NAUTELIAN-A - STORYFB.COM

Trang chủ » Chhu Phen Luk » NAUTELIAN-A - STORYFB.COM

Có thể bạn quan tâm

STORYFB.COM

Mizo Story Dahkhawmna

Skip to content

Search Advanced search Ka computer an hack a, ka ac atangin spam link an lo ti vak vak a, fb lamin min block a fb-ah ka lut thei lo mek, eng emaw min biak mamawhna a awm chuan whatsapp lamah min lo be mai dawn nia. Chuan eng emaw information inpek nan whatsapp grp link ka dah hrim hrim bawk e - NGAIA WhatsApp Group: Click Here to Join

NAUTELIAN-A

Episode kal lai dah luhna Post Reply
  • Print view
Search Advanced search First unread post • 1 post • Page 1 of 1 Mampuii pautu Posts: 210 Joined: August 5th, 2021, 2:05 pm

NAUTELIAN-A

  • Quote

Unread post by Mampuii pautu » October 29th, 2021, 9:23 pm

By_Mampuii Pautu NAUTELIAN-A Chapter_2 Lalhriatpuii POV. Mumang ramah nuam ti zeta ka lalfapa ka dream thin nen a,kan in chhai vel ziai ziai lai chuan tu emaw hian min rawn sawi det det a,ka mengchhuak mai thei lo leh nghal a...!!! Muangchang chuan ka meng siar siar a,tunge min rawn kai tho tu hi le,,mit pawh meng tha hleithei lo chuan ka hawi chho a,hmangaihjohana chu ka khum bulah dingin akut zungtang hian ka mawng tak chu lehlam hawi tho si chuan alo kheuh zeuh zeuh a,hmela mai mai chuh. Thawphan pawh awm lo chuan ka kein ka tlawh nghal chawrh a,hmalam ah apei phei nawk nawk mai,ka sam ka tuai mam nghal zung zung a,chutah hmangaihjohana chuan rum lutukin min rawn en kalh bawk a. Mahni vah te nen a in ngeih lo em em pawh hi ka hre ngailo,keimahni hi kan nimai achiang reng nikhat pawh kan la awm dun tling lo ania,ti hi kan ni nghal ania. "hey...pitarnu engvangin nge kut min thlak ziah a" thinrim.zet chuan ati vin thawt a. Maw...!!! tunah khan pitar min ti chiang alawm mai mai chuan "ka tar awzawnglo tih hre rawh engvanga ka mawng kha khawih ngei inih? Rum zeta melh pah chuan ka ti letve hrep a. Ahmel asiam chhe nghal vak a," Pitar mawng ka khawih duh chu lawm hle rawh,khawih tham pawh inei lo,rawn chhuk rawh" tih hrawkin achhuak zui nghal hmak a,kawngkhar ari chawrh bawk. Awii...min tih dan kha ka kut chuan ka hmai chu thinrim.zetin ka zap a,ave a huisss ka mawng ate amaw,keima tawkah chuan alian ve asin,ahrim hrimin kha tiang kha sawi tur pawh kan nilo tenawm hian. Ka thuamhnaw te thlakin inhnuai lamah chuan ka chhuk thla ve nghal a,kitchen lamah chuan ka phei nghal vat a,ununhlui chauh chu lo awm in alo che buai hle a,ka pui ve nghal vat a. "awii ka muhil char char sia anuam lo e,i buai awm si ka ti nghal vat a" anui nghal hak hak a. "buai nang aw,i hahawm sia motor chuan i theilo ve sia,chaw ei kham veleh i mu leh nghal daih dawn nia" ati zang vah a. "awiii...ununhlu min duatsual zo vek dawn ania aw" ka ti ve vat a,kan nui dun hak hak bawk. Afeli zawk an nula pakhat chu rawn lutin,dawhkan ah hian bowl hi arawn dah a,"afel i pu leh... johana te koh la,chaw a ei theih aw" ununhlui chuan ati nghal vat a,afeli pawh chu bu zeuhin achhuak leh nghal a. Ka