlan phei rawk rawk a..a hnung seat a lo thu ho pawh chu zah zo tawhloin, a zu bih vak vak a. Vanlala lah chu thren thraw hian a rawn ding chhuak leh luau a….tunah zawng duhlo sateh mahse “bus hnunga bei trung-a chu” a hmelhriat a ni a, amah vanga chutia awm chu a ni tih, bus chhunga chuang te chuan an hre vek tawh. “Ka lo chhuk lawk” a ti ta ngawt a. A chhuk rual chuan Vanlala chu a hau bawrh bawrh a,”Khatiang khan intihder chi a ni ami? Mawl ah te hian chintawk a awm. Tla la engtin nge i awm ang tih te i ngaihtuah ve lo a mi” a ti bawrh bawrh a. Vanlala lah chu a nui sung vei roh a,”Thu sawi duh ka nei a, min sawipui hma chu kha aia zahthlak pawh ni se ka um char char” a ti mek lai chuan Amawii chuan bus dang lo kal chu pharin a chuan san leh ta daih mai a. Han um em chu a peih tawh lo. A chhukna tur a hria a, a haw na tur a hre bawk a. Taxi a phar vat a…a bike awmnaah chuan a va indah tir a..chak mangkheng chuan Amawii chhukna tur bus stand lam chu a pan ta vang vang a.

A rilru te te in,”Mi a thlem hmasak te chu ka beisei ve reng..a dik. Mahse khatiang em em a intih zah kher kher” tiin a inngaihtuah a. A thin a rim rual rual chuan a nuih a za deuh bawk sia, a khi leh suk thin a. Tunah hian bus hnungah hian a lo bei leh duh tak tak mai angah a ti rilru thut a, a inher nghal zawk bawk a. Mahse a lo awm tawh bik em lova. A thawveng ta sawt nge a khua a har ta nghuai zawk pawh a hrethiamlo. An veng a thlen chuan muang changin a chhuk a, an in pan chuan a kal hnak hnak a, Vanlala thil tih te chu a ngaihtuah a…diktak chuan khati em ema a han bei ve vel kha chuan a tilawm lutuk ringawt..mahse “a style kha a thring e” te atia…amah leh amah chu a nui leh vur vur zel a. Chutia tuma lawmloha nuih vur vur te chu a hit vaklo tih a hre ve reng bawk nen…a kal kun ngal mai a. A sirah chuan mi pakhat hi a rawn kal thuak a, en pawh a en lem lo…mahse chupa chu a kalmuang luia… a rual chuan a rawn kal a ni tih a hriat chuan a hawi chhuak a..Vanlala bawk. Ice cream a lo keih tuam tuam a, amah ngaihsakloh hmel fahran chuan a kal ve sawk sawk a. Amawii chu a insum thei tawh lo. Vawiina Vanlala chet dan hi thring uih champion mahse, a nuih a tiza tlat a. Chubakah heti em ema, an inkar siamthat tuma a han bei vel te hian a tilawm em a ni. Chutia an kaldun reng lai chuan bus hnung a bei lai te kha a ngaihtuah chhuak a, a lo nui suk ni tur a ni. Vanlala chuan amah ngaihsak lo ni awm tak chuan Ice Cream pakhat la hawn loh chu a hma zawnah chuan a rawn lek va va a. Chum chawrh chakna nei lian hle mah se, nui suk suk chung chuan a ban ve ta nge nge a.

Vanlala chuan an kaldun pah chuan a insawifiah hmawk hmawk a. Amawii in an thlen hmaa A-ok result hmuh a duh te pawh ni fahmiang smile emoticon Amawii lah chu a arpa chanlai a hmangthiam narawh, ngaithla lo ang deuh chuan awm mahse, Vanlala tawng themte pawh chu a hmaih eihlo. An in step an thlen dawn chuan Amawii pa chu a rawn lang hlawl mai a. Vanlala chuan biak a han tum viau naa, biak theih ang type in mitmengah emaw, body language ah takngial pawh a awm siloh avangin…a be ta lemloa. Mahse engtin emaw tak kawi deuhin a ngai zui leh tralh duh ang tih chu a hlauthawng viau. “Amawi, i pa hi a tirah khan a pawi chu ka sawi alawm. ka la hrilh hauhlo na che a. Damdawiin i awm lai khan a lo kal hmasak ber trum khan a nia. Zanah ka mut tlem vang khan mut am ka rilruk ve khawp mai a, zing dar 6 velah a rawn lut a….i pa tih hre heklo chuan ka lo chhawn tha lo nasa mai a. Thinrim pawh ni se a awm ka ti hliah hliah. Mahse tun thleng thlenga hetia mi chemhar tur khawp hian enge maw a pawi ka sawi le”? a ti ta thawr nghe nghe a. Amawii pawh chuan Vanlala rilru chu a hrethiam khawp mai,”Ka pa hi chu a tawng tam loa. Ka nu a boral hnu phei kha chuan nu leh pa chan a chan kawp takmeuh avang khan hah pawh sawi zeuh ngailovin min trulpui a. A thianten nupui dang nei leh tura an nawr chiam pawn keimahniin kan ngaina lo ang tih a hlauh vang ringawt takmeuh khan nei duhloin…heti hian min trulpui ta ania. Zu leh sa lamah te khan a tlan ve thin a, mahse ka nu boral hnu khan a thlah hmak a. Ram lama hna thawk chung khan a fehloh ni chuan eng eng emaw te kha a zuar kual a” a tih lai chuan a hnuk a ulh deuh tih chu Vanlala chuan a hrethiam mai a, mahse a hriat zel chak avang chuan a ngaihsak duh lo rih thung a. A han ngawih vang vang hnu chuan,”Ka pa hi chu engtin pawn lo awm se, keichuan ka zahna a bo ngai dawn lova…a lawm loh zawnga awm pawh hi ka tum ngai lo ang” a rawn ti tham triak a. “Tunah pawh duhlo tak tak che chu ni se, kan inkawm chungchangah hian sawi a neih chu a hun ve tawh a lawm, mahse engmah a la sawi loh hi” a tih chuan Vanlala rilru chu hmun dang daihah a thlawk chhuak ti ila a dik ber awm e. Amawii pa chu rilru chhungril tak chuan ‘a ngeina’ chu bo duak lo mahse, a zah phahin a ngaisang ru ta viau mai thung a. Amawii nen an inkar pawh a phalna lak thlapa, zah taka titi pui a tum ve ta ran mai a ni.

Chutianga Amawii’n a pa chanchin an sawi takah chuan Vanlala ngaihdan pawh a Kelkang kal haw lam ta zaih mai. Nia, han ngaihtuah chet chet chuan a ngeiawm lutuk zawngin emaw, Amawii nena inkawm phallo bur anga lan lai a neih ngai a hre miah lo. Hetia a hmel tum buau buau thin leh amah (Vanlala) a biak ngailoh avang hian a lo hmu Al-Qaeda ve ngawt a ni ti zawng ten rilru a pu a. A diktakah phei chuan amah hi ania bul tran fuhlo tu zawk pawh, chubakah Amawii hi a hmangaih ve em em a…a pa, amah hringtu ngei bakah an chhungkaw chanchin hriat chian tumna leh han zawh chhin eih pawh a lo la nei ngailo tih te a in hrechhuak hnuhnawh a…a diklo a inti ve khawp mai. A bula maia ding ice cream keih tuam tuam-i pawh chu a duh ang zanin a la lungawi lungdam zanlo tih chu a hria a, mahse khati khawpa zawh pawh ngailoa an chhungkaw chanchin a han sawi tak vek danah khan Amawii hian a lo duh ve tak tak zia a tilang chiang hle in a hria a. A thla te lam lam zu han muang vei suai suai a mawle…timak thei 🙂

Fiamthu na hun a ni tawhlo tih a hria a, Amawii thu rawn chheh dan atang khan sawi tura a phut nia a ngaih te pawh a inhre ve deuh chuan a hria a. Mahse chutiang zawng rilru alo pu lemlo anga, a lo hrilh ve mai mai a nih te a hlau leh hnuhnawh sia. Han tawng chhuah mai tur chu a van ta ngei mai. “Amawi, in schoolah khian kan inngaizawng tih hi an hre nual tawh ang tiro” a han ti thawr mai a. Amawii pawh a thil ei lai chu a tawp chawt a….a nui ta vur vur mai a,”Nang leu luau vang hian kan class ho chu sawiloh zirtirtu thenkhat thleng thlengin…vawiin chu bike-a min lo lamtu awm ve se aw” te min ti fiamthu leh nawlh nawlh zel…vawiin motor i rawn bet kha hmu phei seng chuan sawi nuam an tih dan tur hi” a tia…a ngaihtuah let vel ni tur a ni, a ngawi vung vung a…”I hmel han chhiat dan kha aw” a rawn ti teh daih a…Vanlala chuan a ngei khawp mai a, mahse a fiamthu tih a hre tho naa…tu falu bawk hian nge hmaichhana, “I hmel a chhia” tih trawngkam hi dam dapa dawngsawng thei ang..chu a chhapah, mahni kherawlai te ka atang leh nghal. Vanlala tuilo hmel chu Amawii chuan a hmuh hmaih lo reng reng, mahse a mizia hi a chiang lutuk tawh a, tunah pawh thinrim mahse..a tilang leh dawn chuang lo tih a hre kar a..a huat phah dawn lo tih te glei hlei a hre chiang…hetia han tihkual hi nuam hi a ti laklawh ve hrim hrim tawh a ni ber awm e. A hun tawk ta vel nia a ngaihah chuan, a hmaa a thil sawi ngaihsak lo awm fahran hian,”Vawiin chu homework kan ngah lutuk a” an ti zawm zat a. Vanlala hmel chu hmuh a nuam tawh hlawl lo.

A thang kam chu a khan a tha in, a awk dawn tih a chiang nasa mai a…a chiang sual lo hle bawk. “Chu…zana ka rawn len chu i hlau hle mai maw, ka hrethiam a lawm…chubakah hmelchhia min tih te chuan i hmel duhzawng chu nei la a ni mai alawm” a rawn ti ram vei ta hmak reng a. Mahse a lehlam hawilui hram hram a Amawii lo nu put put a hmuh chuan a lo bawl kual leh a ni tih a hrechhuak hnuhnawh a. “Lalhmingmawi leh..” tih leh a ice cream ei lai chu oir sak hlawih a, a hmaia tah chu a’n rual tehreng a nih kha. Pakhat-i chuan a thlawna berh bik a lo tum awzawng bawk lo nen…an han vai film leh hnuhnawh a. Vanlala tan lah han tlanchhiat fua fua kha a MORANTIC lo ve nasa sia, an tlanmuang..bumkawi kual kikawi vela, mahse Amawii chuan a CONE chawpa a Vanlala hmaia icecream an nem bur vu takah chuan nui lo thei an ni tawh lo. Tunah chuan a umtu zawk a tlanchhe ve ta…an ina tlanluh chhoh a tum chu, Vanlala chuan a banah aman a….a han kuai hnai lawp a. a hmun leh hun te chu ni se, “SAHEL PEH DAY” an hmang leh ngei ang. Mahse a hunlo tih piahlam a nih bakah a hunloh zia tilang chiang em em turin Amawii pa, a hmaa rawn chhuk boh boh khan a lo thlir reng chu niin….an zu hmu chiah chu Vanlala chuan meiling a dek emaw tih mai tur hi a ni, Amawii chu a thlah rang nasa kher e. A ban che kha a rang lutuk, suddena pawn kha zawng a thei bik em em lovang hahahah. Pa Zuia lah chuan meng nur deuh sung chung hian,”Hemi te pahnih chu enge maw an mihring mihrinna le” ti ni awm fahran hian a rawn kalpel thuak a. Vanlala rilruah Pa Zuia a hmuh leh a thlir dan thlakin a awm tawh kan tih kha. Hetia be lo leh mitmeng hmuh nuamlo taka a rawn kal pelh pawh hian a khru a khawih tehchiam tawh lo.

Amawii te ina leng thla tura a insiam mawlh mawlh lai chuan a rilruah thil a lo lang zawk a,” Zanin chu Pa Zuia titi pui luih tralh ka tum anga, a hmingin puitlinga chhiar theih kan ni ve tawh a. Puitling takin titi pui ka tum ang” ti chung chuan a thusawi tur te ngaihtuah pah chuan a insiam sawk sawk a. A kal trep tih chuan an kawmchhak lamah chuan an ri deuh hlut hian a hria a, a nu in han en ve tura a rawn tih chul avangin bakleng chuan a han lim chhuak ve leh tehmeuh phawt chu a nia. An kawmchhak te in a han thlen chuan an lo inhau buai chu loi niin, thenawm khawveng ho pawh an lo awm nual tawh a….pa ber chuan chem a lo lek uaih uaih mai a. An fapa u ber nen an inhau…inkhawih zui vel ni awm tak a ni. Va threlh mai te chu a duh rum rum a, mahse a mah aia rual u zawk te pawh an din deuh thrap avang chuan va inbarh luh teh chiam kha a fuhlo a nih a ring leh hnuhnawh a. Heta an fa u ber nen pawh hian inkawm chu ni lemlo mahse, Kohhrana inhmang ve tak tho a nia, a pa zu in nasa hian a nun te hi a vaw chau ve thinin…a tawngtaina tam ber pawh a ni fo thin a. Mahse zanin zawng tawngtai lam a lang nganglo a niang e. Pa ber lah chu a in vau pung nasa mai a….”ka that vek che u anga, kei pawh ka intihlum ang” te a ti vei pung pung a. Chutih lai tak chuan Bialtu Upa a rawn thleng thla ve chiah a, thieh patawpa boruak han zah daih a tum pawh chuan eng a sawt dawn lo tih chu a hre thiam ve ta a niang…pa ber tihloh chu,”In thenawmah khian lo han chhuak mai teh u, hei Pu (?)-a pawh a thinrim te a dai ve mai anga” tih pah chuan chhungkaw nu ber chu hruaichhuah a tum a. Mahse Pa ber-a chuan a lo remti awzawng lo…Bialtu Upa e Upa loe a lo CARE lo nasa chu niin. Chutia kalsan an han tum chu nuber chu sah tum ni awm hian a pan phei ta chher chher mai a.