theih ang angin chaw ei ka lo siam pui a,reilo te ah ka û leh hmangaihjohana te an rawn lut a,kan la in melh ram ram tho,dawhkan kan kil thap a,johana nen kan la in hmatawn zui ahmel hmuh peih loh nak laiin. "Mate...naktuk atang i hnalam tur ka buaipui tan dawn a,an pu hi fel deuh mai anih bakah tlangval ala ni bawk a" ka û in atih chuan ka en nghal dawr a,eng nge ani pawh chu mipa lamah min tihpui atum deuh a ang. "a mak û.....!!" ka sawi tur pawh ka sawi zawh hma chuan "aw lo ngawi la...va duhin va ngaizawng rawh ka ti miah lo,mahse amah chu i duh chi anih ka ring in in rual vel chiah bawk anga" nuisuk in ati a. Chutah hmangaihjohana chu chair ri rawk khawpa tho in,"ka puar" ti bung nghutin kut pawh sil lo chuan kitchen achhuah san vang vang a,anu in "ila ei tlem lutuk" atihna pawh chu angaih pawimawh hmel tawh loh. Eng nge maw kha tia a awm deuh thut le,ununhluin thinbutut anei atih kha chu ka hria a,mahse anei zing mah mah anih dawn kha,tawrh ahupphurh awm dawn hle mai.Keipawh chu muangchang lovin ka ei vat vat a.Thil min sawi pui thui hma a inthiarfihlim.vat angai. Chaw kan ei kham hmun vel te kan tihfel zawh hnu chuan sitting roomah ka thu hahdam a,tih tur vak awm lo hle mai,ka mu rei bawk nen ka mut ala chhuak silo tv ka en peih bawk silo...!!! Ka phone ah chuan ka games neihchhun candy crush chu ka khel a,chutih lai chuan inchung atang hian,ununhlui arawn ang thla bawrh bawrh a, ahmaah hmangaihjohana chu chhuah tum tih hriat zetin hmel rum ul hian arawn chhuk thla ve bawk a. "Zan hi vawi engzat nge chhuak ziah loh tura ka hrilh dawn che,hmangaihjohan lehkha i zir peih lo anih pawn inah tawm rawh,i len chhuah loh leh i thiante irawn hruai haw thul" a hau bawrh bawrh a,pakhat lah chuan engah vak angai hmel siloh. Ka tehkhin ber chu nufa pawh an anglo,û in anau lengchhuak tur ahau a ang ka ti.Keimah ringawt lah chu min la melh ngur zui a,hepa hi tinge le hetia min en vak vak zel le,chubakah ani ang pawh hian min ngaiin ka hrelo,min en dan te reng reng hi,ka ngei zia chu. Kitchen lamah kalin abike chabi ala ni ngei tur ani,atawng tlem si atawng chhunah lah anghalin achimawm si,huisss keilah hian nge maw ka lo ngaihtuah ve chiam zel le, Achhuak zui nghal nal nal a,ununhlui thinrim zetin arawn phei a,athu thla nghal chawrh a,"hepa hi chu aw tihngaihna tak apawh hi ka hre tawh lo,aluhlul si,,i û hnenah lah hian han sawi ila,ahunlai alawm ati liam puat a,asual zo vek tawh"tiin a ang hlak hlak a. Keichu ka la tawnve thil anih loh vangin sawi tur pawh ka hrelo ngawireng chuan ununhlui inhrosa thawm chu ka ngaithla a,animai. "teh...hriat nangpawn johana hi dim miah suh,a zah loh phei che chuan hau hreh miah suh ang che" min en pah chuan ati nghal vat a,ka lo bu ve nghauh nghauh bawk. Ka khumah chuan ka let tawn sek a,ka muhil thei thlawt lo,mutna ka sawn vangte pawh aniang,hmangaihjohana alo la haw lo aniang abike thawm ka la hrelova,tunah dar sawmpahnih ari tawh ania,em em a. Tinge chutiang chen chen aleng le,ka mit ka chhing deuh siar siar tawh tih chuan kawtah bike thawm ka hria a,ka thu chhuak hlawl bawk,khum atanga chhukin tukverh bulah chuan ka ding a,parda phen atang chuan lei lam ka zuk en thla a. Hmangaihjohana chu bike atang achhuk mek a,adah tha dawn lo mawn le,mahse security a awm tak kha,in lam rawn pan ta mai lo chuan ading vung vung phawt a,pawnah hian street light an chhit vek avangin a eng hle bawk. Chutah ka room lam chu arawn hawi chho ta vung vung mai,min hmu theilo mahse ka sa nghal pup pup mai,mahse ka room bul chiah hi aroom ani ve tho a,aroom zawk a en pawh ani maithei.Chutah inlam arawn pan a. Mahse,akal pei ta chhat chhat mai,arui ani maw,va buaithlak e aw.Room atang chuan ka chhuak vat a,in hnuai lamah chuan ka tlan thla nghal vat bawk,kawngkharah alo lut mek a,apei khut khut bawk. Midang an mut vek tawh vangin current pawh kitchen lam chiah a in on tawh a,hmangaihjohana chu kuah nghal vatin in chung step lamah ka chhoh pui a,arit si apalian si,chutah a zu rui ala nizui,ka na zo vek tawh keimah chu min rin chhan tawp ni berin ka hria. Huisss....!!! Atawp atawpah chuan step chu kan kal chhuak ve ta,ka kaih kuahpa lah chu arum leh chhur chhur thin a,mi rap deuh zawk alawm le,"min thlah rawh" fiahlo zet chuan ati a.Mahse ka thlah duh bik chuang lo. Ka kalpui zel a,awi arih zia hi vawilehkhatah ading deuh thut a,"min khawih tawh suh ka tih kha,....lalhriatpui...kal sawn rawh ka ni pawh ini lo ihria em?..." a irhfiak nghal uk a,ka ner nghal nawng nawng bawk. Chiang zetin min rawn en nghal a,amit ati zim nghal san bawk a,chutah ka taksa lam amelh thla leh a,hriat chhuah ka nei nghal zawk bawk,"lalpa leh" ka night dress nen ka awm,t-shirt lian deuh mai ka ha a,abak ahnuaia ka hak leh chu kekawrte ani leh tawp zan ka mutna ah kekawr ka ha ngailova thawveng deuha mut ka duh thin vang ani. Chik lutuk chuan ka taksa chu amelh ngur a,rum zet chuan ka melh letve kalh bawk "hmangaihjohan imit kha la sawn vat rawh" ti hrawkin ka kawr hak chu ka pawt ka pawt a,midang an harh ka hlau si ka tawng ring ngam tawh bawk silo. Hmangaihjohana lah chu anuisuk duh chauh leh nghal ka ngei zia chu,chutah inrin lawk na pawh awm miah lovin rang lutukin ka bawp pakhat chu akut achawi kang in ,min kiss nghal chat bawk. Phawk lutukin ka meng nghal kalh a,chet mai nachang pawh ka hrelo,ka hnar lova ka dawh mawl tawp ani mai ka hamhaih lutuk vang chuan nemsawn pawh ka tum chuang lo duh thawh zet chuan min fawp a,ka mal chu achul kual ruai bawk,ka hmui aseh zeuh chuan ka harh chhuak zawk a.Hmangaihjohana chu ka nem sawn dawrha abiang ari nghal thlawp bawk. "tenawmpa..naupang zak theilo leh nghal chimawm sual lutuk,ka phalna lovin ka taksa hi si tawh suh ang che,chuan kan nihna hi hrechiang bawk la" duh thawh lutuk a,tiin ka roomah ka lut nghal hmak a. Kawngkhar chu nghengin ka awm ka dawm nghal vang vang a,ka lungphu hi athlawk chhuak dawnin ka hria,ava rapthlak em em ve,zak theilo lutuk engtin nge awlsam taka min