A entu/thlirtu te zingah thalai pahnih thum chauh an awm bawk si…Vanlala rilru chu a hah ve ngei mai. Thil thalo zawk a thleng thei a ni tih a hrethiam ve vek a, a bula mite pawn an hrethiam ve vek tho, mahse han tih vak ngaihna an hrelo a ni ber ang chu. Chutia nu ber sah tum niawma a han pan phei takah chua Bialtu Upa pawh chuan theih tawpin a lo dang a, Vanlala pawh lo awm mai mai chu a thei ta biklo a niang e, a va dan pui ve a. Mahse chutia a nu sah a han tum vel takah chuan an fapa upa ber chu a rawn thinrim thar leh a…a pa chu a rawn bawh thlu rup mai a. A ngai te chuan an ri leh ta chel chul mai a. Vanlala chuan theihpatawp takmeuh leh, amah nunna thapin (a ni ve deuh roh tho alawm) pa ber chem ken chu a chhuhsak thei ta hram a. Midang ho in an fapa chu an lo pawt bet ve bawk a. Vanneih thlak takin an inrem tir thei ta hlauh a. Pa ber chu zu rui tih takah, ngaihdam te a han dil kual chhingmittui khap per style leh vel a. Eng a nih a rinawm tawhloh avangin Vanlala pawh chuan Amawii te inlama chhuk san chu a tum ta zawk a. A zu thlen thlak chuan Amawii chu a lo meng rum leh al tawh a. A chhuk tlai ve em bawk a lawm..mahse Vanlala chuan chutiang te chuan a daih rei dawn lo tih a hriat chian tawh em avangin a bulah chuan a va thu a..thil thleng vel chu a sawi mawlh mawlh a. Pa Lala beng a lo verh viau mai lehnghal a…”Chu tlema tlema an insat lo choh” a tih lai chuan Amawii chu a rawn rak chhuak hlut a. An phu deuh dual nghe nghe awm e.

Inchhunga awm ho chuan Amawii lam chu an hawi rual dial a…a malpui sira thisen lo kai hnuang an hmuh chuan,”Ngatinge ngatinge” tiin an rawn pan khawm triam triam a…Mahse a taksa vel an han enchiain engmah pem a awm bawk si. Chuta karah thutthleng velah te chuan a lo kai neih nuaih mai a. Mak an ti hlawm ngei mai. Amawii chuan, “Vanlal…i kut kha” a rawn ti leh hlut a…tunah chuan mit zawng zawng chu Vanlala ta a lo ni ve ta thung a. A han inenchian nak chuan, a kut zungchal leh zunglai inkar tak mai chu a lo thi pur pur mai chu lo niin. Nichina chem a laksak naah khan a lo inti palah a ni ang tih pawh a hrethiam mai a. Mahse mak a tih tak em em mai chu…”Na engmah a hre miahlo kha a ni” An han bawihsawm a, an han tihfai sak erawh chuan a hliam taka phei chu a lo thuk em em lo hlauh a. CHutia an buaipui a, an tuam sak hnu chuan tha tak chuan an inkawm ve leh mai a. Vanlala chuan a chhukthlak hmaa a thil tum kha ala theihnghilh hauh loa, a biak tum ber pawh a awm. TV a en a…kuhva a tep chuap chuap bawk. Mahse a duh ai chuan an inthut hlat deuh a ni. Han pan mai dan tur a hre si lo, ho te ni mahse a rilru a buai ve nek mai. Chutah le, thil mak tak a thleng ta…Pu Lala chuan,”Vanlal nang makpa hualah (Amawii an nuih suk a) naktuk kan hmeh tur ar kha min lo talh sak teh” a rawn ti mauh mai a. Vanlala tan mai pawh ni lo…mipa zawng zawng hetiang tawng ve tawh chuan hetianga intirh te chu intirh a zawnga nuam kan tih ber pawl a ni thin ngei ang. Vanlala pawh a tho vat a, Amawii’n chem alo pe var a, an han innuih leh suk rih a…tha ve alawm hahaha…mahse thil mak a thleng kan tih hluai kha ka la sawi chiang lo…Pu Lala vek chuan,”Zuia, kha nang han en pui la…tlangval mai an nih kha, thiamloh te a awm thei a nia” a rawn ti khauh mai ah.

Diktak chuan Vanlala chuan ar puah mai mai chu a hneh lutuk, tuna Pu Lala’n hetia a rawn tih pawh hian,”A ngailo ka thiam vek alawm” a ti hman trep…mahse a rilruah,”Hei bak baka Pa Zuia kawmna remchang a awm dawn chuang a mi” tiin a ngaihtuah chhuak phut a, ngawih a chuh ta zawk a. Tichuan chumi te pahnih…hmeichhe pakhat hmangaih intawm nei…mahse an hmangaih dan inang lem silo te chu, toilet lam pan chuan an inzui chho ta hnak hnak a. Vanlala hian eng tin tak hma la ve ang maw. A hlawhtling ve mial angem…A ni pui hi a che bam leh vek mai angah…nget ngut mai hian

Pu Zuia chuan,”Nang han talh ta che” a ti hmuk a, choka lamah chuan a phei san a, tui so…a hmul leih na tur a la dawnah a ngai mai a. A rawn phei leh chu, chempui lian mangkheng nen hian Vanlala chu rawn sah tum tih hai theih miahloh hian a rawn pan phei ngur ngur lemlo nain, smile emoticontuiso chu bel hian a chawi phei pur pur a. Vanlala pawh chuan a tihtur te chu a lo zo tawh bawk a. Ar chu chawtawlhah chuan an dah a. Tuiso an leih chuan a hna a thawh an nghak rih a ni ber ang chu…an thu ngawi dun kar mai a. Vanlala chuan kuhva a siam mual mual a, Pa Zuia chuan “I la nei em” a rawn vei khut a. A ho ti ro? Kuhva ila nei em tih ringawt te chu. Mahse Vanlala dinhmun te, Pa Zuia nena an inkar te bakah, Amawii te thlenga thil lo kal tawh leh boruak lo inlumlet vel dan hretute kan ni vek anga. Kha tawng kam ho lutuk kha Vanlala tan chuan thil hriat nuam tak a ni ve tlat. Patling leh patling biahthu in hlan thu va awm suh, mahse a lawmna tehfung hi siam sak dawn ta ila, a dinhmunin a zir tehlul fahran em avang hian Amawii nen an inhriat tirh lai vela a lawm deuh seng seng na thin ang te kha a pawl pha ve ruak ruak mai tur a sin. Chubakah thil sawi tum a nei bawk si nen, Pa Zuia hian a hriat hauhloin a thiltih tumah hian kawng zau takin a hawn sak a ni mauh mai a. Mahse heti khawpa kawng an sial sak tawhah te hian a la rawn tawlhthlu tralh ang tih chu ka la hlauh ruk pui tho mai keizawng!!!!!

Ar chu an puah ta sawk sawk a, an puah zo trep chu a ni thawthang ta, mahse Vanlala pui hian kam khat pawh a la chhak chhuak eihlo tlats. A window neih a zim tawh zia pawh a hria. Mahse tlaia a inngaituah ang ngawt a lo nilo tawp tih chu…chu ar puahna hmunah chuan inlarna em chu a ngailo anga…mahse a hre chhuak chiang ve na ngang mai. Mahse he thu hi a sawi loh chuan Amawii nen an inkar hi a nih tur ang a ni thei dawn lo tih chu a hmu thiam ve vek a. Chubakah tun ang em ema hun tha hi a hmu leh ngai tawh lo ang tih phei chu hrilh nawn a ngai bik awzawng lo. Pa Zuia chu an melh ru deuh thin a, a ni lah chu hmel lamah puak va ti bik suh, a lo thu tum mawk deuh hman mai sia. Bul han tran chu har ve fu tur asin. A tawpah zawng an puah zo mai dawn, a rawh laia a bula va awm ve sek kha a mawi dawn tawh silo,”Pa Zui” an ti ngawt a. Ani lah chuan chhang ta lo chuan a rawn hawi hruk ringawt a. Tawlhpahrit nal tawh lo lutuka tawlh luih hram hram laia, tui an rawn leiha..a thap belh hrawk hi a ang ber awm e. Mahse a inti paukhauh lui ve hram hram a,”Pa Zui, Amawii nen kan inkawm hi rem i tilo a mi? I pawi sawi hi ka duh ngailo a nia. Damdawiinah lah khan ka tlaivar a, zingah ka mu ve tran choh tihin ilo kal kha a ni a, ka lo chhang tha lo che tih chu ka hailo…mahse nuam ka tihloh zia chu ka awmdanah hian i hmu thei vek tawhin ka ring a” an ti thawr mai a. Chu tah le, Pu Zuia chu a ar puah lai chawl meuh chuan a rawn thu ngil a, a kuta ar hmul la kai luai then mawlh mawlh pah chuan,”Amawii hi ka fanu u ber leh kan chhungkua ve min khaiding fo thin tu a nia, amahah hian beiseina sang tak hi ka nei ve tak meuh meuh a. Hmeichhia te phei chu U ber an han nih takah chuan…keini dinhmun angah te phei chuan…. an pawimawhna hi a zual em em a. Chuvang chuan a nia neih thinglung khawng fai rawta Aizawla lehkha zirtura ka rawn dah ni” a tia…a tho ta nulh mai a.

Vanlala rilru chu a hrehawm takmeuh a ni. Pa Zuia khan negative takin chhang miahlo mahse, ngaihzawng a neih hi a remti lo a ni tih zawng mawi takin a sawi tih chu a hai mawlh bawk silo. Amawii nen an inkar te a han chhut thin a, Pa Zuia beiseina lo neih ve te a han chhut pui bawk a. A hriatthiam pui ve angreng bawk si. Mahse Amawii thlah thei tur chuan chakna eih a nei tawhlo. Vanlala rilru hi a hah ve takmeuh a sin. An ar puahzo chu Amawii kiangah chuan a zu thu a. A rawn thrut deuh hnawk vang nge, Amawii’n a rawn chhuk lai vela a hmel awmdan a lo en reng tih pawh hriat va ni suh,”Vanlal, enge thil diklo awm a, ka pa nen in han in bakaih deuh a mi”? a lo ti var pek a. Chu zet zawng tun mai atan chuan a thil chhan thiamloh ber akara, a hreh ber pawl hi a ni awm e. “Nakinah hun thawlah kan sawi dawn nia” a han ti ngial tak naa, Amawii lah chuan… naupangin bazara an nute hnena toys lei an dil ang mai hian…awm leh mawi leh hun leh hmun pawh sawi ta lo chuan a zawt ta sek sek mai si. Tunah hian chhang ta se. An titi ang chiah kha hrilh ta se, an pahnih future hi rin loh deuhin a inher bawih thei tlat si a. Amawii lah chu zawhte hur ang mai…lo ngiau sek tawh mai nen. Rilru fim pawh a pu hleitheilo…a dik reng a. A thil tawn leh a chana tla hi, chil vawi hnih khat lek lema kiang mai chi a ni tlat lova. Uluk ngunthluk bengsik meuha ngaihtuah chi a ni ve tlat a ni. Tun ah hian Amawii hi dawt hrilh ta se, eng tin tin emaw a pa ka atang thudik lo hre leh si se, a rinloh phah ang tih lam lam te a hlau bawk si. A tihngaihna hrelo chuan,”Amawi, khawngaih takin hetiang hian ka la ngen ngai lo che a. Mahse zanin chauh chu khawngaih takin thinrim ah la lo la, i sawi rih lo hram teh ang” a ti ta tawp mai a.

Mahse hetiang thil hriatchakawm tak an neiha, hmeichhe ho zia chu inhrilhnawn kan ngai awm love. Amawii pawn a tirah chuan “Aw” han ti liam ve mai mahse…rei nghah a ngailo…a ngaite bawkin. Pakhatah chuan Vanlala pawh hi a ngawi ngul a, a thil ngaihtuah laiah a rilru a kalding hle a ni tih a hai theih siloa. Amawii tan pawh an pahnih inkar thil a ni tih hriat thiamloh rual a lo ni bik silo a, hriat chaka lo phi cheng pawh hi a awmlo lutuk lemlo a sin. Tunah hian Pa Zuia duhdan zawmin, Amawii thlah ta se, zep thu a chenglo…an inthen fel thei a nih ngat chuan Amawii hian ngaihzawng dang a nei leh dawn tho tho a…a ngaihtuah zui ngam tawh lo. Ama hma sialin Amawii chu ru ta thawr se, Pa Zuia te pawh chuan eng an tih a ring hran lem em em kher lo. A rindan berah chuan Pa Zuia hian Amawii hi Officer lian deuh neihtir a, a hlawkna lo tel a tum ran te a nianga te a ti rum rum a…a nih ngawt loh chuan sum hailuh lampangah ngat chuan Amawii hian engti kawng mahin development hi a thlen dawn lo tih hi a chiang ve bawk si. Chuvangin a rilru pawh a siam fel thei ruai ruai niin a inhria a. Tunah chuan KAN PA ZUIA pawh TV enin a rawn thu thla ve tawh a. Engmah thleng lo ang hrima a han hawi vel leh, titi ahan vawrh vel tih a hmuh chuan, nidanga a tih ngai hleihloh…amah ngeina chu a rawn piang ta thut a. Thawh lawka a khabe dawh taka va dawm chawrh mai chu a chak thar thut a. Mahse chuzawng mimawl tak pawn a chiloh tih chu an hai lawnge.