fawh mai theih zawk a,tenawm lutuk ka hmui chu ka nuai nawk nawk a,ka ten zia chu pui tak ani. Zingah chuan ka tho tlai lem lova,inhnuai lama ka chhuk thlak chuan ka û in sitting room ah vanglaini alo chhiar vang tawh,kitchen ah pawh kal hmasa lovin ka pan nghal vat a. "kan nula seniouri chu iva tho hmave mut rei pawh kha apawilo asin" ati nghal zat a,ka û chuan min en lemlo mahse ka melh rum hle thung. "min ti ve ziah suh u aw,keichu aw ka thin arim.chuan ka nei daih mai ang" ka ti ve tan tan a. "i hmuh te chuan neila" awlsam zet chuan ka û chuan ati duh lek chauh. Min ui lo ve hlawm.ropui si,mipa hi hmu zolo turah hian min ngaia ka luck zia lah hi an hre silo. Ka ning min ti dang zo,kitchen lamah ka phei tau nghawng nghawng a,afeli alo che sawt sawt tawh a,khawnge athianu zawk kha le,nunui emaw ni kha,"hey..i van tho hma ve a,ka lo pui ang che" ka ti nghal vat a. "aaa nia inpuihna tur vak pawh a awm lo tikhan lo thu mai mai rawh" min nuih var var chuan ati a. "khawnge i thiannu kha?" "ala mu a,arawn tho ve tep tawh ang" ati zang leh vah a,ka bu zeuh bawk.Ka rilru te te chuan mak ka ti reuh athiannu hetah buai zetin ache a,ani alo la mu ania. Kitchen lamah hmangaihjohana arawn lut hlawl a,ka rin ai athawh hma chu le,ka hmazawn chair ah tak rawn thu thla dawtin phone akhawih nghal a,athawhna arei tawh mawn le,nizan thil thleng kha,ka ngaihtuah chhuak thut a. Ahmui chu ka en vang vang a,tenawm lutuk hmela hi,kei ve thi lo chauha ka awm laiin ani ve chu engmah hrelo ang hmakin a awm a,nge ni a aruih vang khan ahre tawh lo tak tak zawk,awii theihnghilh daih rawh se atha zawk ka zak tam lo animai,kei tal ka zah loh chuan amah hi azahtheih loh hmel si. Afelin johana hma ah tak,eng maw khu vat vat hi arawn hung a,bel te reuhteah ania eitur anih chu ka ringsa phawt a,johana chuan aphone chu dahin fian chuan asuak a,a ei zawm nghal bawk,athil ei ka hmuh chian chuan ka nui chhuak ta vak vak a. Hmangaihjohana inla pa ve tawh tak hian tunah hian chocos a ei mek,awii dawhkan chu beng meuhin ka nui uar uar a,mak tih hmel lutuk a,min en tu te pahnih pawh chu ka hrechang tawh lo,ka pum ka dawm vang vang a. Chutah mittui tla pur a hawichhuakin hmangaihjohan-an hrilhhai hmel zet a min en na chuan ka nuih ati za zual sauh sauh bawk,ainlakpa ve nen,athil ei duh zawng chu,ka nui tawp hleithei meuh lo. "Pitar i nui per ania,ka thil ei iti tuilo zo dawn" arawn tih chuan ka nui tawp nghal hmak a,ka tum nghal hmuk bawk,rum lutuk chuan ka melh nghal hrawk a,ka nuih chu za tawh lo tak ani. "kha tiang khan min koh tawh suh ka tih che kha" hlauhawm thei ang ber tur chuan ka ti a,angaihpawimawh hmel teh chiam loh. "ka ti zel ang che pitar...pitarte...!!! Chimawm lutuk a tih lehin anuisuk a,athil ei lai chu a ei zawm nghal mawlh mawlh a,afeli ka en chuan nuihzat hmel zetin min lo en a,ka melh rum hrep ringawt a,lei ala rawn chhuah zeuh zui avan nghal tak...!! Johana thil hawp chu ka en renga,ka nuih vak vak tak nain,athil ei chu atui