Dar 9 a ri tawh. Zan dangah chuan a len tran hun ang deuh tho chauh la ni mahse, Amawii bulah chuan,”Zanin chu ka pum a dik thei thlawt lo, ka han chho hma ve mai teh ang” a ti ta tawp a. Thil hrilh tur a nei a, hrilh thuai thuai pawh a duh. Mahse he inchhunga an awm lai chuan engti kawng zawng maha hrilh theih a nih dawn loh avangin remchang a zawn a ngai a ni. Amawii chu midang mitmei veng ran chuan a pawt zeuh a, a ni pawn a lo hrethiam mai a, a rawn tawlh hnai nghal vat a. “Tukverhah khan” a ti sep ringawt a. Mahse chumi a hrilh zo a han hawi chhuak chu…Pa Zuia chuan a lo melh ru leh kur hman a ni tih ava hmuh chuan hun an neih dan tur vel chu a hisap thiam mai. Remruatna dang pawh a la hre reng, mahse sawi theih tawhloh/hmantawhloha mawi a ni. Tichuan muangchang chuan a chhuak ta a, kawngka thleng Amawii chuan a thlah a,”Amawi, tukverhah chuan rawn dak nghal suh aw…minute 10 vel hnuah chauh i rawn dak dawn nia” a tia a kal nghal a. Amawii chu a hmel atang chuan a hrilh a hai tih chu hairual a nilo. Mahse thil kalhmang chu a riruat thiam ve ruai ruai a, a engamah hma chuan a pa chu an ngei leh em em ringawt mai a. Thilsual ti ni hauhlo mahse, induh te inkarah chuan hem thlaktu lian tak chu a ni ve miau mai si a, inchhung a luh ruala a pa mitmei a hmuh dan atang chuan a pa pawh chuan engkim a hrethiam ve thuai ngei ang. Engmah thlenglo ang ten awm ta zawk se, a fuh tur zawk hi a nia, mahse Vanlala khan chutiang em em thlenga thu sawina hun a nei ngang silo. Vanlala chu hmanhmawh mangkhengin a tlan haw a, lehkhaah thil a ziak zung zung a. A thlen thlak leh chuan minute 10 chu a pel deuh tawh awm e. Mahse tukverhah chuan a beisei ruk ang in Amawii hmel reng reng hmuh tur a lo awm lo. A lo dak fe tawh anga, a beidawng a lut tawh nge, a lo la dak lo hrim hrim nge…a duhloh ber thil thlengin, Pa Zuia khan an boruak man thiamin a lo tibuai zawk. Hemi zan kher kher hi chu Vanlala thluak te hi an overload lo chauh hian a nia ka rin ni. hahaha. Minute 5 vel an awm vang vang hnu chuan, eng thleng ta lemlo chu a rilru in,”Duhleh School banah ka lo nghak leh tawp mai ang, hun pawh a tam zawk ang” a tia…chhoh a tum lai tak chuan tukverh chu a rawn ri rak a.

Diktak chuan Vanlala chu a ma remruat ngei ni mahse, DAL_TU_LIANA a awm ve miau avangin engpawh thleng thut thei a ni tih a hre ran a. Chutia tukverh a rawn inhawng hnu pawh chuan a awm lang mai ngam lo a. Mahse Amawii’n a rawn auh tak sa sa ah chuan, rang takin a chhuak a…mi pangai tana lawn mai harsa ve angreng tak tur ah chuan a pakai chho zung zung a (Thil hi tihngun chuan harsa tak pawh hi kan lo thiam bel ve fe thin a nih hi) Amawii chu eng sawi set set lo chuan a han fawp ngawng ngawng ringawt mai a. Amawii chuan a duhthawh zia chu hriaiin a ngaih a tha lo rum rum zawk a,”Enge awmzia..ngati vak vak nge…ka hmui fawh thlak i tum a mi” tiin boruak tih zangkhai luih a tum ve tih hriat tak chuan Vanlala chu a zawt ha a. Mahse Pa Zuia khan inchhunga an inhrilhruk lai khan a chawngkawr-eyes kha alo len ve nasa kha ani sia. Fimkhur leh hmanhmawh tluk a awm love. Vanlala chuan lehkha a ziah chu a pe a, duhthawh em em chuan a fawp leh vawng vawng a, engmah sawilo chuan a chho ta nal nal a. Amawii chuan mak a ti ngei mai. Mahse chutia Vanlala kalsawn atang chuan vawi li vawi nga bak thaw takngial pawh ala la hmanlo ang ,”Amawi, khatah enge i tih a, i mu tawh emaw tia” Pa Zuia chuan a rawn ti luam a. A tawngkam tha phenah chuan thil inphum a awm tih chu a hai tawhlo chiang a. Tukverh chu a khar a, a pa chu melh pawh melh lo chuan a roomah chuan a lut ta daih a.

Vanlala chho pawh chu vawiin lam a chau deuh nen, a haw hma zan chu mut hmaa, a tih khat tak…zing nichhuak eng mawi tak te a hmuh ve theih beiseiin…mut a tum a. Amawii te in a chhohsan atang darkar chanve liam pawh a la ni awm lo e. Vanlala pawh khumah a mu fel zan tawh a, phone atang a FB vel mai mai a. A phone chu a rawn ri ta thut mai. A phut zawk hial kha male. A awm ve tho…betu beisei loh lutuk lai leh, thildang lo ngaihtuah daih laia phone a rawn khurh tak chur chur ah chuan, ahan phu ve zawk pawh thil hi awm anglo lutuk a ni lo ange. A chhungte hriat hlau tak chuan,”Hello” an ti sa sa a, a chhungten an lo hriat a,”Tunge tun ang hun hunah” an rawn tih leh palh hlauh kha a peihlo a ni. Rawn call tu chu tunge tih a hailo nasa mai. A rindan tak chuan a lehkha ziah vel kha rawn zawhfiah a tum niin a ring a, mahse Amawii chuan trah aw triau hian,”Vanlal, naktukah ka pa in kan khuaah min haw pui dawn” a rawn ti mai chuh. A thru awt a….engmah a sawi theiloa, a ngaihtuah thei heklo.

Diktak chuan hetiang teh nuaih a buai hian ngaihzawng a neih ngai pawh a la hre nek lo. Tih emah chuan an inngaihzawn dan te a han thlir let pawn, mi sawisep kai turin an awm ngai a hre lova, mi mit an tihkham thu sawi a awm pawh a hre ngai heklo. Engvangin nge Amawii pa hian hetiang a Vanlala a do ve em em ringawt. A pawi hi vawi khat te pawh a sawi ngai a mi? Amawii pawh tha takin lehkha zir zo pawh ni se, chhungkaw kang dawrh nana thil ti thei tur khawpa lehkha a zir hi a ring ngailo mai niloin, Amawii’n a bulah eng eng emaw a sawi ve thin avangin…a chian hian a chiang ropui rapthlak lutuk. He Pa Zuia rilru hian, hawilam pakhat chiah a nei tih chu a ngaihdan nghet hmak a ni. Aizawla rawn hruai thlak a, mi hausa chhungkua emaw, officer lian deuh ten Amawii an neih a, a hlawkna lo tel ve chu a tum ni berin a hre tawh a. A lo dik emaw, diklo emaw…chu chu a ngaihdan nghet bur mai,  Kalvari Kross ianga nghet taka a vawn bur awmchhun chu a ni tawh.

Engtin nge a tih tak ang. A phone a phawrh a, awm leh mawi emaw..tlai emaw tlai lo emaw engmah a care zeuh tawh lo. Masangi chu a zu call ta ngawt a, mahse a phone chu zu han ring ral thrak thrak a mawle. A rilru te te chuan,”Masang hetiang hi ilo hriatpui ve in, an thil ruahmanah hian kei aiin an lam i tang zawk maw…i ngaihzawng tur hi vawi engzah nge keimah vang liau liau hian i neih tih te kha i theihnghilh ve khanglang a niang maw…a tha” ati rilru hmak hmak tawh mai a. A rilru a tawngkhawng ve ngang tawh a niang, a rilru a thil rawn lang hmasa apiang mai chu dik berah a ngai hmiah hmiah tawh mai a ni. Mut chu khawilam hi a ni ngawt tawh. A tho a, computer khawih a, a rilru lakpen an tum vei ruai a, a va zu teuh lo hi a ni ringawt. A awmngaihna hre lo chu room chhungah chuan a tei kual a tei kual ringawt mai a. Hun lah a liam duak duak, Amawii pawh tui taka a mut chu a ring bik hauhlo, a chhan chu a rawn call lai tawitea…a aw atang khan chutiang ngaihdan chu  a chherchawp ve a ni ber awm e. Thawm dim em em chuan a chhuak dan dan a, a hmaa alo duat em em thin a uite in a lo bauh deuh lauh lauh te chuan a thinrimna chu a tizual zo vek tawh a. A chhan ber pawh a chhungte an rawn thawh luau a hluah vang a ni ber awm e.

Amawii te in thlen chhoh hma deuh, stepah chuan a han ding ren rawn a. Tihtur ber hre hek lo-i, mei te chu a han tran a…zuk erawh a zu tui lo ngang mai. Rang mangkenga a fawh sek avang chuan, ral atanga lo hmutu chu awm se, enge maw tak tih a tum tih chu hai rual a ni lovang. Amawii room zawn chu a nilo tih chu a hre chiang lutuk naa, a hmaa an inhmuhna thin tukverh chu lungte chuan a han vawm kerh kerh ringawt a. Mahse tumah an lo dak lo. Amawii nilo, midang tupawh lo dak ta pawh ni se, engatan a ngaih ka ring lem tawh lo. Amawii te in kawtah chuan eng ti thei hleilo chuan minute tam fe chu a zu ding ngawt a…ngawi teh darkar a tling hial mai lawng maw. Masangi chu han call leh mai a han tum uk a. Mahse a tlawmla riau tawh mai a, a rilru pawh a na tel ve hrim hrim. Kha leh chen a lo kawm tawh, sawi tawh angin…a ngaihzawng tur pawh tam tak alo tihpui tawh avang chauha hlim taka awm ve thei mai mai..tunah a mamawh hunah ber a han phatsan a nia tiin a innngaihtuah a, Masangi chu a haw so bawrh bawrh hi a ni ringawt hahaha. A tihngaihna hrelo lutuk leh Amawii hmuh duh si chuan tukverh chu an vawm leh rak rak ringawt thin a. Mahse a hmaa kan lo sawi hauhloh chu; he tukverh hi an sitting room atang an room pan pheina corridor ang deuh sira awm ve mai a ni a. Amawii room nen tak phei chuan inhlat tak a ni. Lo hre tu an awm a nih chuan chumi tukverh hnaih ber tu Masangi chu a ni ngei ang. Mahse a beih fe pawh chuan awmzia a nei eihlo…a rehin a reh tlawk tlawk mai a ni. A beidawng thinrim chu an inah chuan a chho leh ta ringawt a.

Sawi leh sawi hnu, tihtheih nei heklo chu a khumah chuan an let thawr ringawt mai a. Rem han ruat dan tur te chu a hre hlawl lo. A thluak hi a pin hian a ping mup ni ber hian a hria a, tuna a rilrua lang ta ber chu,”Amawii chu a chan dawn loa, a tum heklo” tih chu a ni thruais mai. Amawii chu eng in nge a haw dawn a, engtikah nge an chhuah dawn tih te chu hria se, rem han ruat dan tur te pawh a kaw ve ruak ruak zawk tur hi a nia le…mahse chupawh a sipai bang bo map mai. Eng eng emaw a ngaihtuah nasa …sana a en hnuhnun ber kha chuan 11pm a lo ri trep tawh kha a nia, mahse tunah zet hi chuan kha sana ban kha vawi engzah fakau nge a lo kal kual leh hman tih lam chu a ngaihtuah lo nasa rapthlak. Mahse mihring a ni ve tho a, chau thei muhil thei a ni ve miau a. A tum vang reng pawh nilo in alo muhil ve daih mai a. Mahse heti khawpa mut chhuak tur chuan, a rilru tawt zia atang hisap phei chuan zing lam dar 3 chu a pel ve vah chuan a rinawm rum rum thei awm e. A harh leh chuan ni alo sang vuk tawh a, sana a han en vat a…dar 8 a.m a lo ri trep chu niin. A rilruah eng thildang mah a lang thei tawh lo. Tihtur a ngaihtuah nasat poh leh a bona a thui hi a ni ringawt. Masangi chu a kawng neih awmchhun a nih avangin zu phone leh thawr chu a tum a, mahse amah a ngeina leh a tlawmngaihna chuan a dang bet ve deuh tumhrang bawk si a. A tihtur neihchhun nia a hriat hi, a duhloh tawpkhawk leh a mihring chapona zawng zawng pawhina tilo tura an nawr rawn luih luih ni mahse…a dang kawng a hre tawh silo. Tichuan muang ban chat chuan Amawii te in chu a pan thla ta chhat chhat a. A kalkawngah hian eng tak ngaihtuah thla ang maw…a ngaihtuah nasa lutuk chu a lu ah a leng lo anga…a suangtuahna leh ngaihtuahna te chu a thluak atang a lu rawn tawn pawpin a rawn leak chhuak ang tih hlauhawm khawp a ni.

Kawngka a kik karh karh a, Pu Lala te chuan chaw an lo ei mek chu niin. A zu lut chiah chu Masangi chu a tho zuk a, a nui nge a trap tih pawh hriatlohin a hmui a dawm a, a roomah chuan a lut daih lehnghal a. Nuamlo a ti angreng ngei mai. Mahse a kal tawh a, an in a lut tawh a, anlo hmu tawh bawk a…han kir lehna chi a ni tawh lo. A rilru puakkeh lo chauh chu thupbet hram hram chung chuan, a theih patawpa aw nem chuan,”Pu Lal, Amawii hi a awm em le?” a zu ti ta thawr a. Pu Lala pawh hian Vanlala rilru tur hi thui tak alo hriat thiam pui ve viau ni tur a ni. A chawei lai chawl meuh chuan,”Vanlal, kha enge ni awmzia ni? A pa khan nizan khan Keifang lama an chhoh tur thu kha a sawi thut a…ngatinge ka tih lah chuan, Chhungkaw thil a nia” tih bakin min chhang siloa…vawiin zing dar 7 vel khan sumo in an chho ta nih kha” a lo ti muk ruih a. Pu Lala pawh chu a chhang tawh lo, a inher vuta chak mangkheng chuan an inpan chuan a chho ve ta a. A tum dan chuan Amawii te sumo chu um a, khawiah emaw an chawlh lai emaw, thingpui an inlai vela ruk hmiah chu a tum a ni. In a lut a, a insiam sawk sawk a, a nu hnenah,”Ka nu, Minister a zin thut dawn a, hei zui turin min rawn ti sia, ka kal nghal mai aw” tih leh chhiuah chu a rual a. Vanneih thlak takin a chhungte chuan an lo ringhlel lemlo….Rinhlelh na chhan tur nei miau heklo…dawt a sawi ve ngai mang tlat lova.

Mawlmang deuha um ngawt chu a dik dawnlo tih chu a hre ru ve tho a, chuvangin Keifang/Saitual sumo ho chhuahna thin counter lamah chuan a va kal phawt a. A hming anga a zawn dawn chuan hun hlu tak paihna a ni tih a hre ve kar si a. Chuvangin zing dar 7:00 AM a Keifang/Saitual lam pana chhuak sumo ho number leh an hming chhinchhiah chu a tih theih awlsam ber ni chunga tangkai ber chu a ni mauh mai tih chu a hre ker. A duh a en zawh chuan a lawm tih a hmelah chuan hai rual a nilo. A chhan chu hemi zing hian khilama Sumo kal thin, dar 7 A.M kher kher a chhuak chu pahnih chauh an lo ni teh mauh mai a. A hna chu a rin aiin a awlsam dawn niin a hria ni tur a ni. Mahse a ngaih ang ngawt hian thil a kal angem tih chu Pa chauh lo chuan va hre suh le…Englekhawle a ti pawh a ni fahmiang…Tuirial Road lam pan chuan a chaka chak mangkheng chuan a tlan thla ta ngawt a. A tlan lai pawh chuan a rilru chuan chawlh tih lai reng a neilo…Zemabawk vel a thlen laiin Pu Lala te ina a zu luh zuai laia a thil hmuh a hrechhuak zawk mai a. Room lam panna corridor luhka bulah chuan Amawii slipper khing lo let bam mai a hmu tih chu a inhrechhuak thut a, mahse a rilru vek chuan,”Hmanhmawh takin a pain kalpui a tum anga, Amawii lo tang ve deuh chu eng tin emaw a tilui a nga…a slipper chu a tla ta aniang” ti zawngin a ngaihtuah a…a thinrim chu a zual ngei mai. Tunah tak hi chuan a duhthusam chu, Amawii chu han nangching ngei se, a phurh haw dawn lai velin…a pa…Zui-ha-bala khan rawn hmu se…han lock  thal deuh thruai phawt a, Amawii phurh haw vang vang chu a suangtuahnaa hmun lailum ber luahtu a ni rih awm e. Chutiang a ngaihtuah lai chuan Tawngtaina Hmun an tih thin chu a thleng thla der tawh a. Eheu….Saitual Sumo pakhat chu khu a ding reng mai…Amawii te chuanna ni tak ang maw……

A tiril chu thramtu awm ang mai hian a ni deuh sung sung a, a hmaa a inngaihtuah bawnra tehreng nen…a saseh ni mai thei tur a han hmachhawn meuh chu, hu a lo nei deuh a niang e. Kan thianpa pakhat pawh nupui a ru ve dawn a, kan lo nghak thrap a. Mahse a mahin a lo phei leh luau luau a,”Sawi angin tukverhah pawh a lo dak vung a, mahse ka va lang ngam thlawt lo…saw nu pui roh sawn “HU” a nei a niang” a tih tlat pek kha. Ni ve thei tak tur hi a ni roh tlat pek a. Engle khawle, tikhawp hian a um sil ve tawh a ni lawm ni ti chung chuan a bike chu a han inher thawk a…a chhak langlo chinah chuan a han hung a. Kawnthruampui ah pawh kal thla lo chuan, a thlang lam kham lam atang chuan ahan sa pelh thla ta vel a nih kha. Che Commando riap riap a sin hahaha. Lang theilo atanga pel ta fam chuan engchin nge a thlen thlak tawh tih pawh hriatthiam har a ti ngang mai. Mahse karlovah, mihring tawng ri nawk nawk a hriat takah chuan a thlen chin chu hisap thiamlo rual a ni tawh biklo. Thawm dim mangkheng chuan a tawlh chho det det a. A hmun a lungthril bawk si, a buaithlak ngei mai. A han chuang chhuak chu HAWKERS pakhat dawr hnungah tak hian a han chhuak heu mai a. Kha dawr ngahtunu te khan rawn hmuin “Min zen a tum” han ti tlat pek ta se…tun an dem lawnge..a mawng kha a hnim pha fua fua miau a.

Mahse a awmhmun chu mualpho hial theih khawpa remchanglo nimahse, a vei vak leh chulai hmuna awm ho te chu a hmuh chian theih viau lawi bawk sia. Nuam tilo leh thinphu dep dep in a awm chhunzawm ta ngawt a. A khualzin zinga miten rawn hmu in, dawr nghaktunu hnenah chuan,”Eeee ka pi…i mawngzawna kha mi pakhat a awm” te rawn ti ta phut mai se…a zahthlak ve nasa tho ang tih te pawh chuan a rilru chu luah ve zeuh zeuh e. Mahse tihtur neia kal a nia, a tihtum te hlawhchham a haw chu a tum awzawnglo. Uluk lehzual chuan chulai mi awm ho chu an thlithlai a, sumo ah a tlang puiin 10 bawr vel an chuang thei niin a hria a, mahse mi 5-6 vel chauh a hmuh avangin “an full lo aniange” a ti rilru nep nep a. Khawi lai zunin emaw a thlang lam emaw, a chhaklam a hmuh phakloh chin atang Amawii emaw, a pa emaw tal hmuh erawh a in ring ru ve hle naa…sumo a an luh khawm trak trak a, an tlan takah chuan “An chuanglo” tih chu a thutlukna chu a ni ta ber a. A va han fing tak e aw. hahaha. CHutia a zawn ber te an awm taklohah chuan zinkawng rapthlak (kan tihsak ve mai dawn a mi) chu a zawh chho tran leh ta a. A inham chho vel dan dan lai chu lo hmu awm ta se, mihring a nih an rin pawh ka ring nek love.

A zawn vel nia a hriatah chuan kawng an chuang chhuak vei luau a, mahse a bike chu a hmu ta mai lo tlat. A mang a rawn ang deuh phut hman nain, a’n hawi thla chu dawr te ho bul maiah chuan a chhuak heu a ni tih a inhre hnuhnawh a. A han ngaihtuah let thin, kham pangah khan a vak ve hle khan a hre sia, a va chhuak hma lawi si ve…mak chu a ti ve ngang mai. Engpawh ni rawh se, chutiang ngaihtuah si se na hun neiin a inhre lo aniang, hmanhmawh tak chuan a bike awmna lam kawi chu a pan chho sawk sawk a. A bike a han tinung a, a chuang tur chiah chu a phone chu a rawn vibrate mam mam tih a hre thut a. “Lak tur nge” tih takngial pawh rilru a siam mai theilo. Amawii nanchin hmanloh hlauhnain a bual vel bawk nen. A phone chu a phawrh a, tlan pah chuan, tunge rawn call tu pawh hre ta lo chuan a be ta ngawt a. Tawng lah chu hriat a har nasa. A ngaihna ngang a awm taklohah chuan signal chiangkuan deuh naah chuan a ding a, a han belchiang tha leh vel lawi a. A beisei loh tawpin Masangi a lo nia, mahse line a lo incut hman ni tur a ni…an hello vel chiam chiam pawh chuan thehmeh ang hlauh. A in ngaihtuah nasa ngei mai. Masangi a ngaihdan te chu kan hre vek tawh anga. Tikhawp khan a inhnamhnawih vea ngaiin he a thiannu a tih ve thin hian a thinlungah ser no 2. a lo siamsak tel ve sek kha a nia. Han call let chu a tumlo chiang hle mai.

Phone chu a ak tha a, chak tak chuan a tlan leh ta ngawt a. Eng motor nge a um a, a umphakah an awm angem, umpha in a rin angin thil lo kal ta se, a tum a ti hlawh tling thei angem…Amawii te hian a lo duhlo luau mai anga…a rilruah zawhna a tam tha ngei mai. Amah chauh a ni bawk a, kawm tur dang nei ta lo chuan amah leh amah a inkawm tak mawlh mawlh mai loh nakah. Kar lovah Tuirial a thlengthla hnai thuak a ni tih chu a ram leilung tlak dan atang chuan a hrethiam mai tawh a. Mahse a hmaa sumo tlan chiah taa pawh kha a umpha mai thei tlat lo. A rilru te te in,”Nichina mi hmaah khan an tlan te a nih chuan, um fe chu an ngai dawn a nih hi” a ti rilru neuh neuh a. Chutia a ngaihtuahna a thlawhkual leh fur fur lai chuan a phone chu a rawn vibrate leh ta mer mer a. Engin nge mawlh pawh a hrelo. Masangi a nih leh pawh a ring tho…mahse phone chu pickup turin a ding khawmuang leh te te a, mahni lo maha hun neilo intih mahnak alaiin. Mahse a phone a zu en chu, number a lo ni mauh mai a, bangbo tak chuan an hello ang he haw a…”Vanlal, inah i awm na nge” patling aw hian a rawn ti heu mai. A aw atang chuan Pu Lala aw ni berin a hria a, mahse a niin engatan fakau nge a rawn biak duh tehlul ang. “Tunge ni aw….inah chuan ka awm hrih lo” ati mai a. Chutah a rawn betu chu a nui ta kir kir mai a. A thin a rim teh asin.

Mahni lo maha rilru ipik lai lai a, chutia engkhaw sawi awm lova in ral nuih nghal vak vak te chu. “Enge i duh a, tunge i nih a…i nuih ka tiza viau ami” Vanlala aw chuan kuttum han in exchange deuh sak sak a huam hle a ni tih a hai theihloh. Lehlam-a lah chu a nuih a za zual emaw tih mai tur hian, a dir vei tlauh tlauh leh ta zel a. Sawi tur ber pawh a hre lo. Phone chu dah tawpa tlan chhunzawm mai tur nge tia a inngaihtuah lai chuan,”Vanlal, hei…miin an be duh che a” nuih aw truau chuang a rawn tia…”A enge maw thil awm zia nia, a tu fa lubawk chuan nge maw mi han be duh chu” tiin hmanhmawh tih hriat takin, “Khawi ka lo bia ang” a ti bung vut a. Mahse a thil hriat chuan a beng a verh ngei mai. “Vanlal tunah khawnge i awm a” hlauhthawn hmel taka Amawiin a rawn tih takah chuan. Ui chu ni se…a beng a tun hru ta ve ang..”Amawi, enge awmzia..hei tunah Tuirial ka thleng trep..khawnge inthlen tawh? Ka rawn um che u” a han ti bah nawk nawk a. Mahse chumi a sawi chu Amawii ber pawh chu a nui ve ta kiah kiah mai a. A rilruin,”A ni leh zel pawh maw” a tia…a thinrim dan chu a so hian a so bulh bulh ti ila, a han varpawh pha teuh ber awm e. Tawng mai tur pawh a hre lo. Mahse amah nuih sawh ni awm hrima a lungruni…helai thleng thlenga a umzuiin… hetia a rawn tih ve takah chuan…rilru natna leh thinrimna te chu an insulpel zut zut te pawh a ni mahna. Khawilai nge an thlen tawh anga, tu phone in nge a rawn biak a, engvanga an nuih chu za ta em em nge a nih chu hriat a chak a ni. A chhan ber chu tunah hian Amawii te hi khawi chin nge an thlen a, umphak chi an la ni em tih vel engmah a hre lova….An khua an lut tawh anga, an thenawm te emaw phone hi a rawn hmang a nih a ring ber a. Mahse ngatinge khati fakaua an nuih?

“Tunah Tuirial ah maw i awm a” nuihza insum tih hriat fahran chuan Amawii chuan a rawn ti leh a…”Aw”…a chhang bung in a aw atang chuan lung awina hlimna hmel hmuh tur a awm hauhlo ang tih chu tu man an hailo ang. CHutia Vanlala’n a han chhan takah chuan Amawii chuan,” Kan khaw lamah min umzui a mi” aw pangai tak chuan a rawn ti ve thei ta a…”Aw”…..”Min rawn umpha pawh ni la, engtin nge i tih chuang ang”…”Ka ru dawn che” ….lehlam pangah chuan nui ri hriat tur a awm ta hauh lo. Vanlala chuan thil thleng leh thil kalhmang chu a va han man thiamlo nasa tehnuaih chingchivet tehlul em. Lehlamah ve thung erawh chuan, a beisei ruk ang ngeiin Vanlala chuan a rawn bawhzuiin, chan a duhloh zia chu a tilang chiang tih chu a hrechiang lel lawl tawh khawp mai. Mahse hetiang em em chu a beisei lo ni tur a ni, trah aw triau hian,”Vanlal ka hmangaih che” a rawn ti ringawt mai a. Vanlala chu bo namen in a bo ta loa…(bible thu zuih mai hahah) mahse a han biak leh fe pawn a rawn chhang thei tawh silo..Amawii tap ri a hriat ngat phei chuan a awm hle hle theilo…Tlan leh nghal vang vang mai tur nge..phone chu a ngaichang dawn..a rilru a buai chhiava a ni.

Thil awmdan chu a chhawhchhi nuaih mai sia, Vanlala tan pawh awmngaihna a va vang tehlul em. An rawn call dan “BORUAK” hrim hrim khan ngaih a ti tha loin rilru dang tam tak….a thluak tawt sa lutuk ah chuan a rawn inhnawh belh trun trun mai si a. Huiham. An rawn call tirh a, a rawn be hmasa tu ber a nui vak vak ringawt te kha..hmmm chumi hnuah Amawii. Mahse a ni zawng Tuirial a thleng trep tih a sawi khan a trap ngawt kha…”Enge awmzia neih nuaih hi” tia au chhuah vak a chak takmeuh. Chuti khawp chuan a kokia a nghawng hmanga innghat, a luah chuan ruahthimpui a in mung vel a ni. Mahse tuna a rindan nghet ber rih chu, “Keifang an thleng tawh anga, an thenawm te phone atangin an rawn phone” tih chu ala ni fan a. Mahse chu a rinna pawh chu a innghahna foundation a khi nasa tawh khawp mai. Number chu a han dial let leh a, a ring ral thrak thrak mai. “Enge maw tak hi chu dik zan lo emaw, ka rin ang ni lo deuh hi a awm chiang a ni” ti chung chuan rilru hminlo fahran in Keifang lam pan chuan a tawlh leh ta hrut hrut zawk a. Tlan pawh a tlan chak lemlo, a chhan chu tunah hi chuan tuilairapin a awm chiang em a ni.