hmel ka ti leh deuh sia,ka hmui ka liak zeuh a,"johan" ka ti nghal tawl bawk,arawn hawichhuak duh miah lova. Rum lutukin ka melh a" hmangaihjohan"ka ti leh nghal hrawk chuan ninhmel zetin min rawn en a. Rum zeta melh pah chuan "ka ei ve duh" ka ti bung nghut a,amitko asan ak ringawt a,a ei zawm leh nghal mial mial bawk. "ka ei ve duh ka tih chu" ka ti leh hrawk chuan, "atul lo,naupangchhia iti ani lawm ni,i duh leh adang siam tir ve mai rawh" ati duh lek chauha. "ai i ei lai kher kha ka duh alawm" ka ti leh nghal vat a,a ei lai hi atui hmel bik miau alawm atui bik ka ring. "ahriat ka siam sak ve dawn che mi?" Afeli chuan arawn ti vat a,ka lu ka thing zeuh a,"ai a ei lai kher hi atui hmel alawm" ka ti ve deuh tlat a."kha ei ve tawh rawh" tih leh ka lamah rawn nawr hnaiin,atho zui nghal a. Phur lutuk a,ka en chuan au vak mai ka duh hmela mai mai chu,a ei zo vek alawm ei ava han thei em em ve le,ka haw so bawrh bawrh. Tukthuan kan ei lai chuan kan ngawi thap a,"johan nizanah dar engzat ah nge ilo haw" ka û chuan ati fel fai at a,pakhat lah chuan ngaihsam zetin " ka hrelo" ati liam puat a."Zanin atang zanah i chhuak tawh lovang,chu chu thu tawp ani,college kal lai chauh ila ni pharvar mai mai tur ini lo,ka sawi chu zawm ang che" tih pahin ka û chu atho tharh a,akut sil in kitchen atang achhuak zui nghal nal nal bawk. "nu...min lo sawi pui ve ta che,ka pa kha..kha tin ati ngawt thei lovang,aw atheih loh hrim hrim" hmangaihjohana chuan,lungawi lo zet chuan ununhlui chu amelh nghal a. "eng chu maw,eng nge in sawi ka hreve reng reng hleinem,eng nge in sawi a?" Ununhlui lah pek chuan achimawm chhuahin alo ti duh lek chuan a, "anih tak chu nunhlu" hmangaihjohan-an atih chuan alu aringhal fawk a. "ka hmingin min koh ziah suh ka ti che nilawm ni" Johana chuan alu tuai vut vut pahin "anaaa....ka lu hi khawng ziah suh,i khawn tur mai mai a,pathian min pek anilo,kut ram lutuk mai," hmangaihjohana chuan tiin atho tharh a,ununhlui sawi kha adik chiah.Anu ang pawn a en lo,unau ang mai alawm an nih leh,mahse anuam dangdai phian ang nufa a,kha tianga an intih ngam chuan an in pawh tha tawk tih ahriat. Ka û office turin a insiam a,chaw eina vel ununhlui nen kan ti fel dun a,afelin thleng asil mek bawk,ununhlui chuan thawmhnaw dawr lian zet anei a,mahse vawiin chu chawlh atumin ka hria. Ti ti a,kan nuih dun hak hak lai chuan kitchen ah hmangaihjohana arawn lut leh hlawl a,college akal tawh ang chu tih laiin "nu tunge niminah ka room ah lut a,ka thawmhnaw bawm khi lo ti fel" arawn ti phawng mai. "aw ka hrenang,keilah ka lut silova,ahrim hrimin i room a luh i phal lo ani lawm ni" ununhlui chuan hrilh hai hmel zet chuan ati a."chutak reng,ka thawmhnaw khawihpui ve te khi ka duhlo ka sawi zing tawh,tunge lo rem tha vek a,ka thin arim teh mai nia" ati leh hrawk a. Tuna arawn awm dan hi alawmawm reuh lutuk naupang ti tau a ang,anu bulah avui ve nang nang a,amah apalian si,a in hmeh loh zia chu,,nautelian chi ani ringawt ka ngaihtuahna