A thil tawn kan ti dawn nge, a thil hriat chuan a ngaihtuahna 120% hial a luah ang chu mawle. Thawm/phone call beisei ranin a tlan zel a, mahse engmah a rawn thleng leh tawh silo. Seling luhnan km 4 ala awm tih chu mel lung atang chuan a hre thei a. A tum dan chuan Seling  thlen hunah number hriatloh kha call leh a, engkim a hriat chian hma chu in lam emaw, keifang lam pawh pan rih loha chinfel thrak phawt a tum a ni. Mahse thui pawh ala tlan hma chuan a phone chu a rawn ri leh lawi a. A beisei ru reng naa..a rawn rik takah chuan a phu ang vei zuk a. A suangtuahna khawvelah a lo chen nasat lutuk vang te pawh a ni mahna. “Hello”….”Vanlal, nichin kha min ngaidam rawh aw…aaaa ka thu sawi turah pawh hian min ngaidam hram rawh aw…min ngaidam dawn loh chuan ka be zawm ngam tawh lo ang che. Intiam phawt rawh” a rawn ti nawk nawk a. Enge awmzia pawh hrethiam lo lutuk chuan Amawii a nih avang chauh te pawh a ni mahna le,”Awle, ka intiam e”….”Pathian hmingin intiam rawh”….Vanlala chal chu a chuar deuh nawk a…mahse Amawii thil rawn sawi tur chu a hriat chak bakah, thu haw leh kal diktak hriata, a awmdan tur tihchian thuai a duh vang te pawh a ni mahna,”Aw..Pathian hmingin ka tiam a che..ka ngaidam lawk a che” an ti thawr a.

“Vanlal, Keifangah kan haw reng reng hleinem. Min ngaihdam i intiamna kha hre reng rawh aw” a aw ah chuan sawi thiamloh khawpa phurna ni awm tak a hriat theih rualin…hrehawm ati a ang bawk si, a hrethiam lo ngei mai. “Ka pa nen ar inpuah laia i thusawi te kha ila hria em…kha khan ka pa rilru a hneh ve viau a niang. A rilru pawh a thlak vek ka ti ngam sak. Mahse ka pa hi tawng tlem hle e tilo hian…mi han fiam leh tihbum vel hi a nuam tihzawng tak hi a nia. Keifang kan haw dawn tih ka rawn sawi hma khan, ka Pu Lala nen rei tak an titi a, choka lamah an titi daih avangin han ngaihthlak ruk dan tur engmah a awm silo a. A hnuah an pahnihin an rawn chhuk a, min en a…an nui leh suk zel a. Pu Lala chuan Amawi, i thianpa chuan i pa bulah thil eng eng emaw alo sawi nual a, i pa hian han fiam a chak deuh a….kha ka phone hian han bia la…hlauhthawn hmel deuhin ‘Naktukah Keifangah kan haw dawn’ tih han hrilh ringawt la…i dah leh daih dawn nia a tia. A chhan ka zawh leh, ‘ti phawt la chuan kan hrilh ang che’ an tih tlat avangin….tikhan ka rawn ti ta ngawt a. Mahse heti em emin i che ang tihngaihna ka hrelo reng reng a, ka pa te pawn an hisap phalo khawp mai tih chu Pu Lala’n a rawn call lai chea an hmel atang khan a hriat theih.

Chuan Pu Lala’n…”Ani pui roh hi a lo han thleng thui lutuk ange…Amawi han hrilh teh”  min tia…ka hreh dan chu rapthlak tak a ni. Mahse ka rawn call che khan, ka rilruah ka tana i lo inhuamzia a rawn lang thar nasa lutuk a, ka insum zo lo thut a nih kha. Vanlal, lo haw rawh…inah ka awm reng alawm, Pu Lala’n kan inah lo tlang teh se, a ti ropui dangdai em mai a ti bawk a” a rawn ti takah chuan Vanlala awmdan chu hriat thiam a har ta raih mai. A thin a rim si, a lawm tel bawk si. A chak ber chu phone atanga va vin hlawih hlawih chu a ni, mahse kawng lehlamah chuan ama thua chhuak a nia, tumah dem theih a nei bawk silo. Mahse an rawn fiam tir dan kha chu awmang lo a tiin a tha te lam lam a na deuh hial naa, Pa Zuia bula a tawng dan vel a ngaihtuah letin Pa Zuia’n, ka tih tak tak leh tak takloh a hre chiang chak te pawh a ni thei a, hetiang em ema ka chet hi chu an beiseiin an ring pha bik kherlo ang tiin ngaihdan a nei bawk a. Rilru MULTICOLOUR chuan Aizawl lam pan chuan a tlan leh ta vuah vuah zawk a.

Amawii te in chu sawiloha lum ni se, an mahni in pawh sawiloh Aizawl khawchhung takngial pawh luh zu han hreh thei hial a mawle. A awm ve tho alawm, kha ti em em a chet extreme kha chu an ringlo nasa a lo ni tih chu a hre tawh a. Hemi vang tak hian amah pawh a zak a ni. Mahse a hunlai kha chuan a thil tih kha “DIK” a ti ve hliah hliah em asin. Chubakah tunah hian Keifang lam chu lo pan tak tak pawh ni ta se, a tih ngai tho kha a ti leh tho ang. Mahse a buaithlak lai ta bera chu “Keifang lam pan lovin inah an awm mauh mai si chu a ni”. In lamah pawh diktak chuan nghahlelhna boruak karah huphurhna lian tak a awm ve tho tih kha i hre hram bawk ila. Mahse heti khawpa Vanlala’n a hmangaih zia leh, chan a hlauh zia a hriat hian Amawii thinlung chu a tui hian a tuiral zawih zawih ve tak tak asin. Tuna a chak ber chu tuma awmloh leh hmuhloha, duh tawka ngheta pawm a, Vanlala awma bei hle hle paha a hmangaih zia thu chu uar lutuk awm lekloa hrilh chu a ni. A chang leh “Vanlala hian min mamawh hun deuh hi nei ve se…a tana han inpek ral ve raih hi ka va chak tak em” tih zawng ten a ngaihtuah a. “Mahse ani lah hi a hrisel ang trung roh sia” a ti rilrua, lawm hleihloh chuan amah chuan a khi leh ang vur vur a. A rilrua a duhthusam ber nia lang taa ka rindan chu: (Deuh teh duah a) 🙂

I hlim hmel leh i nui hmel hmulovin hun khat chuan liam zai a rel leh ta

Mahse hetiang te hian thil tha tak min zirtir ve thung asin

I kianga awm lo nawm zia leh, I telloa ka kim lohzia min hriahchhuahtirtu an ni zel zawk si a

Hetiang kan thil tawn te hian Kan inhmangaihna hi phuar nghet zawk mawlh sela

Mahse, hetia i telloa minute tlemte pawh awm har ka ti thin hi A buaithluak lai ber chu a ni

Theih ni se nangnen hian tarkun thleng run khat nghakin

He khawvel chhuahsan tua ka lo trang hmasa a nih pawn

Ka khawhmuh tawpber chu i mitmei…Min hmangaihnaa khat fo thin hi ni mawlh teh se

Ama tawk chuan a luangliam ve khawp mai. Kar lovah hun a lo liam duak duak a. Banga an san tar a han thlek meuh chuan, a darkar chuangin a lo her bawih tawh tih a han hmu a…a phu zawk thei hial mwle. Chutih rual chuan an kawngka chu tu emawni hian a rawn kik kauh kauh lehnghal a…a awmah chuan RAJDOOT trawng tawk hi a tlan hi a ni ringawt tawh.

Muang fan deuh tak si…hmanhmawh angreng tak chuan a tho chhuak a. A che chu zep nak lohah chuan a fan tha raih raih khawp mai. A awm ve tho, a chhan chu Vanlala lo ni se, a reaction tur leh ama chung ngeiah pawh eng rilru nge a put dawn han rinthiam a har nasa mai si a. Lo che slow motion viau pawh ni se, dem ngawt a chi ani lemlo ang. Mahse a thinlung lam erawh chuan a nawr na sateh e. A room kawngka a chhuak fel vel chauh tih chuan an kawngkhar a thawm rawn nei ber-a chuan a zia a rawn chhuah ta a,”Cooker sia siam tur awm em” a rawn tilai vei rawt a. Amawii lo in pump khawl tawh bawk si tan chuan a thinrim thlak rual rual in, a thawven theih zawphian awm e a. A chhuak ta sa sa nen, TV chu nghet lo fahran chuan a thlir a, mahse TV a motion picture te ai chuan a lu chhunga motion picture a siamchawp chuan a mit a la peng zawk tlat thung a. “Engtin nge a rawn tih ang? Khawilai nge a rawn thlen tawh ang? A rawn kaltlang ngam angem aw? Zawhna a va tam tehlul em. Chutia a thut vung vung lai chuan apa chuan,”Amawi a changtupa pawh a lo hnai tawh viau tur asin, thingpui in pahin lo nghak ila” tia a han nui ve suk mai chuh…a inhmeh lo a ti lutuk a, Amawii chu a thinrim trep hial zawk a ni. Chutia a pa nui thra hmel chu a hmuh khat em avangin…tun ang…a rilru hah ve em em laia a han hmu chu a nuih a za ru viau nain, thil engkim mai chuan a thin a tirim tru tawh mai si a…a pa pawh chu a vai hma te zingah a tel ti tawh mai ang. Thingpui lumtura a tho chu kawngka chu a rawn inhawng leh da da a, tunah zawng hriatsual tur a awm tawh lova, hriatsual theih pawh a ni tawh lova…hresual thei pawn a mawi nek tawh awm love a…..

Aizawl luh takngial pawh a hreh tehlul nen khan, Amawii te in a thlen dawn meuh chuan “Sa hu sual” an ti nge mawni ang type te pawh kha a ni mahna a awm dan hi… a zam han tih dawnin, sawmna a dawng thlap a, a confi ru phian bawk si. Mahse khi inchhunga mi awm te khian eng rilru nge an put a, engtin nge an lo dawnsawn tih a hrethiam hleithei tlat silo. A tha lam chu beisei ngam ve viau mahse, a that dan taka kha “a tha angem” tiin a inzawt ve mawlh mawlh a ni ber. He ina Amawii awm hnua a len hmasak ber zan te kha a hrechhuak a, khatiang boruak khan a rawn thram leh a ni tih chu a hailo nasa, mahse tuna a hun paldarh mek erawh hi zawng a dang in a thlarau pawlna dawn level pawh a sang zawk fe awm a sin. Englekhawle…tih tur tho tho tiin kawngka chu a han hawng thawr mai a…a chanve vel a hawn chuan, “lo kik hmasak tur a nia aw”  tiin a inngaihtuah chhuak zuau hman naa…a tlai tawh. A va dak lut chiah chu Amawii chu ding hluaiin alo lehhawi hu mai a, Pa Zuia lah chhaklamah alo thu mawk vei hmuk a…Pu Lala lah a awm tih chiang takin khumpui lamah a tawng ri bul bul a hriat theih bawk. Nidang zawng nise, zahna tur khawpin a posi leh a thiltawn te hi an lai ve triah triah khawp mai, mahse vawiin zawng…vawiin a ni tlat.

Vanlala a rawn luh chuan,  Amawii chuan a hmel chu a en chiang hmasa ber a. Vawi tam chik taka a lo examine fo thin a ni naa, vawiin kher kher chu a va han chhiar thiamlo kher em. A thinrim nge a hlim nge a hamhaih nge a zak? HUiham. “Vanlal” a lo ti ngawt a….ani lah chuan ‘chhang ta nge’ a ti bawk silo, Amawii’n a thinrim ngei a nih dawn hi tia a ngaihtuah rual chiah chuan nui sung hian…”A va tlan hlat theih ve”  tiin fiamthu a rawn thawhlut vei sung bawk si. Chutianga lungawilo ni hranlo te chu Amawii’n a auh lai te khan han chhan ve eih chu sawiloh, a lam tal te rawn hawi ve awm. Tuna Vanlala kawchhunga thlarau inlumlet hi a chhiar thiamloa, a hriat thin Vanlala kha ni ta lo hiala hriatna te zu nei trep trep a mawle. Vanlala chu muangchang in thutthleng kawngka hnaih ta berah chuan a thu a, a ngawi ngal mai a. Amawii chuan han biak lumlam nghal chu chak in duh viau mahse,  a rawn thlen hma chiaha apa in a tirhna tihlawhtling tura ding uaih tawh a ni bawk si a; choka lamah chuan a chhohsan ta mawlh phawt a. Mahse thlanglam pang titi hriat tumin a beng zawng a tun nasa ve at at khawp ang le.

Pa Zuia pawh tunah chuan Amawii tan chuan mihrang/hriat ngailoh hi a ni ngawt a, a hma zan khan a Pu Lala nen khan eng tehreng nge an sawi ni, a tawng duhin Amawii beiseiloh deuh deuh hi a sawi fuk fuk reng mai si a. Tunah pawh Vanlala chu a en vung vung a,”Keimahni vangin i zu tlan thui pherh erh sia, petrol man ka lo tum ve ang che aw”? te a ti tak deuh deuh a. Amawii chuan a hriat thin A pa kha a ni ta lo emaw a lo ti hial a, mahse tuna a mizia leh Vanlala chunga a khawsazia hi chuan a tilawm ngang thung. “Pa Zui, a ngai lo lutuk…ka mawl vang te pawh a nih hi a…thil hrechiang lova hma lak nghal chuk chuk thatloh zia ka zir veah ka inngai mai” a tia a nui ve hawk hawk a. Chutia a nui hawk hawk ri a hriat chuan Amawii pawh chuan beiseina…Vanlala’n a ngeilo nia a in beiseina……chu a lo nei thar ve leh a. Pu Lala rawn chhuak lah chuan Vanlala chu, a sawi tum takngial pawh sawi theilo chuan a rawn nuih ang tlauh tlauh leh ta nghal a…Amawii chuan a lo ngeiin Vanlala chu a ti kimki zo vek ang tih a hlau hman viau mai, mahse rinloh taka an vai nuih tak hawk hawkah chuan a thaw ve huai a. “Chu Keifang thlen hmain han umphak i tum chu a ni phawt anga, engtin chiah nge hma lak i tum reng reng a” nui thru chunga Pu Lal’an a han tih takah chuan Pa Zuia pawh chuan nui hmel pu reng tho mahse, a chhanna chu a lo chik ru in; alo nghakhlel ru viau a ni tih a hmelah chuan hai theih hlawl a nilo. Diktak chuan heti em em hian an lo induh ang tih ngaihna hi a hrelo a. A tira a lo ngaihdanah chuan, tunlai tleirawl/thalaite inngaihzawn satliah mai mai ang turah a lo dah thin a. Hetiang a nih chuan Aizawla a awmpui chhan ber pawh ti hleitheiloin an insiam mai mai dawna a hriat avangin ani deuh ber awm e, Vanlala pawh a uksak that duhloh. Mahse Vanlala tih tak zia leh a fanu Amawii ngei pawh…nidang vawi khat pawh a laka vui ngailo leh awki vin lek phei chu chhuah ngailo khan..vawi engzah nge “an pahnih inkar thu”  avang hian “hetiang a tih ngailoh te hi a tih tak”  tih te thleng chuan a ngaihtuah thleng a.

Vanlala chuan engmah pehhel a tum tawhlo a, a thiltih te leh a rilru te chu hailan sakin a awm vek tawh a. An beisei loh leh an rinloh lutuk bakah, amah pawn a hmuh phak leh hisap thlen phak rual lohin Amawii nen an inkar/dinhmun diktak chu a tilang vek tawh si a…engmah zep a tum tawh lo. Nidanga mi ho ve tak leh, ri ve huau huau thin kha, tun tum alo leng lut zet chu a boruakin a hril te pawh a ni mahna, a meng thip deuh ul mai a….a inlak thutak ve dan te pawh a ni ve mahna le. “Pu Lal, Pu Zui” a han ti ve fak a, a thusawi tur an ngaithla tih a chian hnu…an reh deuh thrap takah chuan,”Amawii laka ka rilru chu inhrethiam vek tawh tho a. Zep tum sateh mah ila, min hai hawn sak vek tawh chu a ni si a. Tunah chuan duhthlan tur chu sawiloh, chhuanlam tur thleng pawn min phelhruah sak vek tawh a ni ber a. Chuvangin sawitur ka neih leh ka sawi tum pawh hi in hisap thiam vek tho anga….a hmingin hna chhete te ka lo vuan ve a, chhungte lahin an tawngkam chhe tleuhnan ‘hmu zo hleilo’ min tih tranna kha kum tel a liam tawh awm e. Chuvangin Amawii hi kum lamah la upa loin, la hunlo ang tak te pawn lang mahse, tunah hian nupui atan ka dil thawr mai che u a nih hi. Rem in tih chuan ‘palai te hi ka rawn tir ve mai dawn a sin’ a han tih takah chuan, patling pahnih lo awm ve te pawh chuan a hun leh hmun in a hril em bawk a…an fiamthuna hmaikawr te chu hlipin thutak hun a nih ang ngei chuan an thutak ta hle mai. Chutih lai tak chuan Amawii thingpui sem tur chu a rawn lut thla mek a, an thu te a rawn hriat then hman avangin choka lama inher chhoh leh mai chu a nap a, mahse Vanlala mitmeng a zu hmuh chuan, ti tura a tih chu a hrethiam mai a, hnial enah pawh a en ngam hlawl lo. Nupui tha tak, pasal te zahngai thiam tak a nih hmel riau mai. hahaha Amawii’n thingpui a sem lai chuan Pa Zuia chu a han thu tha a, a hmelah chuan fiamthu thawh a tumlo tih chu a hai theih lo hul hual…”Vanlal” ahan ti chang rat a.

“A hmaa ka hrilh ang che khan, Amawii hi chu kan chhungkaw en ve ber hi a ni si a, chubakah a zirlai te hi” a ti hman chauh tih chuan Pu Lala chu a rawn inzep vat a. “Zuia kan sawi tawh kha, Vanlala pawn zep nei lo leh a thiam ang tawkin a sawi tawh a…zep thu eng a cheng pawh va ni tawh suh in. I han sawi tlang pawp zawk teh ang u” a rawn tih hluk takah chuan Pa Zuia hmel chu a nur deuh sung hian a hmuh theih na a, a insiam tha thuai a. Hmel hmuh nuam zawk deuh hlek chuan,” Aaaa a ni teh  tak awm e…nia zep theia ruang pawh kan ni ta lo a, zep theia mawi pawh ka awmin ka inhre ta lo…Englo a nia, hetia faten pasal han nei tur ang hian ka lo suangtuah chhin ngailo a… I Pu Lala sawi ang tak khan, (a nui tut tut a) Seling vel i han round fua fua hma deuh khan kan lo sawi nual tawh tak a. Eng pawh ni se, hei Pu Lala te hi engkima kan ban thin leh kei tak phei chuan ka innghah rukna ber te an nih avang hian, amah hian thu te pawh pawt chat in, a kutah hian dah ta zawk ila a fuh zawk dawn awm e a…keizawng hetia ka chai ka chai chuan ka phallo leh thut zawk palh ang” a tia a nui ruh ruh a. Pu Lala chuan a aw a han thian khurh khurh a, “Amawi nangpawh lo thu law law teh, thingpui semna kengchung khan zankhuaa  din i tum a mi” a han ti vei te te a…an han nui hnuhnawh leh ang bawrh bawrh a. Boruak pawh a zang ta viau e. Mahse Amawii chu en pawh a ngailo, a chevel thawm atang hrim hrim chuan a lai tih hi a hai hian a hai theihloh hrim hrim a ni tawp.

Pu Lala chuan, “Duhthusamah te chuan Amawii hian BA thleng tal te hi han zo se chu a tha lutuk a, chu chu a pa duhdan pawh a ni ngei anga. Mahse ka kuta a hlan der takah chuan, keichuan ka thutak lak hmiah mai dawn a. Hun tha min pek lai lai hian remchang kan chuh hleuh ange” an ti te te a, Vanlala chuan Pu Lala han tawng dan vel leh Pa Zuia (Pa Zuia a ni tlats toh nghe3) thusawi remchanga lak tum ran chunga, zah der taka a han cheibawl dan chu fing alo ti khawp mai a. Amah Pa Zuia pawh a hmel han en chuan…Pu Lala thu chhahchhuah te chuan a pawi an sawi fahran lo a ni tih pawh a hmuh theih mai a. Chu ai zawng chuan hetih hunlai zawnga kan Vanlala hmel pui roh hi en tham zu tling a mawle. hahahaha.

“Sawi leh sawi hnu, duhthusam te chu kan nei tehmeuh alawm, mahse khawvel a ni a…duhthusam ang veka thil kaltir kan tum dawn a nih chuan a vuaklet thenkhat te hian thil thalo tak te a hring ve leh mauh thei thin si a. Chuvangin Amawii pawh…tih emah chuan naupang chhia an ni tawh lova…duh ngat sela chuan sawn pawh a pai thei ve reng tawh a nia hahaha hei chu delete delete…kum lamah a upa ve tawk tawh alawm kan tihna ni hauhloin, pasal nei tur te chuan a kum pawn a lo tlin ve reng tawh tho a. Hei Vanlala lah, a tette hnapdawk ekcheh a nih lai atanga kan lo hriat, mi nun tha leh ngil a ni tih kan hriat chian a lo ni bawk a. Tunah hna te a han neih ve tak lehzel ah chuan, a dilna te pawh hi awmlo tihna keizawngin ka nei hauhloa. Mahse le, Amawii te nen pawh kan lo inrawn der ve anga…Amah ber pawh hian alo duhlo hleuh thei bawk a (A’n thlek dun a…ngeiawm hmelpu lek lek hian a nui ang ruh ruh a) hnam dang zia anga, nu leh pa tena pasal an neih luih tir ang te hi kan lo ni ve mauh thei bawk a. Chuvangin tihdan pangai leh nangma sawi ang ngei khan,  palai te pawh chu rawn tir ve chhin reng reng la a tha mai lo maw” tih pah chuan a han enkual hlawm a.

Vanlala chuan thu rangkachak a dawng zo chiah a ni hawt a. Amawii pawh a dang ka ring hauh lo. Mahse a fiamthu nge a hlauthawng deuh tak tak zawk ni…Amawii chu a va en a, “I lo hnial vaih chuan aw” ti ni awm hrimin Amawii chu melh rulh pahin an sek hluk a, mahse pakhat-i alo nuih sen sen siah chuan a ngaih a ngam hmin ve ta aniang e. Lehlamah ve thung erawh chuan Amawii chuan “La inring lo deuh tlata inhriatna”te a han nei thar veleh hnuhnawh atlata hriatna” te a han nei leh hnuhnawh a, mahse a tilang lemlo ni tur a ni. Vanlala reng a khi nasa em mai. Han tilang vaih se chuan, kan tlangvala hi a thren thru reng hauhlo ang. Awka tha leh ngaihngamna zan hmua a inhriat vang te pawh a ni mahna…a tho thurh a,”Anih leh ka han chho ve phawt ange, ka chhungte bulah khan Minister kan zui dawn e tiin chhualam chu ka siam tho na a, tlai lutuka haw chu minlo ngaihtuah leh viau palh ang” tih pah chuan Amawii chu “Min thlah rawh” tih mitmeng chuan an melh zauh a. Pu Lala pawh chuan,”E khai han chho thuai thuai rawh, i nu leh pate’n rem anlo ti lo te a nih hlauh phei chuan nupui neih ngen vel te kha a ngai nasa awm sia” a lo ti zoh a…Vanlala chu a zak tih a hmelah a chiang hle..

Mahse kan Pu Lala chuan ala duhtawk hauhlo…”Hmana i bike lei i dil laia i tactic ang kha chu hmang tawh suh aw” an ti leh zauh pek a…chu zet zawng Amawii beng a verh teh e. Vanlala chuan sen tran tran leh nui tawi tap tap chung chuan Amawii chu a va melh zauh a, alo endan leh a thlek dan “ANGLE” atang chuan “Min hrilh ve ngei chu ngai ang” tih hmel hi a pu hliah hliah ringawt mai si a. Hei zet zawng Vanlala sawi hreh ve ber pawl a nia sin male. Amawii te kha inti champion tawk khan “Thlah beisei mitmeng khan” an mitsir vel ralh ralh tawh kha a nia. Tunah zet zawng, haw a phur tehchiam tawh lo 🙂 A thiam ang tawka in la patling leh polite chuan Pu Lala leh Pa Zuia te chu a han mangtha a, Amawii nen chuan inthlah tur chuan an inzui chhuak ta hnak hnak a.

Pawnah eng an sawi hma chuan Pi Sapi inkhawm bang chu a rawn thleng hlawl mai a, Vanlala chu ava han lawm tak em. Amawii bulah Pu Lala thu sih hmuh zeuh kha insawi fel a ngai dawn lo thei tlatin a lang. Mahse Amawii’n rang em em a mangtha chunga inchhung a pan vut chuan a ngaih chu a tidam leh ta hauhlo mai. Stepah chuan muangchangin a chhuk a, hlauh ruk leh peihloh ruk chu a nei alawm…a hlauh ang tak tak chuan a zawn vel a thlen chuan, vawi tam thutam an lo sawi tawhna leh “First muah” na tukverh chu a rawn ri ta rak mai a. Muang fahran leh chaklo tih hai theih hauhloh hian Vanlala chu a han hawi chho a, beisei lawk leh hriatsa ang thawthang te pawh a ni mahna le…Amawii chu a lo dak vang a, a lo nuih dan teh sawng atang chuan thudang sawi hi a ngai lo hrim hrim…”Pu Lala’n bike i ngen dan a sawi kha min hrilh ve rawh” tih mitmeng chiah chiah a ni a put ni 🙂

A peih vang a ni lo. Tun trum zet zawng helai bang hi a lawn phur loh ber trum a ni hial ta ve ang. peih lo tak chuan a han inham chho truih truih a,  peihlo engang mahse a lawnchhoh hrim hrim hi chu a hneh sawh tawh a nih hi male. Position ngai luahin Amawii te tukverh bar chu a vuan leh tau tawh a, thla eng lah chuan Amawii hmel chu a chhun paw phet lehnghal a, a nuih zawnga a ha var mawi tak rawn lang rual siau thin te chuan Vanlala rilru chu a tithar vei sawr sawr thei hial a. A hmui vam sen ham mai chu a melh vang vang a, a rilruah a hmaa Amawii a chan dawn ta emaw a tih lai te kha a lo lang a, mahse tunah chuan beisei loh leh hnunglama sa barh ang hlauha thil a inlumleh dan te chu a ngaihtuah kai vei duah a. Amawii’n ngeiawm lek leka,”Chuan engtin maw” a rawn ti zeuh takah chuan a harh chhuak deuh hlawl a ni ber a. A sawitur…..sawi ngai…a sawi peihloh em em….mahse Amawii’n hriat a tum tlat si chu, sawi angai chu a ni ta poh a..Mahse tuna a hmaa hmeichhe awm, thla eng hnuaia meng de ser ser te hi khawvela a hmangaih ber chu a ni miau a. A niin thil a hriatchak leh a hlimna a nih dawn chuan a hrilh pawh a hrilh poh anga ni mai alawm. Mahse eng a sawi hma chuan Amawii chu duhthawh em em chuan a han muah vawng vawng phawt a.