vang chuan ka nuichhuak hawk a. Johana chuan min rawn melh nghal vut a,ka hmui ka chip leh hmak bawk,tih thinrim chi anih loh hmel tlat,"afel nimin a,bawiha roomah tunge lut cheu" ununhlui chuan afeli thleng sil lai chu azawt a. "aaa..kei chu ka lut miah lo,nunui khan in chunglam ka ti fai dawn chu ati ngei aa" ati ve nang nang a."nunu...nunu.." ununhlui chuan nunui chu a au zui nghal chiam a. Nunui pawh arawn lang vat a" khawnge ilo kal daih a" ununhlui chuan ati nghal vat a,"sitting roomah ka thu hahdam lawk a" nunui chuan ati nghal vat a,"keini pawh chaw eikham ah kan thu hahdam bik lo,hetiang hi ching bik ziah suh ka tih kha,atheih na naah kan in pui a,i thatchhe bik riau mai nanghi,nimin ah johana room iti fai em ni?" Ununhlui chuan lungawi loh hmel zet chuan atih zawm pat a. Keipawn zep lo chuan athatchhia ka ti,ka sual vang pawh anilo,achet lai hi ka hmu tlem tawp afeli deuh hlir hi niin ka hria che. "aw nimin khan aroom kha ka en chhina ahnawk reuh lutuk a" ati tha ve mai bawk a. "ka sawi hnem tawh ka roomah vawikhat mah lut tawh suh ang che" johana chuan ti hrawkin kitchen atang achhuak zui nghal hmak a. "hre tawh rawh aw,nunu johana roomah luh tawh loh tur kan sawi zing tawh lutuk lut tawh miah suh ang che,athinrim in abuaithlak si,chuan heihi lo tihfel chhunzawm rawh,hawh hriatpui nangpawh i duh leh i roomah han chawlhahdam la ila chauh ka ring" tih leh kitchen atang min kuah chhuak nghal daih a. In chunglamah chho in room a ka awm peih loh avang chuan in chung ber a pangpar vel chu en kual mai mai turin ka chho a,ka rinaiin ka lung aleng lo,ka upa ve tak tak tawh aniang mahse ka chhungte ka ngaihtuah lo tihna erawh ani chuanglo. Pangpar te chu an nalh hlawm takzet ununhlui hian pangpar hi angaina ve hle mai maw,a mah nu harh vang tak ani bawk a,enkawl pawh athiam ngawt ang chu....!!!! Kawt lam ka hawi thla a,tun a bike a chak lutuk a,tlanchhuak ta kha,ka hmalam hun a ka mipa duh ka lo dream thin ka dream boys dik tak chu ani,amah kha a engkim kha ka duh vek,mahse amah tak a kha ka va duh tihna erawh ani chuang lova thleng ngailo tur ani bawk,ka vahpa ani miau alawm. Ka mipa lo dream thin chu nauteliana ang mi kha ani,mahse tinge amah kher hian ka dream le midang ka hmu lo pawh ani tawp silo,heiham ka tar â tawh aniang,nge maw upa pawh chu ka va han in ti em em ka chhungte vang vek min chhuah seniour leh lutuk a. Tlailam pangah chuan,dawr kal ve lawk ka duh avangin kitchen lamah pheiin afeli ka zawnga sawm ka tum ani,dawr awmna pawh ka hrelo. Mahse nunui chu chair ah lo thu in phone hi uluk lutukin alo bih a,melh pawh min rawn melh eih lo. "Nunu..afeli hi khawnge le?" Hawikual vawl vawl pah chuan ka ti a. "hrelo" ati bung hmuk a,ka ngei reuh zia chu aia upa zahna chang hrelo lutuk. "anih chuan nangman dawrah min lo kalpui lawk la,dawr awmna ka la hrelova" ka ti nghal vat a. Nunui chu nin hmel zetin athawchhuak hak a. "i hmulo mi ka hman rihlo games ka khel laklawh,kal phei zel la,dawr chu i hmu