Zanin zet zawng kan in-hmangaihte rilru tawmpui ni awm fahranin zan te chu a thiang vei surh mai a. Arsi te pawh chu ziaktu ten an lo sawi fo thin ang tak takin…vansangah chuan a mawi tawk lekin an pe iarh bawk a. Chhawrthlapui awmdan erawh zawng a khela khel tham takmeuh meuh a ni.  A sakhmel thlir chuan apple keih hek ang deuh bui hian a rek vei ngut a, ala thle kawi ang ngut leh ta nghal a. Mahse e, a mawina…a enna…zan lalnu tia anlo koh fo na thin erawh zawng a phochhuak chiang teh zawng a nih hi. A eng rawn zam lut chuan Amawii hmel chu a rawn chhun paw phut mai a. A hma zan pawn hetiang deuh hi chu alo hmu in alo tawng tawh a. Amaherawhchu zanin zet zawng, vawiin lama an thiltawn te nen a in chawbe kual khat tlat bawk nen, a mawi zual em a tin ni. Vanlala chuan a enchim ngailoh leh a thinlunga second tin maia hmun luah reng thin; Amawii chu a thlir deuh deuh a, a suangtuahna a kalthui leh pek hle mai. Mahse suangtuahna zawng kan ziak vak tawhlo ang kan tih kha 🙂 Awki chimawm tih theih dawn dawna Amawii’n,”Enge Pu Lala thil sawi chu min han hrilh tawh la” a rawn tih chuan Vanlala chu a hawi harh hruk a. Amawii chuan nui sen sena a lo en a hmuh chuan a duhna te chu a zual ta viau te pawh a ni fahmiang…koh chhuah lawka pawm beh vawng vawng tak hi a nap tak meuh a ni. A ha var mawi tak te chu thawnthu phuahna tham ni hiala mawi hian a hria a, a hnar ngul te leh a heh sen vam ham mai te chu…zan khawthim…damlo te tana hun hrehawm ni thin leh mi tam tak tana nguina thlen fotu pawh chuan a mawina hi a hupbet zo mawlh lo ani ber awm e.

“Mate khawngaihin min zawt lui tawh lo la, khatiang te chu tleirawl atlai thil a nia, nangpawn sawi tur i nei ve tho ang chu ka zawh ngai bikloh che hi” a ti nung nung a. Amawii chuan Vanlala hmel han in phansek vel a hmuh chuan a hreh tak tak tih chu a hai hranlo…tihluih pawh a tum lemlo. Mahse a rilru rawn luah zawk tu erawh chu, Vanlala’n beisei loh leh chanloh khan  lutuka atanga “Mate” a rawn ti phut khan a rilru a verh zar mai. Chutia Amawii a ngawih reng takah chuan Vanlala chuan a han melh zeuh a. Amawii chu a lo nui sen sen tih a han hmuh chuan,”Nge minlo nuih thraw a” a ti hawl a. Amawii lah chuan chhang ta nge tilo chuan dim leh duat tih hriat em em hian Vanlala hmai chu dam deuh hian a rawn chul sak heuh heuh a. “Mate maw…ummm a tha ang. Mate tih hlirin min ko tawh rawh, a lem a nuam riau” a ti thawp set a. Vanlala rilrem zawng a lo ni nasa a niang chu…a keh leh hui tawh hahaha.

Amawii chuan Vanlala kut, bar vawn nana a hman, kham hmel tawh fahran chu a zu hum sak a,”Engtik nge palai chu i rawn tirh dawn a” a ti leh vei thut a. A zawhna dawn beiseiloh lutuk a dawng te pawh a ni tur asin, Vanlala chu a phawk hru a. Inchhungah te kha chuan a boruak khan a deng ve hrim hrim bawk nen, a in ti pachang thei hram hram a, a sawi tluan thei kha a ni mai a. Mahse tunah, engkim a in thlahdul hnua a neih tum ngei-in a han zawh takah chuan a lai thar leh deuh roh a. Chutia a chhan vat loh avang chuan, amah Vanlala mizia bel hneh em em Amawii chuan,”Tha lawm, min hrilh lo tawp la…i duh leh tirh pawh rawn tir hlek suh…ka mut a chhuak ka mu dawn” an ti vei hmak a….a hlawhtling chiang teh e… Vanlala chu Robot battery down che hlei thei tawhlo…EVEREADY BATTERY LIAN 5 vel vuah thar…che nghal zawt zawt hi a ang ber awm e. A hma khan Amawii khan a kut kha a hum sak kha a nia, mahse tunah chuan Vanlala’n Amawii kut chu a lo hum zawk daih tawh. Hmeichhe ho hi an mak ania, an ban phaka hmanrua an neih ang ang te an hmanthiam dan hi a rapthlak zawk. Hei hi zawng ka mipa puitu khan lo chik ve teh u. 🙂

Engle khawle, ka han pawt ve hlut a nih khi…a ni hran lo turah ngai ila. Kan Vanlala chunga Amawii han chet vel dan pawh hi khitiang ka sawi khi chu a nilo tih chu kan man thiam vek awm e. Zep thu a cheng hauhlo. Zanin zet zawng trum dang aiin a bei/inhamtang rei tawh a, vawnchhan tha viau mahse…rah chhan a thatloh miau hi chuan a lo hahthlak ve thei tho mai tih te pawh a zirchhuak uaih uaih ta ve ang. “Amawi”….chhanna awmlo phawt..lehlam a hawi deuh chhaps mai. Amawiiii….tawng rin a hlau si, a duhthawh bawk si. A la rawn hawi chuanglo, “Mate lo hawi ve la” fiamthu ang deuh lek lek, mahse thinlung lamah chuan chhuizui dawl fe si hian a han ti leh a. Chutah zet zawng a duh hmu ta ni awm hrim hian Amawii chu a rawn hawi a. A hmel atang chuan a thinrim hauhlo tih a hriat theih naa, thinrim chu a tum lui hram hram ni ber hian a lang. Aw….Vanlala ban leh ke khamna te chu amahah chuan tranfers theih ngat sela chuan, a hmanhmawh lutuk hi a tawng zawt zawt tur hi a nia…tihtauh kualna hun hi a awm lo ve chiang em a ni…Vanlala tawnah chuan. “Ka thusawi hi i va han ngai pawimawh awmlo em em ve” a aw atang chuan tihtauh a chak tih chu a hriat chiang…mahse Vanlala chuan dam deuh deuhin a lo chhang zel sia…a thinrim thei ta bik ngang lo aniang e. “I ban te a kham tawh em, nichinah MATE tih hlirin min au tawh rawh ka tih kha” a rawn ti ta sep zawk a. Chutia Amawii’n a ze thulkhawng ni maia mawi, a hman khat tak, amah ngaihtuah (Care) ve niawm taka a rawn biak takah chuan Vanlala chuan a taksa insangmar kham threm thrum te chu ( a theih a nih ngai chuan) zu han theihnghilh thrak thei a mawle.

Nui suk chung chuan,”Zep miahlo chuan maw Mate” Amawii chu melh zeuh pahin a’n nui sak a, “A kham tawh a ni” mahse a ho lutuk..ngatan mah ngai suh, an ti liam puat a. Amawii chuan,”Vanlal, inneih ka nghahhlelh thin zia hi ka sawi ngai loa, sawi pawh ka tum ngai miahlo, mahse vawiina ka tana i inhuamna te khan min hneh tak meuh meuh a…i tan hian engkim tih hi ka huam ve tih min lo hriatsak ve hram turin ka duh che a ni” a rawn ti daih a. Chu zet zawng Vanlala tan chaw tha mi, vitamin A-Z pai a va ni chiang tehlul em. Chhan pawh a chhang lo mahse a thiltih chuan a chhanna chu a keng chiang hle thung awm e. Chutia duhthawh taka an in muah hnu chuan Vanlala chuan rilru dam tih piahlam hian a chhohsan ta a. A haw kawnga a ngaihtuah te hi a ngaihnawm tham a sin, mahse ngaihtuahna ziahduah kan ching tawh dawn lo 🙂 Tlem ka zeh tel duh hram erawh chu, Amawii leh Vanlala te hi an first kiss neihna kha khati lai tukverh bawk kha a nia, khami zana a haw te kha a hlimzia kan sawi vul chuk te kha kan la hria ange maw. Mahse zanin zet zawngin, kha zan kha a hliahkhuh chiangin a let deuh thawin a hlimna package (ti mai ang, ziakduah duh tawh lo) chu a nasa in..a sang famkim zawk hial awm e.

In a han thlen chuan a nu leh pate chu an lo la meng teh mial a. Mak a ti hran lemlo, a chhan chu vawiin Aizawl pawnah a zin chhuah tur thu a hrilh a. A bak a chhungte a  contact leh ta miahlo a, an rawn call lah a pick up ngai heklo. Mahse dem ngawt tur a ni lo..a hun leh a rilru kha a khat hneh pep pep em a tin ni. A rin ang ngeiin a pa chuan,”Mam lo thu teh” a lo ti bal reng a. Mahse inhauh tir a, a rilru tih down tir ai chuan idea tha zawk a nei tlat…zah erawh a hun hauh lo leh zual awm e. A pa in enge mawni sawi tuma a ka a ang zuau lai chuan,”Pa nupui neih ka duh ve tawh a” an ti hawl mai ah…a nu lah meng hru…a pa lah a tawnglai pawhchaha awm tihtakah ala ka deuh ho a.

A pa thusawi tur chu eng lam hawi tak ni ang maw tia a inngaihtuah vung vung lai chuan, a rawn nui chhuak vei tut a,”Nu-i, engtin nge mawni dawn le? Hei kan fapa chuan nupui a ngen ngam ve reng tawh chu a ni mai a. A nausen lai lah hmanni lawk ni maia ka hriat khan ‘Pa nupui ka duh’ a ti ve chhu chhu tawh mai chu a ni sia leh. Khawvel hi zawng a mak teh zawng a nih hi maw” a ti charh charh a. Vanlala nu pawh chu a nui ruh ruh a,”Ngawi teh pa-a, thiante hoin an fapa te nupuui neih ngen lai vel a nuihzatthlak thei lutuk tiin an sawi ka hre fo a, kan han ip rih dawn emawni le” a rawn ti ve zat a. Vanlala chuan “Ka ngen kher lo ang” a lo ti hluk a, a nu leh pate nuihzatah chuan a kal ta peka, an dir ang tlauh tlauh a. “Mama, lo han mu hahdam phawt teh, vawiin lam pawh Minister “minu chi” ilo zui bak a ni dawn nekloh chu, i nu nen kan lo rel anga…naktuk lamah i pute ho kan lo au khawm ve anga. I thawh meuh chuan ro kan lo rel fel hman diam tawh ang chu. I tho hma thei fia fia sia tih pah chuan a nui vur vur a. Vanlala pawh chu a khi ve suk suk a, diktak chuan a nu leh pate bula he subject han sihtreh tran dan tur ber hi a hrelo em em mai a. Khatia titau ang zia deuha han tih deuh hmuk khan sawi duah tur a awmlo berin, a rei dawn lo ber niin a hria a. A risk dik vei phian roh leh ta nghal a.

A-engati tehreng chu ni maw, nichin lawkah an inthlah fel hawt a ni sia, Amawii chu a ngaih hian a ngai veng veng mai a. A chhan te a han dap kual vak vak hnu chuan vawiin lama a thin thrawng dawt khawpa news a hriat vang te leh, a han chetzui laia Amawii hloh a hlauh avang te kha a nih a ring ta deuh a. Nih pawh a nih hmel viau mai. Zep thu a cheng law…a chau ve takmeuh meuh a, engtia rei nge a suangtuahna khawvelah a taksa chuan harhfima a lo chenpui tih pawh hre ta lo chuan a mumang chuan kar lovah a lo dawngsawng thuai a. A mumangah lah chuan thil thlen dan nilo pui pui, a mut dawna a thil ngaihtuah ang nilo zawng hlir mai chuan mangchhia a mang nghek mai a. Thlan tla hluamin a harh hlawl mai a, a ngaih lam lam te pawh a tha lo ngei mai. Mut leh mai a tum a, mahse a rilru chu a nuam thei nganglo ni tur a ni. A tho lawka, kekawr pawh inbel ta lo chuan a roomah chuan a vei kual thurh thurh a. A rilruah enge rawn lang ta tih pawh hriat loh chuan a chhuak ru vei ta zul zul a.

Amawii te in chu thawm dim te chuan a thleng thla thuai a. A han hawi kual vel thar thar a, a bak tihtheih nei chuang heklo. Mahse Amawii te veranda…an kawngkapui zawna a awm lai,  (mi chuan hmu se misual emaw an tihloh atakah hahaha kekawrte nen) Amawii te in rawk tum ni awm fahrana an tukverh vel a bih duk duk lai chuan (A rilru nuam ngang heklo male) an biahthudi hne hnawka lo hre tawh tu…peihlo chung chunga lo ngaithla ve reng thin…Vanlala leh Amawii te inhmuhrukna (?) tukverh ngei mai chu a rawn inhawng rak mai a. A phu chiang teh e! Ani lah kekawrte nen a ni si…khan dang lah awm thruai bawk silo, a haw na kawng awmchhun a ni bawk si…miin an rawn hmu ang tih a hlau thar deuh bawk si…huiham huiham. Engtin nge a tih tak ang? A inngaihtuah muk ve nasa…an veranda lah chu midang ho hmuh theihloh tura  han bihruk mai na tur alo awm chhete bawk silo nen, a vanneih a siamin thla eng chu chhumin a hliah deuh khup a, a lansarh tur ang em em chuan a langsar lo mai zawk chauh a ni. Chutia tihdan ngaihtuaha thawm dim fahrana  a vei kual de de lai chuan, mipa nge a niha hmeichhia tih pawh hriathran har khawpa aw thawp sat hian,”Vanlal…kha nangmah a mi? a rawn ti phut mai. A phu nasa lutuk leh a beisei lo lutuk chu a petek nawlh lem lo a hahaha

Vanlala haw hnu khan Amawii pawh a Pu Lala leh apa te chuan an han kawm chiang ve ngei bawk a. Mahse a ni zawng a hunah chuan a lo puitling tawh khawp mai tih an hriat chhuah phah hleuh thung. Kan Vanlala ve kha chu 🙂 Amawii pa chuan,”Amawi, hei tunah kum 20 pawh ila tling thrathrum loa, ka thu leh ka ngaihdan angin kal dawn ni ta ilang chuan pasal neih hi hun ka la ti miah lo a” a tih mek lai chuan Amawii chuan, “I thu ang diak diakin a kal theih bik hleihnem” a lo ti bauh a. Pa Zuia chu a hmel atang chuan a lungawi zan lo tih chu hairual a ni mawlh lo…mahse Pu Lala mitmei a ven avang chuan engtin a ti lem lo choh te pawh a ni mahna. A aw an thian leh kharh kharh phawt a,”A dik alawm ka thu ang diak diakin kal rawh ka ti pawh a ni chuanglo…ka ngaihdan ka sawi ve mai a nih kha” a ti ve ta zawk a. Pu Lala chuan a lo pawtchat vat a, Amawii a lawm ngei mai…a pa zia a chiang ve sia. Enganga sawi fel tawh nia ngaihah pawh a duh chuan a rilru a thlak leh thut hreh dawnlo tih a chiang ropui si a. Pu Lala lo tlazep chu, a tun dinhmunah chuan ruahthimpui rawn inmung mup mup tawh karah ni sa rawn lang leh heu te pawh a chan theih hial awm e.