mai ang" ati awlsam et a,ka thin arim tan dawn tlat. "nunu,ithil chhuan" tih leh gas lamah tlan nghalin gas off ka tumna lamah nunui chawhmeh bai chu ka intih buak fai ta vek mai,ka phili leh lutuk nalamah. Ka au deuh thawt a,asa lutuk " asa ..asa lutuk" ka ti nghal vak vak a"i va mawl ve ka chawhmeh siam itih buak vek hi" nunui chuan thinrim zet hian arawn ti a.Chutah hnunglam atang "engthil nge?" Rawn ti thum dut tu chu,nauteliana aw ngei ani,ka ban sa leh na ka ti bawk si chu ka mittui atling pam thei zahthlak hle mahse ana ve em ani,ka kawr ala huh vek zui. Nauteliana chak tawkin arawn kal "kalsawn teh" tihpahin nunui anemsawn dawr a,ka ban chu a en nghal vut bawk,aphun chhuak nghal hluk a,tap lamah min kai pheiin ka ban chu tap herh haw in tui chuan atleuh nghal a. "fimkhur lo lutuk i tar â zo tawh anih hi" amah chuan ka ban chu dim te te a,nuai si chuan aphun bul bul a,"ka hria lawm,mahse ka hmanhmawh em alawm,nunui bai siam kha aliam sia, a mah khan games akhel laklawh sia,kitchen a ka awm fuh lai takin arawn liam ta sia ka hmanhmawh lutuk vang vek" ka ti ve nang nang a. Ununhlui arawn ri lut nghal bawrh bawrh a"ehee ngatinge chawhmeh abua law?" Mak tih hmel zet chuan arawn ti a,nuam lo ka ti ru hle bawk,nauteliana erawh chuan engmah asawi lova. Ngawirengin first aid box ala a,ka banah damdawi ahnawih nghal mawlh mawlh a,chawhmeh bua ho chu afeli rawn lut leh nunuin an ti fai a, "awi lalpa hriat ana em,avan zia lo e aw eng ti zia nge maw?" Ununhlui chuan ka ban ahmuh chuan ati hluai a,kei erawhin chhan pawh chhang lovin nauteliana ringawt chu ka en a,ka ban chu achhem hauh hauh a,eng nge maw ahriat a,afel thut le ka ngaih atha lo. Damdawi ahnawih zo a,nunui te lamah akal phei a "khaw maw iphone min lo pe lawk teh" tihpahin nunui hma ah chuan akut ava dawh a,nunui chuan phur hmel zetin aphone hum lai chu rang zetin ape a. Apek rual rual chuan avawm darh nghal chuai a,nunui athe that a,eng nge hepa hi awmzia tinge nunui phone kha avawm chhiat le,awi anuam lo ka ti lutuk ringawt. Nunui lah amittui atla pur tawh "bawiha eng nge awmzia le,ngatinge?" Ununhlui chuan mangang zet chuan ati vat a,nauteliana erawh athaw hrawk hrawk a.Nunui amelh kar bawk. "i phone vang anih kha,enrawh pitartei ban kang pawh saw,i chawhmeh siam ngaihsak lovin games chiah i buaipui a,i lo la vin let hrep zui,inihna hria ang che" ti kha hrawkin nauteliana chu kitchen atang chuan achhuak nghal nal nal a. Nunui erawh chuan rum zetin mittui tling pamin min rawn melh a,ka hlau miah lo mahse nuam lo chu ka ti takzet,nunui hi kei ai anaupang chhe lem lovang,afeli ai a upa tlat. "azia lo thin e nunu hetiang chuan i chhungte kan phone ala ngai ngei ang" thawchhuak hakin ununhlui chuan ati a. Ka lam rawn panin "nangpawh hriat hawh i ban kha ana ngawt ang,ka han inthlak pui daih ang che,helamah chuan che tur an awm alawm chawl hahdam rawh ka tih kha" ati phei bawrh bawrh a. Zanriah kan eikham chuan sitting roomah kan thu thap a,nauteliana erawh lehkha azir thung, "mate i ban chu eng nge a an a?" Ka û chuan ati ve sap a. "azia tawh û ana vak tawh lo" ka ti tha ve mai bawk a. "nidangah chuan fimkhur tawh la" "amak thin hriatpui fimkhur loh vang pawh anilo nunui hi lawm ahahthlak dawn tan tlat,phone alawm leh lutuk leh,aluhlul lutuk hi,vawiin ah bawihan aphone pawh avawm chhiat sak kha" ununhlui chuan alo ti vat a. Ka û erawhin engmah sawi lo mahse ahmelah angaihtuah zui tih ahriat vek a. "engpawh nise mate naktuk atang i thawhna tur high school lamah pawh chuan kal in va en ve hrim hrim la atha ang aw,anei tupa tlangval kha naupangte ka thianpa ania,engmah exam buai tih vel kha angai lova i thawk nghal tawp thei dawn a" ka û in atih chuan ka lawm takzet in a tawm ka ning tawh lutuk a. "tak tak..û ka lawm e,ka lawm chiang e" ka tive nghal chul a,high school chu zirtir nuam ka ti tawk chauh,enkawl an harsa tawh lova high school chin hi chu engkim hrethiam rual leh mahni in enkawl zo vek rual an ni tawh bawk a. Middle hi chu anuam tho,mahse naupang ho enkawl harsat hun lai ber ania,mahse a awm lutuk,middle hi chu tleirawl chhuah ngeng hun lai leh mahni thu thu a awm duh hunlai vel ani a,bakah middle chin hi chu thian kawm nawm ber lai hun ani bawk a,keini pawh middle kan kal lai pawn kan nive tho. School kal zawng zawngah middle school kal laihi anuam ber thin,eng helh vak neih loh lai,thiante nena nuih uar uar nawm lai ve tak ani bawk a. Kan ngawih thap lai chuan in chung atang nauteliana arawn chhuk thla a,kan awmna rawn thlen rual rual chuan. "pa...naktukah ka bialnu in chaw alo ei dawn ania" atih chuan ka taksa ah hian che dawt a awm nghal a.Ununhlui lawm tih hriat zetin akhek nghal chul a,nautelian-an min en reng tih pawh ka hria mahse ka en duh lo lui tlat a,tv lam chauh ka melh bawk ka taksa ah danglam a awm tih hi ahriat ka duh lo bur. "atha e..bawiha lo ei pauh se,kan hmu ve chak alawm le,chutia in meuh a rawn hruai haw i tum chu eng ang taka tha nge ni ang" ka û pawh chuan phur tih hriat zetin arawn ti ve hluai a. Tun a,an thil sawi hi chu,a chhungkaw thil mah mah a ka hriat avangin ka tho hluai a"min hrethiam tu,zanin mut hma ka duh deuha ka lo han mu ange" tih pahin hmahmawh zet chuan ka chho nghal a. Keimah ah,na veng veng awm ka hriatthiam siloh hi,ka duh lo takzet hetiang hian ka la awm ngailo asin. Atawi anih pawn inhrethiam dawn ania aw,chuan nauteliana story hi ka kal tir zung zung dawn a,akal chak deuh in tih pawn chhiar dan in lo thiam mai dawn ania aw,chapter sei tak awm tir ka tum lova. comment leh ads click kha theihnghilh loh atha aw :D
Link:
BBcode:
HTML:
Hide post links
Show post links Top ADVERTISEMENT (A hnuai a milem hi a nia hmeh zeuh tur chu) Post Reply
  • Print view
1 post • Page 1 of 1

Return to “Long story and Episode”

Who is online

Users browsing this forum: Semrush [Bot] and 27 guests

Powered by phpBB® Forum Software © phpBB Limited

Privacy Policy | Terms of Service | About Us

Từ khóa » Chhu Phen Luk