Pu Lala chuan,”Zuia, Vanlala’n kan pahnih hma ngeiah tikhan puitling takin thu a sawi tawh a, Palai te rawn tir turin kan inchah vek tawh a. A ni lo zawnga ngaihtuahna hran lo neih kha chu a thiang tawhlo turah ngai ang” a rawn ti bauh a. Pu Lala pawh hian Amawii pa; Pa Zuia hi, an tetlaia an ina awm thin a nih avang te, a kawm deuh ber thin a nih avang te pawh a ni mahna…a zia chu a lo chiang ve hle ni tur a ni…Amawii lam chu a hawi a, “Amawi keinin kan ngaihdan kan sawi ve hun pawh a ni tawh lo a. Nang a neitu tur i nia, enge i rilru sukthlek ve reng reng te hi le”? tiin Amawii chu dah pawimawh thiam tak in a han zawt a. Amawii pawh Pu Lala berin chutia a han tih takah chuan a inla puitling thei tawh lo te pawh a niang e. Amah Pu Lala hi chu pa zahawm tak a nih bakah, Amawii hi a duat thin em avangin ama pa ngei ai pawhin a zahin a hlau zawk reng a. Chu a chhapah an ina awm a nihna te pawh chua factor pawimawh tak pakhat chu a ni ve ngei ang le.

Amawii chu an thlir dun ran mai a, mahse Amawii tawng hma chuan Masangi nu committee bang chu a rawn lut nawlh leh ta nghal a. Tunah zawng Amawii tan chuan puitling taka chhan chu KAHA!!! A hmel sen rawn ta trawn trawn atang chuan a zak tih tun an hailo ang. Pu Lala’n Nu Sapi (Masangi nu) thil kalhmang a han hrilh zung zung takah phei chuan Amawii chu a khuk ral daih a hlauhawm hial tawh. A u Masangi lo haw se a ti ngei mai…mahse chuzawng beisei bo…Bial Zaipawl ho an Camp daih. Engtin nge a chhan tak ang. An mit lah chu a chungah chuan a fu thrup mai a. Ngawih bo ngawt theih a nilo a, a chilohin a mawi lo a…ngawih bopui zawng a phalin a phal hauhlo bawk nangin…har a ti ve a ni. A vanneih a siam nge ni dawn…a thawnthu bu chhiara hmanlai nula ten, hetiang nikhuaa an pa te an chhan dan thin an sawi te kha a hrechhuak thut a,”In tih dan dan a ni mai alawm, nangnin intih te chuan a tha vek mai” a ti liam puat a. Chutia a tih mai loh nakah, a thluak hian chhanna tha pe duh miau heklo mawle.

Chutia a chhan takah chuan a awm ve ho pawh chuan ngaihdan chu an nei thiam mai a, mahse Pa Zuia chuan Amawii’n chutia a han chhang chu thil hriatchhuah te a lo nei ta vei duah pek a. A rilruin,” Aw…Duhsang, (Amawii nu) i fanu…kan fanu chuan pasal neih a tum ve tawh asin. Awm ve ni la chuan i lawm leh i hlim nui ri mawi tak te khan he inchhung hi a fan leh raih raih tur hi a nia leh…i lo pawmpui ve ngei ka beisei a ni” tiin hun kal tawh..theihnghilh a lo tum chamchi thin, mahse a thinlung lamin a paihbo sak duh tlat loh chanchin hlui tak tawh…mahse nitin maia thar leh si thin chuan… a suangtuahna chu a rawn luah mup mup a. Mi dang awm ve ho hmuh hlau tak chuan a mittui rawn hnam tran tur chu mitmim ni awm fahran chuan a han nuai thuak thuak a. Mahse amah chiangtaka lo en tu leh, a nu thih tirh ata a pa chik leh zuala lo belbul thin, Amawii chuan a pa awmdan leh a rilrua a ngaihtuah ni awm te chu a hre thei mai a. Chutiang an khel zawh chuan mut zai an rel ta hlawm a.

Mutnaah pawh thil a ngaihtuah nasa ngei mai. A pa mittui tla tur insum vel mawlh mai khan a rilru a luah a, mutthilh lam chu khawilam…a harh hian a harh tulh tulh zawk ni mai hian a inhria a. A mit lam tak chu a khamin, hahchawlh an mamawh tih chu hai rual nilo mahse…a thinlung kan ti dawn nge, a awmbawr vel chu a ni deuh huih mai a. A ngaihtuahna te chu an nung deuh hru anih ber awm chu. Darkar hnih thum dawn thil kal tawh leh lo thleng tur te hisap kuala hun a hman hnu chuan a mu hil thei chuang silo nen, a tho ta tawl a. A pa chu a rilruah a len em avangin dim tein a pa room ah chuan a va lut a. Pa Zuia pawh a ngaihtuahna ngai te khan an la vilh ngar ngar te pawh a ni fahmiang..alo la meng kur chu niin. “Amawi, enge i rawn tih dawn” a lo ti phut a…a phu chiang ngei mai. Mahse mahni pate hlauh thu va awm suh, a bulah chuan a va thu a,”Pa, nichin khan ka nu chanchin vel i ngaihtuah tiro” a va titawl a. A pa pawh chuan zep a tum bik lemlo a niang e, “Ni e, tun ang hunah hi chuan i nu kha la awm ve se ka ti thin em a ni…a hlim dan tur leh a nui hmel te kha ka mitthla ah hian an cham reh thei hauhlo” a lo ti ve mai bawk a. Amawii chuan a pa chu a khawngaih ngei mai, tihngaihna tak a hre silo. “Pa, lo innei pawh ni ta ila, kawmchhak lawkah kan awm dawn a, kan inhmu reng thei dawn tho alawm” tiin hnem an tum ve ngial a. Mahse beisei loh lutukin thil a thleng ta tlat. A pa chuan a kuai mu lawka, a kawr te chu a pawh phelh saka…a tih tum chu Amawii chuan a hai lo nasa mai…han ti mai ilah hahhaha.

Heti zawk hi a ni e. Pa Zuia pawh chu a rawn thu chhuak a,”Amawi, Keifanga kan awm laia ka thusawi te kha ila hria em, Aizawl kan chhuk dawn zana ka hrilh che kha” a ti ta daih a. Amawii chuan a hrechiang nasa khawp mai. Mahse chutiang zawnga a pain rilru a pu sek chu a thin a rim deuh tlat a.”Ngatinge heti zawng hian i tih ziah a” a ti ve ta hlar a. A aw pawh chuan ngaihno a bei lovin, a rawn luh tirha khawngaihna aw ang te kha chu PARVA II  velah a thlawk thla tawh ang. “A ni dawn tak e, a ni dawn tak e. Mahse maw, nakinah pawh fa te inla nei ve anga…an kalsan dawn che hunah ka rilru hi chu i hrethiam pha ve mai ang. Chu a chhapah kan in-awm puitlin chhoh dan te kha ngaihtuah la, ka rilru tur chu i hre ve thiam mahna” dam thluama  Pa Zuia’n a rawn tih leh takah chuan Amawii rilru pawh chu a inthlak rang ngei mai. A chin than dan te te in, ama rilru chauh a lo ngaihtuah lehpek tawh a ni tiin a inthiamlo hnuhnawh a. PARVA II lama tlanthla kan tih, a tawngka ngaihno bei te kha, “By Post” in nge “Whatsapp” hmangin nge tu’n va hre suh…a chah chho leh ta a niang chu…dam dap chuan,”A dik alawm. mahse Pa, hetiang te chu kan dama Pathianin rem a tih te chuan engtik hunah emaw chuan kan la tawng dawn tho tho alawm” tiin an tawng thlamuan leh a. Pa Zuia chu engmah sawilo chuan a ngawi reng a, Amawii thusawi pawh chu hria awm pawn a lang lo. Chutia a chhan tak lohah chuan engmah sawi zui bik ta lemlo chuan Amawii chu a chhuak de de a. A room-a a phei dawn chuan an step chhoa kal niawm tak thawm hi a hria a, parda phenah chuan a han bih dek dek a. A pen thawm ang chu a la hre faih faih na in, tumah a hmu bawk silo a. Tukverh chu a hawng zal zal a, a theih chin chin chu a va dak chhuak a, a thil va hmuh chuan a thin a thrawng deuh dawt hman a, mahse enganga thimah pawh Vanlala chezia leh hawiher vel chu a hailo nasa mai. A pa la meng ve reng khan a hriat hlau tak leh, nui za lutuk insum trang trang chung chuan,”Vanlal…kha nangmah a mi” a va ti thawp vei sut a.

Diktak chuan tun ang zanlai dawn tawhah, kekawr pawh ha mang hleilova nula inkawta tlangvala pumpa han din teh ngawt chu…hman deuh…thawk khat laia “NULA ZEN” an tih ang type-a chet tum te pawh a ang thei rum rum dawn in a inhria a. Chuvang ania a rawn autu pawh a va dik dak nghal vat duhloh. Mipa nge a nih hmeichhia…Pa Zuia te lo ni ta se, a palai te hmaah “Hman zanah in tlangvala hian ka fanu hi rawn zen a tum a” te lo ti ta se…awi awi awi hi a ni ngawt mai dawn si a. Mahse inchhung lamah chuan,  a thawm miin an hriat a hlauh vangin…hmui hupa meuhin Amawii a lo nui dir tliah tliah tih chu hre ta ngat se, a phei nawl nawl anga…hnehsawh takin a spiderman chho anga….a trul a, Amawii a nui tawp thei nganglo a nih tak pawn, hnap dawh zawka muah ngheng a duh hial ang. Mahse ka sawi fo tawh thin angin,”HRIATLOHNA” hian a tha lam leh chhe lamah hian effect a lo ngah thin em tehzawng a nih hi.

A rawn lan tak mai silohah chuan ava dak leh dek dek a…Vanlala lo ding thrai chu a va hmu pha chiang ropui si…a nui leh deuh thut a, mahse a inhup hman hram a. Thei leh theilo takmeuh meuh chuan thawm dim thei ang ber chuan,”Vanlal….” lo phei nghal teh” an ti thawr a. A tawngkam hman lam a ngaihtuah lo…nui ri lo leh thawm dim taka a sawi theih dan a nih chuan a tawk a ni mai. Rei nghah a ngai ta lo. Vanlala chu tukverhah chuan thren deuh thru chuan a rawn dak nghal vung a. “Enge tun ang hun hunah ilo tih a, thawm te kha dim ve ta che. I step kal te thlerh thlurh kha, keiman ka lo hre hmasa hlauh a, ka pa ala meng ve reng a…a nin lo hre phei se chuan i chak lo dawn nasa  asin” tih pah chuan Vanlala retheihna lam thlir tum chuan thei leh theilo…bar kara leng leh lenglo chuan hnuailam chu a zu bih lui hram a. Vanlala chuan “Het…’I chawngkawr eyes’ kha rawn len hlek suh aw…nge nia,  hmana thlanmuala i hnar hnu kha i hmu chak leh thut a mi” fiamthu titak deuh chuan a han ti let ve sak a. Amawii lah lo dang duh biklo…”Nakinah chuan e…ka hmuh peihloh hun thleng thlengin min hmuh tir sek i tum dawn tho…tuna lo hmuh lawk kha ka chak vak hran lo e”  ati ve mai bawk a. Inchhang tawk dun viau a ni.

Vanlala chuan a rawn chhuk chhan te chu a sawi su su a, Amawii pawh chuan chhin khatmah ala chhin biklo thu te pawh chu a hrilh ve a…interval atan an han inmuah leh zauh thin a. Pawisa chawia cinema anga en tu chu awm se, an ning khawp ang…interval tam em mai. “Amak tiro Vanlal”…”Eng chu maw”…”Rokhawlhna a awm loh chuan pasal nei ka ni ve der dawn a, nang pawh chutiang chiahin”….”Nang chu pasal nei…keichu ka duh ber nei…nia a tha alawm” a tih vei sakah chuan AMawii chuan “Hmmm i hre vek” an ti ngawt a. Chutah Vanlala chuan thu tak hmel fahran hian, “Keichu mak ka tilo…kan inhmuh hmasak ber ni a, mi rawn en dan atang khan mi kherthluk i tum nasa dawn tih kha ka hre reng a”…Vanlala chu a dak nghal  awrh a…an han nui dun leh ker ker a. Chutia ho te te an sawi melh melh lai chuan Amawii chuan,”Vanlal hman truma thlanmuala kan awmfal laia, ka duhloh tih i hriat avang chauha mi i tilui miahlo kha chu i puitling ka ti khawp mai” a ti sep a. Vanlala lah a phawk a la rehlo a ni chek ang chu…”Ummm sawi vak ngai tawh lo….a hun a lo thleng dawn…Tin, chutih hunah chuan” a tih lai chuan Amawii chuan a hmui chu a rawn hup sak daih a. Vanlala chuan Amawii kut chu zawi te in a phelh a…dim tak leh duat tih hriat em em hian a kutchungah chuan a fawp dep a. Amawii’n nui sen sena a lo melh tih a han hmuh chuan zawi tein a kuai hnai a, la in kiss ngai hauhlo ni awm hrim chuan duhthawh em em chuan a fawp leh ta vawng vawng a.

A TAWP TA